الموضوع: برحل ولابه من يسد بــ مكانــي

مكانــي, برحل, بــ, جسد, ولابه

يامحوله رقمك على رقـم ثانـي
خطتك هذي ( ياغشيمه ) قديمـه
ودامي كشفت الزيف والغدر باني
ماعاد لك في داخل القلب قيمـه
برحل ولا به من يسد بمكانـي
برحل على شان الحياه الكريمـه
عندي كرامه ما اتبّع من جفانـي
ما أتبعك عندي كرامه وشيمه
كرامتي تاجـاً يمثـل كيانـي
كرامتي تبقى وتبقـى عظيمـه
جيتك يوم ان الشوق يمك دعاني
جيتك بقلباً سكّنك فـي صميمـه
جيتك بحب وعطف جيت بحنانـي
وجيت بغلا وجيت بنوايا سليمه
جيت بوفا يوم الوصل منك جانـي
جيتك بحر الصيف نسمه وغيمـه
اوفيت لك بالحب ماحداً رماني
وفاي نوراً للـدروب العتيمـه
رديت غيرك يوم غيرك بغاني
مخلص وعندي مع وفايه عزيمه
سلمت قلبي يوم قلبـك عطانـي
سلمت لك عرشه وصرتي زعيمه
واليوم مات الحب وسط المحانـي
يامجرمه خوذي عقاب الجريمه
الحب ماله فـي حياتـك معانـي
متبلده فيـك المشاعـر سقيمـه
وهالحين يوم الزيف والغدر باني
ماعاد باقي لـك مكانـه وقيمـه
برحل وشوفي واحداً في مكانـي
تلقين منهـو يتبعـك ياغشيمـه

---

fvpg ,ghfi lk ds] fJJ l;hkJJd