طريقتي في السليق لو جربتوها راح تدمنوا عليها مررررة روعة

**جداويه عسل** · 03-Sep-2006,03:41 PM

[]حبايبي جايبة لكم اليوم طريقتي في السليق مختلفة شي بسيط عن الطريقة العادية بس وربي يوم سويتو انمسحت الصحون احط لكم الصورة اول عشان تنفتح نفسكم
[img]

[/img]

المقــــــــــــادير:
دجاجة
واحد اصبع زبدة
هيل
ماجي
رز صنوايت
حليب بوني او حليب وادي فاطمة + حليب نيدو

الطريقـــــــــــــــــة:
-نسلق الدجاجة ونشيل الريم من فوقها طبعا نحط مع الدجاجة وهيه تنسلق هيل عشان الريحة والطعم
_لما ينسلق الدجاج نشيل الدجاج من المرق ونرمي في المرقة حبتين ماجي ولما تذوب نرمي الرز عليها ونقلب ونرمي اصباع الزبدة ونقلب ونحط قليل ملح
-نتبل الدجاج بفلفل اسود وكزبرة ناشفة وقليل ملح ونخلي على جنب_لما تنشف موية الرز ويستوي نحط وحدة علبه حليب بوني او وادي فاطمة الموجود عندك وتحطي كمان وحدة كاسة حليب السعودية وتفضلي على طول تقلبي تقلبي لو حسيتي انوا مااستوى تضيفي حليب نيدو طبعا لازم يصير الرز معجن طبعا النر تكون واطية مرة
_بعد ماتبلتي الدجاج اقلي في زيت او حطي في الفرن يتحمر على كيفك
_تغرفي الرز في الصحن وفوقه الدجاج وترشي الوجه بزبده بس شوفو الطعم راح تدعو لي

**™ إبراهيم (007) ™** · 03-Sep-2006,08:03 PM

يعيني على اكل السعوديه
وربي مشتاق مشتاق مشتاق
شكرا اختي

**جداويه عسل** · 03-Sep-2006,10:18 PM

مسكين امير تلاقوا مدهر في الكشري والسندوتشات

**™ إبراهيم (007) ™** · 04-Sep-2006,01:37 PM

هههههههههههههههههههههههههههههههههههههه
هههههههههههههههههههههههههههههههه
يعني حاسه بالي انا فيه
هههههههه
وربي طفشت من المحشي والديك الرومي
ودي ارجع اكل المندي والسليق
شكرا ياقمر