الموضوع: ((( أصدق اللوم )))

مصدق

أسأل متى بألقاك وأنتي معي دوم
وأجادل الواقع بشوفة سرابك

* * *

وأكتب على صدر الغلا حرف معدوم
يجاوبه تفسير كلمة عذابك

* * *

أنت الألم يا مهجتي وأصدق اللوم
راضي أنينك دام نبعه صوابك

* * *

يكفيني أنك بالحشا كل ما أقوم
مرتاح صمتي وأن هرج ما درى بك

* * *

أهواك حتى الموت في الصحو والنوم
وجميع لحظات اللقاء وأغترابك

* * *

ودي أعيشك ساعه ما لها يوم
وأبحر معك مجهول وسط أرتيابك

* * *

أبيك يا روح الوفاء تخذل السوم
دام البقايا عمرها من شبابك

* * *

لا تجامل المنه ترى الوقت معدوم
مهما تماديت الحضور بغيابك

* * *

ومهما ضويت الليل بالبدر ونجوم
ورعيت حلم الصبح بأسفل ثيابك

* * *

خل السؤال يجيب دايم معي دوم
لو الجدال أنهاه واقع سرابك

وسلامتكم ؛؛؛؛؛

---

((( Hw]r hgg,l )))