الموضوع: خاطره بكتب حزني بدموعي

أهلاً بكم في منتديات مياسه





في قسم





خواطر - نثر - عذب الكلام






وضمن منتديات





•][• منتديات الملتقيات الأدبيــــــــه •][•




التابع لـ منتديات مياسه







والذى يضم

محبرة شاعر - شعر - قصائد - poems
بكتب حزني بدموعي وبقول يا ريتني اموت
ارتاح واريح نفسي من دنيا مبيعزش عليها غالي ولا حتى مجنون
يمكن الاقي راحتي في قبري و ابطل دموع و قلبي يبطل يوجعني و حسرتي على احلامي تروح
جفت دموعي جفت دموعي ولكن حزني لسه موجود
اكتب بايه ياربي آه افتكرت مهو دم قلبي لسه موجود
كتبت بدم قلبي لحظه الم لحظه ندم لحظه حسره ووجع
كتبت غنوة عذاب وحرمان !
هل يا ترى لو مت حرتاح ؟ّ! هل حروح الالم ولا حيفضل وميتغيرش زي كل حاجه مبتتغيرش في الدنيا ديه ؟!
يآه يا قلبي اما عليك شويه اسأله و كل سؤال بيخلق في الفكر مشكلة ؟!
يا جرحك يا قلبي يا دمك الى بكتب بيه
دموعي جفت من حسرتي على احلامي الي مستحيل تتحقق
احلام عمري الي بتتهد واحدة وره التانية ومش عاملة حساب لحد !!
حلم يآآآآه كلمة جميلة اوي !!! بس فعلا زي ما قلت هي مجرد كلمة خيال ليس له واقع من الحياة
فالاحلام من المستحيل ان تصبح واقع والحل الوحيد للمشكله ديه هي الموت فهناك الراحه الابدية
لا الم لا جروح لا ندم لا دموع
العالم دلوقتي بقى عباره عن كدبة او بالاصح مجموعه كدبات كتيره اوي مبنية على النفاق و الخداع والاوهام
ممكن حد يفسر كلامي على انه سراب على انه اوهام او على انه شويه تخاريف و بوح و السلام !!
بس ده مش مجرد كلام ده واقع و حياه عايشينها كل يوم كل دقيقه كل ثانية !!

ده واقع عايشينه متستغربش انا بقول ايه !!!
انا مليانه جروح مقدرش اقول مقدرش ابوح و السهم ساكن في صدري مقدرش انزعه
يا بخت الي بيقدر يقول و الي في ضميره يطلعه يا بخت الي بيقدر يفضفض و كل الناس تسمعه
صوتي انحبس مقدرش اقول الصمت خيم عليه
كلامي مهواش غويط مهواش عبيط بسيط زي دمعة برئ
فضلت ماشية لوحدي في الشارع معرفش رايحه فين
لكن اديني ماشية والليل عليه وعلى البلد غاشي
انما كان ليل اسود سواد خناق مقهورة وانا ماشية قمري لقيته عدم قمري لقيته محاق
وعنيا وقعوا من السما على الارض الارض برضو محاق
يا ليلة من غير قمر . يا كحل من غير عيون . يا ليل الندم يا ليل السهر . آه لما افتكر حرجي واقول يا قمر !!

حزني هو قلمي و خواطري هي احلامي و اوهامي اتمنى ان تتحقق في يوم من الايام
اموت وارتاح يمكن هو ده الى بدور عليه يمكن قلبي نزيفه يقف و دموع عيني تبطل تقع
رسمت بعيون الخيال قصر من تلج اسود عايشه فيه يمكن اخرج منه يمكن ارميه قاعده ببكي و ببلل مناديل و البسمة مغطية شفتي مش من الفرحه من الالم
بكتب وانا طايره على خد القمر جرح عميق و اليم
ولقيت في جنبي قلم كتبت به غنوة عذاب
هي ديه حياتي هي ديه ذاتي فما اغربها من حياه وما اكبره من جرح و ما اكثرها من احلام تتطاير و تختفي امام عيني في لمح البصر !!!
يااااه مفيش امل و حيفضل دايما العالم كده مكبوس ودمه تقيل
و حفضل دايما احلم الليالي بإني في موقف رهيب و بقول الكلام مني طالع نحيب قصة من حياة فتاة ضائعة
إنها حقا خيال الغرابة تلك الدنيا !! إنها حقا عجب العجب !!
إنها حقا غنوة عذاب !!

---

oh'vi f;jf p.kd f]l,ud