الموضوع: خلاص ارحل

ارحم, خلاص

خلاص ارحل





[grade="00008B FF6347 008000 4B0082"]اذا قصدك تبي تبعد بكيفك يالغلا مسموح
محال بيوم اجبـــر شخص ماله بالهوى غايه


مدامك ناوي ٍ بالصد سافر يا حبيبي وروح
عسى الله يسمّح دروبك ويحسن ربّي عزايه


توكّل يحفظك ربّي عسى بالبعد لك مربوح
ويا عل الزمن يدمل جروحي وتوقف دمايه


هويتك صدق ما أنكر وسكنتك بوسط الروح
وكنت السعد بأيامي وفرحي وغاية منايه


ولكن للاسف تجزي وفايه يالغلا بجروح
خسارة حبّي الصادق خساره فيكم وفايه


رفعتك فوق للعالي ولك باني قصر وصروح
كتبت بالشعر قصة غرام وأصـدق روايه


وهذا اليوم مقدارك نزل مع دمعي المسفوح
خلاص ارحل وسجلها لقصة حبّي نهايه


ترى صوتي من مناداك امسى يالغلا مبحوح
وانته ملتهي بحالك ولا ردّيته ندايه


خلاص ارحل اكررها واقولك يالغلا مسموح
مدامك خاين لودّي ولا لك بالهوى غايه






الشاعر عبدالله الحجري

[/grade]

---

oghw hvpg