زيـاده أخـسـن . عـسـاّن أحـشـن !!

**هلوسة** · 06-Jun-2006,09:42 PM

.
.
.
.
.

قولوا العنوان خمش مرات أسوف

السلام عليكم يا حلوين وها أنا أعود إليكم من جديد بييب بيييب

إكمالاً لمشوار في شكاويه اللي ما نرتاح منها كل شوي طالع لي بمشكله حبّيت اني افتح ملف مشاكله واحط المشكله هذي معها وترقد جنبها ويرمى الملف جانباً ويجي عليه الغبار وغبار على غبار ويتراكم الغبار حتى ينتج تل وبعد التل يجي عليه حبتين غبار حتى يصبح طعس وحبتين غبار على حبتين تل على حبتين طعس حتى نرى الهافمون وبعدين ناخذ الدبابات والسيارات <------------------- مطوّله الحاله

بعد ما ذقت الأمرّين في جميع أنواع الجامعات السعوديه وكل جامعة تطردني من جهة كأنّي كرة بولينغ تترامى بي الجامعات من جامعة إلى أخرى (( مو منهم من فلاحتك يالجنط )) صرت موظف (( بشر أمك )) في شركـة بالشرقيّة عميلة مع أرانكو (( كيف الحال يالحساويّين

)) المهم الشركات اللي كونتراكت مع أرامكو راحت في الرجلين وكأنهم مو موظفين سعوديين ولا لهم أي أحقيّة الـ15% المفروض يستحقها كل مواطن سعودي له راتب لكن صارت غير أخذها موظف الحكومه وأخذها برضو موظفين أرامكو بس بطريقة أخرى عباره عن راتب شهرين أما الكونتراتر حامض على بوزه ماله إلا راتبه وتبن فوقه كريم كراميل !

^
ذي المشكله قديمه وجا عليها مليون طعس وانتهينا منها

الراتب اللي أستلمه أحمد ربي وأشكره عليه رغم شهادتي الثانوية اللي توظفت بها إلا إنه أعلى من راتب مدرّس متخرّج من كلية المعلمين وطلع له خرّاجه في الخشم كنّها حبّة فول <-------- رجعت له الحاله ثاني مرة لولا الواسطه وربي ما أشمّ لا الوظيفه ولا الراتب بس تيسّرت الأمور ولله الحمد وجانا الراتب بس بعد ما ضمنّا الوظيفة جا التفكير في الزواج جينا على طاري الزواج خلوني اشرد بسرعه قبل ما اقلبه موضوع ثاني
دامنا فكرنا في الزواج يعني نبي الراتب يزيد والراتب ما رح يزيد إلا إذا جات الزياده (( لا ماشاء الله عليك فطين نابغه بسم الله عليك )) والزياده ما رح تجي إلا اذا ثابرت واجتهدت في العمل واجتهدت في العمل ما رح تجي (( صدقني ما رح تجي إلا يوم تنرفس

)) انا ولله الحمد لا يغرّكم إني مسنتر أربع وعشرين ساعه في مياسه إلا والله اني اشتغل واتعب (( كيف هذي )) أقول لكم كيف انا أغلب شغلي على الكمبيوتر يعني نظره هنا ونظره هنا (( ساعه لقلبك وساعه لربّك )) بس شغلنا اللي قليل ! انا وش ذنبي اذا ما كان الشغل كثير ! مالي ذنب بس اشتغل أكثر من واحد جنبي يطلع من الساعه 8 إلى الساعه 1.5 الظهر ويقول انه يشتري بضايع لكن إخخخخخخخخخخخخرطي :P مرتز جنب مرته وانا لوحدي اللي مدّهر في الأمور المكتبيّة !

ومرّت سنه مالك على البال طاري ولا جيتيني يالزياده وين انتي ويييينك ويييينك يالزياده وينك
بعد سنة من الشغل والإدهار على أمل الزياده تجي تخليني انشب لأبوي واقول تراني بتزوج ! جات الزياده أمس وليتها ما جات جات وسبّبت إحباط عند أغلب الموظفين كنت حاط في بالي ما دام عندي لي معرفة بـ رئيس المشروع من أرامكو واعطاني أمل على انها بتكون زيادة ترضيني وجلست ارسم في بالي المبلغ هذا اللي بيجيني إن شاء الله ما يقل عن ألف يا الله يا رب ما يقل وانا متفائل وكانوا يطلعون إشاعات في الشركه إن الزيادة المقرّرة من أرامكو أقل واحد بياخذ 12%
جا أمس وليته أنمسح وجا بكرة على طول بعد كل الآماال اللي خططتها في بالي راحت فاشوشي جات الزيادة (( أقل من نصّ المبلغ اللي كنت حاطه في بالي

)) بس الحمد لله جات مرضيه بالنسبه للي أخذوا زيادتهم معي أقسم بالله في اثنين فلبّّينيين شغل وادّهار ولا عمري شفت النت شغال عندهم وكل وقتهم على البرامج وأوراق وزحمه وفي الأخير زيادتهم ثمانين ثمانين هذي وش يسوّي فيها ! احتج طيب الفلبّينيين نقول إنهم جزم ويستاهلون اللي اخذوه ويحمدون ربهم في واحد عندنا سعودي من القطيف أخذ وربي أستحي اقوله واحد في الميه واااااااااااااااااااااحد من جيوبكم الله لا يسامحكم واحد ! اقسم بالله للحين ما أستوعبت كيف يجي موظف وياخذ له واحد في الميهوالسبب يقولون لأنه جاي من مصر من نفس المشروع واشتغل عندنا لمدّة تسعة شهور وهذا حق تسع شهور وحق الشهور اللي راحت في مصر مالنا علاقه فيها طيب كان يكرف عندكم يا عيال اللذينا وآخر شي واحد ! الموظف هذا طرطع ورفضها قال ما ابي منكم شي والله لا يكثر خيركم وسوّا بلبله أمس في الشركه لـ درجة اني ما دخلت مياسه كثير عشان محد يشوف ان ما عندي إلا مياسه وياخذون الزيادة اللي جتني ويعطونها ابو الشباب هههههههههههههههه جا الأخ وطلب إجازة بس ما وافقوا عليها هههههههههههههه لأن رصيده أسبوعين وهو طالب شهر اقسم بالله اني حزنت له بغيت اصرف له من إجازتي وأقول له خذ (( يتشمّت الوسخ )) والله قهر لا زياده جاته زي الناس ولا إجازة أنا مدري كيف ما استقال والله اني تركي عليه والدليل هــه (( ))
الله يعينه ويزوّدين في راتبه الشهر الجاي اثنين في الميه
بس اللي أبغى اعرفه ليش كل هذا الإهمال بـ الزيادات ولا حياة لمن تنادي !!
المووضع جا كذا سوالف اعذروني يعني

تحياتي
تركي الرياض

**آســر الريـاض** · 06-Jun-2006,09:56 PM

[align=center][grade="0000FF 0000FF 0000FF 0000FF 0000FF"]زيـاده أخـسـن . عـسـاّن أحـشـن !!
زيـاده أخـسـن . عـسـاّن أحـشـن !!
زيـاده أخـسـن . عـسـاّن أحـشـن !!
زيـاده أخـسـن . عـسـاّن أحـشـن !!
زيـاده أخـسـن . عـسـاّن أحـشـن !! [/grade]ههههههههههههههههههههههههههههههههههههههههه
ههههههههههههههههههههههههههههههههههههههههه
قلب اخضر)<< الله من زين الرومنسيه
موضوع الجامعات حدث ولا حرج بس هالسنه كثير يقولون سنة خير ان شاء الله يعني ان شاء الله القبول بيتوسع وفيه الابتعاثات وعندي استفسار بسيط ياشباب بعد اذن تركي انا الحين عندي اختبارين ثانوي منتسب فيها وان شاء الله ابنجح<< ايه هين بس نسبتي اقل من الثمانين بتكون بس من جهه ثانيه القدرات عندي 85 وهم طالبين النسب فوق الثمانين والقدرات فوق السبعين او هي خمسه وستين فهل يكون للقدرات دور؟ افيدونا افادكم الله
<<تركي بيسطرك (وجه ماد لسانه)

وموضوعك الثاني الزيادات انا ما بتكلم عليها لانه وضع ومنتهي من قبل الشركات بس ماتوصل لواحد !! وااااااااااحد؟!!
الكلام في الدوام والاجازات قسم بالله مايستحون انا عندي هنا في الدوام الحمد لله ماقد جيتهم متاخر لا بعد اجيهم قبل الدوام بربع ساعه وهذا حالي كل يوم واذا تاخرت عشر دقايق عيال اللذينا يمتحنوني . ولا قبل كم اسبوع قلتلهم ابي اجازه اربع ايام لظروفي يقولونلي ماعندك رصيد.! واذا ملزم خذها بدون راتب الله ياخذكم الدوام ومامثلي والشغل ممشيه على سنقة عشره ويقولونلي اسفين.؟ الله يخارجنا بس
ب. ابو سمره
تراني مانسيت بس الى الحين قاعد افكر
تركي الرياض
لاتعبت ياخلفهم بوووووووووووووووووووووسه[/align]

**همسة وفاء** · 07-Jun-2006,12:24 AM

هههههههههههههههههههههه

مشكووووووووووووووووور

**هلوسة** · 07-Jun-2006,12:40 AM

هلاااا والله اّســر الرياض (( قلب سونكري ))
النقطة الأولى ما تكلمت عن الجامعات لأني لو تكلمت عليها كلها ذدّي درست في كذا جامعة بس في كل جامعة أحمل لي في كم مادة تكلمت في النقطه الأولى عن الـ15% ليش انحرمنا منها لا يكون أولاد شغالات إحنا بس هذا الكلام اندثر الحين على العموم انت تطرّقت على نسبتك وما أدري كيف يبيلها جلسه ماسنجر والا جلسة تلفون وتشرح لي لأني ما فهمت وش قصدك في اللي تبي توصل له منهم اللي طالبين فوق الثمانين ؟ قصدك الجامعات والا شركه والا وشهي بالضبط ؟ أما عن القدرات أكيد لها دور بس ما تشفع لك في المعدّل ! يعني ياخذون كل شي على حده (( دقق في حده )) على العموم اتفاهم انا وانت عليها بس لو قدرت تشرح أكثر عشان اذا فيه أحد يعرف شي ويفيدك هنا مو مشكله

أمّا عن الإجازات انت أكثر واحد في القطاع الخاص أخذ إجازات أجل شهرين (( يبي يملّحها شوي )) كل ما اتصل عليك تقول لي رايح الأحوال ! والله لو انك مدير الأحوال ! على كذا انت تداوم أكثر منهم ! حنّا طريقتنا في الدوام : كل شهر لك يومين ونصّ يعني كل ما بغيت تحصّل رصيدك محفوظ

وووووووووووو وبس
يعطيك العافيه ولا عدمتك على هـ الطلـّـه

**هلوسة** · 07-Jun-2006,12:43 AM

همسه وفاء
مشكوره على مرور ك الحلووو (( أمحق من حلوووو ))

**شانيل** · 07-Jun-2006,07:04 AM

[glow1=CC3366]صباح الخير

انا عندي مداخله بسيطه =====>> الاخت على بالها في برنامج

ههههههههههههههههههههههههههه

انا اللي اعرفه عن بعض الجامعات والكليات ان نسبه 84,50

يقبلونك انتساب واغلب الجامعات الكليات طالبه درجه امتحان القدرات انه

ما يكون اقل من 70 هذا الكلام السنه اللي راحت شوفوا الحين ايش بيصير

من تعسف وظلم للطلبه اللي جايبين اقل من 84

سامحوني على التطفل

اختكم مناكير [/glow1]

**هلوسة** · 07-Jun-2006,10:11 PM

السلام عليكم ورحمة الله وبركاته

هههههههههههههههههههههههههه

حياك الله منوره مطرحك يا ست وبعدين أمسحي دعوتك يقول لك ارضى بقردك لا يجيك أقرد منه والحمد لله موضوع الجامعات حدث ولا حرج بس الوظيفة ما أحلم بها وراتبها زين بالنسبه للي بشهادة ثانوية بس انا أبي أكوّن مستقبل يعني يبيلي أقل شي سنتين عشان أتزوّج يعني بعد ما يصير وجهي يابس لكن على الله (( وهو يقول (على الله) يرجّع يدّه ورا ظهره ويرفعها فوق زي اللي يدخل يده في البحر عشان يرش مويه في وجه اللي قدامه (( الله من زين الشرح )) بالعربي يعني افلقني )) وأما عن يومين ونص فـ الحسبه صحيحه لأن لك في السنه ثلاثين يوم إجازه واذا ضربتي 12 شهر في يومين ونص تطلع لك 30 يعني تبي تاخذها كلها مع بعض والا تبي تقسّمها عادي وانا اشوف إن اجازاتنا افضل من اجازات ارامكو ! لأنهم يجبرونهم تاخذون بس يا ثلاثين يوم كامله والا خمسه × خمسة وعشرين ! ما أبي أطلع في مسائل ثانيه والا كان قلت لكم شركتنا ما فيها مطعم <------- اقول خلاص الفقها واطلع برى أحسن لك
أشكرك ياmanicure أشكرك أشكرك (( تحسّون انه متحمّس مع الرد ))

ما قصرتم كلكم وعساكم على القوّة

**وسن الكويت** · 08-Jun-2006,02:13 AM

هههههههههههههههههههههههههههههههههههههههه ما اقدر اقوولها انزين قوول

جدي يحوس بالحوش

**هلوسة** · 08-Jun-2006,05:12 AM

^
^
^
^
هاذي راده على الموضوع والا راده على الردود ؟
شكلها من النوع اللي تقرا من تحت لين توصل للموضوع

وسن والله مدري وش تقولين
تحياتي
اخوك تركي الرياض

**طبعـ آلوٍفآـي** · 08-Jun-2006,09:38 AM

ههههههههههههههههههههههه حالتك حاله

ليه عايش انت خخخخخخخخخخخ << تحطيم > امزح

افتح بسطه آبرك رزقهآ مضمون << اسآل مجربه < بسطه برآقع <خخخخخخخخخخخ

.

يآخوٍي هذآ البدآيه وآكيد رآح يكون فيهآ عقبآت وآن شآء الله تزول غيرك بالسنين
مآيشوف زيآده

آهم شي يكون الرزق حلال وربك يفرجهآ ونشوفك عريس اد الدنيآ هههههههههه

الله يوفقك خيوٍ

تحيتي .

الموضوع: زيـاده أخـسـن . عـسـاّن أحـشـن !!

LinkBack

أدوات الموضوع

المفضلات