LinkBack URL
About LinkBacks
الهـــروب إلى الحــب –
الجـــزء الأول
دخل المنزل عند الساعه الثانية ظهرا
ما فيه أحد من أفراد العائله كان متوقع انه يكون موجود بالرياض
كان بالبحرين من أسبوع في صيف تأكد انه أسوأ صيف مر عليه بحياته
بعد ما دخل البيت تمنى انه ما طلع منه للبحرين ولا فكر بهالخطوه هذي ابدا
كان البيت هااادي كعادة بيوت السعوديين عز القايلة خاصة في الصيــف
ما فيه احد صاحي عدا الشغاله اللي ناظرته وسألته السؤال المعتاد : تبي غداء ؟
ناظر فيها نص نظرة كنه مهب متأكد انه بالرياض وهز راسه بالنفي وكان وده يهديها وحده من ابتساماته المعهوده بس ما قدر
صعد لغرفته
ما ان دخلها حتى انهارت قواه وطاح على سريره وشنطته بيده للحين مو مصدق
ناظر في جواله شوي غمض عيونه فتحها وعيونه بجواله اللي كان يرن وكان مكتوب " فـهـد يتصل بك "
طاحت عينه على الساعه اللي بالجوال لقاها الساعه 9 بالليل عرف انه نااام نومه ما نامها من فترة
سكت الجوال وقام دخل الحمام واشتغل صوت الدش
طلع من الحمام ولبس وطلع متجه للحلاق دق عليــه
نواف : سلام
الحلاق : عليكم السلام أهليــن نواف كيفك ؟
نواف : ماشي حاالي عندك أحد ؟
الحلاق : عندي واحد بس فيه واحد متصل بيجي بعد نص ساعه وش تبغى تحلق؟
نواف : ذقــن
الحلاق : أجل تعال على بال ماتوصل أكون خلصت منه ويمدينا قبل لا يجي
نواف : أوكي مسافة طريق
بعد ما طلع من الحلاق كانت ساعة يده تقول ان الساعه 10.15
الدراسة تبدأ بعد اسبوعين وأنا طفشان وأحس الدنيا زي الزفت وش أسوي ؟
وكعادة الشباب السعودي الكريم في مدينة الرياض الجميلة الرائعه قعد يدور يدور ما عنده أي شي يسويه ولا أي مكان يروح له لمدة نص ساعه
على الساعه 11 دق عليه رقم غريــب
رد عليه بدون تفكير سمع صوت فــهــد ولد عمه
فهد : ويــــنك يالدب؟ وراه ما ترد علي
نواف : وش عندك ؟
فهد : أول شي قلي وراك ما ترد علي ؟
نواف : ياخي مالي خلقك زين ؟
فهد : نواف وش بك ؟
نواف : مابي شي قلي وش عندك تدق ؟
فهد : عندي اني ابيك تعال وينك ؟
نواف : مدري
فهد : رجعت من البحرين ؟
نواف : ايه انا بالرياض
فهد : يا كبرها عند ربي توني داق على بيتكم تقول امك ما شفته
نواف : اييييييه صح نسيت اسلم على امي
فهد : الله يقطع ابليسك احد يرجع من سفر ولا يسلم على امه ؟
نواف : ياخي نسيـت والله
فهد : ايه اللي ماخذ عقلك
نواف : يالله طيب انا راجع البيت اسلم على امي
فهد : خلاص الوعد بيتكم انا بجيك بعد ساعه تصير سلمت على امك
نواف : يا كثرك خلاص اوكي
فهد : على قللللللبك
نواف : ههههههههههه يالله باي
فهد : باي
اتجه نواف على طول وبدون تفكير على بيتهم ودخل والا هذي امه قاعده سلم عليها وقعد معها
ام خالد : الحمد لله على السلامه
نواف : الله يسلمك يمه
ام خالد : ها عسى انبسطت ؟
نواف : الحمد لله والله وسعت صدري شوي
ام خالد : ايه الله يستر عليك دق اليوم فهد يدورك يقول انه له اكثر من اسبوع يدق على جوالك ولا ترد عليه
نواف : يا بنت الحلال ازعجني هالولد يا كثر اتصالاته اللي على غير سنع اذا يبي شي يرسلي رسالة تعودت عليه
ام خالد : غريبه مع اني خابرتك ما ترتاح الا معه
نواف : والى هالحين يمه
ام خالد : وراك ناحف يا وليدي ما تاكل هناك ؟
نواف : لا بس تعرفين العزوبيه وما تسوي
ام خالد : ايه بس ناحف مره مره
نواف : عاد والله اني اكل هناك بس تعرفين الواحد لا صار لحاله لمدة اسبوع وش يسوي يروح نص يومه نوم ولا يقدر ياكل
ام خالد :
قعدوا يسولفون حول النص ساعه تقريبا على بال ما جاء فهد ودق على نواف نواف وكعادته عطاه صامت ولا رد عليه
دقيقتين وطلع نواف وركب مع فهد وطلعوا يتمشون
وهم بالطريـق
فهد : عسى ما شر وراك ما ترد علي ؟
نواف : ياخي قلتلك اكثر من مره مالي خلقك ما تفهم أنت ولا ما تسمع ؟
فهد : صدق والله وش اللي حاصل انا تركتك هناك عشر ايام كنت وش زينك ووش ملحك وش غيرك ؟
نواف : بلاك ما دريت وش صار
فهد : وش صار ؟
نواف : مهب وقته بعدين اقولك .
فهد : اقول تخبر اللي رقمتها ام لثمه ؟
نواف : اي وحده اللي بالسيف ؟ والا اللي بشارع المعارض ؟ والا اللي بالراشد ؟ كل ذولي متلثمات
فهد : هههههههههههههههههه ما شاء الله عليك حافظهم
نواف : بلاك ترقم على رقمي وانا وللأسف كل ما دقت وحده سميتها باسم المكان وشكلها متلثمه متعطره اي حااااقه
فهد : الله يرجك المهم اقصد اللي بالخبر
نواف : وش فيها ؟
فهد : نواف والله ان البنت عاااقله أنا مستغرب شلون كانت متلثمه بالراشد ومستغرب شلون اخذت الرقم
نواف : لا تنسى انها ما اخذته الا بعد طلعت الروح نسيت انها سوت لنا سالفه مع الهيئه يوم تشتكي علينا ؟
فهد : ولووو يانواف البنت عااااقله ورب الكعبه انها تصوم كل اثنين وخميس
نواف : .
فهد : لا وأزيدك من الشعر بيت كل يوم تدق تصحيني لصلاة الفجر
نواف : يؤ
فهد : أقول والله انها تصلح لك ولا ؟
نواف : !
فهد : على بركة الله ؟
نواف : تخطب أنت ؟
فهد : هههههههههههههههههههههههههههههههههههه
نواف : يصير خير ان شاء الله
فهد : نواف خلك انسان مرن لا تصير قاااسي وتنكسر ولا لين وتنعفط .
نواف : يا زين عفطة وجهك وانت تقولي هالكلام وش رايك تروح صدى التحليه انا راسي صاكني يبيلي قهوه
فهد : تبيني اروح صدى التحليه ؟ يا زينك ساكت لقيت لك قهوه على كيف كيييفك
نواف : رح لقريح ان شاء الله بس اهم شي ابي قهوه
فهد : اوكي
نواف :
رجعوا على اذان الفجر كان فهد متجه لإستراحة يجتمعون فيها العيال وغالبية هالعيال ما يحبهم نواف ولا يحب القعده معهم كل اهتماماتهم بلوت ومعسل وروتانا بس هذا ما يمنع انه يمر عليهم بالاسبوعين مرة
نواف : وين رايح ؟
فهد : الاستراحة
نواف : لا تكفى فكني ودني البيت
فهد : وش فيك نواف وش اللي حاصل ؟
نواف : مالي خلق فهد اتكلم بالموضوع الله يخليك فكني وودني البيت
فهد : طيب وش بتسوي ؟
نواف : ما رح اسوي شي بروح واقعد على النت والا عند التلفزيون
فهد : طيب جب اللاب حقك وتعال الاستراحة وادخل نت والا اقعد عند التلفزيون
نواف : يا كثرك يخوي مابي اروح الاستراحه ودني البيت والا رح الاستراحه وانا ارجع مع تكسي
فهد : لهالدرجة ؟ فهد وش اللي صار بالبحرين ؟
نواف : فهد؟
فهد : اوكي اوكي
حول فهد اتجاه السيارة يم جهة بيت نواف وضلوا طوووول الطريق ساكتين على ما وصلوا بيت نواف
فتح نواف الباب وقال : يالله تبي شي ؟
فهد : ترا ما نسيت الموضوع
نواف :
فهد : تراك تبي تقول ان شاء الله
نواف : يصيـــر خير ان شاء الله
فهد : يالله امسك الباب
نواف : ترا نوف تسلم عليك
فهد : من نوف ؟!!
نواف : نوفــك
فهد : متى كلمتها
نواف : امس كلمتني هي تسلم وتسأل عنك تقول انها زعلانه عليك لها اكثر من ثلاث اسابيع ولا دقيت عليها !!
فهد : ياخي ذبحتني من كثر ما تزعل كل عشر دقايق زعلانه
نواف : آآخ بس
فهد : زين اوريك فيها
نواف : تراهي قايلة لي ما اقولك يعني بتفتح الموضوع معها بوريك شغلك
فهد : لاتخاف يبن الحلال
نواف : تصبح على خير
فهد : بتفهمني انك بتنام يعني ؟
نواف : ايه بنام
فهد : زين زين الله معك بس لا أشوفك بعد شوي على النت
نواف : ايه اصلا معطيك بلوك على خشتك
فهد : يؤ وتعترف بعد ؟ هههههههههههههههههههههه
نواف : لا لا اكذب بس بعطيك بعد شوي
فهد : طيب اورييك يالدب يالله انزل
نواف : مع السلامه
فهد : الله معك
على الجهه الأخرى تماااااااما وفي الشرقيــه وبالتحديد بالخبر
كانوا ثنتين (( مها ونهى ))
مها : يختي ذبحني طفشني ودي مره تسمعينه وهو يسولف انسان يطفش يسولف يسولف ولا أدري وش يقول
نهى : منهو ؟
مها : هو فيه غيره ؟ محمد
نهى : ليش مكمله معه طيب؟
مها : والله تورطت فيه هو صحيح حلو بس يطفش بزر
نهى : التصريفه المعتاده عند كل البنات
مها : بتزوج ؟
نهى : هو فيه غيرها ؟
مها : اوكي بشوف ان شاء الله والله يعين على ذا اللزقه
نهى : اذا مره مره نشب فيك كلمي احد عيال عمه
مها : خلاص زين بكرا اكلمه
نهى : وليش بكرا الحين
مها : مالي خلق ادق عليه وانا جوالي مافيه رصيد وبعدين ادق على ايش ؟ نسيتي انه هو ما عنده جوال وانه يدق علي من جوالات اخوانه؟
نهى : اهاا طيب نت ما عنده ايميل بعد ؟
مها : الا عنده
نهى : اوكي وش تنتظرين يالله ادخلي وكلميه
مها : يعني من الحين ؟
نهى : وليش تنتظرين لبكرا وبعدين بالنت اسهل عليك من انك تقولين له بالتلفون والا ؟
مها : والله معك حق اوكي بشبك نت يالله باي
نهى : الله يكون بعونك باي
شبكت مها النت وكانت متوقعه مليون بالميه انه بتلقاه بالمسنجر بس غلط توقعها وكان نواف اون لاين
مها : اهلين نواف
نواف : هلا والله وغلا
مها : كيفك ؟
نواف : والله تماام انتي كيفك ؟
مها : حمد الله ها رجعت الرياض ولا توك ؟
نواف : الا الحمد الله اليوم الظهر وصلت بس وش عرفك اني كنت هناك ؟
مها : الحمد لله على السلامه شفتك بالراشد قبل كم يوم
نواف : اها الله يسلمك اجل شايفتني ؟ متى ؟
مها : مدري يمكن قبل 5 ايام
نواف : اها وش عندك تسألين عن محمد ؟
مها : والله نواف أنا محتاره مره محتاره مدري وش أسوي
نواف : ليش وش فيه ؟
مها : والله يا نواف انا انخطبت قبل كم يوم والرجال مافيه شي وابوي موافق عليه ولا ادري كيف اقول لمحمد خاصة ان محمد يموت فيني انا لي كم يوم مقلله مكالماتي معه وكم مره احسسه اني ما رح اكون له بس خوفي من ردة فعله اذا قلتله !!
نواف : لا حول ولا قوة الا بالله ناقصين مصايب بعد !
مها : والله اني عارفه انها مشكله بس المشكله الأعظم انه يا نواف ما فيه سبب يخليني ارفضه .
نواف : اهاا والمشكله الثانيه بعد ان محمد راسه يابس مدري شلون يبي يقتنع
مها : الله يستر
نواف : تبيني اكلمه انا ؟
مها : مدري والله يانواف مدري وش بيصير ومدري وش بقول باختصار مدري عن كل شي
نواف : اممممم الله يعينك
مها :
Mr.lover
عرض الملف الشخصي الخاص بالعضو
إرسال رسالة خاصة إلى Mr.lover
قم بزيارة الصفحة الشخصية لـ Mr.lover !
إيجاد المزيد من المشاركات لـ Mr.lover
إضافة Mr.lover إلى قائمة الأصدقاء لديك
