الموضوع: ::: ( أجــمــل شــي ) :::

::: ( أجــمــل شــي ) :::







[poem=font="Simplified Arabic,3,white,bold,normal" bkcolor="darkred" bkimage="" border="none,4,gray" type=1 line=0 align=center use=ex num="0,black"]
ترى اجمل شي بالدنيا تكون الصاحـي الحلمـان
تكون بغيبتك واعـي تكـون المتعـب جفونـه

وأجمل شي بالدنيـا تكـون الهـادي البركـان
تكون بجلستك نزعـه تكـون لفزعتـك عونـه

وأجمل شي بالدنيـا تكـون الجاهـل الفهمـان
تكون الصادق بكذبـة تكـون المسـرع بهونـه

وأجمل شي بالدنيـا تكـون الراسـي السكـران
تكون العاقل بطيشـه تكـون المزعـج سكونـه

وأجمل شي بالدنيا تكـون المزعـل الشرهـان
تكون المنصف المايـل تكـون القاسـي ليونـه

وأجمل شـي بالدنيـا تكـون المكـرم الجيعـان
تكون مجاهـد ٍ نفسـه تكـون مقلـط صحونـه

وأجمل شي بالدنيـا تكـون العاشـق الولهـان
وآه من العشق ياهـو كثيـر النـاس يشكونـه

وعلى طاري العشق أذكر يقولون العشق أحزان
وأقول اي والله أحزان ٍ وكـل النـاس يبغونـه

ياحلو العشق وأحزانه ياحلوه زان لي أو شـان
واذا كان العشق جذع ٍ سنيني صارت غصونـه

أنا عاشـق أنـا هايـم أقولـه بفمـي المليـان
أقولـه والغـلا زايـد تزيـده بنـت مزيونـه

جماله ساحر ويفتن جمال ٍ مو على اي انسـان
جمال ٍ صوّره ربـي وتـرك هالعيـن مفتونـه

جماله ظالم وطاغي أبد ماهـو علـى الحسبـان
جماله جيش قومانـي يبيـح القلـب وركونـه

جماله للنظـر غانـم تجلـى بهيبـة الفرسـان
رثع بالنـاس خلاهـم بـلا خطـوات موزونـه
تعلا ّ بالسمـا العالـي وصـار بطلتـه سلطـان
تموت نجوم مقهوره وضاع البـدر فـي كونـه

جماله ياعرب ماصار حتـى لـو تلـف أوطـان
وتعجز مالقيـت اللـي يحالـي شكلـه ولونـه

عيونه سلسلة اجرام نرجي من النظـر احسـان
كأنك في سجن بو غريب وكن السجـن بعيونـه

تعري رغبتي بالشوف أنا ميت من الكتمـان
أبي أفضح فعايلها أبـي أكشـف عـن طعونـه

أبي هالقلب يتحرر من سكوت ٍ علـى حرمـان
أبي هالآه من صـدري تشـق أبيـات مكنونـه

وتشرق شمس فضفاضه تفضفض بالهوى أزمان
وتصنـع للهوى قصـة تمـر أجيـال يحكونـه

وأصير بنشوتي قيس ٍ وعنتر مع شقى عدنـان
وتصيري عبله ولينـا وليلـى بكامـل جنونـه

ياسعد القلب في قربك تغنـى بالهـوى طربـان
يشد أحبـال صوتيـه ويرخـي بالـك لحونـه

شراك القلب ياشاري وكلـن يحسبـه خسـران
كثير الناس ينهونه , تصدق صـارو يرشونـه

ولكن فـي هواكـم لا ولانسـاوم بـاي أثمـان
هواكم نادر وغالـي تـرى صعـب ٍ يسومونـه[/poem]