اللي, الصقـر, حلى, رحمه, على
بالعربي الفصيح مانبي نطول معكم نبي نبدأ القصه من اول شيئ حتى اول شيئ مثل مايقولون كل شيئ بالمعقول بس عاد مو على طول واي استفسار يرفع خشمه هذي قصه ( مرعبه )ممنوع دخول الاطفال فوق الـ 54 رجاء خاص من دون احراج وومنوع دخول جوالاات كاميرا وطبعا اهم شيئ ممنوع دخول المغاتير ههههههه
. <-- قسم بالله إني اكتب الموضوع وجايب اخواني الكبار والصغار ومسوي حالاات طوارئ في البيت وكذلك ماننسى ماما وبابا بالطبع كنت انا جالس بحضنهم لاني حسيت بخوف شديد وتعرق ذو رائحه كريهه للغايه تسمى رائحة العبـط وفي مقوله اخرى الإبـط الي فيه عشب ونبات بالمفاصل والتهاب بالاظآفر وحساسيه بالشعر وتيبس بالعظام المهم جبت اخواني وجبت امي وابوي يعني كانو واقفين معي اكيد المهم امي وابوي واخواني يعني كلهم حتى روحو اسئلو امي وابوي واخواني كلهم
< اقول خلوني مقطوع من شجره وارتاحو ههههه علشان احس بالاطمئنان لاني شوي خواف < ياربي اقول كمل بس لااصفقك بجبنة البوك ( يقالك الحين إن وجهي خبز توست ) المهم المهم علشان اكتب القصه ومايكون فيها طلاسم وخرابيش وطرابيش وبراشيم وزياده في المعازيم < طلاب لحد الان عايشين جو الاختبارات هذي قصه حصلة بالرياض يعني من التراث اليمني الاصليل
وحصلت قصتنا ياحلوها حلواه على عشر جوائز فسكار وجائزتين شاص المسؤلين عن الجائزه من منسوبي مزاين الابل <---قصده اوسكار وستعرض االقصه على برنامج كتير كتير مهضوم كنت من اشد المعجبين فيه < بس حولت على افلام رعب من اليوم ورايح البرنامج الي هو (قرقيعان) تبع ناصر السدحان وعبدالله الخالق المخرج بالطبع زينب الحمود وسيعرض بشهر رمضان اويـــــــــــلااااااه يالصمبوصه بس المهم انا ساكن في حي ‘‘ العود خلف مقبرة العود المشهوره الي دفن فيها رئيس مصر السابق ( عمر السادات ) اقول فكنا انت وخشتك من السياسه لاتوهقنا العود حي من احياء الرياض الواسعه المشهوره وبجوار بيتنا بيت مسكون يعني فيه ناس هههههه قصدي فيه جنون وكنا احنا صغار نسمع حوادث مرعبه ومخيفه ولايدقون على المرور وكانت جدتي الله يرحمها ويسكن روحها الجنه < دقيقه لو سمحتو ابي اجيب فوطة كلينكس امسح المطر الي جالس يسيل من عيوني تهي تهي تقول لنا عن البيت المسكون والقصص والبيت
وابطاله المشهورين الاخوه الجنون عائله كامله بسم الله الرحمن ياربي ياكافي ياكابتشينو <--- طراااااااخ وربي جاني مخمس من اخوي الكبير يقول اكتب اخلص علي يبي يشبك على موقع ارامكو مسوي فيها يبي يسجل عندهم ياشيخ افلقني المهم الاخ الكبيرررر = صعفق فتوة الجن كان مسوي دربكه نفسيه في جميع انواع الحاره حتى الجنون مصرقع فيهم يقولون انت مو جني انت اخو ابليس وصديقه من الرضاعه ( النيدو جن ) < هذا حليب عندهم مشهور يعني بس حنا الي عندنا شركات حليب , واخوهم الاصغر \ خربوط هذا ماهو صاحي في راسه هياط يعني لو تقراء عليه المعوذات يقول هاهاهاهاهاهاا بس هذا الي قدرت تسويه واختهم الحسناء( خطر )هذي مزيونه اقسم بالله لو إني جني كان تزوجتها بس تخبرون مآحد يخاطر بعش الزوجيه على اشكال زي كذا ‘ انصحكم ياشباب ( العزوبيه ) ان تخطبو هذه البنيه وعلي المهر وعلي الطقاقات والدحـه والمحاوره والسامري اوه عاد يقدرون هالاشياء والسامبا ورنالدينهو ورونالدو قسم بالله لا اجيب شاكيرا بس فكوني من شرها وابي اخليه يآخذ لفتين على ( كرة الفيصليه ) وشاهي من دون سكر اقسم بالله إنها سكر وملح وكل شيئ < هذا العرض فقط حق الي بايعين حياتهم وحاملين الاعلام من هنا بدت قصتي كل واحد يسكر اذنه ويغمض عيونه بس يقراء الموضوع كبرت وصرت مديون وحالتي صعبه وتخبرون يالربع الدين يكسر ظهور الرياجيل يعني ترى تركي الرياض رجآل بس انكسر ظهره والديانه في كل مكان وراي وراي وين فلوسي وين فلوسي وانا اطالع فيهم بلحظة غضب لو معي فلوس يابن الذينا كان ماجلست عندك هنا انت وراسك اقلب وجهك اخر الشهر وان شاء الله ترجعلك عاد ياليته الديان ينافخ ويصايح علي يقول ابشر طال عمرك سم ولايهمك كانه انا الي يطلبهم فلوس سبائك ذهبيه وربي والوالد الله يرحمه ماترك في حياته بعد موته غير نانسي الي هي الددسن نيسان والله العزم يارياجيل عليها تمشي من غير سواق بس اذا ركب فيها احد يسوق ماتمشي امرها غريب فعـــــــلا فـعــــــــــلا دنيا غريبه ماتجي على الكيف لا لا لا وازيدكم من الشعر بيت السياره ماتشتغل إلا عن طريق البصمه ومايشتغل بالمسجل إلا اغنية ابصملك على العشره والبوري حق السياره هزاز والايربااااق ( النفيخات ) تطلع بعد مايجي الاسعاف
وكان لدي اثنين من اخوياي مصرقعين مهبل عقولهم حاطينها في درج الملابس وعايشين حياتهم بــــــلا عقل كانهم شاربين اثنين بطل كلوركس ويمشون في ارض الله يسرحون ويمرحون كأنهم خرفان وانا راعيهم ويمشون وراي وينابحون وانا وياهم نتجمع دايماا في استراحه تستغربون ان هالاشكال عندها استراحه ‘ بالطبع هي جلسه على الشارع الاصفر < تجمعات الجحلط وملحس خلق الله الي تبونه بتحصلونه هناك بس احنا نسميها استراحه لاننا نرتاح هناك سبحان الله ليش مآدري على قولة رابح صقر كذا من ربي حبيته يقالك حقين مظاهر يتجمعون في ارقى الاماكن بالرياض جيت الاستراحه ولقيت اخوياي بس نسيت اعرفكم عليها وهم كالتالي
جمعان بن سرحان ‘ طالب فاشل متخرج من الكفائه بتقدير مقبول وجنبها مكتوب الله يلعن الي يقبلك بالمدرسه ثاني مره
عتيق بن سرور ‘ ممـررض بيطري في الشميسي متخرج من كلية الحرس الوطني للطيران ملازم عريف اول
المهم نسولف انا وياهم في هالدنيااا ومن هنا ضحكه ومن هنا سالفه ومن هنا سالفه ومن هنا ضحكه ونحاتي امور هالدنيا وايش بيكون مصيرنا الاسود المظلم هل سوف يكون هناك نور ايه افقع وجهي اذا فتحت هالدنيا في وجيهنا ااااه اااااه يالحظ الردي اااه ااه ياقسوة الايام حتى اننا فكرنا بالانتحار ومن لم يموت بالسيف مات بغيره تعددت الاسباب والموت واحد وماطار طير وارتفع الا وكما طار وقع ‘‘ كابتن محشش يعلن عن اقلاع الطائره المهم شوي إلا حصلناا مصباح سحري طايح قريب من الجلسه وراح الخبل جمعان يبي يشوف وش سالفته المهم قال ياجمعان خله يمكن فيه ناس يدورون اثاث مستعمل يبون يبيعونه وسكرت المحلات وبيرحعون له بكره قال عتيق ياتركي ياخبل هذا مو نفس الي بأفلام الكارتون الي تحك الفانوس ويطلع لك عفريت ويلبي طلباتك فكرت فكرت قلت اي والله خلنا نجرب وش ورانا وانادي جمعان قلت جبه لعنبو دارك يمكن تنفتح الدنيا في وجيهنا وجاني جمعان يمشي مليون يركض وطاح على خشمه وانكسر الغضروف عنده قلت تساهيل تساهيل اول مايطلع العفريت اول طلب راح اخليه يعالجك برى على حسابه وامسك المصباح وسميت بالله وحكيته يوم حكيته ويطلع غباااااار !! وعتيق يقول ياتركي ياولد لايكون العفريت جالس في ورشة ‘ قلت اصبر خلني احكه ثاني مره وحكيته بالفعل شوي إلا طلع لنا عفريت وقلنا هلا والله بمستر عفريت
رد علينا وقال إن فركت المصباح ثاني مره فركت وجهك ويدخل وانا وعتيق وجمعان جالسين نطالع في بعض يوم دخل المصباح ورجع مكانه ونقعد نصفق للعفريت على اداءه وهياطه الجميل ونرجعه نفس ماكان وقلنا مالك إلا الصبر انت وياه بس ورمينا العفريت < يعني الحين زعلانين ومعصبين عليه وخلصنا من الجلسه وأذن الفجر ونركب النانسي طبعا ونمسك الخط راجعين لبيوتنا ونفكر في مستقبلنا المجهول وانا راجع البيت مريت البيت المسكون الي اقولكم عنه لانه على طريق بيتنا بنفس الشارع واسمع اصوات ! عاد انا لحالي لاني نزلت العيال وكل واحـد ضف وجهه لبيت امه لو اني داري نزلتهم بليموزين لازم اكون رحوم شوي على النانسي الشيئ الوحيد الي امتلكه في هالدنيا وعرفت ان هالاصوات يقولون بصوت عالي ( سبت احد اثنين ) بتكرار وبتواصل اخوكم بالله مسوي جالس معهم كملت وقلت ثلاثاء اربعاء وقالو مره ثانيه بصوت عالي سبت احد اثنين ثلاثاء اربعاء وطلع صعفق قال انت الشاعر انت الامير وانتفخ راسي ومن زود الهياط الي فيني قلت خميس جمعه قال صعفق لعنبو دارك في ثواني كملت البيت عز الله انه انت الشاعر وحلف علي إني اقلط علشان نسوي امسيه في البيت ‘‘ امحق امسيه عز الله اني وهقت نفسي بس وش اسوي الهياط يسري في دمي والشعر يمين وانا منسدح 180 درجـه يسار عنه وانا انزل من النانسي واحصل هندي واقف على الشارع قلت صديق غسل السياره على حساب عمك صعفق وقال صعفق ماتحس ؟ اني عطيتك وجـه وانا اقول سبت احد اثنين ثلاثاء اربعاء خميس جمعه رمضان ذو الحجه الخ الخ إلا صعفق صطرني كف وقال يآخوي الشعر خله شوي مو الحين خلني اسلم عليك وشكلك رجال طيب وعلشان الشعر الي قلته ابي اسمحلك تغسل السياره على حسابي قلت والله مايحاسب إلا انا واطلع الماستر كارد قلت صديق فيه صرافه عندك قال الهندي \مافي مشكله على حساب بابا صعفق < --لعنبو ابليس الهندي قط الميانه وقلطني الرجال المهم وانا امشي بالطريق ابي ادخل داخل إلا خربوط ماسك دلـة القهوه ويقول حيالله شاعرنا تركي قلت الله لايحيكقال وش ! قلت الله لايحيك إلا في محلك ودخلنا بالمجلس وصبولي القهوه وشربت عشرة فناجيل قهوه من زود الخوف الي فيني اشرب وانا مو في وعيي واسولف لهم عن مشاكلي وحالتي الصعبه قال خربوط هذي الدنيا مالها امان لو انك بس رابط حزام الامانوقال صعفق قال ابي اخليك اغنى رجل بالعالم وانا اطالع فيه مبتسم قلت نعم ؟ ! قال ابي اخليك غني ومادريت إلا الباب فتح الباب قلت حلو هذا شكله واحد من مسؤلين البنك يبي يحولي حساب عندهم قلت يمكن الشباب مزبطين الوضع قبل مآجيشوي يوم فتح الباب كله وانكشفتلي الحقيقه إلا مخلوق غريب اعوذو بالله ياربي وش هالـوجـه وش هالجسم وش هالقررررف وقال خربوط هلا والله بآختي خطرر يامرحباااا وانا ماسك نفسي ناوي اقول لقد حصلتي على جائزة ابشع انسانه بالانسانيه بس ربك سترويقول خربوط هذا الشاعر المفلطـح المغوار والله يوم قال المغوار اني ناوي اطلع السيف وادزز اركب النانسي على إنه حصان قالت خطررر هلا والله تركي اعجبني شعرك صراحه انا اسمع الصوت بس مآدري من وين تتكلم هالبنت اتوقع من عند الجمجمـــــه او الركبــــــه انا قلت توك باقي ماشفتي شيئ هذا شعر قبل النوم اجل كيف بعد النوم ؟!
قال خربوط ياتركي ترى اختي تحب الشعررر قلت طيب وش تبيني اسوي < قال اقول آكل تبن قطيت الميانه انت وخشتــــــك بـــــلا استهبآل وامسك عمرك .رديت انا بنبرة واحد قـــــــــامـط اوم العافيــــه قلت ابشر ياخربوط على هالخشم
hggd lhduvt hgwrJv dl] v[gi ugn r] gphtJJi
LinkBack URL
About LinkBacks
اللي مايعرف الصقـر يمد رجله على قد لحافــه
المشاركة الأصلية كتبت بواسطة الــوافــي
