LinkBack URL
About LinkBacks
يوم عــــرس اخـــوي محماس !!
والله وتطقني ذيك الضيقه قلت ياولد ارد والا اصفقه بخيارات 
. يلعن ام النكبه وش السواة ياولد مالي الا اكلمه 
قال بس لابوهم لابو طياراتهماركب اركب وانا اخووو شعيلا هالكابرس الاطخم موجود وتحزن اررررركب
انا شكيت في نفسي قلت ياولد لاتهووور خاصة اني اسمراني ومربرب بس مالي الا دربي والله يعين :
واركب مع ذيبان ويتل الكابرس ومن اول دعسه حرام ما اقدر اقرأ اللوحات الكبار حقت الدعايات
والدعسه الثالثه الا وقد قطعنا ثلاث دوووووولوزقارته ماتطفي آآآبوك يالخرمان
والله ونوصل الرياض بحفظ الله ورعايته . واعزم ابوشنب قال والله ماشي وييين قال ابرجع للديره اللي جينا منها اهلي حاطهم في السوق بس قلت اوصل ابوسعود يوم شفتك محزنوارجع
وادخل بيتنا الا وهذا ابوي . ماشاءالله وش هالسرعه قلت ابد يايبه راكبن مع واحد من خوياي على طيارته الكونكورد وصلني وعود
هاااااه وشلون المعرس الا منهو مآخذ ماشاءالله
قال ابوي مآخذ بنت عمك .
قلت بنت عمي خخخخخخخخخخخخخ كأنه متزوج عميقال ههها عاد كلش ولا اخوي
وفي هذا الاثناء >>>> صح يامثقف خخخخخخخخ مرت سحليتان صغيرتان من خواتي يسلمن علي :sm22: ماشاءالله عليكن وين بتروحن قالن بنروح نطلع فساتينا من المشغل
زين زين انتي بكم مفصله فستانك قالت باربع الاف واشهق هاك الشهقه اللي يحبها قلبك قلت وانتي الثانيه قالت بسبعة الاف >>>>>>>
نعنبوا ابليسكن وش مفصلات مفصلات سيارات
قلت لأبوي : هااااه يبه وين العرس انشاءالله في المقصووووره
قال : البخ بس تبي المقصوره انت ووجهك !! العرس في مخيمنا في الثمامه ويخب عليكم
قلت : زين زين منها نحضر العرس ومنها نطامر على الدبابات
بعــــــد ذلك دخلت في نووووووم عميق لأني كنت تعبان من السفر ومن سواقة اخو شعيلا راعي الكابرس
فـــــــــــــي الحلقــــــــــه القــــادمــه سنكمل تفاصيل القصــــه ومنهـــا ::
_ محمــــاس وهو في الشيراتون قبل العرس .
_ يوم اروح افصل ثياب وسراويل .
_ السحالي يوم نــزف المعرس .
اتمنى تكــــــــون اعجبتكم
واحـــــــــــــــد من العيال
