الموضوع: صرخة عتاب

صرخة, عتاب

صرخة عتاب




[grade="00008B FF6347 008000 4B0082"]خلك على كفوف الغلا بين الرضا و بين العتاب
مادامها الهقوات تخطي مرّه و مرّه تخيب


لا انت القريب اللي بشوفه ينتهي طرد السراب
و لا الغريب اللي ولو ما يكترث يبقى غريب


اول عليك اشره و اقول الصعب خلّه للصعاب
ارسل الاشاره و ان سفهها الحر يفهمها اللبيب


اليوم عنوان الكتاب يسدّ عن شوف الكتاب
انشد مجرّب خابر العلّه و لا تنشد طبيب


ما في يدك تفتح لمن حبيت و الا تصك باب
كم من عدوّ تفرضه الايام يصبح لك حبيب


يا طول لحظة شوفك و يا قصر ساعات الغياب
و احترت ماودي بحضورك لا ولا ودّي تغيب


ان جيتني ما جا معك غير التعب غير العذاب
تفتح علّي جرح احسبه طاب و أثره ما يطيب


كل الكلام اللي تقوله رمح و المسمع صواب
انشهد انك بالفرح تخطي و بالموجع تصيب


بيني و بينك مثل ما بين الثرى و بين السحاب
و الفرق واجد لكن الرغبه تجاوزها النصيب


يا صاحبي ما عاد لي روح مثل روح الشباب
و الشمس يبهت نورها لامن تولاها المغيب


لا عاد تتعبني ترى ما عاد لي مخلب و ناب
لا عاد به حرّ شهر و لا على المرقاب ذيب


لا تجتمع لي خوف في ليل تغشّاه الضباب
في عين مطلوب خذا ثاره و قلبه مستريب


خلّ الشماته عنك مفلح من ترك ذنبه و تاب
هذي النصيحه و انت ليتك للنصيحه تستجيب


و ابن آدم آخرته قبر من فوقه و تحته تراب
لو يملك الدنيا زهد دنياه في عمر المشيب


إن ما قدرت تصير مثل الصقر عوّد يا غراب
و ان ما رقيت و صرت فوق الرجم ياسعك الشعيب


الطيب و الله في الندى و الاّ البخل راعيه خاب
و العيب و الله في الردى و الا الفقر ماهو بعيب



الشاعر فالح الهاجري [/grade]

---

wvom ujhf