((فضايح الحزب الحكم بمصر))

**عرباوي** · 22-Apr-2006,05:40 PM

((فضايح الحزب الحكم بمصر))

--------------------------------------------------------------------------------

بسم الله الرحمن الرحيم

والصلاة والسلام على أشرف الخلق وخاتم الانبياء والمرسلين , سيدنا محمد النبي الكريم وعلى آله وصحبه أجمعين

دي مش خطبة ولا حاجة

انما أنا بصراحة وصلت لآخري

سبب هذا الموضوع هو آخر جريمة كبرى حدثت في مصر مؤخرا ,. حادثة المسرح في بني سويف
وقد تكتّم الاعلام المصري عن الجريمة بما يكفي . وناس كتير ماتعرفش ابعاد الموضوع كله

للأسف دون الخوض في تفاصيل المهزلة الثقافية الصحية الانسانية الاجتماعية في مصر وتبعات ذلك
من حادثة المسرح
والمطافي اللي جاية من غير مية
والمستشفيات اللي عندها حقن لكن ما بتطلّعش للمواطنين اي حاجة
والمشرحة اللي كانت التلاجة فيها بايظة ومفهاش مراوح
والجثث اللي تفحّمت وتم التعرف عليها من الجزم
والجثث المكوّمة فوق بعضها في المشرحة وعلى الاسفلت في الشارع
والشباب اللي كان بيكفّن اصحابه بنفسه وبأي حاجة يلاقيها في ايديه لأن الكفن طبعا اتسرق وغير متوافر
والاطباء اللي كانوا بيمسحوا الارض في المستشفى لأن الوزير جاي
والممرضين والاطباء اللي شالوا المصابين من على السراير عشان تغيير الملايات . ماهو اصل سيادة الوزير جاي
الصدمة اللي انتابت جيل من الطلائع بأكمله في بلده وحكومته وانسانيته وثقافته وابداعه

كل دي قشور . والتفاصيل اسوأ وأضلّ

لكن الغير طبيعي ابدا انه عندما يرفع جزء كبير جدا من الفنانين والمثقّفين عريضة وخطاب يطالبون فيه باقالة وزير الثقافة

أن يرفع جانب كبير ايضا من الفنانين خطاب يطالبون فيه بالابقاء على وزير الثقافة وان انجازاته كبيرة
!!!!!!!!!!!!!!!!!!!!!!!‍‍‍‍‍‍‍‍‍‍‍‍‍ ‍‍‍‍‍‍‍‍‍‍‍‍‍‍

دي خيانة كبيرة جدا . وتبعية . وذل وهوان

احنا شعب مفيش في خيابته وخضوعه في اي مكان اخر في العالم . بكل اسف
الناس مش لاقية تاكل ورايحين ينتخبوا مبارك ‍‍‍‍‍‍‍!!!!!!!!!!!!!!!!
الناس ماشية في الشوارع عريانة وهدومها مبهدلة , وفي اللي مالي الشوارع يفط لمبارك

الحكومة لغت المنطقة الحرة في بورسعيد , وحصل كساد ما بعده كساد يعني الحكومة حرمت الناس من مصدر قوتها
ومع ذلك محدّش فتح بقه
ولا قال انتوا مين

أظن مفيش بعد كده خضوع ومذلة
الشعب بقاله 35 سنة بيشحت ومع ذلك كله ساكت ومفيش حد عايز يتحرّك ولا حتى يقول حاجة
الناس قاعدة على القهوة تلعب جوكر وتشيّش وخلاص على كده

حادثة قطار الصعيد حصلت ومحدش اتحاسب والناس برده ساكته . وراحوا انتخبوا مبارك

انا بقول للناس في المنتدى وخارجه :-
اذا كنت عضو في الحزب الوطني او حتى مؤيد لأفكاره او حتى انتخبت مبارك
انت حر طبعا .

بس لازم تعرف انك مسؤول عن الفقر في هذا البلد
ومشارك في جريمة قصر الثقافة
ومسؤول عن البطالة في مصر
ومسؤول عن النظام الصحي الفاااااااااااااااااااااااشل
ومسؤول عن عدم وجود تعليم في مصر
ومشارك في جريمة قطار الصعيد
وقطّعت بايديك ملابس النساء في يوم الاستفتاء الاسود
ومشارك في تعذيب المعتقلين وايديك ملوثة بدماء من ماتوا في السجون
انت كمان مسؤول عن الغاز اللي راح اسرائيل والبترول والكهرباء .
انت مسؤول عن هذه الموارد التي سيستخدمها اليهود في تمزيق الفلسطينيين
انت شريك مصطفى علوي عضو لجنة السياسات ورئيس هيئة قصور الثقافة في جريمة بني سويف
انت مسؤول عن عجز الموازنة وعدم وجود معدل للتنمية اصلا
انت مسؤول عن 630 مليار دين خارجي ومحلي
انت مشارك في التطبيع وغارق في دنسه حتى انفك

انت راضي ومسؤول ومتورّط في حالة التدهور الحضاري الانساني في مصر
انت مع التيار لكنك عكس المبادىء . وعكس الاخلاق وعكس الاسلام وعكس الله سبحانه وتعالى

اذا كان الناس بهذا الذل والخضوع
فان الله سبحانه وتعالى قد جازانا بما نستحق
لاننا لم نحارب الفساد بل ضاجعناه

{وَإِذَا تَوَلَّى سَعَى فِي الأَرْضِ لِيُفْسِدَ فِيِهَا وَيُهْلِكَ الْحَرْثَ وَالنَّسْلَ وَاللّهُ لاَ يُحِبُّ الفَسَادَ }البقرة205

{فَلَوْلاَ كَانَ مِنَ الْقُرُونِ مِن قَبْلِكُمْ أُوْلُواْ بَقِيَّةٍ يَنْهَوْنَ عَنِ الْفَسَادِ فِي الأَرْضِ إِلاَّ قَلِيلاً مِّمَّنْ أَنجَيْنَا مِنْهُمْ وَاتَّبَعَ الَّذِينَ ظَلَمُواْ مَا أُتْرِفُواْ فِيهِ وَكَانُواْ مُجْرِمِينَ }هود116

{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ }الروم41

{وَمَا ظَلَمْنَاهُمْ وَلَـكِن ظَلَمُواْ أَنفُسَهُمْ فَمَا أَغْنَتْ عَنْهُمْ آلِهَتُهُمُ الَّتِي يَدْعُونَ مِن دُونِ اللّهِ مِن شَيْءٍ لِّمَّا جَاء أَمْرُ رَبِّكَ وَمَا زَادُوهُمْ غَيْرَ تَتْبِيبٍ }هود101

{وَمَا ظَلَمْنَاهُمْ وَلَـكِن كَانُواْ أَنفُسَهُمْ يَظْلِمُونَ }النحل118

**حازم التركى** · 01-May-2006,04:29 AM

اخى عرباوى مشكور على كل هذة السطور

ولكن

اولا انت كم عمرك

ثانيا ماذا تعرف عن تاريخ مصر

ثالثا ماذا كان حال مصر قبل مبارك وما حالها بعد مبارك

اخى عرباوى ارجو ان يكون كلامى خفيف وهذا مجرد راى الشخصى

وايضا بعض اراء من الناس اللى اعرفهم

اذا كنت رايت حال مصر فى اول السبعينيات كنت عرفت ان مبارك هو سبب للعيش اللى الذى تاكلة والملبس الذى تلبسة والانترنت الذى تجلس عليه بالساعات

هذا ليس تحيذ ولكن مبارك يحب وطنة

اخى عرباوى ان مبارك احسن من غيرة واكبر دليل على كلامى

ماذا فعل المرشحين امام مبارك بعد الانتخبات الرئاسية

واحد فى المعتقل بسبب التزوير
ولاخر يحرق حزبة والذى هو رئييسة ههههههههههههههههههه

عجبت لمصر ولشعب مصر

عزيزى فنقل الحمد لله لاننا لم نعرف ما فى الغيب ربما نكون ضيوف وليس اصحاب

نحن الان اصحاب الوطن والبلد ولكن ربما بعد ذلك نكون ضيوف ولم نجد حتى المكان الذى نشعر فية باالامان عزيزى عرباوى

اخى الفاضل فنقل الحمد لله ولكن يبقى السؤال ما مصيرنا فى السنين القادمة

اذا كنت تحب بلدك فعمل على بقائها كبيرة عظيمة راقية منصورة

ولكن لن تخفس بمصر وناسها وشعبها الارض

لان مصر دئما فوق الجميع

مصر دئما باذن الله منصورة بشعبها اللى بيحب بلدة مصر

ولكن مش بيحب الفلوس اللى بتيجى من ورا مصر

مشكور عزيزى وارجو ان لا تتضايق من كلامى

لان هذا ما فى داخلى

تحياتى \ حازم

**هند الوفاء** · 01-May-2006,10:50 AM

مرحبااا

اشكرك اخي "عرباوي" لقوة وجرئة الطرح

ولكن ربما قلة معرفة الاعضاء بالتطورات في مصروالاحزابوو.

جعلت الموضوع دون تفاعلرغم خطورته ويعني للكثير خاصة المصريين الشي الكثير

حسنا ساشارككم بما اعرفهشاء القدر وكنت بمصر الفترة التي نشر الخبران الاطباء يمسحون اراضي المستشفياتواستعان بحارس المستشفى باسعاف الامراض والمصابين
وهذا يحدث بالاحياء الفقيرة كثيراابسط الحالات المراة التي ماتت وهي تلد!! لم يكن هناك مستشفى او مركز صحيوعند نقلها توفتوالادهى المستشفى الذي كانت ستذهب اليهفيه ادوات ومعدات ناقصةولم يكن فيه كادر بشرياي يمشون على خطى السلحفاةلا ادري ماذا ستفعل الناس الفقراء بهذه الحالاتونحن عدينا عصر التكنولوجيا والانترنتوهناك من يموت

حقيقة هذا ما شاهدته بعينيوهناك مناظر ابشع من ما ذكرتلا ينفع ذكرها فالوضع معروف
اي نعم هناك اهتمام بجانب ولكن هناك جوانب احق بالاهتمامفاكرم خلق الله هو "الانسان"

* لا اتابع كثير اخبار مصر ولكن هناك اخبار "تخرم طبلة الاذن" وتستحق الانتباه لهافمثلا امس سمعت بان " قانون الطوارئ" سيلغى.القانون الذي وضع او فعل عندما قتل الرئيس لسابق"انور السادات"لا افقه كثيرا بهذه التفاصيلولكن ما افهمه انه عصر ولى وفات وتجددت امور تستدعي الغاء القوانين الباليةالتي انتهى مفعولها بزوال مؤثراتها

الخلاصة" تاريخ مصر كبير وعظيم صعب ان يناقش في صفحاتولكن الشعب المصري يجب ان تقدم مصلحته على الجوانب التي تضيع حقوقه ولا تحسن من معيشتهلان الانسان المصري بصراحة اثبت قدراته بكل المجالاتفمن حقه ان يقدر ويحسن وضعه المادي والمعيشيوحفظ ثروة مصر يجب ان تصب لصالحه مباشرة"

ارجوا المعذرة.اتمنى ان يكون تعليقي واضح

التوقيع هناكان بنظرة مواطنة عربيةزائرة لمصر
تحيتي وجل احترامي

شاطي الاحلام · 02-May-2006,02:07 PM

اخى عرباوى مشكور على كل هذة السطور

**عرباوي** · 03-May-2006,12:49 AM

اولا انت كم عمرك

22سنة

ثانيا ماذا تعرف عن تاريخ مصر

اعرف انا لولا المصرين كان العالم زمانه عايش في جهل
لكن الاسف الان احنا اكثر الناس جهلا!!

ثالثا ماذا كان حال مصر قبل مبارك وما حالها بعد مبارك

حال مصر قبل مبارك كان ما في مشروع توشكي الضخم الذي قالو عنه الكثيرون انهو هيخلي خريطة مصر كلها خضراء

و هيخلي المصرين في غنه عن الكثر من الاصدرات الخريجية

يا اخي الكريم حال مصر بدون مبارك من قبل مثلا جمال عبد الناصر اعد تقريبا 18 سنة بيحارب اسرائيل و امريكا و فرنسا و انجلترا و ما في يوم زاد سعر المستهلاكات مثل السكر و الزيت الخ الخ
ال شلن واحد
عكس عصر مبارك بقا كل شهر يذدات سعر المستهلاكات
ممكن تقولي ما الدنياه كلها غالية اشمعنا احنا
اقولك السكر مثلا انتا اكبر بلد في صناعه السكر و تقريبا بي العملة المحلي تعتبر انتا اغلي بلد فثي بيع السكر للشعب

اذا كنت رايت حال مصر فى اول السبعينيات كنت عرفت ان مبارك هو سبب للعيش اللى الذى تاكلة والملبس الذى تلبسة والانترنت الذى تجلس عليه بالساعات

يا اخي انا ايضا معك مبارك عمر مصر بي اشياء كثيرة
لكن في السبعنيات السادات و جمال عبد الناصر كنه في وقت حرب يعني ما ينع انك تبني و تصنع في وقت حرب
و اكيد انتا معايه لو قلت لو جمال عبد الناصر رحمة الله كان لسه عايش كان حال مصر اختلاف اختلاف كامل انا اقصد للاحسن طبعا حته يا اخي ازا ما كنة عيشين عيشة كويسه كنة علي الاقل نبقا رجالة مش نخلي بلد زاي امريكا تتحكم في نظام الحكم عندنا
هنا الفرق بين السبعنيات و دلوقتي
ان حكام مصر السابقين مثل جمال عبد الناصر كان ما بيسمح ليه اي بلد التدخل في شؤون الشعب و الوطن
و لو تلاحظ ان كل ما ترفض طلب ليه امريكا تلقي مسؤل من البيت السود طالع بيقول احنا بنفكر نقطع المساعدات عن مصر!!!

والله عيب اوي
لما انتا تكون في الحقيقة بلد من اغنة البلاد و بلد مثل امريكا تبعتلك مسعدات
انا كل الاقصده ان بلدنا كل يوم بتتسرق
و الغرابة ان الحرامية مش مكتفين بي دماء الشعب الي بيمصو فيها لاء دول بيشحتو كمان من برا
شفت التسول بعينة!!!

ماذا فعل المرشحين امام مبارك بعد الانتخبات الرئاسية

واحد فى المعتقل بسبب التزوير
ولاخر يحرق حزبة والذى هو رئييسة ههههههههههههههههههه

يا اخي كنت تقول احسن ماذا فعل مبارك للرجل الي في حزبة صاحب العبارة الذي تسبب في موت الكثر من ابناء الوطن!!!

و اخيرا
اخاف ينطبق علينا قول الله تعالة

{وَمَا ظَلَمْنَاهُمْ وَلَـكِن كَانُواْ أَنفُسَهُمْ يَظْلِمُونَ }النحل118

شكرا اخويا حازم علفي مرورك و علي رئيك

**عرباوي** · 03-May-2006,12:54 AM

الخلاصة" تاريخ مصر كبير وعظيم صعب ان يناقش في صفحاتولكن الشعب المصري يجب ان تقدم مصلحته على الجوانب التي تضيع حقوقه ولا تحسن من معيشتهلان الانسان المصري بصراحة اثبت قدراته بكل المجالاتفمن حقه ان يقدر ويحسن وضعه المادي والمعيشيوحفظ ثروة مصر يجب ان تصب لصالحه مباشرة"

شكرا اختي الغالية هند
انتي كدا لخصتي كل الي عايز اقولو في موضوعي
شكرا اختي الغالية مرورك وسام علي صدري اعتذ بي

**عرباوي** · 03-May-2006,12:55 AM

شكرا اخوي شاطئ
بس يارت توفينا بي رئيك
تقبل تحياتي

**™ إبراهيم (007) ™** · 03-May-2006,10:15 PM

ليش لي رأي

بس تقبل زيارتي لصفحتك

**عرباوي** · 04-May-2006,03:40 PM

يا هلا فيك اخوي امير
نورت الموضوع بحضورك

**سندريلا مملوحة** · 10-May-2006,02:49 PM

واللهى يا عرباوى الحاجات دى مش فى مصر بس
فى كل مكان بس عندنا احنا زيادة شوية
بس انا مصرية وبحب مصر اوى اوى وبعشقها كمان
واكتر من كدة
وانا مسمحش لنفسى اغلط عليها
بس اللى هقولة انى ربنا يجعلنا من البلاد العالية
وربنا يعليكى يا مصر ويبعد عن كل شر
وشكرا لك اخى عرباوى
بس انا مش عارفة هتكلم اقول اية بعد موضوعك
بس اشكر جدا