الموضوع: حكايه في يوم ملي بلملطشه والناس يدعونني يا ترللي ^_^

عندي لغز اتحداكم تحلونه
وشو الشي اللي فيه حبوب ملونه صفرا وسودا وفيه حبه وحده لونها احمر وفيه مضراب والصفرا اسمها عشره والسودا اسمها خمسه والحمرا اسمها خمسين ودايم نقشط بعض واللي يطبب المضراب يحط خمسه واسمه كيرم
<< طيب وين اللغز انت جبت كلــش

قايلكم تراني بالمقدمااات من جنب جنبها

طيب وشو الشي اللي ما يعيش الا في الدمام ومالح ومليان سمــك ونسبح فيه واسمه الهافمون

<< اقول ورا ما تنضبط




ترا لا تحسبوني برباره ,, انا اصلا ما احب اللي يتكلم واجد << ما درو عنك الجزيره ولا كان ضموك للطاقم

المهم عاد نرجع لموضووعنا الرئيسي واللي هي قصة حصلت لي << اما انت يا حمود

سلمكم الله هالايام ذبحــني الحــر مادري وش قصتنا لي جا الحر قلنا يازين البرد وان جا البرد قلنا يازين الحر
بس انا بالنسبه لي الحر ازين عشان مافيه خلاقــيــن عاد ذكرت لي موقف قلت ايه اشوا اني بالصـيـف
الموقف سلمكم الله بالموضوع بالاسفــل

××× المـــوضـــوعـ ×××

يالربع مرتن من المرااريت ايام الشركات والكبائن ,, كنت هذاك اليووم قايمن متأخر ,, وتعرفون خلاقين البرد ,,
الواحد لي جا البرد قام يلبس من ها الملابس لين يطرش << عليك وصف مثل وجهك

عاد تعرفون الواحد لي قام متأخر يقوم مرتاااع خاصه لي طل في السااعه ولقى الدوام مطوف ساعتين والمدير داق عليك
عاد كنت لابس سروال بجامه وفنيله وفوق سروال البجاامه لابس سروال عادي طويل ,, عشان يغطي الخلاقين

وانا اللي افصخ ام الملابس بسرعه ,, وافتح الدالوب ابي اغير ,, واشوف الدالوب الا ما فيه ملابس نظيفه كلها في المغسله
واقلب يمين يساار الا الدعووه ساايبه ,, ما حولك الا بدل رياضه << حقة وزارة المعارف

قلت يا ولد ارجع لملابسك اللي فصختها والبسها ,, واصلا انت بتلبس ثووب محد شايف<< يسولف مع نفسه

وانا اللي ارجع والبس السروال الطويل اثر سروال البجامه في وسطه ونازل ,, لبست الطويل والبجامه متجمع عند الركبه يعني لبست رجل وحده بس ولردفه الثانيه في نفس الرجل بس ما دريت عنه ولا حسيت به
واطلع امشي مليون واشغل السياره واوصل العمل ,, واروح طال عمرك انصى المكتب على طوول ,, وانا ها البجاامه ما حسيت فيه انه متجمع كله عند الركبه

يوم جلست على المكتب الا الشباب جايين يقولون المدير يبيك تحت ,, وانا اللي امشي << عاد ابو الشباب مشخص وطاق هذيك الرسميه اللي على كيف كيفك
ثوب محكحك والشماغ ابدع ما يكوون << اما انت يا جوااد << حلوه جوااد

وانزل تحت ويوم قربت من الصالة وانا امشي ,,, والسيب مليااان عن بكرة ابيه من المراجعين والموظفين
الا صروال البجامه ينزل حبه حبه من فتحة السروال ,, وبدا يسحب وانا ما حسيت به ,, يوم ناظرت الا البجامه طلعت حقة رجل كاامله من فتحة السروال وبدت تسحب
والسيييييييب ملياااااااااااااان والنااس تناظر ,,, يلعن ام طيحة الوجه يالربع

قسم بالله يان وجهي قمط << حلوه قمط << يعني ثوبك دخل في وجهـك

والتفت يمين ويسااار ,, الا الدنيا كلها عيونها علي ,, ولا تناظر وجهي بيشوفون وش ها اللي طلع من عند رجلي

عاد البلى ما اقدر اشوته لاني لابس ردفه وحده ,, يعني لازم افصخ الجزمه ثم افصخه
يوم شفت الدعوه كذا ,, واقعد على الارض واجمع امه وارفعه عند الركبه واربط امه بالشراااب

وارووح لاقرب دورة ميااه ,, وادخل طال عمرك واشقل ام امينه ,, وفي اقرب زباااااااله ذبيته
يلعن ام الذب اللي جا علي ذاك اليوم صرت ملطشه هذاك اليوم
كل ماجا واحد قالي وين حطيت الصروال
قسم بالله ياهو موووقف ,, العيال قعدو شهرين ما فيه الا تعليق ,, طالع عندهم كاني مميز صاير ملطشه هههههههههه

ما يستفااد من الموضووع
اللي بيطلع من البيت يشيك على العفش كااامل وعلى سلامته واهم شي السرواال ,, خاصه جا البرد
هالايام حــر السناوي مايمدي احد يقزه
وتبون الجد انا بالنسبه لي الغيت فكرة شي اسمه سروال بجااامه ,, عقب ها المووقق ,, صارت الدعوه كلها سروايل سنه

ما تلاحظون انكم غثيتونا عااد << وش فيك قلبت عليهم

واللي يقرون الموضوع ولا يردون يستحون على وجيهم ويحطون لو نقيطه في الموضوع عشان نعرف اللي قراه واللي ما قرااه مهوب الفى الزيارات اكثر من الردود
ترا ما فيه شي ببلاش ,, الا اللي بيدفع فلووس ترا ما فيه ما نع ما يرد ,, بس اهم شي ما تروح كتابتي كذا ,,<< فيه عرق من من هذوليك


مصطول آل مفهي