طعام طفل 8 شهور ، Food baby 8 months

**اميرة بحركاتى** · 20-Mar-2015,01:22 PM

اهلا ومرحبا بكم فى منتديات مياسة المميزة
يسعدنا ان مقدم لكم اليوم
الطعام الاطفال ، اكل طفل 8 شهور

نتمنى ان تسعدو معنا

الطعام الاطفال ، اكل طفل 8 شهور
طفل عمره 8شهور أو أكتر ياكل إيه تاني؟
_ دلوقتي مسموح بكل أنواع الخضراوات وكمان الطماطم.
_ممكن بردو الشوفان والمكرونة والرز.
_ممكن تضيفي الكسبرة والشبت والبقدونس للأكل, ممكن كمون وقرفة بسيط.
_البقول بقى نوعي للطفل منها زي (اللوبيا, الفاصوليا, العدس الأسمر والأصفر (تعمليهم مع الرز نوعين الكشري)).
_كبدة الفراخ, والفراخ, والسمك (بس بحذر) وياريت لو تأخريه شوية هو واللحمة.
_بعض المراجع في التغذية بيقولوا إن ممكن إضافة زيت الزتون (الأصلي), البصل والتوم. فانتي إستخدميهم بس بحرص.
بس مش تعمليله الأكل محمر ومشمر يا فتوكة لأ طبعا.
طعام شهور Food baby months 370322.gif

يبقى ممكن بقى تعملي لبنوتك إيه؟
_تجيبي نقطة زيت في الطاسة وتقطعي فتفوتين بصل وتقطعي طماطماية بدون قشر ولا بذور وتحطي الخضار وتسوي بدون ملح وتبقي أكلتيها طبيخ ودة ينطبق على كل أنواع الخضار .
_بردو بنفس الطريقة وبدل الخضار مكرونة.
_ممكن تسلقي حتة فرخة جامد مع الخضار وتهرسي كويس جدا وبالهنا والشفا.
_الشوفان مفيد جدا ممكن تسلقي حتة فرخة بشوية بصل صغننين وشوية كمون وبس, وفي شوربتهم تحطي الشوفان يستوي.
_إسلقي الرز مع العدس مع بصلاية صغنونة جدا وكمون بسيط
كل دة بدون ملح بكرر.
وأبدعي بقى في حدود المسموح. بس ماتعكيش يا فتوكة.
_الزبادي بعد الشهر التاسع, وزبادي طبيعي مش معلب.
_ كذلك متاح كل أنواع الفواكه ماعدا (الكريز) قريت في مرجع إنه يعطى للطفل بحذر, والعنب والرمان بلاش علشان بعد الشر مش يقف في زورهم, بس ممكن عصير طبعا, بدون سكر ولا عسل بكرر.
طعام شهور Food baby months 370323.gif

كدا إبنك أو بنتك متاح ليه عشرات الأنواع من الخضار والفاكهة والحبوب وغيره.
يبقى مفيش داعي للبسكوتات والعصاير المعلبة والحاجات المضرة دي طعام شهور Food baby months 370324.gif