الموضوع: موجز عن ماروكوا ** عشق لا ينتهي **

ثالث مره اكتب في منتدى افلام الكرتون مدري وش حادني بس الوكاد هو حبي الابدي للغاليه على قلبي ماروكو الصغيره قلت يابنت وراه كل العالم تكتب عن الي يحبونهم الا انا ولقيتكم ناسين غاليتي ماروكو واضرب على صدري قلت ابد بكتب عنها الله لا يعقوني بشر واستحمل كل الصعاب في تحميل الصور وجمع المعلومات في سبيل التعريف بها



الشركه المنتجهNippon




الاسم بالياباني ちびまる子ちゃん




الاسم العربي ماروكو الصغيره


هالمسلسل محد يمل منه فيه متعه كبيره اغلب المشاهد تعتمد على الكوميديا بين الجد والبنت الصغيره ماروكو



نبذه عن المسلسل

هالمسلسل طلع عام 1990 م في اليابان وكتبه موموكو ساكورا وحطت اسم عائلتها في المسلسل ويقال للطفله ماروكو ساكورا <<سبحان الله تقول خوات نفس الاسم هالمسلسل اخرجه تستومي شبياما <<ياصعب اساميهم
المسلسل يجسد حياة اهل اليابان في كل شي حياتهم دراستهم اكلهم حتى لبسهم في اغلب الحلقات يطلع وبيوتهم الي على مقاساتهم واشكالهم





قصة المسلسل


يتكلم عن طفله صغيره عمرها 9 سنوات عايشه مع عائلتها المكونه من الاب والام والاخت والجد والجده وهم عائله متوسطه الدخل هالطفله طموحه زياده عن اللازوم وتحب تتحلم احلام اكبر منها وتبي تعيش حياه غير بس مااش فيها طبع شين كسوله مررره واتكاليه على الغير يعني بالعربي زوله <<مهيب مثلي ابد
تمر هالطفله بمواقف مع اهلها واصحابها في المدرسه تحب جدها كثير وهو نفس الشي اغلب الحلقات الجد يحاول انه يحقق بعض احلامها مع انه يفوت احيانا ويفقد الذاكره امها دايم واقفه في حلقها وتهاوشها بسبب كسلها ومعقدتها ومغير قومي سوي و افعلي مثل امهاتنا الله يخليهم لنا

من المواقف الي تصير في المسلسل يجي يوم وكل طلاب المدرسه خشومهم تنزف دم ويعطونهم اجازه طبعا ماروكو تتمنى يجي اليوم الي تغيب فيه وتقوم تحوس في هالخشم الا بالغصب يطلع منه دم وكل يوم على هالحال بس مافي امل اخر شي طاحت الا خشمها ينزف وتطقها بكوه من الفرحه انه اخيرا نزفت والباقي شوفوه في الحلقات

نبذه عن ابطال المسلسل



ماروكو الصغيره
وهــ ياحبي لها عمرها 9 سنوات كسوله مثل ماقلنا امنيتها مايكون فيه دراسه ابدا تحب النوم اسمها الحقيقي موموكو ساكورا



الام
هذي ام ماروكو ياوو ياهي شخصيه ماتعرفون لها مره ياحليلها ومره ودك من يتوطى في بطنها تصير مغثه عمرها في الاربعين



هيروشي ساكورا
ابو ماروكوو ابدا نفس الطباع من بنته ماروكو كسل العالم فيه عمره في الاربعين مثل زوجته



جاكو ساكورا
اخت ماروكو عمرها 12 سنه بصراحه انا ما احبها احس انها منافقه مدري ليه مثابره ونشيطه سبحان الله عكس اختها بس ثقيلة دم بزياده مدري احس انها قاسيه مع وخيتها مافي قلبها رحمه حسبي الله على عدوينها



تاموزو ساكورا
وهــ ياربي والله حبيته هذا جد ماروكو عمره 76 سنه يحب بنت ولده مرره لدرجة انه يشترك في برنامج مسابقات علشان يجيب لها دراهم وتصير غنيه بس الحض عكسه دايم



جدة ماروكو
هذي غريبة الاطوار محد يعرف لها عليها كلام وحكم غريبه ودك من يشوتها على هالحكي الي تقوله خسارة هالشايب المملوح فيها



تامي
صديقة ماروكو مدري ليه كل ماشفتها نتذكر ماضي الجديلتين ايام الابتدائي دايم مع ماروكو في الفصل وجنب بعض ويطلعون للبيت مع بعض



هانوي
سبحان الله يذكرني بالشباب السعودي اذا كان معه دراهم من اسره غنيه ويحب الترزز والتفاخر بسياراته و فلوسه و سفراته والخدم الي عنده يقهرني لانه بس يحقرص في ماروكو يبيها تغار منه بس مدري شاكه انه يحبها و يبيها تلتفت له



مارو
هذا صديقهم بعد ومن اعضاء مجلس المدرسه بس ياهو مغثه بزياده اقرفني بس ياعليه نظارات مهيب صاحيه وهذا هو الي يميزه عن غيره



ماغي
ياحبي لها ((صوره لبناتنا مع التحيه )) هالبنت على شينها بس مناضله في حبها تبي هانو يحبها ويتعلق فيها ماتعوق معها تبي دراهمه الشينه وهي صديقة ماروكو بعد



الاستاذ
وربي ارحمه احيانا مع هالبزارين ودك من يشوتهم برا الفصل على ازعاجهم بس ماشاءالله عليه صابر ومحتسب الاجر ليت عندنا مثل هالمدرسين


هذي بعض الصور للباقين من الابطال والابطال انفسهم










هذي صورة المدرسه











هذي العائله في المسلسل.
طبعا قد حطيت موضوع عن المسلسل.
بس بحطه مرة ثانية هنا











شفوا اشكالهم .خخخخخخخخخخخخخخ <<<<< من زين شكلي الحين
واااايد احب ماروكو