وعندنا المهر مو ثابت يعني على حسب البنت


إذا هي ( صاروخ ) يطلبون 70000 الف وإذا لم تكن كذلك يطلبون من الثلاثين الى 50000 الف


وفي مجتمعنا المحافظ يقهرونك قهر ورب الكعبة تروح اختك وامك يتفحصون البنت


<< مادري شارين لي موتر مو بنيه مو ناقص إلا يطقون فيها فره يجربونها الزبده


و ترا المسألة على حسب ذوق اختك


( وبيني وبينك اذا تبي تعرف ذوق اختك افتح دفترها حق المدرسة


إذا هو مزخرف وحركات وورد ودلوع يعني ذوقها كذا


وإذا تلقى ذكرى ام صيته + ام مزنه + ام ليالي وقلب حب مدري شلون هو جاي والله اللي رحت فيها


واختاروا لك بنت المفروض بالعقل انك تشوفها لأنها شريكت حياتك ( الشرع يقول كذا )


اما حنا لا بس يوصفونها لك


شعرها كذا طولها كذا وعليها مقفا كذا


يعني شي خيالي وانت تفكر وتقول بنفسك


( يا الله هذا الجمال يا شيخ )


وامك ترفع واختك تشوت وعلى هالوصف هذا هيفاء وهبي مو بنت ام فلان


وتقعد لك ثلاث شهور وانت بس تفكر في البنت لين ينتفخ راسك


ويجي اليوم اللي تمنيته طول حياتك ليلة العمر


تلقاك لابس البشت وابوك على يمينك وعمك الكبير على يسارك


وخوانك وعيال عمك وعيال خوالك وعيال جيرانكم حتى عيال خدامتكم


كلهم متجمعين واللي يعرض بالسيف ( مسوي لي فيها الزير سالم هو و راسه )


واللي ماسك الرشاش والسما حمرا من الطلق تقول جالس بفيتنام


الزبده وتخش على صالة الأفراح حقت الحريم


بصراحة العزوبي ما يخاف الا من شيئين


1 لمبات العرس إذا ركبوها على البيت ( تحس خلاص ما فيه رجعة )


2 إذا دخلت على صالة الحريم في صالة الأفراح


هينا يجينا ( مغص في البطن )


ولما تخش الصالة الله لا يوريك


ما تشوف إلا العيون اللي حاطه ( شادوا مدري روج بالعيون ) << خخخ حلوه روج بالعيون


واللي مغطية الوجه ومطلعه القذله والأجسام ( ياويل حالي ويلاه ) << والله اللي توقفت العضوية خخخ


ولما تخش تمشي بالصالة تبي الكوشة تسند جسمك على ابوك على شان ما تطيح من هول ما ترى


وتجلس على الكرسي تلتقط انفاسك وانت من داخل ميت تبي تشوف العروس


ولما يطلعون اللي زفوك ابوك وعمك والخمه اللي معهم


يجي عاد الكلام اللي مال امه داعي



hsfhf loh,t gdgi hg]ogi