الموضوع: فوائد كيراتين الشعر , Benefits of Keratin Hair

اهلا وسهلا بكم فى منتديات مياسه
نتمنى ان تقضو اجمل الاوقات معنا

يعني إيه كيراتين؟
الكيراتين هو بروتين طبيعي بيدخل تكوين الشعر والجلد والأظافر بشكل أساسي، وبيكوّن حوالي 90% من تكوين الشعر، وهو بيكون عبارة عن مادة سائلة داخل الشعر وفي نفس الوقت بيغلّف الشعر من بره وبيحافظ عليه.

هل نسبة الكيراتين لها تأثير على شكل الشعر؟
كل ما زادت نسبة الكيراتين في الشعر بيظهر بشكل صحي ولامع، وبتكون الكسرة أو التمويجة اللي فيه قليلة، وفي الحالة دي الشعر بيظهر ناعم وطري.

إيه العوامل اللي ممكن تقلل نسبة الكيراتين الطبيعي في الشعر؟
فيه عوامل كتير ممكن تقلل نسبة الكيراتين في الشعر وتحوّله من شعر ناعم لشعر باهت وضعيف، وتعتبر العوامل الكيميائية هي أكتر الحاجات الشائعة اللي ممكن تُفقد الشعر الكيراتين الطبيعي اللي بيكون موجود فيه، ويعتبر كريم الفرد وحنة الفرد والصبغة من أكتر المواد اللي بنتعامل معاها بشكل كبير وبتؤثر على الشعر كيميائيا.

بالنسبة لكريم الفرد فهو بيفكّك ويكسّر روابط الشعر، وده بيخلّي مسام فروة الشعر مفتوحة، وبالتالي الكيراتين الطبيعي بيخرج منه، وده بيؤدّي إلى تقصّف الشعر وإتلافه وتساقطه، وبالتالي بيكون غير لامع لأن خلاص نسبة الكيراتين الطبيعية راحت منه، كمان أي حاجة مفعولها دائم بتغيّر في طبيعة الشعر فلازم نتجنبها.

بالنسبة لحنة الفرد بيتم التسويق لها على أنها أعشاب طبيعية تماما، ومافيش منها أي ضرر! لكن الكلام ده غير صحيح، لأن أي حاجة بتفرد الشعر وبتغيّر في طبيعته بتكون مكوناتها مش طبيعية ومضرّة، ونتايجها السيئة ممكن تظهر بعد شهر أو بعد سنة، وده بيعتمد على قوة الشعر.

الصبغة مشكلتها إنها منتشرة جدا وممكن نعملها أكتر من مرة، وللأسف المواد اللي بيستخدموها في الكوافير بتكون مضرّة جدا للشعر زي الأمونيا أو الأوكسجين، لأنها بتحرق الشعر علشان توصل للدرجة الفاتحة، علشان كده أنا بانصح دايما باستخدام نوع صبغة معيّن "نصف دائم" ودي بتكون خالية تماما من الأمونيا والمواد الضارة، لكن المشكلة إنها مش بتدي إلا درجات لون معينة، لكن ميزتها إنها مش بتضر الشعر وتقدري تكرّريها كل ما اللون يختفي.

إيه العوامل التانية اللي ممكن تقلل نسبة الكيراتين في الشعر؟
فيه حاجات ممكن تبقى بسيطة لكنها بتأثر على الشعر جدا، ومنها مثلا

- طريقة تسريح الشعر للأسف معظم البنات بتسرّح شعرها بطريقة خاطئة، زي إنها تسرحه وهو مبلول باستخدام مشط بلاستيك أو إنها تسرحه من فوق لتحت، والأفضل إننا نسرّح الشعر بعد ما ينشف وبنستخدم مشط خشب بأسنان واسعة ونبدأ التسريح من تحت لفوق.

- الحرارة ودي طبعا بتتمثّل في استخدام السيشوار والمكواة بكثرة واستخدام الميه الساخنة جدا أثناء الشاور، أو حتى بالتعرّض لأشعة الشمس لفترة طويلة.

- سوء التغذية معظم البنات بتهتم بشعرها عن طريق إنها تعمل ماسكات طبيعية أو تستخدم مواد طبية أو حتى تعمل كيراتين، لكن مش بيهتموا بالتغذية السليمة مع إنها هي الحاجة الأساسية لصحة الجسم والشعر، علشان كده بانصح كل بنت إنها تركز على الأكلات اللي بتحتوي على البروتينات والأحماض الأمينية والفيتامينات، زي الزنك والحديد.

---

t,hz] ;dvhjdk hgauv < Benefits of Keratin Hair