الموضوع: ๑ஜ๑ஜ๑ أسْـطُـورَة زِمَـانِـيْ ๑ஜ๑ஜ๑

أسْـطُـورَة, زِمَـانِـيْ

يا بحور الشعر كونـي بالعـدد كثـر الثوانـي
من زمن حوّاء إلين آخر رحم ينجـب جنينـه
بي سفينة مـن مشاعـر مـا تكفّيهـا موانـي
والشعر عشرة بحـورٍ مـا توفّـي هالسفينـة
الشعر في شكله واحد مـن زمانـه الأولانـي
لـه طواريـقٍ قديمـة يتبعـهـا ناظميـنـه
واللي يشعر يحتطـب لكـن بواديـه المعانـي
والحطب هو سر حرفه والشعر شعلـة حنينـه
الحطب فيه الغضا بالنار الأول مـا لـه ثانـي
وفيه عرفج في ثواني تشعلـه ويطفـى بحينـه
والسمر له ريـح طيّـب باشتعالاتـه تبانـي
والتتن لا خير فـي نـاره ولا خيـر ابدخينـه
والأصيل ابن القبايل لا لفاله الضيـف عانـي
أشعل العود الأصيل وطيّب الضيـف ابيمينـه
هذا كلّه من خشب له جذر متشتـت يعانـي
يرضع نهود الترايب لجل مـن ياطـا جبينـه
بس مو كل زين زين وما هو كل زيـنٍ يزانـي
وبالمزاين اتزايـن كـل زيـن وكـل زينـة
والمبانـي مـا اتشابـه وان دعيناهـا مبانـي
والمداين تختلف وان كـان مفردهـم مدينـة
ياشعر علمني وشلون اصبح أسطـورة زمانـي
وكيف اخلي كل طفلٍ يبتدي ابحرفـي رطينـه
وكيف أعدّي هالسّما من دون ما أبرح مكانـي
وكيف ازلزل كل صدرٍ واحبس انفاسه رهينـة
وكيف أخلي الشمس تشرق كلّ ما ينطق لساني
ولما اسكت تعتذرلي في خشوع وفـي سكينـة
ولا تدري لا تحاول توصف احسـاسٍ غزانـي
والله انّي ما أبرضى لـو تواصيفـك رصينـة
كيف أوفّي حقّ شخصٍ من شرايينـه غذانـي
لين طالت قامتي مـن بعـد نطفـة مستهينـه
كيف أوفّي حقّ مخلوق ابْحشا متنـه كسانـي
تسعة شعورٍ حملني ما اشتكى ضعـفٍ وهينـه
كيف أوفّي حقّ أمّي يـا كبـر ذنبـه بيانـي
كيف أوفّي قلعةٍ في مصحف البـاري حصينـه
كيف أوفي قمةٍ هي أعلى من شوفـي وعيانـي
كيف أوفّي نسمةٍ أحيا بهـا بـس مـا تبينـه
كيف أوفّي شمعـةٍ ماعـت جوانبهـا عشانـي
دمعهـا زادٍ لهـا و"الأف" تطفيهـا غبيـنـه
هي بشر في أرضنا بس طينها من كـون ثانـي
والله اعلم هي ملاكٍ بسّ ماخذ شكـل طينـه
كل ما شلت القلم عقلي توسل بـي ورجانـي
وش بينفعك القلم والفكـر عاجـز لا يعينـه
يكفي انّك أسمك امّي هـذا يشعرنـي ابهوانـي
والأسد مهما تعالى كـان شبـلٍ فـي عرينـه
ماني قادر أوصفك الوصف يـا يمّـه جفانـي
وانتى أدرى في عنادي وان راسـي مـا يلينـه
والحقيقة ان وصفـك عيـا يتركنـي وشانـي
لين جاب الوصف خاضع رافعنلـي ساعدينـه
اعذريني لا مدحتك واسمحـي غلطـة بنانـي
ينحنيلك راس شعري يا ذهب تـوّج جبينـه
يا عصامية بنـت مـن متنهـا سـدٍ حمانـي
واحتوتني ابكلّهـا والقلـب هدتلـي وتينـه
المدينـة إن سقيناهـا حصـى تعطـي مبانـي
وانتي دنيا مـن عطايـا وان سقيناهـا غبينـه
والقمر يا يمّه واحد يا قمـر يضـوي زمانـي
والقمر لامـن فقدتـه ويـن أبلقـى بايعينـه
أنتي مو بس تاج راسي أنتي أسبـاب الجنانـي
وأنتي روحي وأنتي عمري وأنتي أحضاني الأمينة
لا ضحكتي مـا أصـدق أن بالدنيـا أنانـي
ولا ابتسمتي ما أصدق يبقى في العالـم ضغينـة
ولا بكيتي كنَّ هـمَّ الكـون كلّـه بالمحانـي
ولا عصاك ابيوم دمعك تصبح افراحه سجينـه
أسألك باللي من السبع انزل السبـع المثانـي
لا حزنتي لا تجينـي ودمـع عينـك تذرفينـه
والله أني مـا أبعـرف أحضنـك ولا أعانـي
ولا أشكي ولا أبكـي ولا أسمـع مـا تبينـه
صدقيني مـا أبالـغ لا حزنتـي بـس ثوانـي
ودي أبذل كلِّ مالي بسّ مـا شوفـك حزينـه
فدوةٍ لك كلَّ ما لي مو عطيّـة بـس عشانـي
ما أبي أخسر حياتي ابْسيـف دمـعٍ تشهرينـة
ولو بيديني أشتري عنك الحزن تالـي الزمانـي
كان من دمّي شريتـه لا نفـذ مـا بالخزينـه
أنتي دمي وآنا دمك كيف انا بانسـى مكانـي
يوم كان اسمـي جنيـنٍ يغتذيبـك واتحمينـه
وان عطيتك ما عطيتك ما أظن أقـدر أدانـي
نص حقك ولا ربعـه ولا أدنـى مـا ترينـه
يكفي انّي أنسى نفسي لاذكرتك فـي كيانـي
وانسى اسمي وانسى لوني وانسى كل العالمينـه
يا بعد فواز أنتي يا بعـد كـل مـن دعانـي
يا بعـد هالعالـم انتـي والسمـاوات المتينـه
البدر باسمك تسمّى يا عصـب عظـم المحانـي
والشفق لجلـك تحنّـى لا وقفتـي اتطالعينـه
الله اللي بك حبانـي وأشهـد أن الله كفانـي
واشهد أنه ما ظلمني وما ظلـم حـدٍ بدينـه
أسألك بالله يـا أمـي، بـربٍ بـك حبانـي
بالعزيز اللي دفنلـك جنّتـه تحتـك رهينـه
تغفريلي كل غلطة وكـل زلـة مـن لسانـي
وكل حرف وكل فعل وكل ما يخفـى ويبينـه
خايفٍ ربي وخايـف دعوتـن تنطـر دفانـي
دعوتن تنصرك منّي وان بكـى قلبـك دفينـه
دعوةٍ تحرم ظنينـك لا غـدت كـل الأمانـي
"جنةٍ يلقاك فيها" قبل قصـره وحـور عينـه
أوعدك مادمت حـي انـي أغطيـك ابحنانـي
واوعديني تذكرينـي لا وقـف قلبـي رنينـه
لجلك استنزف خفوقي كل لحظة وكـل آنـي
وان قضى نزفه خفوقي اجرح اجروحي واعينه
لجلك أبنيلك قصيدة مالها فـي الكـون ثانـي
يا أهم انسـان عنـدي بيـن كـل العالمينـه
هاذي الخمسيـن تبطـي تختصرلـك امتنانـي
ماهي حقّك لا وربّي دون حقّك يـا الثمينـة
ولو قضيت أيام عمري أنظم أشعـار وأغانـي
ما بوفّـي حـق ظفـرك ولا شـيٍ تلمسينـه

---

๑ஜ๑ஜ๑ HsXJ'EJ,vQm .AlQJhkAJdX ๑ஜ๑ஜ๑