الموضوع: صباح الحزن

الحزن, صباح

صباح الحزن

إلهي ما بقى بوقتي سوى صبر ن على صبري
كثر هذي الطعون اشكي مصابي في فقد اخوان
صباح الحزن يا قلبي سوادك كاسي ن عمري
خلاص اصبحت في وقت ن اخذت من الحزن عنوان
علامه الدمع ما فارق قصيدي واختلف حبري
ودرب ن هاوي ن وجهي كسره الآه والأزمان
يغطي هالملامح شي أكيد انه كسر ظهري
إلهي يا كبر همي عليك الحمل والتكلان
أصوّر صورة الماضي أنا والأربعة بصغري
كأني الأم أو أكثر ملاها الحب والتحنان
أضم كل الغضب وافرح ويضحك شي ن بثغري
وأرجع احضن خطاهم إذا جاه الخطا غفران
كبر هذا الشغب وآنا أردد يا كبر فخري
أشد فيهم ظهر وقتي إذا في يوم ضعفي آن
ثلاث اشبال في صورة رجال ن منهو بس كبري
إذا مال الزمن صاروا دروع لآهتي ونيران
وزهره في عمر زهره أخذها الموت من بدري
تودعني على غفله وينطرها السعد وجنان
كثر ما كنت أتفاخر وأنا لليوم في فخري
شهيدين بإذن واحد وهم بامانة الرحمن
ولكن شي ن بنفسي وآهه مولعه بصدري
وهل معقول في يوم ن أشوف اني فقدت اخوان؟
إلهي استغفرك ربي وسلمتك بعد أمري
وسلمت بقضا حكمك وبصبر والصبر إيمان
كثر هذا الحزن يا رب أسئلك زيدني صبري
فقدت أغلى بشر يا رب تزيد الصبر والسلوان

الشاعره نسايم الساده

---

wfhp hgp.k