هلا و سهلا بكم في منتديات مياسة

نتمنى ان تقضوا اجمل الاوقات معنا






ليه لازم هى الست اللى تتغير
هرد عليكى بابلغ و اقصر رد
" ان الله لا يغير ما بقوم حتى يغيروا ما بانفسهم"
يعنى الاساس ان البنى ادم يتغير فالكون من حواليه يتغير و دا كلام ربنا سبحانه وتعالى
فان كنتى انتى رافضه التغير او مستصعباه او متكبره عليه ليع بتتوقعى من اللى حواليكى اللى انتى مش قادره عليه
ليه شايفه ان جوزك او ابنك او صحبتك لازم تتغير لكن انتى لا
" اتأمرون الناس بالبر وتنسون انفسكم وانتم تتلون الكتاب افلا تعقلون"
يا بنات كلنا جوانا الغرور الانثوى وكبرياء الانثى
الكبر اللى جواكى دا لازم تجهادى نفسك وتغلبيه وتتغيرى
وافتكرى دايما قول نبينا محمد صلى الله عليه وسلم
" يحشر المتكبرون يوم القيامه كامثال الذر .الى اخر الحديث
معلش ده كان استهلال لابد منه عشان نبقا على نور
انتى عيزانى اقبل طباع فيه مش عجبانى
كام واحده هتقلى جوزى بيشرب سجاير وانا عيزاه يبطل او جوزى كسلان اوى اوى ليل ونهار كورة و متشات واخبار او علطول قاعد على النت او علطول مع اصحابه او او او حطى بقا اى طبع مضايقك
هقلك قبل ما تنتقديه بصى على نفسك
اخبار المسلسلات او البرامج اللى لا يمكن تفوتيها ايه , طب كام مره بداتى دايت او جيم و مكملتيش, اخبار القهوه والشاى او اى مشروب انتى متعوده عليه ايه, طب لو مبتشتغليش و موراكيش حاجه بتصحى من نومك امتى
باختصار انا عايزه اقلك انك فيكى نفس العيوب اللى بتشتكى منها في جوزك بس على حريمى.
واحد اهم الدروس اللى لازم تتعلميها في حياتك انك تبطلى تلومى غيرك على عيوب موجوده اصلا فيكى, سبحان الله اى عاده من دول بتاخد وقت عشان تتغير وانتى عايزه تدوسي على زرار تغيرى جوزك
طب لو انتى واخده على القهوه زى حلاتى كدا قوليلى تقدرى تبطليها في اد ايه
ولو جوزك قلك بطليها عشان كدا اصح ليكى هتسمعى كلامه ولا هتقاومى دا
مجرد احساس ان حد بيفرض على حد حاجه بيولد طاقه عند مع انك من جواكى عارفه ان القهوه مش صحيه وان شربها كتير مضر بس متقدريش تبطليها بسهوله
قيسي على كدا كل حاجه انتى متعوده عليها ممكن متكنش صح

تانى هقلك ابدأى بنفسك عشان هى دى سنة الكون
اشتغلى على نفسك ودعى الخلق للخالق
يوم القيامه هتتحاسبى على نفسك على اخلاقك انتى و طباعك انتى مش طباع جوزك
فهمانى يا فتوكه
انا عارفه كل العيوب اللى ممكن تكون في الراجل من اول ما بيرمى هدومه على الارض وبيوسخ البيت لغيه العصبيه والصوت العالى
اقلك مالكيش دعوه بيه ابداى بنفسك واشتغلى عليها
لازم لازم لازم تتقبليه زى ما هو دون ادنى محاوله لتغيره ولو من بعيد
لازم تركزى على الجانب الايجابى اللى فيه
في قاعده بسيطع في علم النفس بتقلك ايه
اللى بتركزى عليه بيزيد مع الوقت
بمعنى لو فضلتى مركزة على سلبياته هتلاقيها بتزيد والشيطان ايه ما هيصدق
لكن لو ركزتى شويه في ايجابياته هتتكتشفيه من جديد

hsfhf lfh]vm hg.,[m fhgjyddv K The reasons for the change initiative wife