كلمتني قبل زفتها بدقاايق

**ولد ال رحمه** · 24-Jul-2006,03:40 PM

كلمتني قبل زفتها بدقاايق
كلمتني وأسمعتني صوتها
قبل زفتها بدقايق
قالت حبيبي بودعك وبعطيك من وقتي دقايق
ودي أسمع صوتك حبيبي
ودي أنسى كل شي وأبقى مع صوتك حبيبي
ماقويت أنطق ولااتكلم
ماعرفت بها الظروف وش أقول
كنت دايم أسمعها ضحكتي
كنت دايم أناوشها بلهفتي
واليوم جاتني تعذبني تسمعني صوت الدفوف
قالت حبيبي هذا صوت أم العريس
تنادي علي وتقول يالله تعالي عجلي
ودي حبيبي هالحظة تطول
وأبقى مع صوتك دهور
وين راح الحكي مني
وين ألقى الحروف
قلت ارحلي عني والحقي صوت الدفوف
واتركيني بوحدتي أنسج أبيات الحروف
يمكن ألاقي مع الوحدة صدى للي بقول
قفلت ورحت أنا وحدي ويملى مسمعي صوت الدفوف
صوتها بعثر اوراقي وخلاني مع همي نطوف
بين الشوارع والمداين نحتري موقف عروس
قلت يمكن تلتقي بهالحظة العيون
وانتحاكى مابين كل الخلق بعيون ودموع
للأسف ماكنت أدري ان قلبي بهالحظة يحتضر
وكان الكفن صوتها والدفن موكب عروس
شلت قلبي وسط كفي ورحت امشي
أدور مقبرة أدفنه فيها واستريح
شفت كوشتها منصوبه على اعلى الدرج
وانحنيت احفر وادفن القلب الجريح
شفت في الحفرة قلبها مدفون
وانكتب في وسط الحشا كلمتين
حبيبي مستحيل يعيش
في هالقلب غيرك مستحيل

**بَرَِآءَةْ دَمَعَتِي** · 24-Jul-2006,10:38 PM

كنت دايم أسمعها ضحكتي
كنت دايم أناوشها بلهفتي

صح لسانك ولد بلادي ولد ال رحمه على قصيدة منتهى ورعه
تسلم يدك

الهنوف*** · 25-Jul-2006,03:47 AM

قمة الاسى أن نبتعد عن من احبونا

وقمة الالم أن نرآهم يرحلون ولا نستطيع منعهم

اخي كلماتك مؤثرة جداا وتنزف آهااتا ودموعاا

رغم ذلك ابدعت في نثرها وعزف شجونك من خلالها

صح لسانك ودمت مبدعا
تقبل فائق احترامي وتقديري

ااختك
الهنوف

**ولد ال رحمه** · 25-Jul-2006,11:34 AM

صح بدنج اختي لولوة الصغيرة مشكوره على مرور

**ولد ال رحمه** · 25-Jul-2006,11:36 AM

صح بدنج اختي الهنوف مشكوره على الكلام الحلووووووووووو مشكوره على مرور

**ملكة بكبريائي** · 26-Jul-2006,07:39 AM

وانتحاكى مابين كل الخلق بعيون ودموع
للأسف ماكنت أدري ان قلبي بهالحظة يحتضر
وكان الكفن صوتها والدفن موكب عروس

قمـــــــــــــــــــــــــــــــــــــــة الماساه
موقف لا يحسد عليه

ولد ال رحمه سلمت اناملك على هذا النزف
لاتحرمنا المزيد
تقبل مروري
ملكه بكبريائي