الموضوع: رواية دار الزمن

زهراء في بيتهم مو عارفه تنااام قاعده تصيييح مو مصدقه ان أحمد يحب وحده يعني مستحييييل ان يطلع يحبها <<<حتى مافكرت أن هو يقصدها هي




تذكرت يوم منال تسألها تحبين أحمد او لا.؟. قعدت تفكر في السبب الي خله منال تسألها هالسؤال معقوله يبين علي يعني اففف غبيه اني من قال لي أروح




في المستشفى أحمــد طلع رقم زهراء وفــكر يطرش ليها شي



كتب الكـلام الي خاطره يقوله وطرشه وحس براحه




وصل مسج لزهراء فتحته شافته من رقم غريب



كآآآن مكتوب فيه



"تشكيــن أن أحب غيرش؟ ماتعرفين أنش الوحيده الي في قــلبي؟،،



وعمري ماآآبحب غيرش وأتمنى أنش تحبيني لأن مـا بعرف أعيش من دونش وهذا الي كنت بقوله لش اليوم



و أنا من متى أدووورش وأخيراآ حصلتش "



زهراء وقف قلبهاااا مو عارفه وش تسوي علطووول صاحت عرفت أن المســج من عند أحمـــد



عورها قلبها على تصرفها الجافي وياه اليـــوم تبي ترد لكن مو عارفه شتقول





في المستشفى أحمـــد ينتضر رد من عند زهـــراء مو عارف ينام



وصــله مسج وعــلطول فتحه

" للأسف اني ما أحب أحـــد.
غير الشخص الي عرفت انه يحبني ومن زمان ابي أعــرف يحبني أو لا ووصـلني الجواب الحين. وابيه يسامحني على تصرفي اليــوم .

تحــمل بروحك وتــصبح على خير "

أحمـــد كان يبي يرد بس مو عدله يعني لأن هي للحين ماصارت ليه اهم شي عرف انها تحبه استانس حس روحه طاير من الفــرح وأخيراآآآآآ

بعـــــــــد يومين. وصل خبر لأبــو أحمــد أن المستشفى برخصون أحمــد لكــن لازم يتعالج برا عن عيونه لأن احتمال كبير بيفقد نظره .

أحمـــد كلما يجي له يحس نظره يقـــل وهذا أثبــت لأبوه صحة كلام الدكتور. أبــو أحمد خبر أم أحمد ومنال وأم أحمــد من تشوف أحمد تصيح المشكله أن أبــو أحمد مو عارف شلون يقول لأحمــد لكن لازم يقول .

دــخل أبو أحمــد على أحمــد

أحمد كان مستانس وعلطول وقف : هاا ويش بيرخصوني له؟

أبو أحمــد ابتسم لكن في داخله خاطره يحضن ولده ويصيح: اي برخصونك

أحمد: وه مابغيييت

أبو أحمد: شخبار عيونك الحين

أحمد: مادري احس ساعات ماشوف عدل وراسي يألمني

أبو أحمد حس قلبه يتقطع شلون يقول لولده ::أحمــد

أحمد: نـعم

أبو أحمد: حبيبي أنت عمرك مافقدت الأمل بالله له

أحمد: اي اكيييد

أبو أحمد: أحمد الدكتور يقول احتمال بتفقد نظرك قريب

أحمد قعد على الكرسي مو قادر يصدق الا يسمعه

أبو أحمــد: لكن في أمــل أنك تشوف اذا سافرت برا ويسون لك عمليه ووبتشوف

أحمد: واذا مانجحت العمليه.؟ مابشوف ؟

أبو أحمد:أحمـد مو انت قلت عندك أمل بالله يعني لاتخاف بتنجح العملية أهم شي انت توافق تروح تتعالج برا وخل الباقي على ربك

أحمـد: وكم يعني بقعد هناك؟

أبو أحمــد: عـلى حسب العملية

أحمــد: انزين أنا وين بسافر؟

أبو أحمد: الأردن

أحمـد مو قادر يتقبـل هالخـبر مايبي يسافر ويـخلي زهـراء اهـني.

رجـع بيتـهم وهو ماله زاغر شي . راح غرفته ،قـعد يفـكر دخلت عليه منال

منال حدها مستانسه برجعة اخوها: الحمدلله على السـلامة

أحمـد: الله يسـلمش

منال: وش فيـك؟

أحـمد:تدرين وش فيي

مـنال: أحمـــد في عمري كله ماشفتك مستسلم جذي لاتخاف بتنجح العمليه

أحـمد: مو عـلى جذي بسافر برا مادري كم ببقى هناك وخايف زهـراء تضيع مـني

مـنال: آهاا يعنيي على زهرو أممم انزين ليش ماتخطبها وتروح ويـاك

أحــمد:تتوقعين بوافقون أهـلها

مـنال: ليش مايوافقون يعني

أحـمد: تـدرين انا بـخبر امي الحـين وبـخليها تتصـرف

مـنال: اوووكي واني بكون وياك في صفك لاتخاف .مابتروح الا وهي وياك

رجـعت أم أحـــمد البـيت وعلطول راحت غرفة ولـدها . تتطمن عـليه

أم أحــمد:أحــمد لاتقعد تفـكر في سالفة العملية

أحـمد:أماه انا مو على العمليه

أم أحـمد: عجل على ويش؟

أحـمد: اممم انا قررت أخـطب قـبل لاأروح

أم أحـــــمد:كلوووللوووووووش هذي الساعه المباركة ياولدي والله فرحتني بهالخبر .وها عندك وحده ولا اني ادور ليك

أحـمد: عـندي زهراء صديقة مـنال له

أم أحمــد:والله عـرفت تختار ياولدي زهراء نجمه الصـلاة على النبي

أحـمد: اماه انا خايف ماتنجح العمليه واغربلها ويايي

أم أحـمد:حبيبي توكل على الله واخطبها الحين وصـدقني عندي أمـل كبير بتنجح العـملية والأردن خبيرين في هذي العمليات لاتخاف ياولدي وعمليتك مابتكون أول عملية يسوونها الحين انت اخطبها وتروح وياك عـن بروحك هـناك وإذا رجعتون بالـسلامة بنسوي ليها أكبـر حفلة زواج .

أحـمد باس راس امه:مشكورة يـاأغلى إنسانة في هـالدنيا

أم أحـمد:الله يخليك ويحفظك وأشوف أولـادك يارب

مـنال دخلت

مـنال: ها ويش تمام أور نوت

أحـمد: وش تشوفين

مـنال: والله وجوهكم يعني تبـشر بالخير

أم أحـمد: خـلاص بخـبر أم سلمان وإن شاء الله خـير

أحـمد: أنا الحين متى بسافر.؟

أم أحـمد: عقب اسبوعين ليش؟

أحـمد: اذا وافقت ابي نعقد بسرعه لأن حاس روحي حدي خمسة أيـام وبينطفي الضوا عن عيوني

أم احـمد عورها قـلبها عدل على ولدها:لاتفقد الأمـل واصبر ياولدي الصـبر مفتاح الفـرج ولن يصيبنا إلا ماكتب الله لـنا أصـبر هالكم اسـبوع وإن شاء الله عقب العملية بترجع لينا صاحي واحسن من الأول

مـنال: إن شاء الله

أم أحـمد عطت أحـمد أمـل كبير وخصوصا إن احـمد مايحب يستسلم بسهولة

أحـمد: اوكي أمـاه أنا بـطلع الحين

أم أحـمد: يو وين بتروح مارتحت توك راجـع

أحـمد: لا مرتاح الحمدلله ابي استانس هـالأيام قـبل لا أسافر بـيمر عـلي حسن الحين بـطلع وياه

أم أحـمد: اوكي حبيبي تحـمل بروحك

أحـمد : إن شاء الله

مـنال: أحـمد وشرايكم توصلوني بيت زهراء

أحـمد: اوكي قومي عـدلي كشتش

مـنال قامت طلعت: افف ابي اعرف وش بينك وبين كشتي المسكينة

أم أحـمد:ههههه الله يغـربل بليسك على عمري منال ماتخليها في حالها

أحـمد: هههههه مادري احس بـقهر اذا ماجننتها

أم أحـمد قامت تبي تطلع:خل بنتي خلف جبدتي في حـالها مابي بنتي تستجن زيادة

أحـمد: ههه تعترفين ها ان فيها جنون

وصـل حسن وطلع أحـمد ووياه منال

وصـلوا مـنال بيت زهـراء

في بيتــ زهراء
أم زهـراء: حي الله من جانا ,,
مـنال: الله يحيش
أم زهراء: تفضلي قـعدي
مـنال: زاد الله فضلــش، اني جايه ابي زهـراء شوي اذا مو مشغولة
أم زهـراء: لا مو مشغولة ولا شي اكي قاعدة في غرفتها روحي ليها بتستانس ابـش متمللة حدها
مـنال: ههه اوكي
راحـت مـنال غرفة زهـراء وعـلطول فتحت البـاب.
زهـراء كانت قاعده في البـلكونة تدرس
انتبهت لمنال: هـلا هـلا والله بالغالييين
مـنال: ههه هـلا
زهـراء: حياش .تعالي
راحت منال وقعدت في كرسي صوب زهراء
مـنال: الاي عجيب اهني مافي صوبكم أحـد ماخذه راحتش
زهـراء: اي فن هدوء
مـنال ابتسمت: شخبارش بعد؟
زهراء: الحـمدلله اسأل عنش
مـنال: سـألت عنش العافية
زهـراء: شخبار أحـمد
مـنال: امممم قصة طويلة عريضة
زهـراء: ليش وش صار؟
مـنال: الله يسلمش الدكتور قال إن أحـمد قريب بيفقد نظره ولا زم يودونه برا يتعالج وأبوي بيوديه الأردن
زهـراء انصدمت من هالخبر طبت دمعتها بـدون ماتحس
مـنال: وش فيش زهراء؟
زهـراء:مافي شي
مـنال تبي تخلي زهراء تعترف انها تحب أحـمد: لا لازم في شي
زهـراء :مادري وش اقول ليش مو عارفة شقول
مـنال: قولي اي شي انزين
زهـراء تبي تطلع الي في قلبها لأحد: تدريـين إن أنـي من على أيام المعهد معجبه في أخـوش وأعتـقد إن الحين الاعجاب تحـول حـب
مـنال استانست كـلش من اعتراف زهراء الصـريح:زهـراء ترى يوم في المستشفى أحـمد كان يقصدش
زهـراء: أدري
مـنال: يو جيفى دريتين؟
زهـراء تذكرت ان أحمد مطرش ليها مسج يعني مو لازم تفضحه:ها بس جذي عرفت
مـنال: أحـمد يحبش من زمـان
زهـراء سكتت ماعرفت وش تقول لأنها هي بعد مثل الشي
مـنال: لو يتقدم لش أحـمد وهو في هالحـال تقـبلين فيه؟
زهـراء مو مستوعبه شي وجاوبت بسهوله لأن مو متوقعه إن في هالحال بيتقدم ليها: أكيد أقـبل فيه إذا شخص أحـبه أبقى وياه طـول العـمر وماتخلى عنه
مـنال: عفية على مرة اخوي
زهـراء:مرة اخوش؟
مـنال: هههههههههههههههههه مسكينة ماتدري
زهـراء مو مستوعبه: ويش تقولين؟
مـنال: أحمد اليوم كلم امي عنش بيتقدم لش يعني مابتسون خطوبة بس عـقد وبياخذش وياه بعدين اذا رجعتون بسوي لش حفلة وش كبرها لأن مستعجل حـده مافي وقت وهو لأن خايف ياخذش أحـد غيره في هالمدة
زهـراء منصدمه من الخـبر مو قادرة تصدق وأخيراً
قامت تصيح <<<دموع الفـرح
مـنال: يوو وش فيها مرة اخوي
زهـراء:ههههه سكتي سكتيييي مو قادرة اصدق بستخف
مـنال: انتين الي سكتي مو قادرة اصدق انش مرة اخوي بل بتصيرين وياي في نفس البيت الاااااااااااااااااااي ويلي بستخف وأخيرا احد بصير وياي في البيت
زهـراء: ههههههههههههه مو قادرة اصدق
حضنوا بعض وقعدوا يناقزون الهبـلان من الفـرح
وعـقب يومين أم أحـمد كلمت أم زهـراء وأم زهـراء وأبو زهـراء ابداً ماعترضوا لأن أحـمد خوش رجال ويستاهل زهراء وزهراء تستاهلهحددوا يوم عـلشان العـقدالا هو قـبل السـفر بيومين وأحمـد وزهراء راحوا سو فحص ماقبل الزواج وبواسطة بيطلع الفحص عقب أربعة أيام
أحـمد مو قادر يصـدق طاير من الفـرحه طـلع ويا ربعه راحوا صوب البحـر
أحـمد: الله من زمان مانتجمع جذي
عـلي :اي والله وحشتني هالأيام
حـسن: ههههه يـلا عـلي له كلنا خطبنا واكوا أحـمد بيخطب مو باقي الا انت
عـلي: اذا تزوجتون بخطب
عبدالله:ههههههههه ليش عاد
علي: بس
أحـمد:مافي وحده في بالك يعني
عـلي: في بس ماعتقد توافق
حـسن:أفا ليش؟
عـلي: شكلها ماتطيقني
عبدالله:منهي دي عاد؟
عـلي:ها ،وحده اعرفها
أحـمد: شلون تعرفها يعـني وش تصير ليك
عـلي :أففف تحقيق هـو؟
أحـمد: أيي يـلا اخطبها وفكـنا علشان يصير عرسك عقب عرسي
حـسن:ههه وشرايكم نخلي أعراسنا ورا بعض
أحـمد: ههههههه جى على كيفنا
عبدالله: بنشوف إن شاء الله يصير بصير فن طول الاسبوع بصير أسبوع عـرس الأربعة المرحين
أحـمد:هههههههههههه عجبتني أسبوع الأربعة المرحين
حـسن: علووو لاتغااور تقول لينا منهي دي يعني تقول
عـلي : يه اذا عـرفت انها ماتكرهني ديك الساعه بقوليكم
عـبدالله: اوكي بنشوف
حـسن: تصدقون خاطري اسبح
أحـمد:أنا بعد
عـلي:أنا بعد
عبد الله: ههههههههه أنا بعد
الكـل:هههههههههههههههههه
راحـوا استانسوا وتسبحوا في البـحر .نسوا الدنيا شوي
وفي اليوم الثاني طلعت الفحوصات والحمدلله طـلعت الفحوصات اوكي
وزهـراء المسكينة راحت تدور ليها فستان وكانت علطول يروحون وياها مـلاك وسارة ومنال
والحمدلله قدرت تحصل ليها فستان روعه ومناسب بسرعه
وفي يوم العـقد:
أحـمد متـكشخ طـالع قــمر بالثوب والغترة الاماراتيه .
كان يتكلم في التلفون مـع حسن متصل له يبارك ليه
ددخلت منال وفي نفس الوقت أحـمد صك التلفون
مـنال دخلت غرفته: اوووووه الصـلاة عـلى النبي قـمر والله قمر لو أعرف اصفر صفرت ليك
أحـمد: لو تصوفرين اكسر بوزش
مـنال: بل في يوم عقده جذي حشى .أمم انزين حمود وشرايك فيني كشخه
أحـمد: اي كشخه بس للأسف ماتقدرين تغطين على جـمال زوجتي
مـنال: ماتعرف تقول شي عـدل مالت عليك بروح آخذ راي امي وابوي فديتهم
أحـمد:ههههههه لازم أول ماتدخلين عـلي تقولين لي مبروك
مـنال: روح ول ماتستاهل
أحـمد:أفااا
مـنال تسوي روحها زعـلانة
أحـمد:والله مانقدر على زعـل الغاليين
مـنال: لاتحاول مابكلمك
أحـمد: والله العظيم تجننين لكن زهراء أحلى
مـنال: اففففف
أحـمد( يحب يجننها): ويش قاعد اقول الحقيقة تبيني اجذب يعني
مـنال: انزين خلاص مابي رايك ومشت عـنه
أم أحمد دخلت وفي إيدها المبخر: الف الف مبروك يالغالي . ،،{راحت صوب أحمد وقعدت تبخره
أحـمد: الله يبارك في حياتش بس للحين ماصار شي
أم أحـمد:غمض عيونك وفتحها وكلشي بصير
أحمد ابتسم: إن شاء الله
أحـمد:الله ياأم أحــمد وش هالجمال
أم أحمد:ههههه االي يشوفك يقول حاطه لي مكياج ومسوية شعري
أحمد:انتين بدون ماتسوين لش شي قـمر
أم أحمد:ههه لا حبيبي محد قمر في البيت غيرك
أحـمد:انزين انا قمر من الي جابني انتي يعني انتي القمر وانا ماخذ الجمال منش
أم أحمد:ههههه ماقدر عليك
مـنال دخلت: امااه وشرايش فيني
أم أحمد: نجمة تجننين
مـنال: ليش مو قـمر؟
أحـمد: انجبي أنا القمر اهني
مـنال: اها جذي يعني يلا راضية بالنجمه اهون من لا شيئ
أم أحمد:ههههههه يـلا بسرعه جهزوا روحـكم علشان لانتأخر
في بيــت أبـو سـلمان .
مـلاك: تجنننييييييين فديتش والله قمر قمر
سارة: زهور بجي بشببش خايفة احسدش
زهراء: ههههههههههه الله يغربل بليسكم
مـلاك: والله صاير وجهش منور مادري شلون صايرة كشوخيه
سارة: الحين وحده بيتقدم ليها الي تحبه ماتبينها تستانس
زهراء صار وجها طماطه كلما تتذكر أحـمد وشلون بتشوفه تتوتر أكثر : انزين وشرايكم في المكياج
مـلاكـ : رووووعه
سارة: التدريج مال الألوان فن
مـلاك: زهور وش فيش كأنش في عالم ثاني
زهراء:ههههه متوترة حدي مادري شلون بشوفه
سارة: ههههه لازم جذي في البدايه اني ماسويت سوايه يوم ادخل على عماد
مـلاك: هههههههه اييي اتذكرش بالغصب تشيل رجولها
زهراء: ههههههههههه اني الحين يمكن مو بالغصب اشيل رجولي يمكن انشَل مرة وحده
سارة وملاك: هههههههههههههههه
مـلاك: بسم الله عليش اني الحمدلله للحين ماجربت الشعور
زهراء: إن شاء الله بس كم يوم ويجيش واحد وتوافقين عليه وبتحسين بويش حسينا
مـلاك: ههههههه
دخلت أم زهـراء وقامت تبخر زهور
أم زهراء: الصـلاة على النبي غطيتين على القمر
زهراء: ههه تسلمين
دخل سلوم . علطول راح صوب زهراء وقعد يطالعها ظـل مده يطالعها ولا تحرك
مـلاك: زهور طالعي اخوش يحسبش وحده غير
سارة: هههههههههه طالعوا فيسه ويلييي ماني قادرة
سلمان جود ايد زهراء: دهلا؟ (زهراء؟)
زهراء: ههههههه ايي اني زهراء حبيبي
سلمان ابتسم وراح قعد في حضنها وقعد يطالع وجها
سلمان: ألوان؟<<<يقصد المكياج
زهراء: ههههههههههه اي هذي ألوان بس مو الألوان الي عندك تشخبط ابهم
مـلاك: اتخيل اخوش الغبي يروح يخلي له في وجهه ألوان
زهراء: والله يسويها
سارة وملاك:هههههههههههه
أم زهـراء .
أم زهراء دخلت: اكو اتصلوا جايين في الطريق.وردت طلعت
مـلاك: قبش
زهراء: امبييي بهرب
سارة: ههههههههههههههههههههههههههه والله تضحكين ، مابصير شي يالغبيه ،لاتخافين انتين بس ،، إلا يقول هي اول وحده
عقب خمس دقااايق دخلت منااال
مـــناااال علطول راحت وحضنت زهراء: شخبارش مرة اخوييي
زهراء: سكتي خايفه حدي
منال: ههههه اخوي موو وحش ترى عاادي بيكلمش عادي مابياكلش
مـلاك: احم احم نحن هنا
منال: يوو هههههه نسيتكم راحت باستهم
سارة: مو منش من فرحتش
مـنال: ههه ايي شخباركم.؟
زهراء ومنال: الحمدلله وانتين شخبارش؟
مـنال : اني مستاانسه حدي تخيلوا اخوي وصديقتي فن
مـلاك:ههه اي حاسه فيش لان صار لي مثل الشي
زهـراء: اي عماد وسارة
سارة: احمم يعني مو بس زهرو
منال: ههههههههه
مـلاك: يـلا سارة جان عندش اخو خاشينه عني زوجيني اياه
سارة: هههههههه لوزين عندي جان والله اخليه ياخذش
منـال: زهور طالعه روووعه صدق أحمـد يوم يقول
زهـراء: وش قال
مـنال: هههههه قبل لا نجي رايحه اقوليه وشرايك فيني يقول حليوة بس ماتغطين على زوجتي <<ياعلي كلشي تقوله
زهـراء استحت وفي نفس الوقت مستانسه على إن أحـمد قال عنها جذي: ههههه
مـلاك: ياعلي حـرام ماعندي أحد يقول عني حليوة
مـنال وزهراء وسارة: افا احنا وين رحنا
زهـراء: ترى كلكم طالعين رووعه تجننون
عـقب نزلوا للناس تحت
وخلوا زهراء تقعد على كـرسي وقاموا يغنون عـليها ومنال ومـلاك وسارة ماسوو سوايه ،وزهراء بس تضحك عليهم
( البنات كانت فساتينهم روووعه منال كان فستانها وردي فاتح وسارة بنفسجي ومـلاك أحمـر وكل وحده فستانها يقول الزود عندي وتساريحهم كانت فــن والمكياج كان أخفف مكياج مـلاك لأن ماتحب مكياج غامق ) كانوا هالشـله هم الوحيدات الي الأنظار كلها كانت عليهم ،زهـراء كانت مستانسة حدها لأن عندها صديقات مثل منال مـلاك وسارة تطالعهم وتبتسم في وجهم خاطرها تقوم تحضنهم ولا تخليهم
دخـلت أم أحمـــد الصـالة ووياها أم زهراء علشان يباركون لزهور بـعد ماأخذ الشيخ وكالة أحــمد وخلاص صاروا لبعض(لأن الشيخ ماخذ وكاله زهراء من الصـبح )
زهراء من شافت أم احمد علطول وقفت مو عارفه وش تسوي
أم أحمد راحت ليها وباستها وزهراء باستها على راسها
أم أحمد وأم زهراء: مبروك حبيبتي
زهـراء: الله يبارك في حياتكم
أم أحمد: الصـلاة على النبي قـمر والله تستاهلون بعض
زهراء باقي شوي وتختفي صارت حمرة/ ابتسمت : تسلمين
أم أحـمد: شخباركم بناتي؟
سارة ومـلاك: الحمدلله نسأل عنكم
أم أحمد: سألت عنكم العافيه
وراحت ام احمد وأم زهـراء ويا الباقي
قاموا البنات يباركون لزهور
وعقب عـشر دقايق نادوا زهـراء علشان تروح لأحمد
زهراء تنتفض مو عارفه تمشي: بل بل ماااانيي
سارة: ههه لاتخافين عادي
منال: لاتخافين زهرااء اخوي عجيب
زهراء مو وياهم على الخط تفكر بالي بصير هناك:هه اوكي يـلا ادعوا لي
سارة: حشى حشى الي يشوفها يقول بتسافر
مـلاك ومنال: هههههههههههههههه
دخـلت زهراء على الغـرفة الي فيها أحمد
مو عارفه تمشي تنتفض
احمد بعد مو عارف وش يسوي متوتر من شاف زهراء دخلت علطول وقف
زهراء من شافته واقف وقفت مكانها <<<امبي عفر انشلت صدق
أحمـد:شخبارش زهراء
زهراء يوم سمعت صوته جايه تبي تهرب لكن تذكرت ان لازم ماتستحي منه خـلاص: الحمدلله انت شخبارك
أحمد ابتسم: الحمدلله بـخير دامكم بخير
(زهراء كانت لابسة فستاان أخــضر عجيب طويل شوي من تحت ستايله هـندي وكان شعرها مرفوع وbig puv طالعه روعه عليها التسريحة والمكيااج صاير العين تدرج الأخضر ووياه لون ذهبي خفيف ولاأروع طالع عليها والحمره ورديه فاتحه روعه وزهراء بشرتها حنطاوية فطالع عليها المكياج روعه) وأحـمد بعد كان روووعه ثوب والغتره مسونها إماراتي وحالق طالع ولا أروع
راح أحمــد ورفع المشمر الأخضر الي على راسها. وحب راسها وهو ينتفض بس مايبي يبين
زهراء غمضت عيونها ومن داخل نبضات قلبها تدق بسرعه
أحـمد: مبروك
زهراء: الله يبارك في حياتك انت بعد مبـروك عليك
أحمد: الله يبارك في حياتش امم بتظلين واقفه يعني؟
زهـراء (بل) : ههه <<من الفشلة
راحت وقعدت في كرسي وراح أحمد قعد في كرسي صوب الكرسي الي قعدت فيه زهـراء.
أحـمد مو عارف وش يقول: امم زهـراء تدرين ان عقب يومين السـفر له
زهـراء: اي
أحـمد:مو خايفة ان العملية ماتنجح وأظل طول عمري أعمـى؟
زهراء: لا ليش أخاف اني ماحبيتك علشان عيونك
أحمد عجبته جرأة زهراء : يعني متقبلة الأمر؟
زهراء: اي الحمدلله ولا تخاف اني الي احبه ماتخلى عنه
أحمــد عجبه اسلوب زهراء في الكـلام
وقعدوا يسولفون وعقب ربع ساعه دخلت أم زهـراء تبارك لأحمد
ومـلاك وسارة ومنال أول ناس دخـلوا الغـرفة الي فيها زهـراء وأحمد وبعدين دخلوا الناس هذي الغـرفة ( الي فيها سفرة العجم الي قاعدين فيها الحين زهراء وأحمد) <<كلكم عارفينها وقاموا يباركون لزهراء أحمد وسارة قاعده بس تصـور <<<هوايتها التصوير
ربـع زهراء كـلهم جوا ودخلوا يباركون ليها ولأحمد وكلحين وحده تقوليها رجلش حليو <<صدق سودان وجه عيني عينك بعد
،وزهراء بس تبتسم ليهم وخاطرها تقوم تصطرهم
مـلاك ومنال راحوا قعدوا صوب زهراء وحده على اليمين ووحده على اليسار
مـلاك: ماعليش منهم ادري ابش خاطرش تقومين تفغصينهم هم يحسبون عادي يعني يتطنزون
زهراء: ههه ادري .<<شلاخه
عـقب طـلع أحمد ويا الرجال بـراوعـقب ساعه تقريبا يوم طلعوا الناس ، طـلع احمد ويا زهـراء . أولشي راحوا الاستيديو يصورون بعدين راحوا مطعم يتعشون وزهراء ماعرفت تاكل تحس روحها شبعانه هههه مستحيه من احمـد لان اول مرة << ههه يـلا بتتعود
وأحمد ماأكل شي بس قاعد يطالع زهراء مو مصدق إنها خلاص صارت ليه طاير من الفـرحه
أحـمد: مو مصدق إن عقب كل هالعذاب الي عشته وانا احسب ماتحبيني صرتين لي
زهـراء حدها مستحيه: ههههه
أحمــد: الصـراحة قصتنا غـريبة
زهـراء: اي والله حدهاا غريبة من الي بصدق ان زهراء وأحمد الأعداء في المعهد صاروا لبعض الحين
أحـمد يستانس إذا زهراء تتكلم: هههههههه
عـقب رجعوا بيوتهم متأخرين شوي <<يـلا بنسامحهم توهم معاريس جدد هع هع
زهـراء رجـعت بيتهم مانامت سـهرت ويا مـلاك وسارة لين ماأذن أذان الصـبح لأن هم قايلين ليها في يوم عقدها بسهرون سهرة عجيبه وياها حفلة بنات يعني <<قصدش حفلة هبالة هع
زهراء كانت تعبانه بس ماحبت تكسر خاطر ربعها سهرت وياهم واستانسوا وكان هذا اليوم بالنسبة لزهور أحلى يوم في حياتها
أما أحـمد رجع بيتــهم مستانس حـده قـعد ويا منال شوي في الصـالة ، قـعد يسولف وياها بعدين راح غـرفته حاول ينام مو عـارف بعدين أذن أذان الصـبح قام صلى ورجع يحاول ينـام
في اليوم الثـاني :-
قـعد أحمـد من النــوم مـن وكت الساعه 8 مع انه نايم متأخريحاول يشوف مايشوف الا خفيف وظـلام
عـرف أنه خـلاص فقد نظـره .قام من على السرير يمشي شوي شوي علشان مايرقع في شي راح غرفة منال طـق الباب مافي رد لأن أكيد نايمة. ماحب يروح لأامه وابوه علشان مايخرب عليهم نومتهم ويخرعهم دخل غرفة مـنال
أحمــد:مناال
منـال ولا كأنها تسمع شي
رد نادها أحمـد بصوت أعلى
انزهقت وقامت
مـنال: وش تبيييي
أحمـد:منال خـلاص مااشوف انا
مـنال سيده قامت من على السرير وراحت صوبه
مـنال عورها قـلبهااا ماكانت تبي تشوف اخوها بهالحال جودته من ايده ونزلت وياه تحت
مـنال: أحمــد لاتفـكر الحين واجد بسالفة عيونك باجر بتسافر وإن شاء الله ترجع لينا تشوف
أحـمد اكتفى بابتسامه
مـنال: بـروح المطبخ تبي اجيب ليك شي؟
أحمـد: ماي
قـعد أحمد على كـرسي في الصالة ومـنال مامشت قعدت تطالع فيه كاسر خااطرها
أحمـد: وش تنتضرين روحي عطشان انا
مـنال انزهقت: احلف ماتشوف؟
أحمد: هههههههههه صدق ماشوف لكن احس
مـنال تبي تنسي أحمد الي فيه: هههههه يعني
راحت سوت ليه ريوق وجابته ليه
تريقوا بعدين قعدت امه وعـرفت بالسالفة وقامت تصيح لكن بهدوء
تكلمت وياها منال على إنه لازم هم يكونون أقوياء علشان يساعدونه يصير قـوي ومايضعف
أبـو أحمـد وصـل أحمـد غرفته علشان يرتاح .
أحمـد فـكر يتصل لزهراء لأن خـلاص عادي يتصل ليها

زهـراء كانت قاعده تتريق وتأكل سلوم رن تلفونها شافت رقـم أحمــد استحت تشيله لأن اول مرة لكن الشوق وقــلبها خلاها تشيله غصب عنها
أحمـد: ألو
زهـراء: هـلا
أحمد: هـلا والله قـلبيشخبارش؟
زهـراء (بل بل) صارت طماطه يعني اول مرة: الحمدلله انت شخبارك؟
أحمد: امم تبين اخباري ماعندي الا اخبار مو زينة
زهـراء: بل وش صاير
أحمـدد: امم يوم قـعدت الصـبح صـرت ماأشوف
زهـراء عورها قـلبها لكن لازم ماتبين ليه إنها ضعيفه وتساعده :ماعليه أصـبر ماباقي شي بس هالكم يوم مابتشوف
احمـد: ها ويش جهزتين روحش لباجر
زهـراء: ههه من اسبوع مجهزة روحي
أحمـد:ههههه متحمسه شكلش
زهراء( قبش): اي شوي
أحمـد: شوي؟
زهـراء تبي تغاور : انت جهزت روحك
أحـمد: لا للحين والمشكله الحين ماأشوف يعني منالوا الي بتجهزهم ههه
زهـراء خاطرها هي تروح وتجهز أغراضه عـنه: الا شخبارها منال؟
أحمـد: زينة مسكينة اول وحده قعدتها هي خربت عليها نومتها
زهراء: ههه على عمري منال
أحمـد: سوت لي الريوق بعد متحمله ابي
زهـراء: هههه
أحمـد: بعدين عاد اذا سافرنا دورش تتحملين ابي
زهـراء: واني من بيتحمل ابي هناك
أحمـد : اناا له يعني شفتيني مااشوف قلتين ماقدر ادافع عنش
زهـراء ماكانت تقصد جذي كانت باقي شوي وتصيح
أحمـد:آسف زهراء ماكان قصدي اصـرخ جذي
زهـراء: لا عادي اني الي آسفة ، مع إن ماكان قصدي على إنك ماتشوف
أحمـد: أدري ماكان قصدش امم يـلا اخليش علشان بنام لي شوي امس مانمت الا 4 وقعدت 8
زهـراء: ههه اني بعد مانمت الا أربع سهرانه ويا مـلاك وسارة ووقـعد ت 9 وهم للحين نايمين
أحمـد: اوه زوجتي نشيطه
زهـراء استحت من هالكلمه لأن كلمه جديدة يعني <<يلا بتتعود هع
أحمـد: يـلا اشوفش على خير
زهـراء : اوكي نام عدل
أحمـد: اوكي.تحملي بروحش
زهـراء :إن شاء الله
أحمـد: باي قـلبي
زهـراء ياربي والله استحي: باي

في الـيوم الثاني الا هو يـوم السـفر . وتحديداً الساعه 7 الصـبح والطائرة بتطير الساعه 8 ونـص
بيت أبو أحمــد كانوا كلهم جاهزين علشان بوصلون أحمـد وزهـراء المطـار وبسلمون عليهــم
ومثل الشي بيت أبو سـلمان
أحمـد كان خاطره هو الي يمـر على زهراء بسيارته ويوديها وياه المطار لكن مـايقدر
وصلوا العائلتين المطـار وربـع أحمـد جوا بـعد علشان يسلمون عـليه ونفس الشي مـلاك وسارة
ويوم قـريب بتطير الطائرة أم أحمـد حضنت ولدها وزهراء
أم أحمد: ماوصيش يازهراء على أحمـد
زهراء: على احمد لاتوصيني بشيله في عيوني
أحمـد عجبه رد زهـراء
أم زهراء سلمت على احمد وزهراء وقامت تصيح ووصت احمد على زهـراء وأحمــد مايحتاج اقوليكم وش قاليها لأن أحمـد مستعد يفدي زهراء بحياته
وسارة ومـلاك ومـنال سوو المطار ماتم من الصياح
وربـع أحمـد ماصاحوا لكن يبين على وجهم انهم حزينين لانهم مو متعودين بدون أحمـد .
والسـاعه 8 ونص بالضبط أعـلنوا على الركاب ان يستعدون لركوب الطائرة .
سـلمت زهـراء على ربعها ملاك وسارة ومـنال وكـانت تبي تمشي بسرعه لكن اخوها سلمان مارضى يخليها قام يصيح وعفس الدنيا لكن ام زهراء اخذته وباعدته علشان يخلي زهراء تروح لأان تأخروا
جودت زهراء أحمــد وراحوا علشان بيركـبون الطائرة .
وعقب ماطارت الطائرة زهـراء قامت تصيح مو متعوده تسافر بدون امها وابوها لكن بدون ماتطلع صوت احمـد حس إن زهراء تصيح جود ايدها (كأن يقوليها لاتخافين ) زهراء كانت تحس بالأمان بوجودها ويا أحمــد لأن هو الي كانت تتمنى تكون وياه حتى دراستها في الجامعه ماواصلت خلتها لمى تـرجع هي وأحمــد بالسـلامة وتنجح العمليه بتواصل هي وياه دراستهم.
عـقب ساعة الا ربع تـقريباً وصـلت الطائرة مطــار الأرد ن (وصـلوا بالسـلامة)
أول ماوصلوا راحـوا عـلطول الفـندق الي حاجزين فـيه
أحـمد سيده نـام لان كان تعبان مانام عـدل اما زهـراء اتصـلت لبيتهم وطمنتهم انهم وصلوا بالسلـامة و قعدت تعدل الأغراض
في اليوم الثاني أحمـد راح ويا زهراء المستشفى الي بسوون ليه فيها العمليه علشان يعـرف متى العمليه قـالوا له بعـد يومين طـلعوا من المستشفى ,
أحمـد: بما إن العمليه عقب يومين خل نطلع نستانس قبل لا اموت
زهراء هدت ايده: احمد بـلا هرار لا امشي عنك واخليك
أحمد: تقدرين؟
زهـراء: هذي هي المشكله له مااقدر
أحمــد رد سحب ايدها وجودها: انزين وشرايش بوديش حـديقة عجيبة آ السنة الي طافت يوم نجي رحناها فــن
زهـراء: اوكي
وصـلوا الحديقة وكانت صــدق فــن
أحمــد: هو انا صح مااشوف لكن انا شفتها وشبعت منها الحين دورش
زهـراء تتضايق اذا احمد يقول جذي: أحمــد لاتقعد كلحين تقارن بأن اني اشوف وانت لا
أحمـد: انزين انا الحين ماقلت شي
زهراء: اي واجد ماقلت شي
أحمد: انزين على الي اذكره ان في نافورة في الوسط صوبها كـراسي
زهـراء: اي صـح
أحمـد: امشي بنقعد
زهـراء: اوكي
راحوا قـعدوا على الكراسي
أحمـد: زهـراء؟
زهـراء: هـلا
أحمــد: تدرين على ويش انا حبيتش؟
زهـراء: امم لا
أحمـد: هم ستة أسباب
زهراء ابتسمت: الأول؟
أحمـد: الأول لأن قـلبي أول ماشافش مادري وش صار فيه والثاني احب طيبتش والثالث حنونة وحساسه الرابع احب ابتسامتش الخـامس لأن تخافين عـلي والسادس عاشق عيونش
زهـراء صارت طماطه كانت فيها الصيحه: امم انزين وشدراك ان اخاف عليك
أحمــد: سـر سـر
زهـراء: هههه انزين تبي تـعرف من متى حبيتك
أحمد: من متى؟
زهـراء: اني في البدايه ماكنت ادري اني حبيتك بعدين على آخر الأيام يوم تجي تصطر دلاك الصبيان ويوم توديني بيت خالتي وتنتضر وياي في هاليوم عـرفت اني صـدق أحبـك
أحمـد: ههههههه
زهـراء: اني توقعت نسيتني يعني هالثـلاث سنواات
أحمـد: لا مانسيت حتى تذكرين يوم اتغلفط وياش اول يوم جامعه واخذ دفترش
زهـراء: اي
أحمـد: قبل هاليوم كنت اقول لربعي قصتنا في المعهد وماكنت متوقع ان اشوفش
زهـراء: هههه سبحان الله
أحمـد: قريت مذكرتش
زهـراء:يالكــرييه لايكون حبيتني يوم عـرفت اني حبيتك
أحمــد: لاااا اقوليش من اول ماشفتش حبيتش
زهـراء: امم انزين وشرايك نقوم نتمشى
أحمـد: اذا خاطرش تمشين روحي مشي شوي وتعالي لأن أنا راسي اخاف اقوم واطيح
زهـراء : لا خـلاص بـقعد وياك
أحمــد: لاا قومي تمشي شوفي الحديقة
زهـراء: امم اوكي
أحـمد: تدرين خـلاص بجي وياش
زهـراء: لاا اقعد ارتاح
أحـمد: لا صار خاطري اتمشى وياش
زهراء استانست لأن أحمـد بجي وياها تحب تبقى علطول وياه ولا تخليه ،جودها من ايدها وراحوا يتمشون
زهـراء: ناس واجد خليجين اهني
أحـمد: اي
زهـراء شافت جاهل وقفته وقعدت تسأله عن اسمه وتسولف وياه
أحمــد : شكلش تحبين الجهال
زهـراء: ههه اي احبهم هذا لكن ذكرني بسلوم اخووي يشبهه عدل وفي نفس عمره
أحمــد: اهاا عجيب اخوش
زهـراء: احم اكيد طالع على اخته
أحمـد: صدق مغرورة
زهـراء: انت المغرور
أحمـد: ههههههه ،، امم تبين اسكريم ؟
زهـراء: ايوة
أحــمد: امم تحبين على ويش
زهراء: اي شي
أحمـد: اخذي مثـلي
زهـراء: اوكي
راحوا عند الي يبيع اسكريم واخذوا اسكريم وقعدوا ياكلونه
أحمــد صار مايهتم انه يشوف او مايشوف نفس الشي أهم شي زهراء وياه
طافوا صبيان شكلهم خليجين وووقفوا صوب زهراء وقعدوا يتحججون زهـراء سمعتهم بس سوت روحها ماسمعتهم علشان أحمـد لايتهاوش وياهم
زهراء: حمود قوم بنتمشى
أحمـد: الله صرتين تدلعين اسمي بعد
زهـراء: ههههه اذا مادلعت رجلي بدلع من
أحمـد: لا شكلي أحلم
زهـراء: هههه قوم انزين خل نتمشى
قـاموا يتمشون والصبيان للحين يلحقونهم
زهـراء ماتبي أحمـد ينتبه لأن ان انتبه ليهم مابخليهم
زهراء: امم وشرايك نرجع الفندق
أحمـد: تعبانه ؟
زهـراء ( اصلا مو تعبانه بس تبي تطلع من اهني): اي راسي
أحمـد: اوكي يـلا عـجل خل نرجع
وتوهم بيطلعون من الحديقة انتبه أحمد لصوت واحد منهم وراهم يقول : يالحلوة عطينا وجه عاد
أحمـد وقف
زهراء خافت انه سمـع : وش فيك؟
أحمـد: الي ورانا يقصدون من؟
زهـراء: مادري ابهم مش خل نطلع ماعلينا منهم
توه بيمشي الا واحد يقول : لا حرام عليش تخلينا علشان هالأعمى زهراء عورها قـلبها
أحمـد عـرف انهم يقصدون زهـراء ماهتهم للي قالوه عنه ودار ليهم ورا
أحمـد: تقصدوني انا؟
: هههه اي انت
: وش فيك انت الحين معـصب لاتقولي انك زوج هالقمر << وش هالقلالة الأدب
أحمـد عـصب حده وزهراء يوم شافت احمـد عـصب خافت عـليه يتهاوش جودته من ايده
زهـراء: أحمـد صل على النبي ماعليك منهم
أحمـد: لا والله تبيني اشوفهم يتعلفون ابش وانا اقعد اصفق ليهم
زهـراء: انزين اني اقوليك خلهم يولون ماابيك تتهاوش وياهم وتعب روحك على ناس مايستاهلون
سمعها واحد منهم
: افا افا احنا مانستاهل يالغلا
وأحمـد اهني هد ايد زهراء صاد ليه واحد منهم وعطاه طـراق
هم كانوا ثـلاثة
الاثنين الباقيين طبوا على أحمد زهراء قامت تصيح خايفه على أحمـد لأن مايشوف وخايفه يسوون فيه شي
تجمعوا الناس في واحد اسمه محمود صديق أحمـد من فريقهم كان طايف انتبه لأحمد الي يتهاوش
راح هو وكـم واحد حاولوا يباعدونهم عن أحمـد لين ماهربوا
أحمـد كان منقهر أنه مايشوف لأن لو كان يشوف جان راواهم
محمود: شخبارك احمـد ؟
أحمـد شك في الصوت: الحمدلله من؟
محمود: محمود ولد جيرانكم
أحمـد: هـلا والله ابو علي شخبارك؟
محمود: الحمدلله اسأل عـنك
أحـمد: سألت عنك العافيه
محمود: الحين خبرني ليش متهاوش ويا هالأشكال
احمـد: يتعلفوني بزوجتي
محمود: اووووه لا تقول تزوجت؟
أحمـد: هههه امم الحين خاطب وجيت اهني علشان بسوي عملية لعيوني لأن من الحادث مااشوف الحين بعدين اذا رجعت بنتزوج
محمود: اهاا مبروك
أحمـد: الله يبارك في حياتك
محمود: ومتى العملية
أحمـد: عقب باجر
محمود: إن شاء الله خير
أحمـد: إن شاء الله
محمود: في وين ساكن انت؟
أحمد في فندق(×××××)
محمود: اي قريب من الفندق الي انا فيه
أحمـد: زين عجل علشان اجي ليك
محمود: اي حياك
أحمـد: يلا الحين اشوفك على خير
محمود: مع السـلامة
أحمـد: الله يسلمك

رجع أحمد لزهراء
زهـراء: مااكلمك اني ها
أحمـد: افا ليش؟
زهـراء: مو قلت ليك لاتتهاوش ليش رحت وتهاوشت وياهم
أحمـد: كيفي أغار< هع
ماعـرفت وش تقول زهراء هع
أحمـد: وانتين كنتين تدرين انهم ورانا سويتين روحش تعبانه ها
زهراء: اي لان مابيك تتهاوش
أحمد: ليش تخافين علي؟
زهراء: سؤال سخيف
أحمد: افا انا سخيف؟
زهراء: مو انت السؤال
أحمـد: مو سخيف ابي اعرف الجواب
زهـراء: اي اكيد اخاف عليك
أحمـد: لحظة بروح وبجي
زهراء : وين بتروح
أحمـد: بروح اتهاوش علشان تردين تصيحين عـلي مرة ثانية
زهراء: وشدراك اني صحت
أحمد: قلبي قال لي
زهراء : ههه مـش يـلا لو تتهاوش اخليك بروحك وارجع البحرين
أحمـد: بل حشى ماتسوى علي
زهراء: هه هه
أحمـد: ماجعتين؟
زهراء: امم شوي
أحمـد: امشي بنروح اي مطعم بنتعشى
زهـراء: اوكي

السـاعه 12 ونص رجعوا الفـندق وصـلوا وعـقب اتغذوا اتـصلت زهراء لمنال



زهـراء : ألوو



مـنال: هلا هلا والله



زهـراء: شخبارش عمري؟



مـنال: الحمدلله اسأل عنش قلبي



زهراء: سألت عنش العافيه



مـنال: ها وش فيش متصلة هالحزة



زهراء: امم مشغوله يعني؟



مـنال: لااامو مشغوله ولا شي بس مستغربة يعني إنش متصلة هالحزه



زهراء: متصلة لش ابيش في موضوع ضروري



منال: اهاا وش صاير؟



زهراء: ماصاير شي بس مو احنا وعدنا بعض مانخبي على بعض شي



مـنال: اي



زهراء: امممم بدخل علطول في الموضوع منال وش شعورش تجاه عـلي؟



مـنال: علي صديق احمد؟



زهراء: اي



مـنال مستغربة يعني وش دخل علي : عادي



زهـراء: ماتكرهينه يعني؟



مـنال: ليش اكرهه !



زهراء :اممممم انزين انتين تحببينه؟



مـنال: زهراء وش السالفة ليش كل هالاسئلة



زهراء: مـنال انتين عاجبه علي ويبي يتقدم لش بس خايف ترفضينه



مـنال انصدمت عـلي الي علطول هواش وياه ويقهرني ويجنني يحبني؟



زهراء: هلوو وينش



مـنال: اممممم زهراء مو عارفة شقول



زهراء: بس قولي لي عاجبنش او لا



مـنال: الصراحه هو عاجبني بس أبـداً ماكنت متوقعه ان هو يحبني وبيتقدم لي



زهراء: وش افهم من كلامش يعني ان رافضة؟



مـنال عـلطول: لااا



زهراء: عجل وييش



مـنال: زهراء خليني بفكر وبرد عليش



زهراء:منالو السالفة مايبي ليها تفكير وش يقولش قلبش؟



مـنال مو عارفه وش تسوي متوترة وحست الدنيا تدوور لكن في نفس الوقت تحس روحها مستانسة : زهـراء



زهراء: هـلا



منـال:الصـراحه عـلي خوش رجال وماينرفض



زهراء استانست : يعني ويش الجواب اوكي؟



مـنال صارت طماطه: ____----



زهراء: السكوت علامة الرضا



مـنال: هههه



زهراء: اوكي بروح اخبر أحمد تحملي بروحش



مـنال: انتين بعد

مسااااااااااامحة اخووواااااااني نسيت بارت قبل البارت الأخير .
لان رديت اقراه وحسيت بغلط وطلع ان في جزء ناقص وهو هذا الي بحطه الحين
علشان جذي بعدله ليكم كامل وبحطه للنهايه


اتعشوا بعدين راحوا الفـندق علشان يرتاحون
اليوم الثاني قعدت زهراء من وكت . راحت تسبحت وبدلت وجهزت روحها وجهزت ثياب لأحمــد بانطلون جينز أزرق غامق وفانيلة حمره فيها أسود وراحت علشان تقـعده
زهراء: أحمـد
أحمـد:.
زهراء: يلا أحمـد قوم الساعه 10 علشان نتريق
أحمـد :اوكي بس شوي
زهـراء: قوم الحين بتقوم تسبح يبي ليك ساعه
أحمـد : اكو خـلاص قمت . قعد على السرير وزهراء قباله
أحمد: لوزين اقدر اشوفش الحين
زهراء: ليش؟
أحمـد:خاطري اشوف ابتسامتش<<حالم بابتسامتها شكله ههه
زهراء اخذت ايده وحطتها على خدها : ها الحين تحس ببتسامتي ؟
أحمـد ابتسم: اي عجيبة
زهراء: هههه
أحمـد: ليش ماتريقتين
زهراء: انتضرك
أحمـد:جان اكلتين بدوني عادي
زهراء: عادي عندك ماعرف آكل بروحي
أحمـد: امم اوكي لحظة بسبح بسرعه وبجي
زهراء: اوكي
بعدين سـبح وبدل وراح تريق ويا زهـراء
أحمـد : امم باجر العمليه ها
زهراء : لاتفكر فيها
أحمـد: ماقدر ماافكر مو قادر اعيش مااشوف حاس روحي اثقل على كل الي حوالي
زهـراء: لا أحمـد لاتقول جذي بالعكس
أحمـد: يـلا أنا عندي أمـل بتنجح العمليه والدكتور قالي انها بتنجح لأن مو أول عملية يسوونها مثل حالتي
زهراء: اي حبيبي خل الأمل عندك
أحمـد: الله عيديها
زهراء: ههه لا كلمة قلتها مااعيدها
أحمـد: افا علشاني
زهراء صارت طماطة: اممممم
أحمـد: خسارة مااقدر اشوفش وانتين طماطه
زهراء: ههه احسن جان بتضحك علي
أحمـد: يـلا الأيام جايه
زهراء : ههه اي
أحمـد: امم وشرايش نروح صوب البـحر
زهراء: الااي اوكي
أحمـد: شكلش تحبين البـحر مثـلي
زهراء: اي احلى مكان عندي
رن تـلفون زهـراء
زهراء: هـلاااااا والله عمري شخبارش
مـلاك:زهووور وحشتيني
زهراء: انتيي أكثــر
مـلاك: شخباركم؟
زهراء: الحمدلله ، نسأل عنكم
مـلاك: سألت عنش العافيه ،،، ها متى العملية؟
زهراء: بكرى
مـلاك: الكـل يدعي ليه
زهراء: ماتقصرون
مـلاك: سارة تسلم عليش
زهراء: الله يسلم عليها سلمي عليها هي ومنال والكـل
مـلاك: اوكي يوصل ،، وش قاعده تسوين؟ <<فضولية
زهراء: نتريق
مـلاك: بل يعني وياش احمد
ززهراء : ههه اي
مـلاك : سلمي عليه
زهراء : الله يسلمش
مـلاك: اوكي عجل عمري اخليش
زهراء : اوكي
مـلاك: تحملي بروحش وبأحمد
زهراء: لاتوصين انتي بعد تحملي بروحش
مـلاك: اوكي ، باي
مـلاك: بايات

زهراء: تسلم عليك مـلاك
أحمـد: الله يسلمها
زهراء: ها ويش نروح الحين؟
أحمـد: اوكي يـلا
راحت زهراء جهزت روحها وطلعت لأحمد الي ينتضرها برا
زهراء جودته من ايده : يـلا
أحمـد: امم لحظة نسيت شي
دخـل جاب نظاره شمسيه
زهراء: هه ماتعرف تعيش بدونها يعني
أحمد: علشان الصبيان اذا بيجون يتعلفون يحسبوني اشوف ومايتعلفون
زهراء ماتحب أحمـد يقول هالـكلام
وهم نازلين بالفت
زهراء: اني كم مرة قلت ليك مابيك تقول هالـكلام
أحمـد: ماقلت شي انا الحين
وقف الفت في الطابق الثاني ودخلت بنية في مثل عمر زهراء
ومن اول مادخلت ووهي تطالع في أحمـد <<معجبه
الصراحه مانلومها لأن أحمد وسيم وجميل
زهراء انتبهت ليها انها ماباعدت عيونها عن احمـد وانقهرت <تغار
خـب أحمـد مايدري انها تطالعه لان مايشوف حتى مايدري من الي دخل بنية لو صبي وهي ماخذه راحتها لو يدري ابها جان ماقبل انها تطالعه جذي كأنها منزهقة
اول مانزلوا من الفت
زهراء: وش فيها هذي السخيفه
أحمـد: منهي
زهراء: دي الي دخلت الفت من اول مادخلت وهي تطالع فيك للحين
أحمـد: الله لحقوني المعجبات لهني احم احم
زهراء: لا والله اشوف مستانس
أحمد اصلا مو مستانس بس يبي يقهر زهراء: اي ليش ماستانس
زهراء: تدري اكي قدامك اطلع وياها اني برجع
ومشت عنه
أحمـد وقف مو عارف وين يروح لان زهراء خلته وهي الي تدليه
زهراء مامشت قعدت تطالعه من بعيد تبي تشوفه وش يسوي
جت ليه ديك البنية
زهراء يوم شافتها جايه صوبه توها بتروح ليه شافت أحـمد ماشي عنها ولا عطاها وجه
استانست زهراء وراحت ليه جودته من ايده
زهراء: احم يـلا خل نروح
أحمـد: وين رحتين وخليتيني
زهراء: مارحت مكان اني كنت وراك
أحمـد: شفتينها يعني يوم تجي لي
زهراء:اي
أحمد: ماتستحي
زهراء: وش قالت ليك
أحمـد: تقولي: لوين رايح ياحلو؟
زهراء: لاااا والله
أحمـد : هههه وش فيش
زهراء: وينهي ووين راحت
أحمـد: وش تبين فيها
زهراء: بقوليها هذا الحلو خطيبي
أحمد: ليش تغارين يعني
زهراء: لا مااغار
أحمد: اي مبين
زهراء : ههههه انزين يـلا له متى بنروح
أحمـد: يـلا امشي
وصـلوا صوب البـحر كان عجييييب
قاموا يتمشون
يجننون ويا بعض يناسبون بعض
كل بنية تطوف لازم تطالع أحمــد
زهـراء: وش فيهم دلين بحسدونك
أحمـد: منهم
زهراء: كل بنية تطوف لازم تطالعك قول في وحده منهم طالعتني كأني هوا
أحمـد: احم المشكله عندي معجبات واجد
زهراء: اني بعد عندي معجبين واجد
أحمـد: اي انتين كنسلتين علي
زهراء: ههه لا عاد انت احلى مني
أحمـد: انتين شكلش ماشفتيني صوبش كأنش أميرة وانا الخدام
زهراء: هههه هي لاتقول عن روحك جذي والله انت تجنن قمر
والدليل ان كل وحده تطوف لازم تطالعك
أحمـد: لا بس خـلاص دام زهور قالت انا حليو يعني صدق حليو لان هي ام الذوق كـله
زهراء تعودت على كـلام أحمـد صار عاد ماتستحي مـنه :ههههه
أحـمد: يقولون عنش رومانسية وتحبين اللون الأحمر والأسود والوردي
زهراء: من الي قال ؟
أحـمد: ههه منال قالت عنش كلشي
زهراء: باال هههههه
أحمــد: وقالت بعد زهراء ماتزعل بسرعه واذا زعلت يعني تتغلى
زهراء: هههههه او عارفتني زين
أحــمد: اي وانا الحين تأكدت إنش ماتزعلين
زهراء: اني مستحيل ازعل مـنك على سبب بايخ وحتى لو زعلت اسامحك بسرعه
أحمـد: انا بـعد ماازعل منش
اكتفت زهراء بابتسامه<<الا يقول يشوفها الحين
أحمـد: تدرين امس متصـل لي عـلي وش يقول؟
زهراء: وش يقول؟
أحمـد:اعترف لي الي يحبها منال وخايف ان يتقدم لمنال وترفضه وخايف ان ارفضه الغبي مايدري ان انا اتمناه لمنال
زهراء مو مستوعبة: علي يحب منال؟
أحمـد: اي له
زهراء: لا تخاف مابترفضه
أحمـد: لكن هي كله هواش وياه
زهراء: هههه اني لاحظت عليها من يجيبون طاريه تصير طماطه
أحمـد: ههه يعني الحين ويش اقوليه يتوكل ويتقدم ليها؟
زهراء: اممم وشرايك اكلمها بعدين واشوف؟
أحمـد: اي احسن
زهراء : اوكي

السـاعه 12 ونص رجعوا الفـندق وصـلوا وعـقب اتغذوا اتـصلت زهراء لمنال
زهـراء : ألوو
مـنال: هلا هلا والله
زهـراء: شخبارش عمري؟
مـنال: الحمدلله اسأل عنش قلبي
زهراء: سألت عنش العافيه
مـنال: ها وش فيش متصلة هالحزة
زهراء: امم مشغوله يعني؟
مـنال: لااامو مشغوله ولا شي بس مستغربة يعني إنش متصلة هالحزه
زهراء: متصلة لش ابيش في موضوع ضروري
منال: اهاا وش صاير؟
زهراء: ماصاير شي بس مو احنا وعدنا بعض مانخبي على بعض شي
مـنال: اي
زهراء: امممم بدخل علطول في الموضوع منال وش شعورش تجاه عـلي؟
مـنال: علي صديق احمد؟
زهراء: اي
مـنال مستغربة يعني وش دخل علي : عادي
زهـراء: ماتكرهينه يعني؟
مـنال: ليش اكرهه !
زهراء :اممممم انزين انتين تحببينه؟
مـنال: زهراء وش السالفة ليش كل هالاسئلة
زهراء: مـنال انتين عاجبه علي ويبي يتقدم لش بس خايف ترفضينه
مـنال انصدمت عـلي الي علطول هواش وياه ويقهرني ويجنني يحبني؟
زهراء: هلوو وينش
مـنال: زهراء مو عارفة شقول
زهراء: بس قولي لي عاجبنش او لا
مـنال: الصراحه هو عاجبني بس أبـداً ماكنت متوقعه ان هو يحبني وبيتقدم لي
زهراء: وش افهم من كلامش يعني ان رافضة؟
مـنال عـلطول: لااا
زهراء: عجل وييش
مـنال: زهراء خليني بفكر وبرد عليش
زهراء:منالو السالفة مايبي ليها تفكير وش يقولش قلبش؟
مـنال مو عارفه وش تسوي متوترة وحست الدنيا تدوور لكن في نفس الوقت تحس روحها مستانسة : زهـراء
زهراء: هـلا
منـال:الصـراحه عـلي خوش رجال وماينرفض
زهراء استانست : يعني ويش الجواب اوكي؟
مـنال صارت طماطه: ____----
زهراء: السكوت علامة الرضا
مـنال: هههه
زهراء: اوكي بروح اخبر أحمد تحملي بروحش
مـنال: انتين بعد

زهراء راحت تدور أحمـد ماحصلته راحت الصاله بعد ماحصلته دورت في كل الشـقه توها بتفتح باب الشقه إلا أحمـد داخل وفي ايده ورد
زهراء انصدمت معقولة أحمد نزل بروحه لتحت واشترى الورد

أحمـد: زهراء؟
زهراء: اي
أحمد جودها من ايدها ودخلوا داخل
أحمد: وين كنتين رايحه
زهراء: ادور عليك
أحمد ابتسم وعطاها الورد: رحت اجيب لش هذلين لأن ادري تحبين اللون الأحمـر والوردي
كانت البـااقة تجنن مربوطه بشريطه بنفسجيه عجيبه والورد أحمـر ووردي وورود بنفسجين صغار
زهراء ماعرفت وش تقول حدها مستانسه لأنها تحب الورد وتحب الطبيعه
زهراء: عجييييبه ليش تعبت روحك
أحمـد: أفا علشان زهور اسوي اي شي
زهراء: تسلم قـلبي
أحمـد: اكيد تقولين شلون نزل بروحه وعرف الألوان
زهراء: امم اي صادني فضول
أحمد: تذكرين ديك البنية شافتني صوب الباب جودتها من ايدها ونزلنا تحت واشتريت لش
زهراء رجعت ليه الورد
زهـراء: روح عطهم إياها عجـل وعلطول راحت الغـرفة وصكت الباب
أحمـد وصل عند الغـرفة قام يطق الباب
أحـمد: زهراء والله امزح مارحت ويا أحد ولا شي لهدرجة ماتثقين في
زهراء طلعت من الغرفة ماشافت أحد شافته يضرب في باب الغـرفة الثانية
جتها الضحكه بس ماحبت تفشله زهـراء في قلبها على عمري
راحت من وراه وغمضت عيونه
أحمـد: بسم الله الرحمن الرحيم ،من؟
زهراء:----
أحمد جود ايدها
أحمد:زهراء؟
زهراء: ههه اي زهراء
أحمد: شلون طلعتين وانا عند الباب
زهراء ماتبي تفشله : لان اني مادخلت كنت واقفة برا
أحمد: اهاا ، لكن انا سمعت صوت الباب يوم تصكينه
لا يكون كنتين في الغرفة الثانية وانا اطق هذا الباب؟
زهراء: اممم مادري
أحمـد: هههههههههههههههه مسكين انا
زهراء يوم شافته يضحك قامت تضحك هي بعد: هههههههههه
أحـمد: الحين ويش بتكسرين بخاطري ومابتاخذين الورد
زهراء: باخذه بس لمى تقولي شلون نزلت واخذته
أحمـد: في جاهل صار رفيقي من اول يوم اهني اسمه راشد طلعت جا لي قلت ليه يروح ويشتري وقلت ليه الألوان وراح وجابهم لي
زهـراء (على عمري): اهاا
أحمـد: يـلا اخذيهم
زهراء اخذتهم من ايده وقعدت تطالعهم مـده
زهـراء: تسلم يالغالي
أحمــد: الله يسلمش ياحياتي كلها
زهراء ابتسمت: عندي ليك خبر حليو
أحمـد امشي نقعد وقوليه لي
زهراء: اوكي
راحوا قعدوا في الصـالة
أحمـد: يـلا قولي خليني استانس
زهراء: امم أحمـد اتصلت لمنال ومـنال موافقة على عـلي
أحمد علطول وقف من الفرحه: حلفي!!
زهراء: ههه والله
أحمــد: الله أحلى خبر سمعته اليوم
زهراء: يـلا اتصل لعـلي علشان يخبر بيتكم بسرعه وتكتمل شلتكم كلكم خاطبين
أحمـد: هههه اي بس انا من ارجع بتزوج اول واحد فيهم
زهراء صارت مايحتاج اقوليكم <<<هالمرة بدال الطماطه بقول صارت توتة احسن لأن التوت أحمـر ^_-
أحمـد: يـلا أنا بروح بتصل لعلي بخليه يستانس
زهراء: اي يلا
اتـصـل أحمـد إلى عـلي وخبره علي طار من الفـرحه <<مااقصد طار يعني حـلق طار في السماء لا ، فهموها انتون بروحكم *_*

في المـغرب الساعه 7 ونص أحمــد قاعد في الصـاله ينتضر زهراء تجهز روحها علشان بروحون يتمشون
خـلصت زهراء ونزلت هي ويا أحمـد
راحوا يتمشون صوب البحر القـريب من الفندق
أحمـد : اممم باجر العمليه
زهراء: اي ماباقي شي وبتشوف
أحمد وقف وجود زهراء من ايدها
أحمـد: زهـراء أنا خايف يصير في شي وتتعذبين ويايي
زهـراء: أحمـد وش قلنا قـبل لاتفكر في هالسالفة ولن يصيبنا إلا ماكتب الله لنا ومو أنت قلت ان العمليه ناجحه يعني خـلاص بتنجح ليش خايف
أحمـد: زهراء مو عارف وش اسوي لش علشان اشكرش على وجودش وياي في هاللحظة ماعتقد لو وحده بدالش بتسوي الي سويتينه
زهراء: أحمـد مايحتاج تسوي شي وجودك وياي هو أحـلى هـدية
أحمــد حده مستانس لأن زهراء وياه مو قادر يصدق إن هذي إنساان شاك فيـها مـلاك هدية من السماء
كملوا مشيهم وبعدين راحوا يتعشون والساعه 10 تقريبا رجعوا الفندق علشان ينامون لأن عـليهم قعده من الصـبح للعـملية
أحمد مانام الا بالغـصب يفـكر في زهراء وفي العمليه خايف ان ماتنجح العمليه، يعني اذا مانجحت العمليه بظل معتمد على زهراء طول حياتي . قام يقرأ قرآن وصلى ركعتين وحس بالراحة وبـالأمــل
نـفس الشي زهراء مانامت قامت قرت قرآن وقرت أدعية ودعت من الله أن تنجح العمليه ويرجع أحمـد مثـل ماكان وإن مايحرمها من أحـلى هدية في حياتها .
في البـحرين .
أم أحمـــد للحين سهرانه فارشة المصلى وقاعد تدرس قرآن وتدعي لولدها مو عارفه تنام وولدها بعيد عنها خاطرها تحضنه واحشنها واجد
كـل الي يحبون أحمـد ماعرفوا ينامون داك اليوم ينتضرون بس يجي الـيوم الثاني ويسمعون الأخبار الحليوة
في اليـوم الثاني زهراء قـعدت من الساعه ست وقـعدت أحمـد وتريقوا والساعه سـبع ونص راحوا المستشفى لأن ثـمان وقت العملية
يوم صار وقت العمليه زهراء جودت إيد أحمــد بالقوة تترجاه مايخاف ويخلي أمـله قوي بالله
دخـلوا أحمـد غرفة العمليات وزهراء مو عارفة توقف في مكانها رايحه وجايه في الممر
رن تلفونها
زهراء :ألوو
أم أحمــد: هـلا حبيبتي
زهراء: هـلا عمتي شخبارش؟
أم أحمـد:مالي حال احاتي أحمـد
زهراء: لاتخافين عمـه توه مدخلينه غرفة العمليات
أم أحمــد: ياعلي الله يحفظه زهراء من يخلصون من العمليه وتعرفينه أخباره علطول تتصلين لي مااوصيش ها
زهراء:إن شاء الله
أم أحمـد: مو تنسينا
زهراء: لا ماانساكم
أم أحمـد: يـلا في حفظ الله
وبندت التلفون وردت رجعت لحالتها يارايحه ياراجعه
وبـعد مدة من الزمن انفتح الباب وطلع الدكـتور
زهراء عـلطول راحت لدكتور
زهراء: ها دكتور شخبار أحمـد
الدكتور:امممم مابعرف شو برد عليكِ
زهـراء حدها خافت: يعني شنو دكتور وش صار في أحمـد

الدكتور : ههه انتي زوجتو؟
زهراء: اي
الدكتور: ماتخافي العمليه ناجحه 100%
وراح الدكتور
زهراء من الـفرحه كان خاطرها تناطط مو عارفه شتسوي قامت تصيح
حمدت الله وشكرته ألف مرة
تذكرت ام أحمـد اتصلت ليها وبشرتها وأم أحمــد من فرحتها ماخلت أحـد إلا بشرته والكـل فـرح من هالخبر
كـانت أم أحمـد مسوية مفاجأة لأحمـد وزهراء لمى يرجعون البحرين بتعرفونها :p
بـعد مدة وبـعد ماوتعى أحمــد دخلت عليه زهراء
أحمــد: زهراء أشوف مو مصدق
زهراء: هههه لا صدق
أحمـد: فلصيني يمكن أحـلم
زهراء: ضربته بالخفيف على راسه لا ماتحلم حبيبي
أحمـد: وه هم ونزاح
زهراء: اي والله
أحمــــد: وأخيراً بـرجع البحرين
زهراء: اي صحي متى بنرجع البحرين ؟
أحمـد: إذا طلعت من اهني بروح آخذ التذاكر وبنشوف متى
زهراء: اوكي
وعـقب ماطلع أحمـد بالـسلامة راح اخذ التذاكر الا هي عقب يومين
بيرجعون البـحرين، وماخبروا أحـد علشان يسون ليهم مفاجأه
في اليوم الثاني والي هو قبل اليوم الي بسافرون فـيه
راحوا السـوق واشتروا هدايا حق ربعهم وأهاليهم
وبعـدين راحوا صـوب البـحر لأن أحمـد خاطره يشوف البـحر لأن أحـلى مكان عـنده ومايبي يفوت شوفة أول بـحر مشى هو وزهراء فيه
راحوا هو وزهـراء
زهـراء: أحمـد طالع ثـلاث النجوم الي في الوسط
أحمد: عجيبين
زهراء :اني من يوم صغيره احب اسمي النجوم وكليوم اغير اساميهم هه عاد آخر مرة كنت بسمي هالـثلاث نجوم سميت الأولى الحب والثانية الأمـل والثالثة للحين ماسميتها وابيك انت تسميها
أحمـد: اممممم وشرايش في الشوق
زهراء: اي والله روعه تناسب
أحمـد: أحــم
زهراء: ههه مغرور
طب مـطر وهم يمشون أحمـد يحب المـطر قام يراكض ومستانس حـده مو صدق ان رجع يشوف مـرة ثانية يحس روحه كان ميت وتوه عايش
زهراء قامت تضحك عليه أحمـد سحبها من ايدها وقام يركض
زهراء: هههه أحمــد خلني بطيح
أحمـد :لا مابتطيحين انا مجودنش
زهراء: انزين الناس تطالع
أحمد: وش علينا من الناس
زاد المـطر .
زهراء: خل نرجع لا نمرض
أحمـد: لاخلينا شوي أحب المـطر
زهراء: هه اي مبين عـليك
عـقب رجعوا الفـندق وهم حدهم متبللين من المطر هههه
أحمـد وهو يمشي انتبه لوحده تطالعه من أول مادخل
أحمـد يطالع زهراء مستغرب كأنه يقول ليها بنظرته ( وش فيها دي؟)
زهراء: هذي البنية الي كلمرة تطالعك المعجبه
أحمـد: ههه اهااا هذي يعني حليوة لكن <<يبي يقهر زهراء
زهـراء: زين له ومشت عـنه وراحت ركبت اللفت
أحمـد مالحق على اللفت ركب من لفت ثاني
زهراء وصلت الشقه . وراحت الغـرفة القريبة من الباب وقفلت باب الغرفة
أحمـد دخـل عرف انها معصبة وقفلت على روحها الباب
أحمـد:زهراء فتحي الباب
زهراء: وش تبي؟
أحمـد: ابي اقول لش شي
زهراء: روح مابي اسمعك
أحمـد:زهراء فتحي الباب لا اكسره
زهراء فتحت الباب وراحت رجعت قعدت على الكـرسي الي كانت قاعده فيه وقعدت تجهز أغراضها لأن بكرى بيرجعون
أحمـد راح صوبها: زعلتين يعني يوم أقول عنها حليوة
زهراء معصبة: لا ليش ازعل
أحمـد: والله العظيم تلوع الجبد عندي وحده أحلى منها بمليون مرة
زهراء: قص على وحده غيري
أحمـد: جاب منظره صغيره كانت على الطاولة الي صوبه وحطاها في وجه زهراء
أحمـد:طالعي في ذمتش منهي أحلى هذي ولا الي كانت تحت
زهراء ماعرفت ترد
أحمـد: علشان ماتقولين اشلخ له
زهـراء: يعني لازم نتهاوش؟
أحمـد: احنا الحين ماتهاوشنا
زهراء: عجل وش تسمي هذا
أحمـد: امم نقاش
زهـراء :أهاا
أحمـد: امم انزين زهراء غمضي عيونش
زهراء: ليش؟
أحمـد: غمضي عيونش انتين
غمضت زهراء عيونها
طلع أحمـد من كيس صغير كان صوبة بوكس صغير حليو عليه شريطه حمرا
أحـمد: فتحي عيونش
زهـراء فتحت عيونها وشافت الصـندوق في وجها
أحمـد فتحيه
زهـراء ابتسمت واخذته فتحته كانت داخله سلسله ذهـب عجيبة فيها قـلب متوسط الحجم وداخلها مكتوبaوصوبه حـرف الـz . زهراء عجبتها السلسله عـدل
أحمـد: ها ويش عجبتش؟
زهـراء دمـعت عيونها : أحـمد مو عارفه وش أقـول ابتسمت وحضنته
:شكراً
أحمـد : والله تستاهلين أكـثر
زهـراء:الله يخليك لي ولا يحرمني مـنك
رنـ تلفون أحمـد كانت منال
أحمد غمز لزهراء: هـلا والله بمنول القـمر، الله يسلمش الحمدلله على كل حال أممم (طالع زهـراء) اممم شكلنا بنتأخر في الرجعه
زهراء قامت تضحك بالعدال
أحمـد: اي بنتأخر لأن ماحصلنا حجز قـريب اوكيالله يسلمش انتين بعد تحملي بروحش باي
زهـراء: اكيد تسأل متى بنرجع
أحمـد: اي
زهـراء: ههه اي احسن ماقلت ليها علشان نسوي ليهم مفاجأة
أحمـد: اي
زهـراء: يـلا قووم خل نغير ثيابنا علشان نتعشى
أحمـد: اي والها نسيت روحي اشوف روحي بردان
زهـراء: هههههه
بعـدين تعشوا وناموا

وعلى الساعه سـبع الصـبح هم كانوا في المطار <<<ماشاء الله نشيطين
والساعه 8 طارت الطائرة وهبطت في دبي شوي ترانزيت وبعدين ردوا واصلوا وماصارت السـاعه 11إلا شي تـقريبا الا هم في الـبحرين . اخذوا تاكسي واتفقوا اولشي يروحون بيت أبو زهـراء يسلمون عليهم وبعدين يروحون بيت أبو أحمـد
وصلوا بيت أبو زهراء وكـلهم تفاجئوا وخصوصا سـلوم من شاف زهراء علطول راح ركيض ليها وحضنها وقام يصيح
زهراء حضنته وحشهااا عــدل
وبـعد ماسلموا على بعض وصاحوا وخـلصوا قـعدوا يسولفون
سلوم كان يطالع أحمـد كأن يبي يعطيه طـراق
أحمـد: وش فيك سلوم؟
سلمان: ليس تبوق دهلا؟( ليش تبوق زهراء؟)
أحمـد: أنا مابقتها
زهراء: ههههه سـلمان أحمـد مسكين مو حرامي
سلمان: عتل وين لحتين؟) عجل وين رحتين)
زهراء طلعت اللعبه الي كانت جايبتنها لسلوم لأن كانت خالتنها فوق في الشنطه عـلشان تعطيها أياه أول ماتوصل
زهراء: هذا الي رحت علشان رحت اشتري لك ألـعاب
سـلمان: سكرا
زهراء: أحمـد بعد اشترى ليك قول ليه شكرا
سلمان: سكرا أحمد
أحمد: عفوا سلمان
الكـل: ههههههه
عقب نص ساعه طـلعوا وراحوا بيت أبـو أحمــد
أول مادخلوا ماكان أحـد في الصـالة
أحمـد: امشي بنرد نطلع وبنطق الجـرس واذا قالوا من قولي اي اسم
طقوا الجـرس
أم أحمـد :من؟
زهـراء: اني
أم أحمد ماعرفت من فتحت الباب وانصدمت يوم شافت أحمـد وزهراء علطول حضنت أحمـد وقامت تصيح مستانسه ان ولدها رجع بالسلامه
عقب حضنت زهراء وسلمت عليهم ودخـلوا داخل وقـعد يسولفون وأم أحمـد كلحين ولا صاحت واحشها ولدها عـدل
زهراء: عمه وين مـنال؟
أم أحمــد : فوق في غرفتها
زهراء: اها اوكي عجل بروح ليها بفاجئها
أم أحمـد: ههه اي روحي بتستانس حدها مابتصدق
راحت زهراء غرفة مـنال طقت الباب وعلطول دخلت
مـنال كانت منبطحه على السرير يوم شافت زهراء سيده وقف وفتحت عيونها مو مصدقه
مـنال: زهراء؟ ولا جني زهراء؟.
زهراء: هههههههههههههههههههههه الله يغربل بليسش منهو دا جنيي بعد
مـنال: زهراااااااااااااااااء ،راحت علطول طبت عليها وحضنتها
مـنال: مو مصدقه
زهراء: لا صدقي
منال: ليش شلختون علي
زهراء: علشان نسوي ليكم مفاجأة
مـنال: مالت عليكم
زهراء: هههه
مـنال: أحمدو تحت له
زهراء: اي
مـنال سحبت زهراء من ايدها وعـلطول نزلت تحت
راحت ركـيــض لأحمد وحضنته
مـنال: أحمدو يالكريه وحشتني البيت بدونك ولا شي
أحمد: انتين بعد وحشتيني وحشتني هبالتش
مـنال: الحمدلله على السـلامة
أحمد : الله يسلمش
دخل أبو أحمـد
وانصدم يوم شاف أحمـد واقف قدامه
راح ليه أحمد وباس راسه وسـلم عليه وحضنه أبو أحمد
أبو أحمد: الحمدلله على السـلامة يالغالي
أحمد: الله يسلمك
راح أبو أحمـد وسـلم على زهراء باست راسه
أبو أحمد: الحمدلله على السـلامة يابنتي
زهراء: الله يسلمك عـمي
بعدين قعدوا في الصـاله يسولفون
أم أحمـد : أحمـد اني ومـنال وربعها وأم زهراء مسوين ليكم مفاجأه
أحمد: وش المفاجأة؟
مـنال: اممم جهزنا كـلشي لعرسكم حجزنا الصـاله والاستيديو والأكل والفـستان والصالون وكـــــــــــــــــــــــــــــــل شي ماباقي عليكم الا بس تستعدون وتشترون الطقم
زهراء حدها استانست مو مصدقة ان سوو كلها هذا عنها
أحمــد: اووه أحـلى مفاجأة هذي
زهراء: تعبناش يعني عمتي
أم أحمـد: لا والله تعبكم راحه
مـنال: وزهور بـعد اخذنا ليش فستان باللون الي تحبينه الوردي خليناه وردي فاتح كـلش علشان يصير مناسب لأن هذي الحـفلة خطوبة وعرس مرة وحده
زهراء: هههه ماتقصرون والله
أحمـد :ومتى الحين العـرس؟
أم أحمـد: عقب ثلاثة أيام
أحمـد: قبش ماباقي شي
أم أحمـد : اي
ومـنال: وازيدكم من الشعر بيت عقبكم بيومين خطوبتي
زهراء قامت باست مـنال: اووه اووه مبروك عمري
مـنال: الله يبارك في حياتش
أحمــد: مبرووك منولة .
منال: الله يبارك في حياتك
أحمـد: الله عجيب كله أخبار تفرح القـلب
أم أحمـد : وباجر عـرس حـسن
أحمــد: اووه الهيس بيعرس قـبلي
مـنال: ههه زين منه انتضرك لين ماترجع مسكين
الكـل : هههههه
وفي اليوم الثـاني راحت زهراء وأحمـد السـووق واشتروا الطقم كان رووعه واشترت زهراء ليها فساتين مرة وحده واحد لعرس حسن اليوم وكان لونه (وردي) وواحد لخطوبة مـنال ( أحمـر)
زهراء شافت كلشي سووه عمتها وامها وربعها وعجبها كلشي وخصوصا الصالة والفـستان وعزمت مـلاك وسارة ومـنال على بيتهم لأن وحشتها القعده وياهم وسوالفهم وهم وحشوها أكثـر

وفي يوم عـرس زهراء وأحمــد .
الكـل كان مستانس .
وخصوصا زهراء وأحمـــد كان هذا أحـلى يوم بالنسبة ليهم
على الساعه عـشر كان تقريبا كـل المعازيم موجودين في الصـاله وكانت سارة ومـلاك ومـنال طالعين روووووووووعة كل وحده تقول الزود عندي
يمشون كأنهم أميرات في الصـاله
وعلى السـاعه 10 ونـص وصلوا المعاريس الا هم أحمـد وزهراء
ودخـلوا الصـاله على أغنية (هـب السـعد ) وسـلوم قدامهم مجود بنت خالته الي قده ، سلوم لابس بدله وبنت خالته حوراء فستان أبيض وحامله ورود صايرين كأنهم معاريس صغار طالعين روووعه كانت ليتات الصالة كلها مطفيه بس الضوا صاير على أحمد وزهراء
زهراء كانت طالعه قـمر بالفستان والباقة الي حاملتنها وتسريحة شعرها الي صايرة عليها جنان وأحمـد بالبدله دوخ كل البـنات الي في الصـاله طالع رووعه أنيـق كانوا يمشون في الصالة كأنهم أمير وأميرة
يوم وصـلوا على المـسرح باس أحمـد راس مـنال وبارك ليها ونفس الشي هي وقعدوا على الكـراسي
أحمـد: الحـمدلله أمنيتي الوحيده حققتها
زهراء: اي الحمدلله اني بعد تحققت أمنيتي الوحيده
وبعدين لبسها الطـقم وأحمـد كان متوتر لأن الكـل يطالعهم وهومايعرف يلبس تراكي .<<خخخ مساكين الصبيان
بعدين قامت المصورة تصـورهم وصوروا ويا أهـلهم
وكـان هذا اليـوم لاينسى بالنسبة لزهـراء وأحمـد
وهذي قـصة زهراء وأحمد وشلون الزمـن رد رجعهم لبعض

النـــــــــــــــــــــــــــــــــــــــــــــــ هـــــــــــــــــــــــــــــــــــاااااااااااااا ايه

اممم مابعد النهايه
أحمد وزهراء جابوا بنية وولد سموهم ريـم وعلي وعاشوا في بيت متوسط قـريب من بيوت أهـلهم وحسن وفاطمه جابوا توأم ولدين حيدر وكـرار .وعـلي ومـنال توهم معاريس جدد وفي شهر العـسل
اي ونسيت اقوليكم مـلاك خطبها ولد عمـها ( قاسم) ويوم العـقد ماخلوها البنات في حالها مثل ماكانت تسوي ليهم ههههههههه <<مسكينة
وعبد الله وريـم بعد توهم معارييس جدد

يـلا أخليكم تحملوا بروحكم
وإن شاء الله عجبتكم القــصه


أختــكم : ريــم الفـلا