اهلا ومرحبا بكم فى منتديات مياسة المميزة

يسعدنا ان مقدم لكم اليوم




قصيدة يا قاتلتنى - شعر عن الخيانة




نتمنى ان تسعدو معنا

قصيدة يا قاتلتنى - شعر عن الخيانة



لاردك الله ولااطلب تردين . ادعي عليك بعثره في صلاتي
. ياقاتلتني يوم صرتي حياتي

خدان لك بالقلب كانت بساتين وريضان وغصونا بها يانعاتي

كنتي مناه القلب والروح والعين واليوم عينك ياعلها ماتباتي

كنت احسبك للعهد والحب توفين قلتي الغدر بالحب ماهي سواتي

وحلفتي يمين الله مامنك اثنين . وانك ملاك دون كل البناتي

وانك على عهد الموده تسيرين ولاتسمعين اهل الحسد والوشاتي

وصار اليمين خلفه توارين . ورماح غدرك بالخفا مشرعاتي

وبان الغدر سم جرى بالشرايين الله عسى يسقيك سم الفعاتي

كلي سقيتك حب واليوم تنسين . تقولين حلم ايام واليوم فاتي

خذتي الهوى لعبه على ماتحبين .لين عصفت بالهوى عاصفاتي

من زينك يابنت بالشعر تزينين . من صورك يأبياته الطايلاتي

انا من غرامي قلت كانك تذكرين قلت الخجل صاب البدر من مناتي

وصرتي بشعري في العذاري تباهين تقولين انا شمس العصر في حلاتي

زينتك بشعري ولاغربك الزين . مازانتك صبغات حمر الشفاتي

صورتك بالشعر حزام ورياحينواثرك هضاب وشوك مابه هداتي

رسمتك مهاه للجميله تقودين . واثرك قطيعه وضيعتها الرعاتي

بالشعر غليتك على كل غالين . واثرك دنيه تعشقين الدناتي

وبالشعر عاتبتك عتاب المحبين انا من يسوم الروح لك ياغناتي

توسلت لك خايف على حب عامين عامين لكن في حسابي مئاتي

ناديت لكن لي ابد ماتسمعين . عمري وروحي وفكري في ثباتي

حذرتك للشينات عمري تماشين . عديمات اصل اخلاقهن دانياتي

غاب الولي عنهن ولعبن بحبلين . ياخس واليهن وخس ولا تي

ماهمهن في الناس زين ولاشينوقلوبهن من حقدهن مضلماتي

وقلتي وربك لو يكونن ملايين ماغيرن بأطباعهن من سماتي

تحسبين انك بالمهافه ترقين كيف الصعود يكون للهاوياتي

وخنتي وبعتي كل عهد وايامين ماعاد يفرق بين ماضي وأتي

وصرتي مثل غيرك برخص تبيعين يامرخصتني مابقى لك غلاتي

صبري نفذ واليوم ثارت براكين مضلوم انا وباكر تحل الدعواتي

سمعي عسى من بعدها ماتسمعين سمعي دعا من صارت قلبه حصاتي

ادعي عسى من ناضرك ماتشوفين وتطحن بك الايام طحن الرحاتي

وعساك عوق منه ماعاد تبرين . عوق تشافق له قلوب العداتي

ويالله عسى يحتار فيك المداوين . تبين الممات ولايجيك المماتي

ويالله عسى كف الندامه تعضين . تندمين يوم انه يفوت الفواتي

وتبكين دم يسيل منه مقله العين . وتحتار امك من عناك وتحاتي

عسى ماتلاقي من له القلب تهدين . وان هو حصل ادعي عساك الشتاتي

يابلوه اللي وسط بيته تعيشين . ساهي وحوله شب جمره الغضاتي

عسى بعمرك ساعه ماتهنين . وتمضي حياتك بين هم وشقاتي

يابنت قلبي وين مثله تلاقين . قلبا عطاك الحب ماقال هاتي

جيتك وروحي شلتها لك بكفين وفي التاليه رمح الخيانه جزاتي

يالله عساك النار يا أم وجهين كله انكشف لاماتفيد العباتي

ويالله عسى تلبسك جن وشياطين . وتكونين مدعاه الحكي والشماتي

ياحيه رقطا تقود الثعابين . باكر تحن ايامك المعتماتي

وباكر على فعلك بمثله تجازين ظلم المشاعر ماتحكمه قضاتي

بيني وبينك تحكمه ايام وسنين .وانا شاهدي قلبا من الغدر ماتي

ويادمعه التمساح لا لاتذرفين العيون رغم دموعها كاذباتي

لا ماعرفتي الحب لاماتحسين . وغدرك تعدى ذيب الفلاتي

الذيب بعوي قبل يغدر بمسكين وانتي غدرتي خافقي في سباتي

لو كان غدرك في كفوف الموازين لكان رجح غدرك كل غدر البناتي

انتي السبب سقتي على القلب جرحين غدر الغرام وموجع الذكرياتي

وانتي السبب واليوم لا لاتلومين وان جاك باكر شوفي شلون ياتي

والله لاكتب وافضحك في دواوين وارقص واغني يوم خبر الوفاتي

وارسم لاهل العشق قلبا وسهمين .وقصه خيانه ماروتها الرواتي

ويمين لانشر فوق اسمك عناوين . واشهرك من قاصي اليمن للفراتي

ومن غرب هالدنيا الى قاصي الصين . ديوان غدر فيه كل اللغاتي

والبادي اضلم سنه العين بالعين . والا فذي لاعادتي ولا صفاتي

وياشبه انسانه براس ورجلين . اعوذ بالرحمن منك بصلاتي

rwd]m r,dm uk hgodhkm 2015 K Powerful poem for treason