الموضوع: نغمة الموت

نعمة

نغمة الموت





هيضني الغربي مع هبّة الصوت
واذهبت نسناس الغلا في كلامك


صار الهوى ( بحّه ), مع صوتك ايفوت
لفوادي اللي محتفظ في مقامك


ذكرني الغربي , بخنجر وتابوت
وحلومي اللي زارتك في منامك


( والورده الحمرا وخاتم وياقوت )
واول تباريح السهر في هيامك


يوم انتبه سمعي , على نغمة الموت
في ضحكتك , في همستك , في سلامك


اسمع حروفك سيرت داخلي ( بوت )
يبحر مع دمّي , ويتبع نظامك


واقلّب اضلوعي , على صفحة النوت
ابا اعزف الحانك , ولا القى مقامك


ضلعٍ عزف ( دو ) ( ري ) وسمعتها دووت
وآخر عزف ( مي ) ( فا ) لجلك وضامك


الله عليك ابداع , ياسحر هاروت
من لهفة اشواقك , لحد انتقامك


عطرك وسحرك , والبلا بحّة الصوت
( جمرك ) , و ( توتك ), مشيتك , وانسجامك


الا على فكره !! , على طاري التوت
باقي الشفايف تنجرح من صيامك ؟


باقي جمالك والحلا باني ابيوت
في دولتك ماتحتملها عظامك ؟


وباقي تطيح لهيبتك عقل وابشوت ؟
وباقي المرايه تنحني لاحترامك ؟


ادري على خبري ولازلتي القوت
لضلوعي اللي جوعها من سهامك


أموت بك , واحيا معك , وارجع آموت
في غيبتك , واحيا بعد بابتسامك


باقي على عهدي , ولو فاتني الفوت
ومعاهدك بالله , لاخلّد غرامك


واتنفسك معنى , واغازلك ببيوت
دام اكسجيني زفرتك في نسامك


ودام الهوى صاير , مع بحتك صوت
والله لاتنفس غلا , من كلامك


ودام الحكايه , كلها موت في موت
لارحمني ربي , لو ارخص مقامك



الشاعر جميل بن زريع

---

kylm hgl,j