قصة رهيبه

11-Jun-2006,05:37 PM

ريما: هههههههههههههههههههههههههههه طيب طيب لاتعصبين

هديل: اي اضحكي انتي وجهك هذا الي فالحه فيه

ريما: يااختي وش فيكي معصبه وربي كنت حاطه الوكمن ومعليه الصوت وربي حتى نواف ماسمعته وربي شوي ويكسر الباب

هديل: المهم

ريما: ها وش عندك

هديل: وربي كنت افكر فيكي انتي ورميو

ريما: وشوووووو روميوووو

هديل: ياربي ياكثر ماتتنحين

ريما: خير انتي بعذري اتنح مين روميووو ذا؟

هديل: انا اقصد شخصين يحبووونك يابعدي

ريما : شخصين ؟ ؟

وبعدين داقه عشان السخافه ذي يامال الحمى ها

هديل : اي سخافه احمدي ربك انتي وجهك عندك اثنين مو زي ولا احد والي احب مايعطيني وجهه

ريما: هههههههههههههههههخخخخخخخخخخخخخخخخخخخخخخ هديل وش فيكي اليوم انتي منتي بطبيعيه

هديل: ليش؟

ريما: لانك منتي متعوده تتكلمين هذا الكلام
وش الي صايرلك

هديل: ولا شي وبعدي ياحبيبتي لاتنسين اني بنت وعندي احاسيس

ريما : خخخخخخخخخخخخخخخخخخخ بذي معاكي حق

هديل: لاتتطنزين اوكيه

هديل: المهم

ريما : لحضه لحضه قبل المهم حقك مين قصدك بالاثنين ها

هديل: بدر ولد عمك وش بلاكي نسيتيه المجنون ذاك

ريما : اهااااا اي بدر طيب والثاني مين

هديل: الي بالتلفون

ريما : نعم نعم نعم اعيووووووووووووووني وش تفضلتي انتي وراسك

هديل: طيب طيب لاتاكليني انا مااقصد انه يحبك بس من جد ماتحسينه غريب هالولد

ريما: ماعلي منه غريب ولا مو غريب كيفه وبعدين وش جاب سيرته الحين

ريما: يووووووووووووووه هديل

هديل: بسم لله وش فيك

ريما : سبحانك ياربي جبنا سيرت القط قام ينط

هديل: وش قصدك ها

ريما : هذا الي بالتلفون لابارك لله فيكي انتي وجهك وجهك نحس اعوذ بالله

هديل: وش دخلني انا ها المهم ردي عليه شوفي وش يبي

ريما: لا وش ابي فيه يالله بس

هديل: ياشيخه ردي قبل مايقفل بسرررررررررعه

ريما: طيب طيب خليكي اوكيه

هديل: طيب

ردت ريما علي مشعل

ريما وبدون نفس وطالعه الكلمه من خشمها وبالغصب بعد : نعم

شوي ولا اغنيه 0000000000000000000000

ريما <---متنحه

الاغنيه عبد المجيد عبدلله احبك ليه انا ماادري

ريما <----( ساكــــــــتــــــــــــه وقاعده تسمع الاغنيه بهدووء )

وشـــــــوي مشعل بعد ماسمعها الاغنيه كامله يبغا يكلمها

مشعل: الوو الووو

طووووووووووووووووووت طوووووووووووووووووووت سكرت السماعه

مشعل: يووووووووه ماعندها وقت ذي عالطول واشك بعد انها اسمعت الاغنيه ياحوول لله من ذي البنت

وش ابسوي الحين عشان ترد علي

اي خليني ارسل رساله وباسمها بعد

نروح عند ريما

-----------------------------------------

ريما وهي فكت التعليق

ريما : الوو

هديل: هلا وش فيكي تاخرتي ها حشا كل ذا يقولك كلام

ريما : اي كلام انتي وجهك لا حاط لي اغنيه

هديل: احـــــــــــــلا وربي انه خطيرررررررر

ريما: نعم نعم انتي وراسك خطير اي خطير اقولك اغنيه تقوليلي خطر طير عني بس

هديل: يوووه انتي المهم المهم وش الاغنيه ها بالله قولي وش حلوه رومنسيه مين المطرب

ريما: اي اغنيه عبد المجيد عبدلله احبك ليه انا مادري

هديل: يوووووووووووووووووه مرررررررره حلو احلا يارومنسيه

ريما: لله ياخذه عاد الاغنيه ذي احبها وعاد عبد المجيد امووت فيه

هديل: اي ولله هههههههههه بس تصدقين مهما سويتي طريقت تعاملك معاه هي الي صح ومافي احد يقدر يلومك علي الي تسوينه معاه

11-Jun-2006,05:38 PM

ريما: ادري بذا الشي وزي ماقلتي الصح طول عمره صح حتى لو كان جارح وكيذا بس مايصح بالدنيا ذي وبلاويها الا الصحيح

هديل: اي ولله ياام الروووووم كلامك حكم وربي

ريما : لحضه لحضه انتي ارسلتي لي رساله

هديل: ليش؟

ريما : يااشيخه ايذا منك بعدين اشوفها مني فاضيه افتحها

هديل: لا ما ارسلت

ريما: طيب لحضه خليني افتحها ون منت

وشوي تفتح ريما الرساله

الرساله [ريما بلا عناد اوكيه ردي علي وبعدين انا وش سويت لك يعني صاير لي معاك اكثر من 5 شهور وانتي انواع الطناش ويذا رديتي تردين بعصبيه وحتى ماتخليني اكمل كلامي وربي هذا عيب من جد وبعدين انا ماالعب معاكي فابليز ردي واسمعيني ويذا ماعجبك كلامي تفلي بوجهي بعد]

ريما انخـــــــرعت

ريما : ساكته من الخرعه

هديل: الو الو ريما

ريما :.

هديل: ريما بسم لله الرحمن الرحيم وش فيكي هييييه طيب

وش فيها الرساله قولي شي ريما ريمااااااااااااااااااااااااااااااااااااااااا

ريما: تتكلم وهي مرتبكه وفيها الصيحه هاإأإأ<<---( مرتبكه)

هديل: وشو الي ها وبعدين وش فيكي ياقلبي قوليلي وش فيكي

ريما : هديل اسمي اسمي

هديل: وشو الي اسمك وبعدين من مين الرساله شوفي شوي شوي وهدي وقولي لي وش السالفه

ريما: هديل قالي ريما ريمــــــــــــــــــــــــــا

هديل: طيب طيب لاتبكين اوكيه قولي من مين الرساله اول شي

ريما:<<---وهي تصيح ومنخرعه اول شي من اسمها الي يعرفه الغبي ذا ومن انه كيف عرف انها تحب عبد المجيد عبدلله والاغينه مع ان الاغنيه زي ماانتم عارفين صدفه لااكثر ولا اقل

ريما: هووو قالي ريما بالرساله

هديل: طيب مين هو ريما لاتعصبيني

ريما: هذا ياهديل الغبي ذا اقولك عارف اسمي ارسل لي رساله وفيها اسمي

هديل: يعني قالك بالرساله ريماااا وبعدين كلام ولا شولون

ريما : ايوه اسمي ريما وبعدها كلام

هديل: يووووه خرعتيني حسبته شي ثاني وبعدين كل البكا ذا عشان اسمك ماتوقعتك كيذا ضعيفه وتصحين من اضعف موقف

ريما : وشو الي شي ثاني اقولك اسمـــــــــــي ياهديل اسمـــــــــي ريمـــــــــا وش تبين انتي وبعدين انا ماضعفت بس انتي حطي نفسك مكاني وش بتسوين

هديل: ماراح اسوي شي وبعدين وإيذا عرف اسمك انتي ماقلتيله ولا شي ولا اعطيته وجهه اصلا وشلون بيعرف من الهوا وجوالك بااسم ابوك وثابت يعني كيف بيروح يسال عن ابوك بعد وش تبين انتي افهمي مو علي طول تنخرعين وتقعدين تصحين

ريما : ياربي يابردك طيب وشلون عرف اسمي فهميني

هديل: شوفي اعطيني رقمه

يما :نعم وشووو

هديل: اري رقمه شوفي ابدق عليه من جوال اخوي حمودي هو جواله سوا وبعدين توه باثالث ابتدئ مايدري وين ربه حاطه وايذا دق عليه الغبي حقك بيشوف انه ولد وصغير اكيد ماراح يسوي شي وانا ابعلم حمودي وش يسوي ايذا دق الغبي ذا عليه

ريما :طيب وإيذا حمودي قال لااهلك

هديل: وش بيقول اصلا هو منطل جواله بكل مكان تعرفين هو مايستخدمه وبعدين هو من الاساس حن علي راس ابوي عشان يجبله عشان عيال عمي الصغار عندهم جوال وياحبيبتي جواله اربع وعشرين ساعه معي يعني مايعتبر له فهمتي

ريما : طيب وش راح اتسوين

هديل: انتي اعطيني رقمه وبكره اقولك وش راح اسوي بس انتي هدي ونامي وكل شي بيكون كويس اطمني انتي بس

ريما: هديل قوليلي اول

هديل: ريمــــــــــــا اقولك اعطيني رقمه ولاتكثيرين كلام

ريما: طيب لاتعصبين بس قوليلي بكره بالمدرسه وش راح اتسوين

هديل: طيب بس انتي نامي وارتاحي ولا يهمك

ريما : طيب خذي 055

وسكرت ريما من هديل

11-Jun-2006,05:40 PM

المهم جا اليوم الثاني وريما صاحيه بدري عشان متحمسه تروح المدرسه عشان بتعرف وش راح تسوي هديل بالغبي ذا

راحت ريما المدرسه وشافت هديل وامل وبعض البنات بس مو من الشله الي هم (وفا وفرح(

ريما : صبااااااااااااااااااح الخير

هديل: هلاااااااااا ولله باام الروووم

امل: يااهلين وسهلين بااحلا ريما

فرح : ريموووو وينك مانشوفك يالدبه ها ؟

وفا : اتركيها فرح هذي هي ريما اربع وعشرين ساعه تتغلى

ريما: لا ولله ياقلبي مااتغلى علي راسي انتم بس تعرفين ظررروف

هديل وبطنازه: اي ظروف انتي وجهك الي يشوفك يقول متزوجه وعندها 7 اعيال طير ي بس

مرح وفا وامل انواع الضحك:

مرح : لقطييييييي وجهك ياحلوه خخخخخخخخخخخخخخ

ريما: عادي عادي كل يوم القطه مافي مشاكل عندي

ريما : اي هديل علي الطاري ابغاكي شوي قلبووو

هديل: هلا قلبي

واخذت هديل علي جنب

ريما :وش صار بالموضوع حقنا

هديل: هششش وطي صوتك بلا فضايح بالفسحه يابعدي بالفسحه

-------------------------------------------------------------------------------

المهم جت الفسحه وهديل وريما طالعين مع بعض من الصف

امل: هيــــــــــــــــــــــــــه انتي وياااااااااااااهااا

والتفت هديل وريما :

ريما : خير انشالله مدام امل في شي

امل : وشووووووو مدام في عينك وبعدين وين رايحين وتاركيني ها

هديل : وش دخلك انتي في كلمه راس بيني وبين هالبنيه عندك شي

امل : ياسلام من متى لكم كلامات راس من دوني

ريما : امل ياقلبي لاتزعلين حنا بنسوي شي وايذا الموضع جا علي خير بنقولك وربي

11-Jun-2006,05:41 PM

امل : لا ولله ابغى اعرف الحين وبعدين انتو اربع وعشرين ساعه بالحصص الثلاثه الاولى تتهامسوون زي الي عندك بلااا

هديل : بلا يشيل هالراس وشو انتي لا تكونين حنانه عاد خلاص قالت لك ريما ايذا تم الموضوع علي خير بنقولك ماتفهمين انتي

هديل: هين يالخاينات انا ابروح عند وفا ومرح احسن منكم

ريما : خلاص ياقلبي لاتزعلين شوفي حنا بالبوفيه ايذا طفشتي منهم تعالي لنا

هديل: وين تجي انت وجهك وكلمه الراس ؟

ريما : يوووووووووووه هديل كلها كلمه وإيذا جت وممدانا نكملها بالبيت بالتلفووون

هديل: طيب يالقلب الحنون انتي

امل وهي تضم ريماوتبوسها: لله يخليكي ياريموووو ياحياتي انتي وربي اني اعشقك

ريما : على وجها علامه تعجب

هديل: بس انتي وياها قاعدين تسون فليم مدبلج يالله ياريما

-----------------------------------------------------------------

راحت امل عند وفا ومرح وباقي البنات و هديل وريما راحو عند البوفيه وجلسوووو

ريما : يالله قوولي وش راح تسوين وربي اني متحمسه

هديل: احم احم ابقولك بس اول شي تفطريني علي احسابك هع هع

مافي شي ابلاش اعيووووووووووووووووووني

ريما : يما يما منك وربي انك ام كرش ومصلحجيه بعد

هديل: ولله ياعمري مايمشي بالدنيا ذي غير المصلحجي افا عليكي بس تعلمي مني وانا اختس<--- تستهبل

ريما : المهم وش تبين اجيبلك اخلصي

هديل : امممممممممممممممممممممممم ابغى ساندويش تونه وقهوه

ريما : طيب شي ثاني طال خشمك

هديل: لاطال عمرك

بعد ماجابت ريما الزط لهديل ---------------------------

ريما : ها ماكلتي وخلصتي يالله قولي

هديل: طيب طيب اصبري اخلص الكفي اول

ريما : هديلوووه اقولك قولي اخلصي لا كف علي نص بوبو عينك الحين

هديل: طيب طيب ياحووول اسمعي ياحلوه

شوفي انا ابدق عليه زي ماقلتلك من جوال حمودي اوكيه واكلمه واتفاهم معاها

ريما : نعم تكلمينه انتي!!!!

هديل: اي وش فيها ابغازله يعني ابتفاهم معاها واكيد ايذا عرف اني من طرفك بيخق وبيقولي علي كل شي

ريما : هديل اخاف يتسهبل عليكي ولا شي

هديل : يخسى ان ماخليته يقوووول كل شي اسمه وعمره وكل شي عن نفسه مااكوووووووون هديل بنت ابوي افا عليك

ريما : كــــــــفــــــــــو ياام اللوووول

هديل : ومنكم نتعلم قلبي

ريما : بس تعالي ابغا اسمع كل شي يدور بينكم اخاف تغلطين وتقولين شي وتفضحينا

هديل: امممممم طيب وش رايك تجي عندنا اليوم

11-Jun-2006,05:41 PM

ريما : نعم نعم وشو انتي عارفه ان اليوم يوم الاحد وش فيكي مضيعه يعني امي ماتخليني

هديل: وليش انشالله اباكلك انا وبعدين امك عادي اعرفها مره فري

ريما : فري اي بس باايام المدرسه تقول لا امي ياحلوه واعرفها

هديل: اممم طيب شوفي ايذا رفضت ابكلمكي من تلفوني وهو من تلفون حمودي واخليكي تسمعين كل شي

ريما : ههههههههههههههههههههه طيب طيب الموعد اليوم

هديل: اوكيه بس ايذا دقت عليكي مو ماتردين تراني ابكلمه من دون ماتسمعين

ريما: طيب بس اهم شي نخلص من هالبلشه ذي

-----------------------------------------------------

هديل : اي صح ولله بلشه ياحووووول

ريما: يالله خلينا نروح عند امل لاتزعل علينا من جد الي سويناه فيها موب قليل

هديل: وشو الي موب قليل انتي وجهك مافيها شي ايذا كان في كلمه راس بيني وبينك وبعدين حنا بنقولها بس خلينا نسوي الحركه وبعدين نقولها

ريما:طيب طيب يالعربيجه قومي بس خلصينا

----------------------------------------------------------------------

المهم بعد ماراحت ريما البنت واول مادخلت البيت

رمت عبايتها وشنطتها وراحت للصاله

وعالطووووووووووووووووووووووووووووووووووول نادت امها

ريما: يمااااااااااا يماااااا

ام ريما : كانت تكلم ام سيف<----( زوجه عم ريما يعني ام بدر) ( سيف هو اخوبدر الكبير وبدر هو الي يحب ريما بس ريما ماتعطيه وجهه واكبر منها وهو بثالث جامعه وساكن بالشرقيه بس كانو بارياض بس انقلو للشرقيه قبل اربع سنين (

ريما بصوت اطي : يمه يمه

ام ريما تاشر لريما بمعنى ((اسكتي))

ريما بصووت واطي وهي معصبه : يووووووووه طيب

وقعدت ريما بالصاله تستنى امها تخلص مكالمه مع ام سيف عشان تاخذ اذنها انها بتروح بنت هديل

بعد ماخلصت ام ريما وسكرت السماعه

ام ريما: نعم ريما وش تبين

ريما: يما مين الي كنتي تكلمينها

ام ريما: هذي زوجت عمك بندر ام سيف

ريما: اي خالتي لولو

ام ريما: اي خالتك لولو

ريما : وش تبي خير عاد من زمان عنها

ام ريما: لا ابد تسلم وتقول انهم بيجووووون يوم الاربعاء ويقعدون اسبوع بالرياض

ريما: نعم اسبووووع وليش انشالله

ام ريما: عشان بنتها عبير

ريما: عبير؟!!!

ام ريما: اي وش فيكي نسيتي ان بنت عمك مخطووبه

رريما: اي صح نسيت

ام ريما: يايما وبعدين هي بتجي بتسكن عندنا هي وعبير وبدر

ريما من اسمعت اسم بدر هالمجنون ذا تحس ان جاها مغص

ريما: مين بدر

ام ريما: اي بدر مو معقوله تجي هي وبنتها لحالهم

ريما: بس يما مايصلح خير انشالله وانا وين رحت

ام ريما: وش دخلك انتي فيهم وبعدين وشو وين بتروحين

ريما: يما نسيتي اني كبرت وبدر بعد ومايصلح يعني

ام ريما: ادري وبعدين هو بيسكن بالغرفه الي بالحوووش بس زوجه عمك وبنتها عندنا جوا

ريما في قلبها ( ياربي علي المصايب من ذا الولد عز لله ماتهنيت باهلاسبوووع (

11-Jun-2006,05:43 PM

ام ريما: الا ماقتليلي وش فيكي جايه مسرعه حتى ملابس المدرسه ماغيرتيها في شي حبيبتي

ريما: هاااا اي يما ممكن لو سمحتى اروح عند هديل اليوووم

ام ريما: اليوووم عاد بس انتي عارفه يايما انه يوم مدرسه صح

ريما: ادري ياقلب انتي بس قلت ماعندي شي وهي عازمتني وقلت اروح

ام ريما : انا مالي كلمه اسالي ابوك ايذا جا

ريما: يووووه يما يعني ايذا جيت وسالتك تقولين اسالي ابوك وايذا سالته قالي اسالي امك وربي انكم جننتوني

ام ريما وهي تضحك: خلاص يايما ولا يهمك ايذا جا اساليه وايذا وافق روحي

ريما: يما انتي تعرفين ابوي ماعنده اوقات معينه وبعدين اليوم الاحد يعني مايجي الا العصر ومارارح يتغدا هنا نسيتي انه بيتغدى مع الوفود الي جاينه يعني كيف ابساله

ام ريما وهي قايمه تبي تطلع من باب المجلس: خلاص كلميه علي جواله

ريما : طيب

-----------------------------------------

اخذت ريما تلفون البيت ودقت علي جوال ابوها

----------------------------------

( طووووووووووت طووووووووووووووووت ) قاعد يدق الخط

ابو ريما : هلاااا

ريما: هلا بابا

ابو ريما : هلا يمااا

ريما: بابا اسفه اني ازعجتك

ابو ريما: لاحبيبتي قولي وش عندك ماعليكي

ريما : بابا عادي اروح بيت هديل انا سالت امي وقالت اسالي ابوكي ممكن يعني

ابو ريما : هههههههههههههههههههههههههههههههههههه طيب يايما روحي بس لاتتاخرين

ريما: شكرا بابا انشالله

سكرت ريما من ابوها

---------------------------------------

وتغدت ريما وحلت واجباتها بسرررررعه وحطت راسها ونامت عشان تقوم المغرب تصلي وتروح لهديل

-----------------------------------------------------------------

جا المغرب وقامت ريما وصلت ولبست ونزلت تحت عشان تبس عبايتها

ريما: يماااااااااااا يماااااااااااااااا

ام ريما جالسه مع نواف بالصاله

ام ريما : ايوه ياريما

ريما: يما انا ابروح تبين شي

ام ريما: لا سلامتك بس لاتتاخرين وبعدين كلمتي ستيف عشان يحضر السياره

ريما : اي كلمته والسياره بره تستناني

ام ريما: بحفظ الرحمت يما

ريماوهي تبوس امها : باااي قلبي

ام ريما : باي حبيبتي

وركبت ريما السياره وهي رايحه لبيت هديل

في الحلقه القادمه

وش صار على خطط ريما وصديقتها لـــمشعل

واخو هديل زياد لما دخل على ريما

ايش كان ردت فعله

تحياتي **الحب المجروح**

**فمان الي يصبرني** · 12-Jun-2006,03:59 AM

وي متى بتكمل

يلا نستنى الباقي

13-Jun-2006,08:44 PM

اللحين بكملها

ريما وهي بسياره : خليني اكلم هالخبله ذي الحين ماتدري اني جايتها

ريما وهي تدق علي هديل

طـــــووووت طوووووت.يدق الخط

هديل: هلااا

ريما : هلا ولله

هديل: ها جايه ولا كيف.

ريما: اي جايه وانا اكملكي من السياره

هديل: ولله قولي قصم

ريما: خخخخخخخخخخخخخ قصم ويالله عاد روحي تسنعي والبسي زين مو تجيني بشراشيحك

هديل: تآمرين ياام الرووم راح البسلك احلى ملابس عندي افا عليكي

ريما: يالله اجل تسنعي وتظبطي وانا ان جيت ابدق الجرس

هديل:اي جرس انتي وجهك

ريما: وشو الي اي جرس جرس بيتكم

هديل: ادري يافالحه بس كيف تدقين واخواني بالبيت وربي لو شافوكي ياكلونك اكل عاد تدرين عن اخواني مشفح

ريما: اي ولله راحت عن بالي طيب ابدق عليكي

هديل: اوكيه لاتتاخرين

ريما: طيب سي يووووو

هديل: بااااااي

ريما: بااااي

----------------------------------------------

المهم يوم وصلت ريما لبيت هديل

ريما قبل لاتنزل من السياره

ريما: ستيف

ستيف: ايوووه

ريما: تعالي الساعه 11 ونص ها لاتتاخر اوكيه

ستيف: تيب ماما

ونزلت من السياره وطلعت جوالها

وتدقت علي هديل

طوووووووت طووووووووووووووتيدق الخط

هديل: الووو

ريما: يالله تراني عند الباب

هديل:انشالله نزلتي من السياره والسواق راح وخلاكي لحالك عند الباب

ريما: لا يادبشه هذا هو يستناني

هديل: اوووف اشوا طيب يالله انا نازله بس اخذلك درب

-----------------------------------------------------

13-Jun-2006,08:45 PM

ونزلت هديل وافتحت الباب

هديل: ياحي لله من جانا

ريما : لله يحيكي

ودخلت هديل وريما للمجلس

قدمت هديل لريما كيك ريما تحبه

ريما وهي تاكل الكيك الي جابته له هديل:

الا ماقلتيلي قلبي امك وينها

هديل: امي ناميه وش تبين ماتقوم الا العشا تعرفين امي مديره مدرسه وتتعب

ريما: اي ولله لله يكون بعونها

هديل: اسمعي انا شوي وجايه ابروح اجيب جوال حمودي

ريما: وين بتروحين انتي وجهك وتتركيني لحالي

هديل: لاتخافين محد بياكلك

ريما: طيب وإ يذا جا احد من اخوانك وانا منطله هنا بالمجلس

هديل: ههههههههههههههههه ويذا عادي خليهم يتمقلون هالجمال وش فيها

ريما: نعم نعم اقول بلا سخافه ويالله روحي جيبي جوال اخوكي بسررعه

هديل: ياربي علي الي تعصب بس خخخخخخخخخخخخ طيب ابروح

----------------------------------------------------------------

المهم راحت هديل تجيب جوال اخوها

واقعدت ريما بالصاله لحاله

ريما ( ياربي اووووف انواع الطفششششش وربي فيني نووووم ابحط راسي علي الكرسي واغفا لين تجي هالدبه ذي)

ريما حطت راسها علي طرف الكرسي وغمضت اعيونها

-----------------------------------------------------------------

بوقتها كان اخو هيدل( زياد )برا البيت ويوم رجععع

دخل من الباب ومر من عند المجلس ولمح وحده حاطه راسها علي الكرسي

رجع ناظر مره ثانيه بيتاكد من ذي معقوله هديل تنام في الوقت ذا وبعدين هديل ايذا قعدت بالمجلس علت صووت التلفزيون حتى الي بشارع يسمعوونه

يوووم رجع ناظر زين عشان بيتاكد

زياد شهق من جوا قلبه( يما مين هالمزيونه ذي الي غفيانه علي الكرسي)

زياد وهو متنح من بعيد في وجهه ريما الطفولي

وشوووي تجي هديل وتشوف زياد واقف عند طرف الباب

هديل بصوت واطي عشان ماتحس ريما: زيااد وش تسوي هنا ها

زياد( وهو مو معاها متنح في وجهه ريما)

هديل: زياد انت هيه اكلمك انا وش تسوي هنا

زياد: هااا لا مااسوي شي بس هديلوووو مين هالمزيونه ذي اول مره اشوفها

(ريما دايم تجي بيت هديل بس ماعمرها شافت اخوانها ولا هم شافوها بس لما كانت بالابتدائ وشافت فارس وطلال بس)

13-Jun-2006,08:47 PM

هديل: مالك خص وبعدين وش جابك للبيت انا ماقلتلك بيجووني نااس

زياد: ولله مدام ناسك بالزين ذا كله وربي مني بطالع

هديل بصووت واطي : وخر بس عن الباب لاتشوفك البنت الحين

زياد: كيف تشوفني ياذكيه وهي غفيانه زي الملائكله علي الكرسي

هديل: ها وشو غفيانه ممداها نامت هالخبله ذي

( هديل وهي تدف زياد)طيب طيب المهم ضف بس قبل ماتقوم وتشوفك

زياد: طيب طيب بس لمحه صغيره قبل مااروح

هديل : زياد وربي ان ماضفيت وربي لااقول لابوي

زياد: طيب طيب يووه حتى الواحد مايقدر يشبع اعيونه من الجمال اعووذ بالله

وراح زياد وهو يتنهد( ياويلي من هالملح والحلا ذا يوووووووووووووه ياويل قلبي بس)

بعد ماطردت هديل زياد

ادخلت هديل المجلس عشان بتشوووف ريما

هديل: يوووه وش تبي ذي ممداها انخمدت!!!

خليني اصحيهاااااااا

يوم قربت هديل من ريما عشان تصحيهااااا

هديل:يما من جد حليوه هالملعونه وهي غفيانه ماكذب زيااد

قربت هديل من وجهه ريما

هديل: ريمووووو قلبي

يما فتحت اعيونها

هديل:قوومي حبيبتي ممداكي غفيتي يالنعوووسه وبعدين هذا وقت تغفين فيه انتي وجهك

ريما وهي تتمغطططططططططططططططططط

ريما: وربي ماحسيت بنفسي بس مادري كيف غفيت معليش

هديل: لاعادي بس جبتيلنا الصمرقع

ريما: الصمرقع؟

هديل ماتبغا تقولها ان اخوها شافها وهي نايمه عشان ايذا قالتلها تحرم تطب بيتهم

هديل: ها انا قلت صمرقع !!!
لا ولا شي بس انا اخربط تعرفيني

ريما: المهم جبتي االجوال

هديل: افا عليكي اي جبته

ريما: طيب وين بتكلمينه هنا اخاف احد يسمعنا

هديل: لا ياحلوه تعالي غرفتي فوووق

ريما : طيب خوذيلنا درب

هديل: اي درب تعالي تعالي بس

المهم اطلعت هديل وريما علي الدرج

ريما: يووووووووه نسيت شنطتي من العجله لله يرجك

هديل: طيب جيبيها بسرعه

ريما: بس استننيني لا تتركيني لحالي اخااف

هديل: وشو تخافين الي يشووفك يقول ماعمرك جيتي بيتنا بحياتك المهم تعالي غرفتي فوووق ولاتتاخرين

ريما: وشو انتي بتتركيني لحالي