LinkBack URL
About LinkBacks
الفصل الأخير
الفصل الأخير
بعد مرور اسبوع على السفر
فاطمه وهي تصيح: انت ليش صرت كذا
حرام عليك
سامي: انتي اللي اضطريتيني على كذا
قبل دلعتك كثيروانتي مو عاطيتني وجه ودوم حاقرتني
فاطمه: خلاص انا اسفه والله ما اقصد سامحني
سامي: لا يا فاطمه
بعد شنووو؟!!!
انتي عذبتيني كثير والحين جاء دوري انا بعد اعذبك
فاطمه قعدت تصيح لين طلع سامي من الغرفه ومن الشقه بكبرها
وهي تقول بنفسها انا استاهل طول العام وانا حاقرته
ومتجاهلته ومو محترمته انا اللي استاهل
بس هذا مو سبب يقعد يهاوشني عليه
هو نايم انا وش دراني انه هو بيقوم ويبي فطور ويزعل
لاني ما سويت له وبعدين مفروض كل واحد يخدم نفسه
والا هو بس يبي يسبب أي مشكله وخلاص
شالت نفسها من على الارض ودخلت الحمام وسبحت
وقالت خليني اتشيك واتمكيج عشان اقهره
ولبست لبس حلو فستان ناعم مره وقصير لين الركبه
وعاري من فوق الظهر واستشورت شعرها
وحطت مكياج ناعم عشان تعجبه وترفع ضغطه انه ما يقدر يتهنى
بجمالها وانوثتها
ظلت تستناه كثير لين زهقت من الانتظار ونامت على الكنبه
رجع سامي على الساعه 12 بالليل
وشاف فاطمه نايمه بالصاله وشكلها يكسر الخاطر
قرب منها وباسها على راسها وانبهر من شكلها وانوثتها الحلوه
ظل يتأملها ساعه وبعدين شالها ووداها على السرير
واول ما حطها على السرير فتحت عيونها وشافته غطاها
وجلس جنبها على السرير ويتاملها ويلعب بشعرها
ويمسك يدها
بهذي اللحظه فاطمه فتحت عيونها وتبي تسوي نفسها نست
فاطمه: سامي وين انا؟
سامي يبتسم لها: انتي بغرفتك
فاطمه: من جابني هنا
سامي: انا
فاطمه : يؤؤؤؤؤؤ من جد انت تتكلم
سامي: ههههه وش فيها تراني زوجك
وطالعها بنظرات استحت منها حنان ولفت على الجهه الثانيه ضحك عليها سعود
فاطمه: سامي
سامي: عيونه
فاطمه احمر وجهها: ممكن اطلب منك طلب
سامي: انتي تامرين امر
فاطمه: لا عاد تعصب علي مره ثانيه والله انا اسفه ما اقصد
سامي يبي يصرف الموضوع:يلا نامي شكلك تعبانه وانا بعد تعبان
فاطمه تمسكه من ايده: تكفى اول شي اوعدني
سامي: بشرط
فاطمه: وشو
سامي: تحسسيني اني زوجك
فاطمه: عيوني لك يا بعلي
سامي: هههههههه خلاص اجل انا بعد اوعدك اني ما اعصب عليك
فاطمه: مشكور
طيب عندي سؤال
سامي: قولي
فاطمه: وين كنت اليوم ؟
سامي: اممممممم لازم تعرفين
فاطمه تسوي فيها زعلانه وتلف على الجهه الثانيه: لا كيفك
سامي يضحك عليها : طيب لفي وشوفي
فاطمه بدون ما تلف : لا ما ابغي
سامي: كيفك ترا تندمين
فاطمه: ما بي ما بي
سامي: اجل بطلع انتي الخسرانه
كنت بعطيك الشكولاته اللي انتي تحبينها والشبس بعد
وكان يبي يطلع فجاه نطت فاطمه عليه
فاطمه: سسامي امزح تعال
سامي: لالالالا ما في ابد مستحيل
فاطمه: خلاص ياخي انا اسفه عطني يلا وينه
سامي: وشو اعطيك !!
فاطمه: الشكولاته والشبس
سامي: ما في شي اضحك عليك خخخخ
فاطمه : ما احبك ولا راح اصدقك بعد
سعود: ههههههههه لا حبيبتي امزح معاك
شوفيه على طاوله المطبخ
راحت فاطمه تركض للمطبخ لين خذت الكيس
وسامي يطالع فيها ويبتسم
فاطمه: ليش تطالعني كذا؟
سامي: لا سلامتك بس اكتشفت شي
فاطمه: وشو
سامي: انك تحبين الشبس اكثر مني
فاطمه ما تدري وش تقول وما ردت
سامي: ها اكتشافي صح والا لا "وجلس جنبها"
فاطمه: امممممم طبعا لا
سامي يطالعها: يعني تحبيني؟
فاطمه استحت: روح بس تبي تاكل معي
سامي: لا ما ابي اكل لين تردين على سؤالي
فاطمه: وشو سؤالك اصلا
سامي: اممم علينا توني سائلك
بس بعد بعيد سؤالي تحبيــــنــي ؟
فاطمه: طبعا احبك
لانك ولد خالتي ولانك قاعد معي هنا تنتبه لي
تبي ترفع ضغطه
سامي: لا والله انا ما اقصد الحب هذا
فاطمه: ساااااامي عاد لا تفشلني
يلا شوف لنا فلم نتابعه
سامي: طيب اجل انا بروح انام
فاطمه: خلاص خلاص بجاوب
سامي : يلا
فاطمه: اممم ما اعرف للحين صراحه
كنت احبك بعدين صرت اكرهك الحين صرت ارتاح لك
بس لسى ماحبيتك
سامي انقلب وجهه مره
فاطمه: سامي لا تزعل انت سالتني وانا جاوبتك تكفى عاد
ابتسم سامي: طيب ان شاء الله يلا عطيني باكل شبس
فاطمه: بس لاتخلصه
ترا انا احبه مره
سامي: هههههه تعلميني فيك يعني
اللي يبي يراضيك يجيب لك ليز بالخل وبيبسي وترضين
فاطمه: هههههههه اممممممم قهر ما في بيبسي
سامي: الا في بالثلاجه
نطت فاطمه للمطبخ وجابت ببسيين لها ولسامي
فاطمه: تفضل عشان ما تقول اني انساك
سامي: لا انا ادري انك ما تقدرين تنسيني
فاطمه: طيب ما في فلم نتابعه مع الحركات هذي
سامي: اممممم خلينا نشوف
قعدوا يقلبون بالقنوات لين شافوا له فلم يتابعونه
بعد ما انتهى الفلم اللي يتفرجون عليه
سامي: ههههههههههههههههههههههههههههههههههههه
فاطمه: ما في شي يضحك ليش تضحك بالعكس النهايه محزنه
وهيتصيح شوي مع الفلم
سامي: هههههههههه انا اضحك على شيئين
فاطمه: اللي هي
سامي: اول شي انك تصيحين
ترا هذا تمثيل الحين تلقين الممثلين نايمين ببيوتهم ما دروا عنك
فاطمه: ادري بس الفلم يأثر عليك غصب . طيب الشيء الثاني
سامي: انك ما بقيتي لي شي من الليز
وحتى البيبسي شربتي اثنين والشكولاته اكلتي نصها وانا المسكين نصها
فاطمه تفشلت من نفسها ووجهها صار احمر بس تبي تقلب السالفه عليه
فاطمه: هي لاتتمسخر
سامي: ههههههههه انا ادري انك ما تقدرين تقاومين الليز عشان كذا عاذرك
فاطمه: انا بقوم انام
وراحت تنام وسامي يضحك عليها وهي كانت بقمة الوناسه
لأنها تحس ان قلبها بدأ يتعلق بسامي مره ثانيه واكثر من قبل بس تتغلا عليه
مر عليهم هذه الشهرين وهم عايشين بالعسل ومستانسين على الاخر وما تهاوشوا
ولا مره مع بعض
اتصل سامي على ابوه
سامي: هلا يبه
ابو سامي: هلا والله وينك ما تدق علي بس تكلم امك
سامي: عاد السموحه يبا هذا انا دقيت عليك
ابو سامي: اخبارك واخبار فاطمه عسى ما تزعلها
سامي: لا افا وانا اقدر هذي الغاليه
ابو سامي : باين من صوتك انك الحمد لله مبسوط
سامي: الحمد لله
عشان كذا انا داق عليك
ابو سامي: شلون ما فهمت ؟
سامي: يبا انا قررت اني اتزوج فاطمه خلاص
ابو سامي: هههههههههه وانت ويش الحين
سامي: احنا بس مخطوبين
يبه افهمني فطوم ما عمري لمستها من جينا الى هذا اليوم
حتى ان كل واحد فينا ينام بغرفه بروحه
وهذا اتفاقي مع عمي ابوها ان نتزوج بالصيف
بس الحين خلاص ابغي اتزوجها ونجيب اولاد الحين
ابو سامي : طيب طيب فهمت عليك
ما فيها شي وانا بكلم ابوها ان شاء الله
سامي: طيب رد علي
ابو سامي: ان شاء الله مع السلامه
سامي: مع السلامه
طول هذه المكالمه وفاطمه تسمعه
راحت وسبحت وتشيكت
لبست فستان حلو وجلست بالغرفه و حطت لها مكياج حلو
وما طلعت عند سامي
شوي دق ابو سامي وخبره انهم موافقين
دخل سامي عند فاطمه وشافها متشيكه على الاخر
وجالسه على السرير وجلس بجنبها
سامي: صراحه ما ادري من احلى انتي والا القمر
فاطمه وهي مستحيه : اكيد انا
سامي: هههههههههههه وش عندك متشيكه يا حلوه ؟
فاطمه: وش هذا السؤال البايخ طفشانه وقلت محنا طالعين خلني البس
سامي: امممممممممممممم
قعد يلعب بشعرها شوي وباسها على راسها
وفاطمه خجلانه حدها
مضت هذي الليله على فاطمه وسامي من احلى الليالي اللي مرت عليهم بحياتهم
لا احد يعاتب احد ولا احد يزعل من احد
كا التأمل بينهم والصمت لغتهم وصوت الليل نغمهم
ونظرات العيون هي اللي ساطيه على المكان
بعد مضي سنه
ولدت فاطمه وجابت فيصل الاسم اللي هي وسامي من صغرهم يعشقونه
خلصت فتره البعثه اللي فاطمه فيها ورجعت للسعوديه وهي حامل
وكانوا بيحضرون زواج امل على ولد عمها عادل
بعد ما رجعت فاطمه من الزواج
سامي: يا عمري عسى مو تعبانه من الحمل
فاطمه: لا مو تعبانه مدامك معي
سامي: يا قلبي عليك امشي نامي
فاطمه: لا والله مو تعبانه
ودي اليوم اخلي سهرتنا غير شكل
سامي يغمز لها: وش رايك نعيد يوم زواجنا
فاطمه: هههههههههههههههههههههههههه
انتهت الروايه
