الموضوع: قصيدة كتبها لصاحبه لكي يحب حبيبته لتنساه

هذه عبارة عن قصيده كتبها شخص عندما قال له الدكتور أنك لن تعيش إلا بقدرة قادر أحد.

وكتبها لصاحبه لكي يحب حبيبته لتنساه.

و لا أطيل عليكم



وصاتي لك من بعدي تموت فيها علشــــاني

أبيها تعيش وتحيا بك و اظل بالذاكره مفقود

وصاتي لك تنسيها ملامح وجهي و تنسـاني

وتعزفها قصيدة حب على عكس اللي عزفته بعود

وصاتي لك تبعدها عن أشعاري و قيـفاني

تراها مغرمه بالحيل ويشهد لي عدد اــلردود

وصاتي لك تسايرها ترى فيها مــن أحزاني

طلبتك لا يضيق بالي طلبتك و الطلب مردود

وصاتي لك تناديها حياتي,,عمري,,أزماني

أنا عودتها دايم أدلعها و أنا مـــــــــــوجود

وصاتي لك تعاملها بطيبه وقلب و إحساني

تراها تذرف الدمعه و دمعها بليا حـــــدود

وصاتي لك تحفظها ســـــور و آيات قراني

وتخبرها عن الميت رحـــــل لايمكنه بيعود

وصاتي لك ترسمها على قبري و أكفـــاني

أبيها لوحه تبقى على طول الزمن محــدود

وصاتي لك تمازحها وتشوف الضحكه باسناني

سعيتك ياحظك هالكون طلبتك لا تصير جلمود

وصاتي لك تقهويها من دلالي و فنـــــــــجاني

تراها تعشق السمرا ويكفيها دخون الـــــعود

وصاتي لك تركبها على خيلي وعلى حصاني

وربى فارسه من قلب شهاده ماهي لشهود

وصاتي لك تسفرها بلاد الشام و لبــــــناني

ترى يحليلها تقطف ورده ورده من بلد الورود

وصاتي لك تراقصها على ألحان رحبـــــــــاني

ترى فيها عرق خال وفيها من جنون الســــود

وصاتي لك تحببها فأبو نوره بعد هاــــــــــــــني

وتنسيها ندم غلطه انا فيها تــــــــرى المقصود

وصاتي لك تكرها في تاريخي وعنوانــــــــــــي

أبيها تلعن اللحظه وتلعن كل فرح مــــــــوعود

و تخليني أنا الظالم و انا من حـــــرق الأخدود

وصاتي لك تشبهني بـــــــــــــــــــدم أحمر قاني

وأنا هالقاتل السفاح مجرم من عصر النمرود

وصاتي لك تحلفها تتوب تحبني ثـــــــــــــــــاني

ترى يكفيها ما عانت ويكفي حيلها مـــــــهدود

وصاتي لك تنسيها وصيه قالها لسانــــــــــــي

أنا أخبرك رجل موقف و أنت قدها و قـــــدود

صديقي ما لقيت غيرك يعرف واشلون تنساني

أمانه ضمها بقلبك ترى عزيز رحل ما يعود
وسلامتكم