الموضوع: الحوار المثالي بين الشباب والفتيات

يا ع بالي سؤال::::



اذا انت حبيت بنت واتمنيت اليوم قبل باجر تزوجهاوتقدمت لها والبنت وافقت

بس انت ما كنت تدري انها تحب واحد والواحد ما يعرف انها اتحبه رغم هذا وافقت انها تتزوجك
ومره من المرات قريت مذكرات حياتها وعرفت انها اتحب واحد


شو بتسوي؟

اختي الغاليه روح

اذا قريت في مذكراتها هذا الشي .(باكفخها واكسر سنونها واطلقها هذا كلام الجاهل مو كلامي))

ماراح اسوي ولا شي بالعكس باقولها اني قريت مذكراتها واني عرفت انها تحب واحد قبلي ومافيها شي وهي بتوضح لي الاسباب

ثاني شي اختي الغاليه

هذا شي من الماضي واحنا ننظر للمستقبل ونتجاهل اي شي يضر هذا المستقبل اللي بنبنيه مع بعض ونبني صرح الزواج والاستقرار.

اختي الغاليه

الدنيا ماهي هواش وضرب وضريب

الدنيا احترام وتفاهم

وكل شي بالتفاهم يصير


طيب سؤااااااااااااااااااااااااااااااااالي

اذا عرفتي ان زوجك يحب واحده غيرك ومتعلق فيها ايش تسوين

اكيد بتأثر وبتضايق واحس بغيره خاصه اذا كنت احبه . واذا ماكان مبين هالشي فيه راح امشي السالفه عشان احافظ عليه وعلي بيتي. لكن اذا بين هالشي فيه راح اخيره بيني وبينها واذا اختارها خلاص اتركه وكل واحد منا بطريجه.

<<<< ان شالله اخذ واحد بس يحبني انا لووووووووووووووووووووووووووووول

السؤال وهالسؤال مشكله عندي.

اذا الواحد ماعنده صبر بسررررعه يتعب نفسيا شلون يقوي نفسيته ويمشي حياته مرتاح مهما كانت النتائج المطلوبه عكسيه
بليز ابي الاجابه على هالسؤال ضروري

يعلم انه بالصبر او بدونه سيسر في هذه الحياة
المومن اذا اصابته ضراء صبر فكان خيرا له
وان اصابته سراء شكر فكان خيرا له
والكافر كالبهيمة اذا ربط لا يدري لم ربطوه وان ترك لا يدري لم تركوه
فان استشعر العبد ذلك هانت عليه الدنيا ورضي بقضاء محبوبه عزو جل
ان رضي بقضاء الله فه الرضى من الله وان سخط على قضاء الله فله السخط من الله
فاختارى رضى الله والسعادة في الدنيا ام سخط الله وةالتعاسة في الاخرة وفوات الاجر
بارك الله فيك

اذا الواحد ماعنده صبر بسررررعه يتعب نفسيا شلون يقوي نفسيته ويمشي حياته مرتاح مهما كانت النتائج المطلوبه عكسيه


دايما يقولون الصبر مفتاح الفرج

اما انه كيف يقوي شخصيه الواحد مهما كانت النتائج عكسيه هي ملازمه للصبر وبروده الاعصاب.

لكن هناك ناس لا يتمالكون نفسهم حتى في ابسط المشاكل او المواقف التي تداهمهم

وممكن يتاثر بسببها وتاتي نتائج عكسيه عليه جسديا ومعنويا

نتعامل معاه بان حاله اللي هو فيها افضل من حال كثير من الناس.

وان ممكن كثير من اللي اصابتهم مصيبه يتمنون اللي هو فيه.

والبكلمه الطيبه ومحاوله تهدئه نفسه وندربه على طوله البال دون ما يشعر وايجاد الحلول لكن ليست بحلول نهائيه تكون حلول اختياريه حتى يعتمد على نفسه بعدين

وبذكر الله تطمئن القلوب وتهدا النفوس ويرتاح البال

وبكلمه الطيبه تدوم المحبه وتنتشر الابتسامه

وبتسامح المستحيل يصير ممكن

[align=center] باختصار شديد
أنا ماأتعمقت في صفحات الموضوع
لاكن أبي احط وجهت نضري
تدرون وش المشكله بين الجنسين
الاول جاد والثاني مراوغ ويخبي
أكيد فهمتوني
ماودي أحدد وأجرح
مشاعر بريئه[/align]

اختي غرك زماني::::

اصبري ولج اللي تحصلينه وبعدين ان الله عند ظن عبده
فعودي نفسج من الحين على هالشي.**ترى بو طبيع ما اييوز عن طبعه***.





سؤالـــــــــــــــــــي:::::


اذا عرفت انه اختك اتكلم واحد في التليفون ولها علاقه مع واحد ثاني وهي اتحبه.

كيف بيكون تصرفك معاها؟

للاسف بعض العقول الجاهله تعاقب من يرتكب هالشي بالضرب والتجريح

اختي روووح. اي وحده تكلم واحد اكيييد لازم نشوف الاسباب اللي جعلت هالبنت تكلم

اذا مالقت البنت الاهتمام في البيت ولم تجد فيه الحنان والعطف بتبحث عن هالشي في خارج نطاق الاسره

وبعض الاسر للاسف عقولهم متحجره ما يراعون العوامل النفسيه والاسباب اللي جعلت هالبنت تسوي هالشي

عن نفسي ان وجدت اختي تكلم واحد

راح اتفاهم معاها وانبها عن الاخطاء والمشاكل والمصايب التي ممكن تصير لها في المستقبل
من جراء فعلتها

واعرفها ان اغلب الشباب كذابين وانهم مراوغين

واتخذ تدابير تدريجيه

مثلا اخذ منها الجوال لمده طويله واغير رقمها

واشياء اخرى الا الضرب والاهانه

لان كل انسان له مشاعره ولازم نراعي العامل النفسي للشخص

للاسف في مجتمعاتنا الخليجيه المحافظه نرى ان البنت اذا كلمت ولد نحتقها وننبذها

واذا كلم الولد بنت نتجاهله بل نلقا تشجيع على فعلته

الله يستر علينا وعلى اهالينا


نفس السؤال
لانه مهم

انا بنت .فما أقدر اجاوب . لانه السؤال موجه للرياييل.


أخليها حق أي شاب بعدي