الموضوع: ( اخاف يتنفخ راسكم يالشباب علينا)

اخاف, يالشباب, يتنفخ, راسكم, علينا

هاذي القصة حقيقيه وصارت معي ومع عيلتي
وانت حرين تصدقوها او لا
طبعا جت الاجازه والوناسه واحنا طلعنا خارج المملكه
لاحد الدول العربية ( بدون ذكر الاسم ) وربي على ما يقول شهيد


في احد الايام كانت اختي تتصفح الجريده وشافت اعلان لحفله عن فنان معروف واحنا كلنا
تحمسنا للروحه
المهم حجزنا وتجهزنا للروحه , والحفله كانت في منطقه ثانيه بس قريبه من البلده الي احنا
فيها, المهم رحنا لهالحفله ( انا واخواتي امي ومرة خالي واولاده الصغار وخالتي وبنتها الصغيرة) يعني شله حرييييييم بدون رجال وناسه بس يافرحه ما تمت
حضرنا الحفله وكانت روعه الفنان من ساسه لراسه ذهب لا وزيدكم من الشعر بيت
حتى بكلة الجزمه (الله يكرمكم ) ذهب
وامي كل شوي تقول بعد هالاغنية نروح
انتهت الحفلة وروحنا وكانت الساعه تقريبا( ثنتين ونص , ثلاثة)
ويوم طلعنا بره كانت الريحه تسد النفس مافي نسمة هوى تدرون كانت ريحة خمر
لان المنطقه اغلبها مسيح وبها خمارات ( ماقلتلكم وناسه َََََ!!!!!!!!!)
دورنا على تكسي باص اي شي يوصلنا البيت وشفنا باص
وركبنا الباص وقال لنا السايق اجرة الباص وبصراحة كان سعره غالي يمكن لانه شافنا خليج وطمع احنا مارضينا لانه حرامي والسعر فوق المعقول
المهم نزلنا ودورنا , ويوم شفنا الناس تركب نفس الباص ركبنا معهم
ولما سئلنا الي بالباص كم الاجره قالوا يعني سعر الحقيقي
ركبنا ووصلنا لمنطقه مقطوعه
وجا واحد يلم الاجره ولما شافنا رفع السعر
احنا رفضنا مو لانا مامعنا او لانا فقارا
بس لان هذا نصب واحتيال
وكل الي بالباص رفضوا يعطوه الا . المبلغ المعتاد
وتهاوشنا الى ان جت الشرطه وقلناله السالفه
يدوب قاله كلمتين وراح ( كأنك يابو زيد ما غزيت)
الظاهر ان سايق الباص كان سكران
وركبنا الباص ولقيناه يرجع لورا الى جهت الوادي
وكل الي بالباص يصارخون ويبمون
ومنهم من نط من الشباك وحاله
وجت سيارة كامله بها شرطه وقلنا لهم السالفه
ومن هنا ومن هنا احنا عيينا نركب معه خفنا لا يسوي فينا شي ( تذكرو احنا في منطقة مقطوعه , يعني لا انس ولا جان )
انا قاتلكم شرطه ايه هين
مهو حاميها حرميها
الشرطه تركتنا لحالنا وراحت وراح الباص وكنا حريم لحالنا ( ابسط يا عم )
وش نسوي ولا شي طبعاغير نبكي وندعي
وبقينا على هالحال تقريبا نص ساعة
وسيارات مليانه شباب كلهم سكرانين فيها يمرون من جمبنا
وجا الفرج جت مايكرو باص
وكان فيها رجال والله انه نور على نور وكان حاطط قران
سئلنا ليه انتم هنا ويدوب نبي نقله ولا انه قاطعنا وقال انا شفت كل شي صار
وكمان قال الله يهداكم يعني لو اخذتوا معكم رجال ولا اقلكم
بدل ما تروحون مكان مثل كذا كان طلعتوا وشويتوا ولا رحتوا ملاهي او اي مكان بعيد عن هالاماكن
المهم وصلنا للبلد وحطنا في محطه به تكاسي
ويدوب نزلنا وانا لفيت اناظر للسيارة الي وصلتنا وماشفت شي
رحنا البيت واحنا نبكي ونشكر ربنا على هالنعمه
جا اليوم الثاني واحنا ما قلنا لا لابوي ولا لاخوي اوحتى خلاني
انتم عارفين ليه
وحنا نتذكر الي صار
لفت نظرنا شي
ان كنا احنا صايرلنا نص ساعة ننتظر كيف اهو عرف الي صايرلنا؟!!!!!
وانا لفيت وما شفت سياره رايحه !!!!
يعني لو مشت سيارة من قدامك عالاقل تشوفها من بعيد انها رايحه
وانا وربي على مايقول شهيد ما شفتها ابدا ( فص ملح وذاب)
تتوقعون مين كان ؟!!!
انا ماابي لقول
انتم تتوقعون من
يعني احنا صرلنا نص ساعه مرمين بمنطقه مقطوعه
وانا اول ما نزلت من السياره مافي دقيقة ولفيت مالقيت ولا حتى شبه ساره والكلام هذا كان بنص الليل




اتمنى الموقف هذا ما ينعاد ولا يتتكررر
وهذا درس لنا كلنا
الصدق الرجال سند لكل اسره
والله لايحرمنا من ابوي ولا من اخواني
زمن ذاك اليوم واحنا وين ما نروح معنا رجااااااااال

ونصيحة من مجرب لكل بنت صح الطلعه لو فيها رجال بتكوني فيها مقيده
بس والله انهم ستره لك من كل مشكله
وبعدين اتحملي ثقالت الدم والحشريه بس تذكروا انهم مثل حاجز لكل اذى بيصيبك
ودمتم بخيررررررر

---

( hoht djkto vhs;l dhgafhf ugdkh)