الموضوع: صرخة مطلقة معصبة على الرجال (أبيات)

السلام عليكم ورحمة الله وبركاته
انا اتساءل دائما لماذا؟

المطلقه,الارمله

نساء منبوذات من المجتمع مدري ليش

فالنساء يخافون انهم على قولهم يخطفون رجالهم

والرجال لايرغبون بخطبتهم الااذاكان ماعندها اطفال

اما اذاكان عندها اطفال فأعوذ بالله. كأنها جايبتهم من الحرام

محد يرغب بالزواج منها اللللللله المستعان

بعد ما كان في عصر الرسول كان الرسول والصحابه يتسابقون على المطلقه والارمله

لانهم يعلمون حاجة المرأه للرجل .ويكسبون فيها اجر باسعادها واسعاد اطفالها

اما في هذا العصر فكل يبحث عن اسعاد نفسه وينظر للفائده الدنيويه ما يدرون ان من فرج عن مسلم كربة من كرب الدنيا فرج الله بها عنه كربة من كرب يوم القيامه.

وهذه ابيات لمطلقه معصصصصصصصصصصبه على الرجال. تقول:

انا صحيح ثيب لكن قلبي بكري *****محد دخله الحين ولااول من بدري

طاح حظي من يوم خذت واحد شري ******اخيرا طلقني بعد كري وفري

_______________

ليه يحكمون علي بأني غريبه ******حتى لو كنت انا وسطهم وقريبه

هذا مهوب ذنبي ولاانااللي اجيبه*****هذاهوكتب الله!يعني صارت مصيبه؟

________________

انامرة مسلمه ووالله اني عفيفه *******ولانيب شيطانه!ولانيب شيفه!

شارية الجنه بهاالدنياالخفيفه********وطريق الردى لاجل الله اعيفه

_______________

عايشة بلحالي انا ويااطفالي ********محد ينشد عنا ولابكيف الحالي

اخاف من كل شي ويزول لي ببالي*****مابي من هالدنيا غير ظل رجالي

___________________

هذاالعصر الحديث هوعصرالحريه*******كل ارمله وكل مطلقه مرميه

ينحاش منها الخطاب تقول جنيه!*******مالهم والي غير رب البريه

_______________

دولتنا العزيزه تكفون وظفونا *******وعلى غيرنا بالوظيفه بدونا

وانتم يامسلمين تكفون عفونا*******وعلى الحرام لالالالا تحدونا

_______________

شوفوالرسول زوجاته وحده اللي بكر*****استنو بسنته لو ماعندكم خبر

وترى ياناس هالدنيا كلهاعبر ********ولاتدوم الابالجنه سعة الصدر

________________

وان تسان منيتو علينا بخششكم*******فالله يصبرناعنكم ويقلعكم

ويسترعلينا ويغنينا عنكم ********وبالجنه يرزقنا ربي بأحسن منكم