الموضوع: موضوع عن ازمة الطفل

الرحمة يا أهل الدنيــــــــا

العــــــدل يا أهل الأرض

الظلم ليه أصبـــــــح سنة

القســــوة انكتبت فرض

ليه نغفـــــل عنهم ثانيـــة

دول هــم العين والعرض

أطفالنا طــريق في الجنة

رعايتهم أحسن قـرض

الرحمة يا أهل الدنيــــــــا

العــــــــــدل يا أهل الدار

الأب القـــــدوة الحسنة

الأم حنـــــان وجدار

الطفل ما بينهم زهــــــرة

نراعيها ليــــــل ونهار

ونعلمـــــــها بتعاليمنــــــا

نحميها من الأخطــــــــار

الرحمــــــــة يا أهل الدنيا

العــــــــــدل يا كل الناس

الطفـــــــل بيشرب منا

زي الفيلم الحســـــــــاس

بيصـــــــور كل حياتنــــا

ببراءة وكل حمـــــــــاس

وبيصبح من معــــــــــدنا

إن كان ماس . ولا نحاس

الرحمة يا أهــــــــل الدنيا

العدل يا أوسط قـــــــــوم

الطفـــــل ما بينا في أزمة

بيقوم ويبـــات مظلوم

أتشرد منهــــــم حفنـــــــة

عينهم ما تشوف النـــــوم

بين برد ورعد ومطــــرة

ع الأرض بدون قوت يوم

الرحمة يا أهــــــــل الدنيا

العــــــــــدل يا أهل الحق

امتي نمــــــــــد لهم أيدنــا

لو قلبنا مـــــــــــــرة يدق

ونعــــود بحنينا لبيتــــــنا

وقلوبنا تلين وتــــــرق

نحضن أطفالنا بروحنــــا

ونقول للشيطــــــان "لأ"

الرحمة يا أهــــــــل الدنيا

العـــــــــــدل يا أهل الفن

بندمــــر ليه أطفالنـــــــــا

بالمكــــــر وســـوء الظن

ومسلسل من افكــــــــارنا

يتحدي جنـــــــــون الجن

فين أديــــــــــانا وأحلامنا

ورعاية النــــــوع والسن

الرحمة يا أهل الرحمــــة

العـــــــــدل يا أهل العدل

باكتب عن طفل الأمـــــة

للأب وكل الأهــــــــــــل

م العدل و قلب الحكمـــــة

مش بالمضمون والشــكل

الطفل في حـــــاجة لقدوة

مش هدمة وقـــرش وأكل