الموضوع: فاهيتا

السلام عليكم ورحمة الله وبركاته

المقادير:
فنجان صويا صوص
فنجان زيت الزيتون
فنجان عصير ليمون
فنجان شطة حارة . اذا ماتبونها تصير حارة وايد حطوا نص فنجان
صحن صدور دجاج ( بيصير خمس قطع )
بصل
مشروم
فلفل بارد ( اذا جبتوا الوان يطلع الشكل احلى)

الطريقه:
نتبل صدور الدجاج من الليل بالتتبيلة السابقه ونغطيه بنايلون
بعدين نقطع الدجاج بحيث انه يعطينا خمس قطع ونقص كل قطعه من الوسط بخطوط طوليه بس ما نوصل لين نهاية الدجاجه( شكل فقط)
بعدين نجيب طابي تيفال (المهم ما يلزق)
ونحط عليه الدجاج ونقلبه بالصويا صوص لين يصير لونه ذهبي

في جدر ثاني نحمس البصل لين يستوي لونه على بني . بعدين نحط عليه الفلفل البارد( بعد مانقطعه طوال)
اذا حسينا ان الفلفل البارد استوى نحط المشروم(بعد مقطع طوال)
ونحط عليهم شويه صويا صوص وشطه وخل
ونقدمه مع الدجاج على عيش او مع خبز
وبالهنا والشفا