الموضوع: احـــــلـــــى عـــاشــقــيــن

أوقـديـنــي بالـمـحـبـة و اشعـلـيـنـي بـالـهـيـام
و احضنينـي مثـل طفـلٍ فـاض دمعـه بألأنـيـن
آه يــا نـشـوة شـعـوري و آه يــا جــو الـغـرام
آه مــن بسـمـة تلاحقـنـي و أنــا فيـهـا سجـيـن
جـرح قلبـي بـك يهلّـي و الـغـلا ســر الـوئـام
و كـل مـا فينـي يهـلّـي و التهـلّـي بــك يـزيـن
نور عينـي يـا حياتـي صـار مـن دونـك ظـلام
لا تخليـنـي بـروحــي أحـضــن آلام السـنـيـن
يا غرامـي مـن رَحَلتـي جفنـي مـا ذاق المنـام
أنتظر طيفك و أناظر (لِ ) متى بأبقى حزين ؟
ويش أسوي فـي فـؤادٍ نـال مـن صـدك وسـام
و الله لـو تـدري بحالـي تنقـلـب قسـوتـك لـيـن
أسأل نجوم الليالي : وين ( نوره ) ؟ مو حرام
تهجر اللي ذاب فيهـا و اشتعـل قلبـه حنيـن ؟!
ردت القمـر و قالـت : مـن يجيـبـك مــا يــلام
و كل ما يخفى بدنيا الحـب يظهـر لـي و يبيـن
بـس لـو تـدري بحـال اللـي تحبْهـا قـبـل عــام
كـانـت تـقـول الأمـانـي و تنتـظـر مـنّـي أبـيـن
لجل تفصح عـن هـواك و عـن عيـونٍ مـا تنـام
و تنتظـر منـي جـوابٍ ينبـش الـجـرح الدفـيـن
دوم تطلبـنـي و تحلـفـنـي أبـلـغـك الـســلام
و أختفي من خلف غيمة لجـل تنهـي الكلمتيـن
كيف أناظر دمع عينٍ منـك فـاض و فيـك هـام
تحضـن الجـرح و تعانـي و الخـلايـق نايمـيـن
و ترتمي بحظن الفراش و تنسج خيوط الكلام
في خواطرهـا مشاعـر و المشاعـر لـك تديـن
و كان صابك سهم واحد بس صابتها سهـام
افـهـم وثـمّـن كـلامـي و اقـطـع الـشـك بيقـيـن
و قبل لا أتسى ترى ( نوره ) تبلغك السلام
و يـا عسـى الأيـام تجمـع بيـن أحلـى عاشقيـن





وسلامتكم



واترككم في حفظ الله