الموضوع: لاتامن الدنيا

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
لا تامن الدنيا ترى الوقت ميلات ****** يخبرك باللي طول وقتك جهلته

يكفيك ياقلبي جروح وعلات ****** من اسود الوجه توهقت وعرفته

ماعادلي فالنوم شفن ولذات ****** والشعر يصرخبي عقب ما كتمته

كنه بقلبي مثل موج المحيطات ****** يقول ابوصف واحد ما وصفته

يقبل علي بوجه ويقفي بعشرات ****** ونا علي طيب والجمايل حملته

ونا الذي اخرست من دونه اصوات ****** واللي تطاول له بسيفه كسرته

واللي يبلغني عنه علوم وسفالات ******صديت وجهي كني ما سمعته

ودفعت عنه في غيابه دفاعات ****** واللي حكالي عنه قمت وتركته

لكني خذلني ما جرى من سفاهات ******اللي بعيني عنكم انا شهدته

لاتحسبني عنا يوم ابدي غفلات ****** وغضيت عنكم طرف وطرفن فتحته

ماطعت يوم ابوي انذرني مرات ****** قال ان تخاوي الردي وصيتك وضيعته

وقال الردي ياولدي ماله امانات ******يقول خبثه في عيونه لمسته

ياكم لحقني منه عيب منه وزلات ******هذا جزي معروفي اللي بذلته

هذا جزي رافعك فوق الطويلات****** هذا جزىذكره وصوته رفعته

هذاجزىيوم استره من خمالات ****** هذا جزي اني على راسي وضعته

هذا جزى المعروف يابو الدناسات ****** اثرك خبيث القلب وخبثك كشفته

وجهك سقط ما يستره من مناعات******بان الغدر واليوم درسك فهمته

مابقى بيرالالكم فيه نزلات ****** ولانجر والا هيلك فيها طحنته

وما بقى قاع الالكم فيه وطيات ****** ولا وادي الا بسيلك غمرته

يلعن ابوذيك الرطل والشحيمات ******على مثيلك ياسود الوجه شفته

ولو كان قد حكي بي شمات ******والله لاروي الضمابدمك شربته

لاتعترض درب ليث وسط غابات ****** وهلاك روحك ويلك اليوم حبسته

مسكين طيور عليها النوايات ****** صيادها ما صادها انا اللي صدته

الردي ساسه ردي والناس طينات ****** تعرف معادنهم لامنك فحصته

الردي يمشي معه مثل الخيلات ******والطبع يعوق التطبع لو طبعته

قال المثل ياناس اقوال قديمات ****** ترى الحبل ما يرتكز لو ركزته

ارسل حروفي لكم فيها دلالات ******وتجارب اللي كاس غدره شربته

اللي ردي اعماله يهز السموات ****** وينافق بفعله وقوله وصمته

اشرب فناجيل الحناظل مرات ******من ناصحك لو كان دمعك نثرته

وحذر اللي السهم نصيه بالذات ****** ترى السهم صايبك لو ماردعته

واختم قصيدي لكم واقفل ابيات ****** وذكر مثل يومي تهيضت قلته

لاتامن الدنيا ترى الوقت ميلات ******ويخبركياللي طول وقتك جهلته


تحيات

رامي الصغيررر[/poem]

---

ghjhlk hg]kdh