فنايل وشورتات لاعبي المنتخب تفشل ،،،،،، من السبب ؟

**بيريز** · 27-May-2006,09:10 PM

خاض المنتخب مباراة اكثر من رائعه مع المنتخب التشيكي

انتهت المباراة بفوز التشيك بهدفين مقابل لاشي

لعب المنتخب بخطة 4 - 5 - 1 وهي الخطة او الطريقة التي على ضوءها تم التعاقد مع المدرب الحالي

=-=-

الموضوع : هو ملابس اللاعبين

فقد لاحظت انها بسرعه يتغيّر لونها من الاخضر الى الاخضر الغامق بسبب ( تعرق ) اللاعبين ،،، وكان هذا واضح من اول ربع ساعه عند بعض اللاعبين

وهذه الملاحظه لم نشاهدها في كثير من ملابس لاعبي المنتخبات الاخرى ،، فهل هي عيب في النوعيه ؟ ام ماذا ؟

اتمنى لو يتم تدارك هذا االموضوع ويلبس لاعبي المنتخب ملابس بنوعيه ممتازه ليظهر اللاعبين بشكل افضل

فشكل الفنايل والعرق في الصدر وفي الابطين وفي الظهر على شكل بقع ،،، هذا شكل غير محبب للأعين

والاهم من ذلك شكل ( الشورت ) والعرق محصور في منطقة دون اخرى ايضاً شكله مقزز للناظرين شاهدت ذلك في مباراة الامس ( التشيك ) واتمنى ان يتم تأمين ملابس لائقه بمنتخبنا ،،،،

تحياتي

**في خاطري** · 27-May-2006,10:03 PM

اخوي بيريز

في اشياء اهم من الفلاين
صحيح شاهدنا المنتخب يلعب كانه احد الفرق العالميه الكبيره
لكن هل تعتقد ان هذا هو مستوى تشيك
انا لا اعتقد

وبعدين الفلاين نفس نوعيه فلاين المنتخب الايطالي

لكن اللياقه جعلت الاعبين لا يستطيعون التحرك في الملعب

تقبل تحيات اخوك في خاطري

**بيريز** · 27-May-2006,10:23 PM

اشكرك على المرور اخوي في خاطري

بس ما ادري انت قريت اللقاء الصحفي حق ندفيد

**مصطول** · 28-May-2006,01:39 AM

مشكور اخوي على الملاحظه

وانشاء الله بندرس الموضوع مع اعضاء المنتدى
وبنحاول ندق على بلاتر مدير الفيفا اذا سدد جواله
وبنقوله يطب البطحاء ويخم لنا من البسطه
كرتون فنايل وسراويل ابو دعسه خخخخخخخخ

لا تعرف الطقم الي عليهم يمتص الدهن
تخبر باقي اثار الشورما على الاعبين خخخخ

والله لو يتلملمون في بطانيه لتشوف العرق وانت بكرامه
ينقط مع السيقان خخخخخخخخخخخخخ

هو بس يستر العوره

ومن اجل عيون المرور
يكفي فضايح خخخخخخخخخخخخخ

امبراشه خط ارض تماس تسلسل
مع اخوك
مصطول ^_^

**في خاطري** · 28-May-2006,01:54 AM

اخوي بيريز

قريت مقابله ندفد
لكن انت شفت لعبه ما اتوقع هذا لعب ندفد
وخلي بالك هذي مباراه وديه يعني كل لاعب يخاف على نفسه لا يصيب
ومنتخبنا ما قصر بغى يكسر نص لعيبه التشيك

**~عشق~** · 28-May-2006,04:13 AM

السلام عليكم اخوووي

بصراحه مهي غريبه عالمنتخب السعودي للاسف طووول عمري وانا اقووول ليش مايخلوني انا اختار لهم الملابس بس مافيه احد يسمع هههههههههه

والله اني صادقه

وترى لو لاحظتو في دورة الخليج 2006 كانت فنايل اللعيبه تتشقق من اول مايلمسونهم لعيبة المنتخبات الثانيه

والله اني متفشششششششله طول عمري اتمنى العب كوره واصير مكان اللعيبه
الا بذيك السنه قلت الحمدلله اني منيب لاعب والله ما لعب بذالاناقه وذالثياب المشققه خخخخخ

اتمنى يشوفون لهم صرفه بالملابس لانها مهممممممممه وعيب الواحد يلبس ملابس مالها داعي وكنه طرار ترى مااااتصير خصوصا انه منتخب السعوديه وماعليه قصور من ناحية الفلوس الحمدلله

وشوفو برشلونه وشوفو لبسهم وقارنوه بلبس المنتخب هذا اذا فيه مقارنه

تحياااتي خيووو

مشكووور ع طرح الموضوع لانه مهمممم
وحلووووو

**الوتر** · 28-May-2006,04:46 AM

مشكور اخوي

انت خلك من الفنايل واهم شي العب هذي مباراة وديه يعني ماتحدد مستوى ا لمنتخب

بس شوفوهم في كأس العالم بعدين احكموا عليهم .

**بيريز** · 30-May-2006,05:22 PM

مشكورين اخواني على المرور

**.: EnSaN 3aDi :.** · 04-Jun-2006,04:15 AM

والله اجل المشكله من الشركه الصآنعه للأطقم

اعتقد ان المشكله مو من الفلاين اعتقد ان المشكله من اللاعبين لو يتعآقدون مع شركة لمزيل العرق افضل لووووووووووووووووووول

بالتوفيق لمنتخبنآ

اللي يهمنآ الاداء والنتيجه بغض النظر عن الاطقم وغيرهآ فهذي اموور ثآنويه وتكملة ناقص فقــط

يعطيك العافيه اخووي بيريز ولاتحرمنآ من جديدك

اخــ توووتي ــووك