الموضوع: (( فارس احلامي)) قصه رومانسيه جريئه

[align=center][grade="FFA500 FF6347 B22222 FF0000"]تسلم أخوي الحب على القصه الرائعه

الف شكر وتحيه لك

أخيك
][`~*¤!||!¤*~`][القلب المحطم][`~*¤!||!¤*~`][[/grade][/align]

الله يسلمك ويعافيك القلب المحطم ومشكور على مرورك

مشكووووره على القصه الرائعهتحياتي: نبع الحنين

العفو ومشكوره على المرور نبع الحنين

الجزء الثاني
بعد ماكسر غسان الشباك ابتدى يسحب مشاعل للشارع ويحاول يركبها سيارته ووقتها
السواق كان في صراع مع الشباب وبدت مشاعل تفقد الامل لاي نجاه وبدت ترضخ للامر
الواقع بس اتفاجاءت ان يد غسان ابتدت ترتخي وماصارت تشد عليها بالعكس غسان ترك
يدها وكانه اخيرا ندم على كل الي سواه التفتت مشاعل له ولقته يطالعها باحتقار
مشاعل: اخيرا تذكرت ان عندك قلب او انك بديت تخاف او يمكن عندك امل اني ارجع لك
غسان: مين قال اني افكر ارجع لك لانك ولا شي بالنسبه لي كنت اتسلى معاك انتي شكلك
ماعرفتيني للحين
مشاعل: طيب ممكن نتعرف
غسان: صدقيني انا بحياتي ماخدعني احد ولافكر حتى لاني اعرف انك واطيه من زمان
بس حبيت اتسلى معاك
مشاعل: اها وليش كنت بتركبني سيارتك علشان تقول هالكلمتين كان قلتها وانا بسيارتي
لاني تعبانه ومالي خلق امشي
غسان: انتي احقر من ماتخيلت لا تفكري انك قويه لانك من شوي كنتي حتنهاري وصدقيني
انا مو من عادتي اضر اي شخص علشان ماحب ادخل في متاهات بس انا حبيت اعلمك ايش
غسان يقدر يسوي وتركتك انا بكيفي لاني ماتنزل حتى اضر وحده واطيه مثلك
مشاعل: اها طيب ليه المسلسل الي سويته هذى؟
غسان: علشان اثبت لك اني اقوى منك وانك ضعيفه واقدر اسوي فيك الي ابي بس للاسف
ياميشو اني انا مابيك ولا تهميني علشان كذا انقلعي من وجهي ومره ثانيه اعرفي مين تتحدي
اوكي ياقمر
مشاعل امتلت عيونها دموع وحست بالاهانه وقررت تنسحب قبل لايغير رايه
غسان: لا مو قبل ماتقولي اسفه عمي غسان
مشاعل :تحلم
غساان:ماعندي مشكله اني اقضي الليل معاك لما تقوليها ,ماله داعي ابوك يسال عنك
بالشرطه ويدري انك مع خويك ههههههههه
مشاعل: عادي اصلا ابوي ماراح يفقدني لانه مو فاضي لي وانت عارف هالشي
غسان: يعني ماتأدبتي للحين ؟
مشاعل: انا متأدبه قبل اشوفك
غسان: اوكي بصراحه مليت من سوالفك التافهه يله ابعدي عن سيارتي بروح بس قبل اروح
بعطيك خيارين واتمنى انك تكوني انسانه واعيه علشان تعرفي ايش تختاري
مشاعل: تفضل يافيلسوف زمانك, وياليت تغششني
غسان: ياتقولي اسفه وهذا الحل الي انصحك فيه لانك بعدها راح ترتاحي مني والحل الثاني
والي ماانصحك فيه انك تنقلعي من وجهي بس المشكله انك بتلقيني بكل مكان تروحي له
وماراح اخليك وراح ادمر حياتك ببطء وجربي وتعرفين زين اني قد كلمتي
مشاعل: اتوقع اني اختار الحل الثاني بس اذا بدمر حياتي ببطء لاتنسى تبطء الشريط ههههه
غسان : كل هذا غرور ماتبي تقولي اسفه ومستعده تدمري حياتك بس ماتمسي كرامتك
مشاعل: اسمع انا ابوي وهو اغلى شخص بحياتي مهما حصل مااعتذر منه حتى لو انا
غلطانه تجي انت تبيني اعتذر لا ماارح تسمعها لو فيها موتي
غسان: اوكي تحملي مايجيك
مشاعل: خلصت امشي والا فيه شي ثاني
غسان انجن من برودها وكانه بيطلع يعزمها على مطعم والا كوفي مو بيخطفها عرف ان
البنت هذي مفقود منها الامل وقرر ينفذ خطته في انه يحطمها
غسان: شباب مشينا
مشاعل ماقدرت تتحمل الاهانه مافيه احد قدر يهينها وتسكت له لازم اوقفه عند حده بس
مابي ادخل معاه في متااهات خليه يروح وكويس اني لوحدي لو كانت معاي اي وحده من
صاحباتي كانت (فضيحتي بقلاقل)
رجعت مشاعل لسيارتها بهدوء والسواق ركب
السواق: عمه ايش القصه كان لازم ندق على عمي ابو مشعل
مشاعل: اصحى تقول اي كلمه لاي شخص فاهم اذا تبي وظيفتك
السواق: ابشري طال عمرك بس اذا سالوني عن الشباك المكسور ايش اقول لهم
مشاعل: قول لهم انك ماتعرف مين , كنت بعيد عن السياره ولما رجعت لقيته مكسور
السواق : ابشري طال عمرك, بس.
مشاعل : خلاص
وطلعت مشاعل فلوس واعطتها للسواق
مشاعل: هذي قيمه سكوتك واصحى احد يعرف لان وقتها مو بس راح تخسر وظيفتك
راح تخسر كمان البنك المتنقل الي معاك , فهمت ايش قاعده اقول لك؟
السواق : ابشري وماارح يصير الى الي تقولي عليه
=====================================
واخيرا مشاعل وصلت للبيت وكانت تعبانه ومرهقه من الي صار وتتمنى ان بكره يكون
احسن من هاليوم المشؤوم.
دخلت للبيت والحمدلله ماكان احد ينتظرها كالعاده كل شخص بغرفته
وصلت غرفتها الي هي جناح منفصل تتكون من غرفتين غرفه جلوس علشان لما تتجمع
الشله والغرفه الثانيه هي غرفه نومها
دخلت الغرفه ولبست البيجاما وازالت اثار الميك اب وانسدحت على السرير ورفعت عيونها
للسماء فكرت وفكرت في غسان المغرور المجنون الي ابد ابد ماتوقعت منه هالتصرف
الطفولي وظلت تكلم نفسها بصمت في حوار بينها وبين نفسها
انا ليش اقضي حياتي بهالحاله ليش مااستقر بحياتي ليش انا متهوره ليش ماالتقى بشخص
يحبني واحبه واكون مخلصه له وهو مخلص لي مثل كل صاحباتي
رد عليها صوت شخصيتها الشريره لا العيب مو مني العيب من الشباب الي تعرفت عليهم
ولا واحد كان يحبني
رد عليها صوت شخصيتها الطيبه والواقعيه وقال: لا يامشاعل غسان كان يحبك وانتي الي
خنتيه وانتي الي كنتي غير مباليه معاه تستاهلي كل الي سواه فيك
بس رد صوت الشر: لالا هو الي بدا وهو اصلا مافيه مواصفاه الرجل الي تتمنيه
رد صوت الطيبه والعقل : اذا انتي عارفه انه مو الشخص المناسب ليش استمريتي معاه
تسليه؟ لعب؟ مضيعه وقت؟ وغيره وغيره هشام وعبدالله ومحمد و. كل هذول
ولا واحد رجل بعينك ؟ مشاعل لازم تغيرين طريقة حياتك وتفكيرك علشان تكوني
سعيده
وظلت في حوار بين قلبها وعقلها والشر والطيبه مو قادره تفهم نفسها او تحدد شخصيتها
بس الاكيد انها انسانه ماتقدر تتنازل عن رغباتها مهما كانت وهذا جانب الشر فيها بس تندم
على كل شي تسويه وتبدا تأنب نفسها كل ليله وهذا اكيد يدل على جانب الطيبه في شخصيتها
لان الانسان الي مايندم اكيد يكون الشر محى كل اثر طيبه بشخصيته
وبعد تعب اليوم والحوار الي تقضيه كل يوم مع نفسها اخيرا استسلمت للنوم
=====================================
الساعه 3 بالفجر في بيت ساره كانت السهره عند ساره باولها ولسى مابدت حتى
ساره: يالله ادق والا ماادق ؟ اخاف ادق ويقول ابي اكلم الي جنبك , امممم اكلم وامري
لله, مو شسوي الولد مررره يجنن لازم اكلمه مو قادره يدي تحكني, يالله اكلمه واذا قال انتي
مين اقول انا ميشو واكيد ميشو ماراح تزعل
مسكت ساره الموبايل وبدت تدور في المسجات عن رقم الولد صاحب الكاين
ساره: يالله بعد رقمه حلو شكل الولد كااش ادق بس وامري لله
ساره دقت الرقم وانتظرت احد يرد بس للاسف ماارد
ساره: يالله اكيد نايم , لايكون ازعجته بس , مو مشكله اكيد بكره المغرب بيكون صاحي
وتذكرت ساره خويها بدر
ساره : يالله اليوم ماكلمته اكيد زعلان بدق عليه اراضيه افف الله يعيني عليهم واخذت
الموبايل ودقت على خويها بدر
ساره : الو
بدر: نعم
ساره: ادري انك زعلان ومعصب بس اسمعني اول واحكم
بدر : ماخلصت اعذارك انا مليت من كثر مااسمع. ريم حياتي (طبعا هي ماقالت له ان اسمها
ساره) اذا ماتبيني قولي لي
ساره: هذي اخرتها كل هالحب وماابيك الله يسامحك
بدر : نفسي اصدقك سارونه بس انتي يوم تدقين وعشره تختفي وين الحب الي تتكلمي عنه
ساره: هذا جزاي اليوم تقدم لي واحد ورفضته علشان كذا ماما اخذت موبايلي وقالت لي اكيد
انك تعرفي واحد , والا ليش رفضتي الرجال اكيد انك تكلمي واحد, وانحطيت بمشكله ماعرف
كيف اطلع منها كل هذا علشانك , علشان مانبعد عن بعض واخرتها تقول اني ماحبك , ماتوقعتها
منك
بدر : سارونه حبيبتي كل هذا علشاني , احبك , احبك ,اموت فيك
ساره: بعد ايش
بدر : طيب وكيف امك رجعت موبايلك
ساره: تعبت ووديني للمستشفى ولما شافت امي اني تعبانه وطول اليوم ابكي , حنت علي
ورجعته لي بس قالت بشرط انك تفكري بموضوع الرجال الي تقدم لك
بدر: لا سارونه تتزوجي وتتركيني لالا الله يخليك خليكي معاي انا احبك
ساره: حتى انا احبك بس خلاص مو كل مادقيت عليك تكون زعلان اعرف اني مااانقطع عنك
الا اكيد لسبب قوي و . لحظه (ساره سمعت خط بالانتظار وتخيلوا من دق ؟ دق صاحب
الكاين)
ساره: اقول اقول باي الحين ماما دخلت
بدر: باي طمنيني علــ . طوط طوط طوط
ساره: الو
صاحب الكاين: صباح الخير
ساره بكل نعومه: صباح النور
صاحب الكاين: اختي انتي طلبتيني قبل عشر دقايق
ساره: ايه
: مين معاي
ساره: ماعرفتني
: لاوالله ممكن تعرفي بنفسك
ساره: اليوم مارقمت وحده بالتحليه ,معاها لكزس
: اهلين هلا والله وغلا , هلا بالقمر, هلا بالحوريه , هلا بقمر الدنيا كلها , هلا بالي عيوني
ماشافت بحلاها ولا راح تشوف
ساره انقهرت عرفت انه يحسبها مشاعل
ساره: هلا فيك بس انت ماتعرف انا اي وحده ؟
: انتي الي ورا السواق انا قلت للثانيه اني ابيك, لايكون مو انتي؟
ساره : ليش فيه فرق؟
: اكيد انا رقمت الي ورا السواق وابيها لو سمحتي ممكن تقولي انتي مين
ساره: انا الي ورا السواق , بس يعني بسال لو دقت الثانيه يعني ماراح تكلمها
: لا , لان الي يشوفك مايفكر باي بنت ثانيه
ساره حقدت عليه: حلو , طيب ماتعرفت عليك
: معك احمد
ساره: عاشت الاسامي
احمد: عاشت ايامك , وانا بايش ممكن اناديك, عادي لو ماتبي تقولي لي اسمك الحقيقي
عطيني اسمك الفني
ساره : لالا انا مو من عادتي الكذب , بعدين هذا اسم يعني ايش راح يصير لو قلت لك اسمي
احمد: ماراح يصير شي بس فيه بنات متحفظات مايحبوا الشباب يعرفوا عنهم اي شي
ساره: لا انا عادي, اسمي ريم
احمد: الله , ريم , وانتي صدق ريم اسم على مسمى عاشت الاسامي ياحلى ريم
ساره: ههههههه تسلم احرجتني
وظلوا يسولفوا لحد الساعه 9 الصباح واحمد مسكين على باله الي يكلمها مشاعل وهي
مسكينه تسمع انواع كلام المدح والغزل وتدرى انها لصاحبتها قهر ولاتقدر تحكي ولاتقول
شي لانها لو اعترفت راح يقفل الخط
================================================== ====
يوك الجمعه الساعه 10 في بيت ام مشعل(بيت زوجه ابو مشاعل الاولى)
ام مشعل تضرب على الباب باقوى حيلها: مشعلوه ووجع قوم الصلاه
مشعل: يمه خلاص روحي تونا على الصلاه حرام عليك مانمت الا 7 الصباح صحيني 11
ام مشعل: ووجع انشالله قوم الساعه 11 وش تسوي تصلي العصر قوم علشان تسمع
الخطبه وتصلي الجمعه قوم ذبحتني
مشعل: يمه تكفين روحي لسعود تكفين
ام مشعل: ذبحتوني ياليت كنتوا بنات لاحول ولاقوه الا بالله
ام مشعل راحت لغرفتها تجيب كرسي وحطته عند باب غرفه سعود لان سعود يبي له علشان
يصحى ساعه من الصراخ علشان بس يستوعب
ام مشعل: سعود قوم الساعه 11 ونص يالله تاخرت على الصلاه, قوم يمه ذبحتني , سعود ,
ســـعــــووووود
سعود: يمه روحي صحي مشعل بعدين تعالي صحيني
ام مشعل : ياربيه انا مليت منكم بروح لابوكم هو يصحيكم ذبحتوني
ونزلت وهي معصبه من عيالها راحت للصاله علشان تدق على ابو مشعل يجي يصحي عياله
لانهم يخافوا منه ولقت بالصاله مشاعل
ام مشعل: صباح الخير حبيبتي ماشالله صاحيه الصباح
مشاعل: هلا خالتي ام مشعل , شخبارك
ام مشعل: الحمدلله يابنتي انتي الي شلونك وجهك مو عاجبني كنك مانمتي زين
مشاعل خافت انها تحس بشي وخاصه ان شباك السياره مكسور يمكن تقول لابوها شي
وفكرت تلحق نفسها قبل تنفظح لان عادتها دايما محد يقدر يمسك عليها شي
مشاعل: ابد ياخالتي بس متضايقه شوي
ام مشعل: ياحبيبتي مين الي مضايقك اكيد العقرب ام سلطان
مشاعل فكرت انها تلزق الموضوع بام سلطان خاصه انها تكرهها بس خافت تصير مشكله
كبيره توصل لابوها بعدين تتوهق وتنفضح
مشاعل: لالا ياخالتي انتي عارفه ام سلطان ماتحبني ومنيتها اني اطلع من بيتها اليوم قبل
بكره, بس الموضوع اللي مضايقني ما يخص ام سلطان
ام مشعل: من قال انه بيتها هذا بيتك ياحبيبتي انتي الداخله وهي الطالعه , وبعدين وش الي
حادك تتحمليها تعالي عندي والله لخلي عين فراش لك وعين لحاف تعرفين اني احبك
واعتبرك بنتي الي ماجبتها
مشاعل تحب ام مشعل لانها حنونه عليها وتحبها واذا حست بضيق تلجأ لها وخاصه انهم
يشتركون بشي وهو كرههم لام سلطان واسبابهم وجيهه مشاعل تكرهها لانها تعاملها باسلوب
ينرفز وتتعنى تهينها قدام الناس وقدام اخوانها بس عند ابوها تلبس ثوب الطيبه اما ام مشعل
فهي تكره ام سلطان لانها جارتها او مثل مايقولون المصريين ضرتها وهذا غير ان ام
سلطان نمامه وكذابه ومنافقه ومغروره
مشاعل: الله يسلمك ياخالتي , بس انتي عارفه اني مابي اضايقكم لان سلمان عايش عندكم
وانا مابي اربطه واخليه ماياخذ راحته فيه البيت
(سلمان هو ولد اخت ام مشعل وساكن عندهم علشان الجامعه لان اهله مو ساكنين بنفس
المدينه الي يدرس فيها فقرر انه يسكن عند خالته وايام الاجازات يرجع لاهله)
ام مشعل: ياحبيبتي ماودي اضغط عليك, بس ماقلتي لي ايش الي مضايقك
مشاعل بدت تسوي نفسها متضايقه وحزينه : ااااه ياخالتي , لالا ماودي اضايقك
ام مشعل: والله تقولي ماراح تطلعي من عندي الا انتي قايله ايش فيك
مشاعل: بس ياليتك ماحلفتي, ابد خالتي امس كنت طالعه للسوق واشتريت اغراض كثيره
واتصلت على السواق يجي علشان يشيل عني الاكياس لاني ماقدر اشيلها كلها ولما طلعنا
تفاجاءت لقيت شباك السواق مكسور تخيلي ياخالتي
ام مشعل: يالله مين اللي كسره؟
مشاعل: مدري ياخالتي اكيد حرامي
ام مشعل: السياره والشباك فدوه لعيونك تتضايق القمر علشان شباك اليوم اقول لابو مشعل
يكلم الوكاله يصلحوها لك ولاتزعلي
مشاعل حست ان السالفه تافهه وماراح تمشي على ابوها واكيد بيسالها فحبت تكبر السالفه
شوي
مشاعل: بس ياخالتي المشكله مو في الشباك , المشكله الي كسر الشباك كان شايف الساعه
الي اهداني بابا في عيد ميلادي علشان كذا كسر الشباك , اكيد حرامي حيكسر الشباك ليه
اكيد علشان يسرق , وهو كسر شباك السواق وفتح الباب واخذ الساعه
ام مشعل: الله ياخذه ويشل يده , لاتضيقي صدرك انشالله ابو مشعل يعوضك عنها ولا تزعلي
مشاعل: ايه بس هذي هديه من اغلى انسان بحياتي , لو انا الي انسرقت اهون , بس يسرق
اعز ساعه من جد قهر , ماتعرفي ياخالتي قد ايش الساعه هذي مهمه بالنسبه لي
ام مشعل: بسم الله عليك ياحبيبتي , الساعه بعدها مليون ساعه , بس مشاعل حبيبتي وحده
مشاعل: بس انا خايفه بابا يزعل ويعصب علشان الشباك, خالتي بليز كلميه
ام مشعل: لاتشيلي هم ابوك ماراح يفتح السالفه معك خليه لي انا اتفاهم معاه
قامت مشاعل وضمت ام مشعل وحبه راسها
مشاعل: شكرا ياخالتي الله لايحرمني منك
ام مشعل : ولا منك ياحبيبتي , مابي اشوف هم ولا ضيقه فيه صدرك وانا موجوده
مشاعل هنا حسه بتانيب الضمير كله حياتي كذب في كذب حتى الناس الي يحبوها ويخافوا
عليها تكذب عليهم , لو اكتشفت ام مشعل انها تكذب اكيد ماراح تسامحها وراح تخسر كل شي
ام مشعل: يالله هالاولاد للحين ماصحوا ذبحوني من 10 وانا اصحي فيهم , يابذبحهم
يابيذبحوني
مشاعل: هههههههه لالا انشالله بعد عمر طويل انا الي بذبحك من كثر ماحبك راح اكلك
ام مشعل : ههههههههههههههههههههه
مشاعل : خالتي روحي ارتاحي والدلافين عيالك خليهم علي انا اصحيهم
ام مشعل: الله لايحرمني منك
مشاعل : ولا منك يارب
مشاعل طلعت فوق علشان تصحي اخوانها
اخوها مشعل عمره 32 ومو راضي يتزوج لانه مايبي يفقد حريته
اما سعود فهو كبرها ومسكين يحب وحده (الهنوف) ومايقدر يتزوجها لان اخوه الكبير
ماتزوج وابوه حالف انه مايزوجه الا بعد مشعل وهو مسكين مظطر انه ينتظر اخوه لحد
ماتنفك عقده الحريه الي عنده
مشاعل راحت لغرفه مشعل وطقت الباب بعنف كعادتها
مشعل: يمه خلاص صحيت, تفضلي
مشاعل: هلا حبي الاول
مشعل: هلا ميشو, وينك يادبا امس اتصلت عليك كنت بعزمك على العشاء
مشاعل: ليش انا مو معودتك تاخذ موعد قبل؟
مشعل: ههههههه مادريت ياطويله العمر
مشاعل: هههههههههههههههههههه , يالله بسرعه البس علشان تفطر لان خالتي معصبه
مشعل: عادي مو غريب انها تعصب كل جمعه نفس الموال من 10 وهي تصحيني وتهدد
بتفوتكم الخطبه ولما تجي 11 تقول بتفوتكم الصلاه ولما ننزل تقول لاتروحوا خلاص اذن
العصر والساعه ماجت 11 وربع هههههههههههههههههه
مشاعل: ههههههههههههههههههههه , المهم يادب بروح اصحي روميو (سعود)
مشعل: يالله انا دقايق وانزل
راحت مشاعل لغرفه سعود وشكل الولد في سابع نومه الانوار مسكره والغرفه ثلج
وفي هالحاله مشاعل علشان تصحي سعود مالها الا 3 طرق علشان يصحي
بدت بالطريقه الاولى وهي تسكر المكيف بس للاسف الولد ماحس
الطريقه الثانيه الصراخ بس لاحياة لمن تنادي
واخر طريقه وهو الحل الي متعوده تعامل به خيشه النوم سعود وجابت مويه في كاااس
وكبتها على وجهه
مسكين سعود قام مفجوع
سعود: بسم الله
ولما فتح عيونه لقى مشاعل بوجهه
سعود : يازفته وش هالحركات البايخه صدق انك بزر برااااا
مشاعل: ماراح اطلع لحد ماتصحى وعلى فكره ترى معاي جيك مويه
سعود : شوفي انا بعطيك فرصه 3 ثواني بعدها بتصرف تصرف ثاني
مشاعل: ولابيهمني ابد منهم ايه يعني اكون بزره بعينهم
سعود: برااااااااااااااااااااااااااااااااااااا
مشاعل: نو وبالعربي لا وبالهندي نهي واذا تبي بلغات ثانيه قول لي
سعود: والله اذا قمت راح تندمي
مشاعل: انا ابي اندم
سعود قام من سريره باسرع من ماتصوره مشاعل وراحت تركض لغرفه مشعل لانها اقرب
مكان علشان تتخبى من غارات سعود الارضيه بس للاسف سعود كان يلبس وهو من عادته
يقفل غرفته اذا كان يلبس , والتفتت مشاعل تبي تلحق تنزل تحت بس سعود كان اسرع منها
مشاعل: مشعل ,خالتي الحقوووووووووووووووني
سعود: الحين الحقوني
ومسكها مع شعرها وبدا يشدها لحد مازاد صراخها ومشاعل مثل كل البنات اذا دخلت حرب
دمويه طلعت مخالبها وبدت تغرس اظافرها في يدينه وحست انها قاعده تشيل لحم معها
واخيرا طلع مشعل وانقذ الموقف بس مافكهم الا وسعود اخذ ذكرى معه من شعر مشاعل
وهو صراحه شعرتين او ثلاث وهذي كارثه لان مشاعل راح تسوي مناحه بالبيت لانه قطع
شعرتين منها كيف راح تواجه العالم بعدها
اما مشاعل فكانت الذكرى الي خذتها من سعود شويه لحم على دم من يدينه لانها كانت تغرز
اظافرها وتسحب اللي تقدر عليه
بصراحه كان المصاب في هالمعركه هو سعود لانه كان يتوقع انه يتعامل مع انثى وكان
يضربها بحنيه لانه ماتوقع انها قطه شرسه
مشاعل: مشعل شوف الحقير قطع شعري
مشعل: لاتكبري الموضوع كلها شعرتين
سعود: والله لاقول للهنوف انك شوهتيني شوفي يدي بروح للمستشفى يخيطونها
مشعل: هههههههههههههه لالا روح توضى علشان تصلي الجمعه وادعي عليها يمكن الله
يقبل بيوم الجمعه
مشااعل: بعد توقف معاه طيب اذا كلمتكم مره ثانيه انا حماره
مشعل: هههههههههههههههه
سعود: والله لاخلي هنوف تاكلك طيب انا اوريك
===========================
طلعت مشاعل من بيت ام مشعل وتوجهت لبيت ام سلطان الي هو بيتها
ولقت مثل كل جمعه ام سلطان وسلطان وفهد وامهم تبخرهم علشان صلاه الجمعه
سلطان بالمدرسه وعمره 15 اما فهد فعمره 9 سنوات
مشاعل: صباح الخير
سلطان وفهد: صباح الخير
مشاعل: يالله فهد ليش ماد بوزك كل هذا علشان مانمت كويس
فهد: لا انا زعلان من بابا
مشاعل : ليش حبيبي
فهد: وعدني امس يوديني للملاهي وماوداني
مشاعل: بس كذا انا اوديك كم عندي من فوفو
ام سلطان: مشاعل اظن اني قلت لك وفهمتك قبل ان ولدي اسمه فهد مو فوفو واذا تبي تدلعيه
قولي له فهودي لان هذا دلعه مو فوفو
مشاعل: فوفو حبيبي جهز نفسك اليوم انشالله نروح اوكي حبيبي
ام سلطان: فهد اليوم مافيه طلعه , اليوم تذاكر علشان بكره عندك مدرسه
فهد: يوووووه مابي اذاكر مابي
مشاعل: حبيبي ولا يهمك بنطلع اليوم يعني بنطلع
ام سلطان تطالع مشاعل بنظره تحدي: فكري بس انك تطلعيه وشوفي ايش حيصير
فهد بدت الدموع تنزل من عينه وحس بحزن
مشاعل: لالا فوفو دموع لا انا قلت راح نطلع يعني راح نطلع وانا عمري ماوعدتك بشي الا
اسويه
ام سلطان: افهم انك تتحديني ؟
مشاعل: خالتي تعالي شوي ابيك
ام سلطان: تكلمي هنا مابينا اسرار
مشاعل: موضوع مابي اقوله عند اخواني
راحت ام سلطان للغرفه الي اشرت عليه مشاعل
مشاعل: خالتي انا مااتحداك واذا انتي قلتي ماراح نروح يعني اكيد ماراح نروح انتي امه
واعرف بمصلحته بس ياخالتي لاتخليه يبكي انتظري لما يرجع من الصلاه وبعدين نقول له
اننا دقينا مثلا على الملاهي وقالوا انها ماتفتح الجمعه او اي عذر بس حرام لاتكسري فرحته
ام سلطان: انا ماربيت ولدي على الكذب
مشاعل: هذا مو كذب بعدين هذا طفل جاريه
ام سلطان : اوكي بس هذي اخر مره اسمح لك تتقربي او تتدخلي بعيالي ولاتتوقعي انك كذا
راح تكسبيني بصفك لا حبيبتي
مشاعل ابتسمت لام سلطان ماودها تدخل معها في مشاكل
مشاعل تكلم نفسها"طيب طيب انا اوريك اذا ماوديته للملاهي اليوم ماكون مشاعل , على
بالها مشت كلمتها علي مسكينه ماعرفتني للحين اذا ماخليتك انتي تقولي يامشاعل ودي ولدي
لو سمحتي للملاهي اليوم ماكون ميشو ههههههههه"
طلعت مشاعل غرفتها بعد ماتوضت علشان تصلي فتحت موبايلها لقت 27 مسد كول
مشاعل: يالله مين هالي ماعنده ذوق متصل الصباح لا ويوم الجمعه
8 من راكان
5 من فهده
1 رقم غريب
13 من عبدالمجيد
مشاعل: فهده حبيبتي صاحيه الحين ادق عليها بعد ماصلي انشالله
وبعد الصلاه
مشاعل: الو
فهده وصوتها مبحوح من كثر الصياح: هلا ميشو
مشاعل: فهده ايش فيه صوتك انتي تبكي؟
وبدت فهده تسترجع الي صار لها من اخوها وبدت تبكي
مشاعل: الو فهده. حبيبتي ايش فيك؟ . ليش تبكي
فهده بدى صوتها يعلى وبدت تصيح باعلى صوت
مشاعل: فهده اهدي حبيبتي علشان خاطري فهده . الو . اذا لي خاطر اهدي
فهده: اكيد لك خاطر بس انا ولا شي بالنسبه لك
مشاعل: ليش تقولي هالكلام فهده ايش سويت؟
فهده: ماجيت الاربعاء للحفله ولا وحده منكم فكرت تدق تسال. ومو بس كذا امس ولاوحده
كلفت نفسها تطمن واخر شي انا الي ادق ادوركم . وانا الي كنت اعتبركم اكثر من اخوات
مشاعل انحرجت من كلام فهده لانها نستها وانشغلت بغسانوه : حبيبتي وربي صار لي مشكله
مره كبيره ومو قصدي اني مافكرت فيك صد
فهده قاطعتها: ميشو ميشو على بالك ماعرف تصريفاتك الي تسويها مع الشباب انا خابزتك
وعاجنتك زين وادري اني مااهمك بس صراحه كنت اتوقع لي مكانه عندك وعند سارونه بس
اظاهر انا فارضه نفسي عليكم
مشاعل: انتي معصبه الحين ولما تهدي بكلمك لانك ماراح تفهمي الموضوع كويس والانسان
وهو معصب مايقدر يستوعب الا الكلام الي هو مقتنع فيه
فهده: ميشو انا مو غسان والا راكان والا اي واحد تعرفيه انا فهده اعرفك كويس عموما انا
متصله اقول لكم شكرا وماقصرتوا تامرين شي
مشاعل: سلامتك
فهده: حتى ماكلفتي نفسك تعتذري
مشاعل: انا ماسويت شي غلط علشان اعتذر وانتي عارفه اني ماعتذر لاحد . واعتقد انك
قلتي باي والا انا واهمه
فهده: باي
مشاعل: باي
مشاعل مره عصبت من فهده
مشاعل: من هي فهده علشان تتصل تنافخ خير صاحبتي واذا, كل هذا علشان ماتصلت عليها
صدق انها مريضه
مشاعل خذت موبايلها ودقت على ساره تحذرها انها ماترد على فهده بس ساره ماردت
تعرفون البنت مانامت الا 9 مستحيل تصحى وقررت انها ترسل لها مسج وكتبت فيه
" سارونه حبيبتي اذا اتصلت عليك فهده لاتردي , واول ماتصحي كلميني ابيك ضروري"
كانت الساعه 2 الضهر وهذا وقت الغداء واليوم يوم ام سلطان يعني ابوها في بيتهم مو في
بيت ام مشعل وقررت تنزل علشان تنفذ خطتها
ولما نزلت مالقت احد بالصاله ,دخلت غرفه الاكل لقت الكل مجتمع على الاكل, حز بخاطر
مشاعل ان محد فكر فيها حتى ابوها
ابو مشعل: هلا حبيبتي صحيتي ياقلبي تعالي تغدي علشان تنفتح نفسي على الاكل
ام سلطان: هلا حبيبتي كويس الي صحيتي توني اقول ياليت اللي ببطني ببطن ميشو قلبي
ماهناني الاكل واحسه مثل السم لانك مو موجوده
مشاعل" يلعن ام النفاق انا اوريك اذا ماقلبتها عليك"
مشاعل تبتسم : هلا والله باغلى اب بالعالم وحشتني موووت
وحبه راس ابوها وجلست في مكانها علشان تتغدا
مشاعل: ياعمري ياخالتي ام سلطان ادري انك ماتبي تصحيني علشان ارتاح بس مالك حق
بصراحه لان ماقدر اتغدى ولا اكل شي الا وانتي معاي بنفس السفره علشان اقدر اكل الله
لايحرمني منك بصراحه اليوم الي ماشوفك فيه ماعده من عمري
ام سلطان تبتسم: انشالله ياحبيبتي بتشوفيني كل يوم بوجهك علشان افتح نفسك ياحبيبتي
ابتسمت مشاعل لها
ابو مشعل: الله يخليكم لبعض بصراحه انا احمد ربي واشكره مليون مره على انه عطاني
زوجه تحب بنتي وتعتبرها مثل بنتها وعطاني بنت تحب زوجتي وكانها امها
هنا مشاعل ارتفع ضغطها الا امي "تخسى تصير ضفر امي" بس ماحبت تعكر الجو خاصه
انها مخططه على شي
اخذت مشاعل صحنها وبدت تملاه سلطه وبدت تاكل
مشاعل: بابا
ابو مشعل: سمي
مشاعل: سم الله عدوك , بابا بطلب طلب صغير مره مره مره واتمنى ماتردني
ابو مشعل: لو فيه موتي مارده اطلبي وجاك
مشاعل : بعد عمر طويل انشالله , انشالله الي يكرهوك , بابا اليوم فيه حفله تجنن مسوينها
للصغار جايبين لهم مهرجين والعاب واشياء تجنن
ابو مشعل: حبيبتي الي اعرفه ان عمرك 20 مو 10 والا انا غلطان هههههههه
مشاعل: هههههههههه بابا حبيبي مو لي ودي اودي فوفو وفيفي , اوه اسفه خالتي اقصد
فهودي وفصولي ادري انك ماتحبي ادلعهم فوفو وفيفي
ابو مشعل: طيب وانتي اختهم خذيهم بدون ماتشاورين
مشاعل: ادري يابابا بس انت ابوي وابوهم وكلمتك تمشي على الكل في هالبيت الصغير
والكبير واذا انا اخذت الاذن منك مو معنى هالكلام انه فهودي وفصولي مو اخواني لا بس
يابابا لازم نحترمك ومانسوي حاجه الا بشورك الله لايحرمنا منك
ام سلطان في نفسها" يالمنافقه"
ابو مشعل: ونعم فيك يامشاعل, مشاعل انا اذا سمعت كلامك احس بسعاده لاني اتاكد اني
ربيت بنت نعم التربيه , الله يحفظك , والله محظوظ الي بياخذك
مشاعل: لالا بابا مو الحين بخلص جامعه بعدين الماستر وبعدين الدكتوراه بعدين افكر
ام سلطان: وانشالله مين الي بس بينتظرك
مشاعل: الي ماراح ينتظرني مايستاهلني صح بابا
ابو مشعل: صح ياعيون بابا
مشاعل: بابا يعني خلاص اعتمد الموافقه والا بتغير رايك
ابو مشعل: افا انا قلت جاك وخلاص اي مكان تفكري تاخذي اخوانك له بدون ماتاخذين رايي
وديهم
مشاعل: الله لايحرمني منك بس بابا الى الحين مااكتملت الموافقه بالنسبه لي لازم خالتي
توافق لان بدون موافقتها ماراح نروح
ام سلطان: والله ياحبيبتي كان ودي بس انتي عارفه بكره مدرسه وصعبه الولد يطلع خليها
بعدين يكون احسن اظن انك تحبي اخوك وماودك يهمل دراسته
فهد: لالا ماما انا ذاكرت وخلصت
ام سلطان: بس اسكت لما الكبار يتكلموا انت اسكت
ابو مشعل: ام سلطان لاتسكتي الولد تعقديه خليه يتكلم
ام سلطان: اسفه
مشاعل: خالتي فهودي خلص مذاكره وبعدين مااراح نتاخر هاه وش قلتي
ام سلطان: لا اليوم لا
مشاعل : الي تشوفيه بس بابا قهر الحفله اليوم يعني الاسبوع الجاي ماراح تكون فيه حفله
يله مو مكتوب لفهودي وفصولي ينبسطوا اليوم
ابو مشعل: لا خلاص وديه اليوم بس لاتتاخروا
مشاعل: ماراح اوديه لحد مااسمع خالتي تقول يامشاعل وديهم
ابو مشعل: خلاص يام سلطان تراه يوم واحد خليهم يروحوا لاتصيري شديده على الاولاد
ام سلطان قررت توافق برضاها قبل لايفرض عليها ابو فهد الموافقه على الاقل ماتتمرمط
كرامتها قدام الد اعدئها مشاعل
ام سلطان: خلاص مشاعل خذيهم للملاهي بس لاتتاخروا اوكي
مشاعل تجاهلت نبرت الامر في صوتها وقررت تتجاهل الامر ولاترد عليها وكانها ماسمعتها
مشاعل: يله فهودي وفصولي من قدكم الساعه 4 العصر تكونوا جاهزين اوكي
فهد وفيصل: اوكي
فهد ابتسم مع انه صغير بس كان يفم مشاعل كويس يعرف ان السالفه مافيه حفله ولا شي
بس كان عذر علشان توافق امه
مشاعل تغدت وطلعت غرفتها " انا قلت بمشي كلامي ومشيته عليك يام سلطان هههههههه
مسكينه تحسبني ضعيفه وبسكت هههههههههههه ولسى راح تشوفي مني الاعظم "
==========================================
وفي تمام الساعه 4 ونصف كانت مشاعل وفهد وفيصل في مدينه الملاهي وكان فهد مبسوط
ويلعب ومشاعل فرحانه لفرحه اخوانها الي الله بلاهم بهالام القاسيه الي ماتعرف الحنان
دق موبايل مشاعل
مشاعل:الو
ساره وصوتها رايح فيها من كثر النوم: اهلين ميشو
مشاعل: وينك كل هذا نوم
ساره: شسوي كنت اكلم لما 9الصباح , ايش هالازعاج وينك فيه؟
مشاعل: بالملاهي
ساره:ههههههههه فقدتي الذاكره انتي في 20 ههههههههههههه
مشاعل: ليش غريبه ان وحده عمرها 20 تروح للملاهي والله انكم عالم غريبه المهم انا مع
فهودي وفصولي
ساره: غريبه فهودي وفصولي بالعاده تدلعينهم فوفو وفيفي والا رضختي لام سلطان
مشاعل: تخسى , لابس انا برا ادلعهم فهودي وفصولي , بس بالبيت فوفو وفيفي علشان
اقهرها هههههههههه
ساره: ههههههههههههههههه ,جعلك ماتكرهيني
مشاعل: المهم ماعلينا رديتي على فهده؟
ساره: لا بس متصله علي كثير ليه ايش صاير
مشاعل: زعلانه تقول انكم مطنشيني من يوم الاربعاء
ساره: ايه صح نسيناها ليس ماجت للحفله
مشاعل: ماعرف والله بس شكلها صاير لها شي , انا مافهمت لانها تصرخ وتبكي وتعرفيني
ماحب احد يصرخ علي فقلت اسكر قبل لااتمشكل معاها
ساره: طيب اسمعي بدق عليها اشوف ايش السالفه بعدين اطلبك اوكي؟
مشاعل : اوكي باي
ساره: باي
ورجعت مشاعل من الملاهي 9 بعد ماعزمت فهد وفيصل على العشاء واكيد كانت امهم
معصبه لانهم تاخرعلى النوم
دخلت مشاعل غرفتها وقررت انها ترحم راكان وترد عليه لانها طفشانه وماعندها شي تسويه
مشاعل: الو
راكان: حبيبتي وينك
مشاعل: ابد كنت برا لسى راجعه
راكان: وتتركيني خايف عليك
مشاعل: راكان انا مو بزر تخاف علي بعدين كنت مشغوله
راكان: اوكي عمري اهم شي انك بخير
مشاعل : الحمد لله , انت كيفك؟
راكان: تمام ,وحشتيني مووووت
مشاعل: والله
راكان: والله
مشاعل: قد ايش
راكان: قد دورانك بالشوارع
مشاعل: ماتضحك
راكان: طيب قد ماحبك
مشاعل: بس
راكان: قد السيارات والطيارات والنمل والصراصير
مشاعل: وووووع الله يقرفك باي الحين
راكان: وين اسف اسف
مشاعل: راكان بصراحه اقرفتني ابي اقفل ايش صراصيره وبعدين انا قلت لك ماحب الرجال
الي يعتذر احسه ماعنده كرامه
راكان: الله يسامحك علشان احبك صرت ماعندي كرامه
مشاعل: راكان خلاص مو ناقصه زعل
راكان: طيب حبي بشريني عنك وش اخبار البابا وخيوه فوفو وفيفي وسوسو وسعود ومشعل؟
مشاعل: خالتي ام مشعل تمام الحمدلله
راكان: بس انا ماسالت عن اخبارها
مشاعل: ادري لانك ماسالت عناد فيك قلت لك انها تمام ههههههههههه
راكان: يالله ياعنيده شكلي حاكلك هههههههههه
مشاعل: اقول راكان انت لما تكلمني تكون جوعان؟
راكان :هههههههههههههههه , حاجه زي كذا , المهم متى راح اشوفك
مشاعل: مدري بكره؟
راكان: اوكي بس قلبي مانبي زي كل مره اشوفك انتي بسيارتك وانا بسيارتي , ابيك تركبين
معاي نطلع نتمشى نروح لبيتنا نسولف
مشاعل: راكان انا صح اني اكلم وصح اني استهبل مع الشباب واخذ ارقام بس انا ماطلع مع
شباب اوكي , اذا تبي علاقتنا تستمر لاتفكر في هالموضوع
راكان: بس انا احبك ومن حقي اجلس معاك
مشاعل: اوكي خل حبك ينفعك , باي
طوط طوط طوط
وظل يتصل يتصل لما انتهت بطاريه مشاعل وتقفل موبايلها وطبعا قبل النوم مشاعل كانت
تفكر وتسولف مع نفسها ويدور الحديث الي كل يوم يدور بينها وبين نفسها من تانيب ومن
تاييد , الشر فيها يحب الي تسويه والخير يحاول يوقظها قبل يفوت الاوان واخيرا تستسلم
للنوم لان عندها جامعه بكره الساعه 10
================================================
صحت مشاعل على صوت المنبه الي كانت موقته على الساعه 8 ونص
8 ونص دخلت الحمام تتحمم
الساعه 9 استشورت شعرها
الساعه 9 وربع كانت تحط ميك اب خفيف صباحي
الساعه 9 ونص مثل كل يوم انجنت لانها تاخرت وصارت تلبس بسرعه وطلعت ووصلت
الجامعه الساعه 10 الا 10 راحت ركض لاتتاخر لان الدكتوره دقيقه بمواعيدها ولو تاخرت
ربع ثانيه راح تنطرد
كانت تركض وشوي تطيح ماتدري تشيل الشنطه والا العبايه والا ادوات الرسم كل هذا
علشان تاخرت
مشاعل " يالله ياليتني صحيت 8 ماكنت تاخرت بس يالله انا صاحيه قبل ساعه ونص وش
كنت اسوي بهالساعه ونص لازم يعني احط ميك اب صباحي ولازم استشور شعري ولازم
اختار شوز نفس لون الشنطه ولازم اختار حلق صباحي ولازم احتار في اي عطر اتعطر
يالله ليش مااجهز اغراضي قبل انام" كان هذا الكلام الي كل يوم تقوله مشاعل لنفسها قبل
تدخل المحاظره
مشاعل بنت تهتم بشكلها بجنون لازم مايكون ظفر اطول من ظفر ولازم تكون مافيه شعره
مايله عن الترتيب الي هي رتبته ولازم يكون شكلها صباحي من لبس من عطر من جزمه
وشنطه ومكياج وكل شي يعني بنت كوووووووووووووووووووول
دخلت المحاظره مع الدكتوره وعطتها الدكتوره نظره حست ان قلبها بيوقف
والحمدلله ماانطردت وانتهت المحاظره الساعه 12 وكان عندها محاظره الساعه 12 ونص
وراحت ركض عليها وطبعا المحاظره ماحتخلص الا 3 يعني 3 ساعات من الطفش لان
المحاظره هذي كانت نظريه يعني مافيه رسم او تطبيق يعني كطالبات في قسم رسم 3
ساعات كانت ممله بالنسبه لهم
بس مشاعل لقت شي تتسلى فيه وهو صاحبتها عبير الي معاها بالمحاظره بس المشكله ان
المسافه بين عبير ومشاعل 6 طالبات يعني راح تسمع الدكتوره السوالف قبل ماتوصل عبير
اشرت مشاعل لعبير تفتح البلوتوث
وبدوا يضيعون الوقت بالرسايل
مشاعل" اقول عبوره وش رايك تعزميني على الغدا اليوم مالي خلق اتغداء مع الوحش زوجه
بابا"
انتظرت مشاعل رد عبير بس اظن المحاظره بتنتهي قبل لاتخلص عبير الكتابه لانها بطيئه
في الكتابه
واخيرا وصل مشاعل الرد
عبير"وانتي ليش ماتعزميني , اكيد جوعانه وتبين تخسفين ميزانيتي"
مشاعل" ههههه لا بس بشوف انتي كريمه والا لا بس للاسف طلعتي قعيطيه هههه"
عبير" تاركه الكرم لك , المهم وين عازمتني"
مشاعل: امري لله انا عارفه انك اكوله بس بعزمك , ايش رايك نروح لفدركرز"
عبير" لا ايش رايك نروح لا ابيل بيز"
مشاعل" لا اموت جوع ولا اكل هناك اكلهم بارد تبين فدركرز والا ضفي وجهي"
عبير" اوكي خلاص متى"
مشاعل" بكره, ايش رايك يالفدغا الحين اول ماتخلص روبن هود من كلامها نطلع"
عبير" ههههههههه ليش روبن هود"
مشاعل" ماشفتي شعرها نفس تسريحه روبن هود هههههههههه"
عبير" ههههههههه اوكي يالخبله بس ترى بنروح بسيارتك لان سواقي ماحيجيني اليوم"
مشاعل" ليه متطاقين هههههههههه"
عبير" هههههه لا بس امي طالعه معاه واخوي هو الي بيمرني وارسلت له رساله يمرني
بالمطعم الساعه 4"
مشاعل" حبيبتي عادي اوصلك للبيت لاتخلي اخوك يمر"
عبير" لاهو اصلا طالع من الدوام يمرني مره وحده"
مشاعل" الي تشوفيه"
الدكتوره : بنات الحين الساعه 2 ونص وباقي على نهايه المحاظره نص ساعه وانا انتهيت
الي عندها سؤال تسال
وطبعا محد سال علشان تقول يله انطلقوا
الدكتوره : خلاص بما انه مافيه اساله انتهت المحاظره
مشاعل وعبير طلعوا بسرعه جنونيه خافوا تغير رايها
مشاعل : مابغت هي ويا وجهها كان احد فاهم
عبير: من جد تعور الراس
مشاعل: لحظه بدق على سارونه يمكن تروح معانا
وتصلت مشاعل على ساره بس ماردت
مشاعل: اكيد طلعت او عندها محاظره يله مشينا
عبير: مشينا
وركبوا الساره
مشاعل: يوسف
يوسف السواق: سمي طال عمرك
مشاعل : روح لفدركرز
يوسف: ابشري طال عمرك
مشاعل: يالله حر حر حر احس اني انشويت
عبير: من جد ارفعي على المكيف بموت حر
مشاعل: ارفعي انتي خدامه عندك انا
عبير: مغروره , يوسف ارفع على المكيف
يوسف: ابشري
وظلوا يسولفوا لحد ماصلوا اخيرا لفدركرز
عبير: يالله زحمه قلت لك زحمه اف
مشاعل: انا احب الزحمه انزلي بس
عبير :انشالله ياعمتي
وطلبوا الاكل وتغدوا وبعد مانتهوا دقت عبير على اخوها علشان تقول له مايمرها لان مشاعل
اصرت انها ترجعها لبيتها
عبير: الو
خالد اخو عبير: هلا عبوره
عبير: هلا خلود وينك
خالد: انا قريب من فدركرز خلصتي غداء
عبير: ايه كنت بقول لك لاتمرني علشان ميشو بترجعني
خاالد: لالا مانبي نتعبها يالله اطلعي انا برا
عبير: انشالله
عبير: يالله ميشو اخوي خلودي برا تامرين شي
مشاعل: لا حبيبتي عبوره سلامتك
عبير: يالله اطلعي ايش تستني؟
مشاعل: لابجلس شوي وبطلع لان فيه واحد يراسلني بالبلوتوث ويقول انا عند ماكينه البيبسي
بروح اشوفه انا حاسه انه الدب الي شفناه اول مادخلنا هههههههههه
عبير: ههههههههههههههههه يالله باي لايعصب اخوي
مشاعل: باي
عبير: وعلميني اذا صار الدب
مشاعل: ههههههه اوكي
وراحت عبير
طلعت مشاعل تشوف مين الي يراسلها ولقت الدب واقف عند ماكينه البيبسي وماتت ضحك
يحليله يرقم بعد مايستحي على كرشته ههههههههههههه
طلعت مشاعل من المطعم ومالقت السياره لانها قالت للسواق يطلع السياره من المواقف
ويوقف عند الباب لان الشمس مستحيل احد يتحملها الساعه 3 ونص كانت الشمس تذوب جبل
من الثلج
مشاعل: غريبه وين يوسف معقوله ماوصل , بتصل عليه واشوف وينه يالله لاطعني بالشمس
سواقين اخر زمن
مشاعل : الو يوسف خير وينك ماقلت لك تعال لاتقول زحمه
يوسف: لا لا بس فيه واحد واقف وراي وساد علي ومو راضي يحرك سيارته
مشاعل: وينك طيب
يوسف: في المواقف قدامك تشوفيني؟
مشاعل: ايه شفتك يالله انا جايه
ومشت مشاعل واخلاقها رايحه فيها مين ماكان هذا راح اخليه يعرف ان الله حق والله
لاوريه شلون يوقف سيارته قدام سيارتي ويسد علينا ومو راضي يحرك سيارته بعد انا اوريه
شكل امه داعيه عليه اليوم اكيد سواق خايف من عمته انا اوريه هو وعمته
وصلت مشاعل للسياره وفعلا لقت وراها فراري صفرا ومظلله كلها
غريبه ليش واقف اكيد السياره مافيه احد علشان كذا ماحرك
مشاعل: هاه يوسف كلمته يبعد سيارته
يوسف: مو راضي يكلمني اصلا
مشاعل: ياغبي السياره مضلله يمكن مافيها احد بعد اشوف
يوسف : لا هو مو راضي يتكلم
مشاعل: طيب خلاص بعد عن وجهي الحين
ومشت مشاعل لما وصلت السياره ووقفت عند شباك السواق وظلت تطق على الشباك بس
محد فتح الشباك
مشاعل" اكيد السياره مافيها احد , لاتكون بس هذي عبير واخوها مسوين مقلب فيني"
وفجاءه انفتح الشباك انصدمت مشاعل من الي شافته جوا السياره
شاب ملك جمال جسمه مبين معضل ولونه برونزي عيونه ماكانت متاكده هي زرقاء والا
خضراء والا رماديه المهم انه لونها يجنن كانه نجم من نجوم هوليود باين عليه اسباني او
يمكن ايطالي لالا يمكن استرالي مدري المهم انه مو عربي شاب من اوسم الشباب الي
قابلتهم مشاعل او ممكن تقابلهم بحياتها فيه كل معاني الرجوله والجمال والاناقه شعره كان
مرتب ولبسه قمه في الاناقه كان لابس جينز وتيشرت مبين بروز صدره وواضح انه يمارس
الرياضه مو اقل من 5 سنوات ولما فتح الشباك تحس ان السياره جواها حديقه من الريحه
الحلوه الي طلعت منها تاكدت ان الشاب مو عربي لان لوحته كانت من السفاره يالله كان
نفسها تعرف اسباني والا ايطالي لالا يمكن امريكي كانت مشاعرها مختلطه بالاعجاب و
التعصيبه من الحر وحركته الي سواها مع سواقها فما كانت تعرف ايش تسوي تبتسم
لهالوسيم والا تصارخ بوجهه بس الي كانت مستغربته ان الاجانب مايسوون هالحركات انه
يعاند وحده على موقف سياره قررت اخيرا تهزئه وتوقفه عند حده
مشاعل: ار يو كريزي هاه؟
الاسباني: سمي
مشاعل فتحت عيونها على اخر شي اسباني وسمي لالا مستحيل اكيد هذي ضربه شمس
مستحيل مستحيل يكون عربي مو بس خليجي لالا اكيد انا انهبلت اكيد
ايش رايح يصير مع الشاب الاسباني الخليجي
================================================== =
================================================== ===
==================================================

هههههههههههههههه
والله حماس

بلييييييييييييز كمليها

ههههههههههههههههههه ان شاء الله

الجزء الثالث

مشاعل كانت في قمة الذهول من الي صار ومن الي شافت ماتدري ايش تسوي تبتسم او
تعصب تذكرت انها جت علشان تهزئه على الحركه الي سواها ولازم تستجمع شجاعتها وتبدا
مثل عادتها بالهجوم بس كيف راح تقدر ترفع صوتها على اوسم رجل قابلته بحياتها وهي في
دوامه التفكير قطع عليها صوته الهادي الصوت الي اي بنت راح تطرب له
الشاب: مااتوقع انك طلبتي مني افتح الشباك علشان تطالعيني؟
مشاعل حست بالاحراج ايش راح يقول عني مشفوحه يالله
مشاعل بدت تتكلم بكل نعومه ودلع: سوري امممم. بس حبيت اقول لك ممكن تبعد
سيارتك لانك ساد علينا الطريق ؟ وعطه ابتسامه كلها دلع
الشاب عطى مشاعل نظره احتقار واشمئزاز من فوق لتحت وقال : لما تتكلمي معاي مره
ثانيه ياليت تبعدي فمك عني لان ريحتك مو حلوه واقرفتيني ؟ مدري اهلك ماعلموك شلون
تهتمي بنظافتك
وتجاهلها حتى ماانتظر انها ترد عليه
التفت على الشاب الي جنبه وقال له: ابو خليل تصدق كنت ميت جوع والحين اف لو تجيب
لي احلى اكله صدقني مستحيل تدخل فمي ايش القرف هذا على الظهر ريحه خايسه وشكل
معفن افففف يالله وين بطتي بس؟
ابو خليل يوجه كلامه لصاحبه وكانها مو موجوده: ههههههههه شوي شوي على البنت لا
تخدش مشاعرها هههههههههه
الوسيم: ههههههههه ليش والاشكال هذي تتوقع انها انثى انا اشك وبعدين هذي ماعندها
احساس هههههههههههههههه
ابو خليل: على قولتك ههههههههههههه
الحين حست مشاعل مثل التنين الي يطلع من خشمه نار بس هي الحين حست ان كل مكان
يطلع منه نار ولو معها سكين ماراح تكتفي بقتله لالا اتوقع راح تقطعه مكعبات علشان تتاكد
انه مافيه امل يعيش
واخيرا تذكر ان فيه وحده واقفه عند الشباك والتفت لها
الوسيم: اوووه انتي للحين هنا تحزني هههههههههههههه
مشاعل بكل هدوء: انا مدري ليه اتكلم مع واحد همجي ومتخلف مثلك ,,لاتفكر انك بتنرفزني
بالهكلام انا مايهمني رايك فيني انت حشره بالنسبه لي , واذا انا قبيحه وخايسه مثل ماتقول
بعد سيارتك علشان ماتضطر تشوفني او تبيني اتصل على الشرطه وهم يحلون المشكله
بمعرفتهم
الوسيم: انا ماأبديت رايي فيك لانك مو من مستواي لا ماديا ولا بالشكل ولا حتى بالثقافه
هههه انا كنت اكلم صاحبي هذا اولا وثانيا انتي اسمك التخصصي؟
مشاعل: التخصصي
الوسيم: الشارع هذا اسمه التخصصي وماتوقع ان هذا شارعك وانا حر اوقف وين ماابي
محد يقول لي وقف هنا او لاتوقف هنا فاهمه ياشاطره يله روحي العبي بعيد
وبكل احتقار طالعها وسكر الشباك
مشاعل ماتدري تبكي والا تكسر الشباك ولا تصارخ حقير جد مااحد تجرء يهينها ابد ابد كيف
يتجرء ,,,,, لاشعوريا مشاعل صارت تضرب الشباك باقوا ماعندها ,,, فتح الشباك ونظرته
كله برود وكان الي قدامه حيوان مو بنت ولها مشاعر جد مغرور
مشاعل بدت تتكلم بصراخ بدون ماتحس بنفسها: اسمع انت وربي لو ماحركت سيارتك والله
والله والله ماراح يصير لك خير ,, تفهم والا لا . صدق انك مو متربي
وللمره الثانيه تجاهلها والتفت لصاحبه كانه ماكانت تتكلم ولاحتى فكر انه يبين انه عصب
لا بالعكس قمه التجاهل والبرود وكانها شحاذ عنده صار له ساعه يطلب منه حسنه وهو
مطنشه
كان يقول لصاحبه: ابو خليل والله انا خايف الحين بطتي تجي وتشوف هالشينه واقفه والله
جد ماله داعي
ابو خليل: تخيل عاد تحسبها خويتك والله فشيله لو البنت حلوه قلنا اوكي بس مقشع
الوسيم: اعوذ بالله اخاوي هالاشكال وووع فاله الله ولا فالك لالا لو بطتي شافتها بتحسبها
خدامه تعرف هي زين ان ذوقي راقي
ابو خليل: اقول شوف اظن هذي خويتك الي واقفه هناك
مشاعل: انت هيه والله لاخليك تندم على كل كلمه قلتها لي وتشوف اذا ماخ
رد على موبايله ومو غريبه عليه انه يطنشها وهي تتكلم اصلا هو كان معتبرها حشره من
اول ماشافها
الوسيم: هلا بطتي ,, اوكي شفتك,,, ايه هذا انا معاي ابو خليل,,, يالله حبيبتي هذا انا جاي
حركي سيارتك ,,,, لالا هذي شحاذه مسكينه قلنا لها الله يعطيك مو راضيه تفهم تعرفين
هالشحاذات ماعندهم كرامههههههه اوكي بطتي باي
التفت عليها وقال: يالله انا طالع انتي حره الحين تقدر تطلعي سيارتك بس بنصحك نصيحه
غطي وجهك احسن علشان الشباب يرقموك لانهم لو شافوا وجهك اكيد محد بيرقمك الا اذا
كان اعمي ههههههههه باي وقفل الشباك وحرك السياره
مشاعل صارت تصارخ بالشارع : ليه ماتشوف وجهك انت يالشين يالخايس صدق انك حقير
لو انت رجال ارجع كلمني لكن انت بزر
السواق يوسف: عمتي مايسمعك السياره بعيده
مشاعل: مالك شغل انت وخر عن وجهي
وراحت ركبت السياره وهي منهاره ماتدري هي في حلم والا علم جد الي صار لالا اكيد حلم
مابعمرها احد عاملها بالهطريقه ولا احد فكر يهينها وهو من اول ماكلمها وهو يهينها
بس ليش قال هالكلام
مشاعل " انا مو قبيحه ليش قال عني اني قبيحه وليش يقول اني اخر وحده يفكر اي واحد
انه يتعرف عليها ياما شباب منجنين علي ويتمنوا انهم يرقموني,,, طيب ليش قال هالكلام
هو مايعرفني يعني ماله مصلحه انه يهيني ,,,, اكيد انا قبيحه ؟ لابس انا مو قبيحه !!!!
طيب وين كنت لما كان يهزئني ؟ ليش مارديت؟ وين لساني ؟ انا عمري ماسمحت
لاحد يقاطعني ,,, وهذا مو بس قاطعني ,, اهاني وهزئني قدام الناس ,,, ليش مارديت,,
يالله انا غبيه وين كان لسااني وين
مشاعل كانت منصدمه ماعمر احد تجرء ورفع صوته عليها او اهانها يمكن الصدمه هي الي
خلتها تسكت وماتعرف ايش تقول لحظتها كانت مو مستوعبه الي يصير ساعات الانسان
مايقدر يستوعب بعض المواقف الا لحد ماتنتهي ويبدا يلوم نفسه ليش ماقلت وليش ماسويت
واظن هذا اللي صار مع مشاعل
السواق: عمتي وصلنا للبيت
مشاعل بدون ماترد نزلت وهي تبكي من القهر ومو مستوعبه اللي صار وتذكرت ان اليوم
السبت وهو يوم ام مشعل يعني ابوها موجود اليوم كويس علشان مايشوفها وهي تبكي
السواق: عمتي متى اروح للوكاله علشان شباك السياره
مشاعل ماردت ودخلت البيت كان في الصاله فيصل اخوها (5 سنوات) جالس عند التلفزيون
ويطالع افلام كرتون تحاشت انها حتى تتكلم معاه علشان مايلاحظ انها تبكي ويقول لامه
طلعت غرفتها والحمدلله محد حس فيها قفلت الباب وقفت متسنده على الباب حست انها
ماتقدر تمشي لحد السرير حست انها منهاره مو قادره تتحرك وجلست على الارض وظلت
تبكي وتبكي وتبكي
" انا ميشو واحد حقير يهيني ليش؟ يالله ليش سكت ليش قهر ياليت الزمن ينعاد
والله لوريه شغله ,,, بس ليش عاملني بهالطريقه ,,, حتى لو كنت قبيحه على الاقل يراعي
شعوري قبيحه؟"
بدت علامات الاستفهام على وجه مشاعل وقامت وراحت عند المرايه ووقفت تطالع نفسها
" انا قبيحه؟ "
وظلت تطالع ملامحها بدقه
"بس كل البنات يقولوا عني حلوه وكل الشباب الي تعرفت عليهم ينجنوا علي ؟ ليش هذا
يقول اني مو حلوه ؟ قهر الولد كان مره عاجبني اكثر من اي واحد قابلته بحياتي,, ليش
حظي كذا؟ اووووه انا افكر في هالواطي وهو من اول ماشافني وهو يهينني ,,, طيب انا
اوريه ,, بنشوف انا والا انت وبتشوف"
اخذت مشاعل موبايلها ودقت على السواق
مشاعل: الو يوسف
يوسف السواق: سمي
مشاعل: تذكر السياره الفراري اليوم الي عند فدركرز ؟
ماكانت تبي تقول له الي تطاقيت معاه لانها ماتبي تتذكر الكلام الي قاله لها
السواق: ايه طال عمرك
مشاعل: كم رقم لوحته؟
السواق: ماحفظتها طال عمرك
مشاعل: شلون يعني ماحفظتها؟ انت السواق والا انا ؟
السواق: انا طال عمرك بس مانتبهت الا انها لوحه من السفارات
مشاعل: لا والله مااسمع شي جديد انا ابي رقم اللوحه
السواق: والله ماقريتها عمتي انا اسف
طوط طوط طووط
قطعت الخط
مشاعل: اف والحل ايش اسوي من وين بجيب لوحته لازم اعرف هو ولد مين ,, ايش اسوي
دق موبايل مشاعل وكان راكان يتصل وطبعا مو فاضيه ولا رايقه له فطنشته
مشاعل: يالله نسيت ساره داقه علي مليون مره خليني ادق عليها واشوف ايش صار
بموضوع فهده
مشاعل خذت الموبايل ودقت على ساره الي لقت معاها خط وطبعا ميشو ماتحب تدق على اي
شخص حتى لو كانت اعز صديقه لها ساره ويكون معاها خط ماتحب تكون على الانتظار
علشان كذا قفله وارسله لساره رساله
" سارونه لما تنتهي من مكالمتك دقي علي "
دخلت الحمام واخذت دش يهدي اعصابها خاصه بعد الوقفه بالشمس مع صاحب الفراري
طلعت من الحمام وحاولت تنام وتتقلب يمين يسار بس كل مانقلبت لقت صورته قدامها
وتاخذ المخده وتضرب في المكان الي تتخيل صورته فيه يمكن تقدر تطفي نار كرهها
وحقدها واخيرا استسلمت للنوم
==============================
اما ساره فاول مارجعت من الجامعه تغدت وطلعت غرفتها تكلم احمد المخدوع وبدت تطنش
بدر ونواف . وكل الشله وبدت سوالفهم من بعد مارجعت من الجامعه لما صلاة المغرب
والبنت مسكينه مانامت لانها راحت للجامعه مواصله وماتقدر تنام الحين لانها واعدت فهده
تجيها ببيتها علشان تراضيها
ساره بنت حبوبه ومتواضعه بس عيبها انها مغزلجيه وكل ماقررت انها تحب واحد وتخلص
له مشاعل تلعب براسها وتقول لها بلا اخلاص بلا هم تخلصي لواحد وتحبيه بعدين يخونك
خليك كذا صدقيني اريح وبما ان سارونه شخصيه مهزوزه تتاثر بسرعه بكلام مشاعل
قامت ساره تلبس ونزلت تحت تدور امها علشان تقول لها انها طالعه بيت فهده بس مالقتها
ام ساره سيده اعمال ومو فاضيه ابد لبنتها وابوها 24 ساعه مسافر واخواتها متزوجات
وماعندها الا اخو واحد ومسافر برا يدرس وماباقي له الا 3 شهور ويرجع وصح ان ساره
مشتاقه لاخوها بس كانت خايفه اذا رجع ماتصير تقدر تطلع مثل قبل
ركبت ساره السياره واخذت موبايلها وشافت اتصال من مشاعل وقرت الرساله واتصلت
على مشاعل
ساره: الو
مشاعل صوتها كله نوم لانها توها صاحيه: هلا
ساره: وحشتيني
مشاعل: شكرا خير ايش تبي تراك صحيتيني من النوم
ساره: يالله نايمه للحين اصحي اذن المغرب
مشاعل: يالله ماصليت المغرب
ساره: يالله روحي صلي وكلميني انا في الطريق رايحه لفهده
مشاعل: اوووه كنت ابيك تمريني
ساره: ليش وين ناويه تروحين
مشاعل: ماراح اطلع بس ابي اشوفك وحشتيني , اليوم ماشفتك بالجامعه
ساره: بكره اشوفك بالجامعه اوكي
مشاعل: اوكي حبيبتي تيك كير
ساره : اوكي باي قلبي
مشاعل: باي
ساره نست تدق على احمد لانه قال لاتطلعي لحد ماتدقي علي الولد صار يقلق عليها حركات
ساره بنعومه: الو
احمد: فديت الالو يالبى قلبك طلعتي ياقمر
ساره: قلت لك اسمي ريم مو قمر
احمد: لا انتي قمري انا ,, وينك يادبا برا
ساره : ايه سوري مادقيت عليك اول ماطلعت لان صاحبتي كلمتني وحاولت اصرفها مو
قادره
احمد : ياليتني صاحبتك علشان اشوفك
ساره: ههههههههه
احمد: انا برا الحين وينك ابي اشوفك ولو من بعيد
هنا ساره خافت تنفضح
ساره: لالا مقدر انا بسيارتي وسواقي يقول لاهلي كل شي
احمد: طيب ماراح يحس بشي من بعيد ماراح اكلمك حتى
ساره: لالا مقدر اعذرني بكره انشالله
احمد: وعد
ساره : وعد
احمد: اوكي انتبهي على نفسك ولا تطالعي احد ولا احد يطالعك
ساره: ههههههههههه بدينا نغار
احمد : انا اغار عليك من اول ماجابتك امك
ساره تحس بالمراره رغم الكلام الحلو الي يقوله احمد الا انه مو لها
ساره: اوكي احمد اكلمك اول مااطلع من صاحبتي
احمد: اوكي قلبي باي
ساره: باي
===============================================
مشاعل طفشت من الغرفه وطفشت من التفكير قررت انها تروح لاي وحده من صاحباتها
واخذت موبايلها ودقت على مها
مشاعل: الو
مها: هلا والله بالقاطعه كيفك؟
مشاعل: تمام انتي كيفك
مها: الحمدلله وينك ماشوفك بالجامعه حذفتي الترم؟
مشاعل: لا بس جدولي الترم هذا مضغوط يعني من السياره للمحاظره ومن المحاظره للسياره
ماصرت اشوف البنات
مها: الله يعينك وليش ضاغطه جدولك تبي تخلصي بدري ايش عندك بتتزوجي؟
مشاعل: هههههههههههه يالله انتم يالبنات ماعندكم سالفه الا الزواج
مها: هههههه ليش انتي مو بنت
مشاعل تذكرت كلام الوقح صاحب الفراري عنها لما قال ليش هذي بنت
مشاعل: احيانا احس اني مو بنت احس اني عربجيه
كانت تنتظر رده فعل مها هل بيكون رايها نفس رايه فيها؟
مها: حرام عليك اذا انتي عربجيه احنا ايش نصر ؟ انتي ياميشو كلك نعومه وانوثه
مشالله عليك الله يحفظك
مشاعل: تسلمي مهاوي
بدت تحس شوي بالثقه بالنفس الي قدر هالشخص يهزها
مشاعل: مهاوي قلبي ليش ماتجي عندي؟
مها: لا مقدر اليوم امي معزومه وصعبه اطلع تعرفين امي لازم هي الي توديني وتجيبني
تعالي انتي طيب
مشاعل: اممممم مدري اخاف ابوك او اخوانك موجودين
مها: لا ابوي معزوم مع امي اما اخواني مااراح ياكلوك تعال نجلس بغرفتي
مشاعل: امممممممم اتوقع اني وافقت
مها: ههههههه لا انا متاكده انك موافقه
مشاعل: هههههههه اوكي حبيبتي البس واجي
مها: انتظرك
مشاعل: اوكي باي
مها : باي
قفلت مشاعل وراحت تلبس بسرعه وطالعت نفسها بالمرايه وقفت تتامل
مشاعل" لازم احط شويه ميك اب "
وعلى غير عادتها كان الميك اب اوفر مو عادتها كانت ماتحب تحط الا ميك اب خفيف على
شان يبين طبيعي
وطلعت بدون ماتستاذن لانها مو من عادتها تطلب الاذن من احد لان امها ميته اما ابوها
يكفي عليه زوجاته
ركبت السياره واتجهت لبيت مها الي يبعد عن بيتها تقريبا 20 دقيقه ,, في هالوقت كانت
مشاعل تحس بالطفش فقررت تدق على سلمان خويها الي صار شويه قريب لها خاصه
هاليومين لانها زي مايقولوا شله ميشو (مطفره) يعني ماعندها احد راكان وتركته بعد ماقال
بشوفك وماعندها الا سلمان وخاصه انه مؤدب وحبوب وولد ناس ويكفي انه يحبها
مشاعل: الو
سلمان: مقدر على الدلع مقدر اليوم داقه على مرتين مستحيل اكيد في شي صاير
مشاعل بدلع: هههههه شسوي وحشتني يادب
سلمان: ااااااااااااااااااااااااه ياقلبي والله انتي اكثر
مشاعل: سلومي وينك برا والا بالبيت
سلمان: وانا اتجرا اطلع من غير مااقول لك
مشاعل: اممممم قهر كنت ابي اشوفك
سلمان: الحين اطلع هوا
مشاعل: لالا خليك انا طالعه لبيت وحده من صاحباتي وكنت ابي اشوفك بالطريق
سلمان: ياحبيبتي لو عارف كان طلعت من العصر استناك
مشاعل: ههههههههههه لا مايحتاج , المهم كيفك انت وكيف حسين ولد عمك اكرهه
سلمان: هههههههههه حتى هو يكرهك
مشاعل: كش عليه وينه والله واحشني
سلمان: لا انا اغار كذا
مشاعل: من جدك تغار منه اتعرف على طباخنا ولا عليه خويك مره مغزلجي
سلمان: قلت لك خلينا نعرفه على وحده من صاحباتك يمكن تعقله انتي مو راضيه
مشاعل: لاشكرا مابي احد يدعي علي , وينه هو عندك؟
سلمان : ايه جالسين لعب بلي ستيشن وهازمه 5 \0 ههههههههههههه
مشاعل: هههههههههه يستاهل , اقول سلومي عطني بكلمه بسلم عليه
سلمان: تعال حسين حبيبتي تبي تكلمك
حسين: هلا والله بالورده
مشاعل: هههههههههههه هيه انت انا خويه ولد عمك , وبعدين مين قال اني ورده انا صباح
حسين: ههههههههههه حلوه ,,,اخبارك يادبا؟
مشاعل: تمام انت كيفك واحشني
حسين: انتي اكثر والله شكلك عقلتي طلعت امس وقبله ماشفتك تدورين وش عندك تزوجتي؟
مشاعل: لا موكله بمهمه ههههههههههههههههه
حسين: اخس والله منتي سهله وش هالمهمه يمكن اقدر اساعدك
مشاعل: اصلا محد يقدر يساعدني الا انت وترى المهمه سريه ولو ماعرف قدراتك ماكان
قلت لك
حسين: ايش السالفه؟
مشاعل: اسمع احنا جالسين ندور على سياره وبما انك خبره بالسيارات الي تدور نبيك
تعطينا اي معلومات عن صاحب السياره اوكي
حسين: فله هذي المهمه والا بلاش بس هو خوي مين؟
مشاعل: خوي وحده من البنات اسمها هدى اوكي
حسين: هههههههه هدى اسمها يضحك بس يالله علشانك بساعدها
مشاعل: اوكي السياره فراري لونها اصفر مرت عليك
حسين: اشوف كل يوم سيارات فراري لونها اصفر عطيني شي مميز
مشاعل: امممم اللوحه مو لوحه عاديه لا لوحه من السفاره
حسين: امممممممممم لوحه من السفاره لوحه من الس ايه ايه عرفته
مشاعل انجنت من الفرح اخيرا بتعرف هو مين علشان ترد له الحركه
مشاعل: مين هو بسرعه قول
حسين: هههههههه جريتك شفتي انه مو لخويتك شكلك انتي الي تكلمينه لو كانت خويتك
ماراح تتحمسي لهدرجه ,انا انسان ذكي . عموما ماراح اقول لسلمان شي سرك في بير
مشاعل: يالله محد قال لك قبل انك ظريف وخفيف
حسين: الله يسلمك مجامله مقبوله
مشاعل: اخلص تعرفه والا لا
حسين: صراحه السياره مامرت علي بس بسال العيال يمكن يعرفوه
مشاعل: ومتى ترد لي اكلمك اليوم بالليل؟
حسين: لهدرجه مستعجله؟ لالا انا بكره بالليل اكلمك بيجتمعون العيال عندي وارد لك
مشاعل: طيب بس ضروري مرررره
حسين: شوفي اذا قلتي لي الحقيقه والله لسوي المستحيل علشان اجيب لك قراره
مشاعل: اممممممممم اوكي هذا واحد شفته بمكان وغلط علي وبصراحه انا ابي ارد له
الحركه ابي اذله
حسين: اها تبين فزعه ترانا تحت امرك تبين ينجلد ؟
مشاعل: لالا شكرا انا باخذ ثاري بنفسي
حسين: فله احب الاكشن اوكي بكره انشالله اجيب لك شجره العايله حقته
مشاعل: هههههههه تسلم والله ماانسى لك هالخدمه ابد
حسين: لا حبيبتي انا مااسوي شي الا مقابل شي
مشاعل: امر
حسين: مايامر عليك عدو احرجتيني ,, اوكي ابيك تعرفيني على اي وحده من صاحباتك ايش
قلتي
مشاعل: ابشر ياحسونه
حسين: حسونه بعينك خلي حبيبتي الي تدلعني وتقول لي ياحسونه
مشاعل: اخس صرت تحب؟
حسين : لا ,,, حبيبتي الي بتعرفيني عليها هههههه
مشاعل: هههههههههههههههه انقلع بس وعطني حبي
حسين : الولد يطالعني بعين حاقد من جد ووده يعرف سالفه راعي الفراري
مشاعل: لاتقول له شي انت عارف انه غيور اذا قال لك شي قول له سالفه هدى الي قلت لك
اتفقنا
حسين: اكيد , وخلاص انا بكره انشالله بكلمك
مشاعل: اوكي بايو
حسين: بايات
سلمان: اشوفك اعجبك الوضع ساعه تسولفي معاه
مشاعل: قلبي كنت بس اختبر غيرتك علي
سلمان: وايش طلع معاك
مشاعل: انك تغار علي وتحبني وتموت فيني
سلمان: وايش سالفه الفراري
مشاعل: حبيبي هذي وحده من صاحباتي اسمها هدى تكلمه وتبي تعرف هو يدور ويرقم غيرها
والا لا بس
سلمان : وانتي ايش دخلك فيها تراقبين خويها
مشاعل: حبيبي لو انا شكيت فيك اكيد بلجأ لاحد يساعدني لاني احبك واغار عليك والبنت
حرام تحبه وتبي تعرف اذا يخونها من حقها
سلمان: طيب وبعدين صار يعرفه حسين؟
مشاعل: لا بس وعدني يسال عنه
سلمان: ولعيونك اذا شفت سيارته بقول لك
مشاعل: الله لايحرمني منك
سلمان: يعني ماتغاري علي اني ادور واتمشى ماتخافي اتعرف على بنت غيرك
مشاعل: لا انا واثقه فيك
مشاعل في نفسها" يالله ذبحني هذى مصدق نفسه انه يحب بس يخلص الموضوع اذا
ماسحبت عليك ياسلمان ماكون ميشو"
ووصلت مشاعل بيت مها وظلت عنده لحد الساعه 11 وطلعت ورجعت لبيتها ونامت علشان
الجامعه بكره
=================================================
يوم الاحد في الجامعه
ساره: خلاص يكفي تكشير ايش قلنا امس
فهده: اوكي خلاص بس جد شايله بخاطري على ميشو مافكرت حتى تجي تسلم علي
ساره: انتي عارفتها تخاف تجي تسلم عليك وترديها وهي ماتحب احد يهينها انتي عارفه
فهده: وهي يعني بنت مين علشان تنغر بنفسها
ساره: فهده هذي صاحبتنا وعيب نتكلم عنها بالهشكل بعدين اعذريها انتي عارفه ضروفها في
البيت وكل هذا يأثر على نفسيتها اذا احنا ماعذرناها مين بيعذرها
فهده: صادقه بس انا ماراح اكلمها اذا جت هي تسلم انا بسلم واسولف معاها ولا كن شي صار
بس مو انا الي ابدا
ساره : اوكي خليني بروح شوي لها وبجي
ساره مشت لعند مشاعل الي كانت جالسه مع عبير ومجموعه من البنات
ساره: ميشو تعالي شوي ابيك
مشاعل: اوكي جايه
وجلست ساره مع ميشو تكلمها عن فهده وانها متضايقه منها علشان مااتصلت عليها وقالت
لها عن الي سواه اخوها فيها وانهم لازم يوقفوا معاها
مشاعل: حرام مسكينه وربي ماعرفت ان اخوها سوا كذا فيها ياقلبي
ساره: ايه ميشو خلينا نروح نجلس معاها احنا صاحباتها
مشاعل: اوكي بس اخاف ماتبيني
ساره: لا هي تعبانه نفسيتها لانك مو معاها
مشاعل : اوكي يله خلينا نروح لها
ومشت ساره ومشاعل لحد ماوصلوا لفهده وبدا الموقف محرج شوي بين فهده ومشاعل
وبعدين مشت الامور سمنه على عسل ولا كان شي صار فهده بطبعها متسامحه وماتحب
النكد والزعل اما ميشو فهي مغروره ومو متعوده تعتذر لاحد بس بنفس الوقت تحب فهده
وماودها تخسرها علشان كذا بدت الشله تجتمع مثل قبل مشاعل وساره وفهده وعبير وكل
البنات ولا كان شي صار
----------------------------------------------------
مشاعل وساره انتهت محاظراتهم بس ساره قررت انها تجلس بالجامعه مع ميشو لوحدهم قبل
يرجعون للبيت علشان تحكي لها عن خويها الجديد احمد وكانت خايفه من رده فعل مشاعل
بس ايش تسوي لازم تقول لها اليوم لانها وعدت احمد انها تشوفه اليوم ولازم مشاعل تطلع
معاها لانه يتوقع ان الي يكلمها هي مشاعل مو ساره
وبدت ساره بالموضوع
ساره: ميشو تتذكري الي رقمنا يوم الخميس ؟
مشاعل: رقمونا كثير اي واحد فيهم؟ بعدين تعالي مخليتني اجلس بالجامعه علشان تذكريني
بالي رقمونا والله انك فاضيه خليني بس ارجع للبيت والله تعبانه ومرهقه
ساره: استني ليه انتي مستعجله ,,, خليني اكمل ,, المهم تذكرين الي كان معاه كااين؟
مشاعل: كاين كاين امممم ايه ايه ذكرته الي بغت عيونك تطلع لما شفتيه لاتقولي انك
كلمتيه
ساره: ايه
وكانت تنتظر رده فعل مشاعل
مشاعل: ههههههههههههههه والله اني كنت عارفه انك منجنه عليه هاه ايش صار قولي
بسرعه تحمست ,,, كيف صوته ,, واسلوبه . حبوب ,, مغرور. كاش . ملحط
سارونه ليش ساكته تكلمي
وهنا ساره بدت ترتاح على الاقل مشاعل ماقالت ليش تكلميه وهو يبيني انا
ساره: اممم بصراحه انا ماعمري كلمت واحد اسلوبه حلو مثله وصوته ياميشو يجنن وكلامه
وسوالفه مدري شقول ,,, ميشو انا منجنه عليه
مشاعل: ههههههههههه ادري والله وناسه بس اصحي تحبيه انتي عارفه شعارنا لا للحب
ساره: امممم لا حتى لو حبيته ماراح اقدر استمر معاه
هنا مشاعل ضاقت عيونها وبدت تطالع ساره بنظره تساؤل؟
مشاعل: سارونه فيه شي؟ خوفتيني؟
ساره: ميشو بقول شي بس ابيك توعديني انك ماتزعلي مهما قلت
مشاعل: سارونه تكلمي خوفتيني
ساره: مو قبل ماتوعديني
مشاعل: اوكي اوعدك
ساره: احم . امممم هو يكلمك
مشاعل: يكلمني مو فاهمه ؟ وضحي ؟ انا كنت اكلمه قبل تعرفت عليه ؟
سارونه ياشينك وضحي كلامك مو فاهمه
ساره: بصراحه مدري شقول هو يكلمني ويكلمك . يعني امممم . الصوت صوتي بس
الشكل شكلك فهمتي
كانت ساره خايفه من ردت فعل مشاعل وماتدري وش بتقول
مشاعل ساكته وتطالع ساره بنظره حقد: ساره تكلمي واحد وتقولي له انك انا ليش تسوي كذا
حرام عليك تخوني صاحبتك ؟
ساره: لالا انا ماخنتك لو انا عندي نيه خيانه ماكان قلت لك بعدين انا ماقلت له ان اسمي
مشاعل قلت له ان اسمي ريم ,,, صدقيني كنت خايفه يقفل الخط ولايكلمي ,,, وانا اسفه الحين
احذف رقمه
مشاعل ماقدرت تمسك نفسها من الضحك حاولت تمثل الزعل بس ماقدرت: هههههههههههه
شكلك يجنن وانتي خايفه هههههههههههههههههه بطنيييييييي هههههههههههههههههه
من جد بموت من الضحك
ساره: والله انك بايخه وسخيفه طيحتي قلبي
مشاعل: ههههههههههههههههه ,,, المهم ماعلينا ايش راح تسوي لما يقول لك ابي اشوفك
هنا ساره صار وجهها احمر
ساره: مو هذى الموضوع الي ابي اقوله لك
وطالعه مشاعل نظره فهمت على طول مشاعل الي تبي تقوله ساره
مشاعل: اكيد انتي مجنووووووووووونه مستحيل الي جالسه تقوليه تبيني اقابله عنك ايش
صار لك سارونه؟
ساره: بليز ميشو بس مره وحده وبعدين بقول له انه مو انتي الي تكلميه بليز ميشو لاترديني
مشاعل انصدمت من طلب صاحبتها الغريب بس بنفس الوقت فرحت على الاقل رجع لها
ثقتها بنفسها بعد ماهزها صاحب الفراري على الاقل فيه واحد معجب فيها ومايبي الا هي
يعني هي مرغوبه مو مثل ماقال ان مستحيل احد يطالع بوجهها
مشاعل: اوكي موافقه بس متى
ساره: اليوم بعد العشاء قال بعزمك على كوفي
مشاعل: مجنونه تبيني انزل معاه كوفي بيفرق بالصوت
ساره: لالا انا بقول له معاي صاحبتي الي هي انا وماقدر خلها مره ثانيه حلو بس خليك
جاهزه الساعه 8 بمرك اوكي
مشاعل: الساعه 8 اكون جاهزه خدامه عندك انا ليش خايفه تتاخرين عليه ؟ المهم انا الي
بمرك لاتمريني اوكي انا ماحب سواقك عصبي ودايما اطاق معاه اذا تبين خويك يشوفني
حلوه بعديني عن سواقك الكريه
ساره: ههههههههههههههههههههههههههه اتفقنا بس بليز لاتتاخري ونامي اول
ماترجعي من الجامعه علشان شكلك مايكون مرهق ,,,, تعالي مبين عليك مانمتي امس كويس
صح
خافت مشاعل تنفضح قدام صديقتها ماله داعي تعرف بالي صار
مشاعل كتومه ماتحب تطلع اسرارها حتى لصاحباتها بعكس صاحباتها الي يرتاحوا لما
يتكلموا معاها ويحكوا لها عن كل شي يضايقهم يمكن علشان كنت وحيده من صغرها تعودت
انها ماتشكي لاحد تحب تكون قويه مايهزها شي
مشاعل: لا ابد مافيه شي بس امس سلمان كان يكلمني ومارضى يسكر الا 5 الفجر علشام كذا
شكلي مرهقه
ساره: لا الله يخليك نامي وارتاحي تبين اجيب لك غداء تبين اسوي لك مساج وش تبين بس
امري وتدللي؟
مشاعل: يامصلحجيه ههههههههههههههه ايه ايه ابي شي
ساره: امري
مشاعل: طلعي عبايتي من الشنطه
ساره : ابشري
وطلعت العبايه لمشاعل
مشاعل: لبسيني عبايتي بسرعه بروح انام بسرعه يله
ساره وهي معصبه: طيب
مشاعل: ههههههههههه
--------------------------------------------------------------------------
الساعه 7 كانت مشاعل لابسه وجاهزه ومن احلى مايكون كانت تبي تثبت لنفسها انها حلوه
وماارح ترجع للبيت باقل من 10 ارقام تبي تعرف ان كلام الوقح الي جرحها كله كذب
واصلا هو كان مقهور لانها اكيد ماراح تعطيه وجه علشان كذا بدا يهزئها بس الصراحه انه
لو بس ابتسم لها ابتسامه كان ماتحركت من مكانها الا لما يعطيها رقمه
مشاعل من عادتها ماتركض ورى اي واحد بس معاه الوضع غير وهي متاكده ان اي بنت
بتشوفه اكيد اكيد بتسوي اكثر من كذا
مشاعل فيه طريقها لبيت ساره" يالله ليش افكر فيه لهدرجه كل هذا حقد يالله متى اشوفه ابي
انتقم علشان ارتاح بس غسان سوا فيني حركه كمان مو حلوه ليش مو قادره احقد عليه ليش"
وصلت مشاعل عند بيت ساره ودقت عليها
مشاعل: هلا سارونه
ساره: هلا ميشو هاه وصلتي
مشاعل: ايه انا تحت استناك
ساره: اوكي يله انا طالعه
وركبت ساره السياره مع مشاعل
ساره: ميشو اشوف وجهك لايكون الميك اب مو حلو
مشاعل: خلاص ياختي احس اني رايحه اقابل ان ريكي مو احمد
ساره: تعالي فيه مشكله
مشاعل: الله يستر ايش المشكله
ساره : اذا وقف جنبنا كيف حرد عليه بيعرف اني مو انتي
مشاعل: بسيطه قولي له مابي اكلمك وانت جنبنا علشان السواق مايشك
ساره: ياذيبه دايما عندك حل لمشاكلي
مشاعل: علشان بس تحسي بقيمتي
ساره: بس غريبه خلصتي بدري الساعه 7 ونص توقعت ماراح تمري علي الا 8 ونص
مشاعل: لا بس وحده من صاحباتي ماتعرفيها موصيتني ادور لها خويها قلت ناخذ لفه بالعليا
يمكن نشوفه قبل يجي سيد الحسن والدلال
ساره: مااسمح لك ترى
مشاعل: هههههههههه طيب
وصاروا يدوروا من 7ونص لما الساعه 8وربع بالعليا عند الفيصليه عند المملكه بالثلاثين
بالتحليه وانواع المواكب والاستهبال
لحد مااتصل احمد وساره خلاص انجنت
مشاعل: ردي يله خلينا نخلص
ساره: ميشو خايفه مره
مشاعل: خايفه ليه انا المفروض الي اخاف انا الي بقابله
ساره: اوكي اسكتي برد
ردت ساره على موبايلها
ساره: الو
احمد: هلا قلبي ,,, وينك الحين
ساره: انا الحين بالثلاثين تجي
احمد: اوكي تعرفي لازرتيج
ساره: ايه
احمد: اوكي انزلي انتي وصاحبتك ولما اوصل بدق عليك تطلعي علشان اشوفك وانت تمشي
ابي املي عيوني منك
ساره: اوكي قلبي بس مقدر اكلمك وانا بالسياره اخاف السواق يحس
احمد : انشالله حبيبتي
ساره: اوكي لما توصل دق باي
احمد:باي
ساره: ميشو يقول انزلوا (لازرتيج) ولما اوصل بدق عليك تطلعي من هناك
مشاعل: اوكي يوسف روح لازرتيج
سويف : ابشري
ووصلوا هناك ونزلوا وتوهقوا لان الي هناك نشبوا لهم على بالهم بيشتروا لما جاء الفرج
ودق احمد على ساره
ساره: هلا وصلت
احمد: ايه حبيبتي انا برا اطلعي
ساره: اوكي
ساره : ميشو يله برا هو
مشاعل: اخيرا نفتك من هالنشبات الا تشتروا
وطلعت ساره قبل وعيونها على سياره احمد الكاين وشافته وانجنت عليه وابتسم لها وبعدها
طلعت مشاعل ولحظتها عين احمد ما نزلت عنها كانت عيونه كلها اعجاب لدرجه انه ماحس
بوجود ساره
ساره لحظتها حست بالقهر وابد ماتوقعت انها بتتضايق لهدرجه انا قدامه ومافكر حتى
يطالعني
ركبوا السياره
مشاعل: خويك هذا ماشاف خير والله كنت بطيح من كثر مايطالع انحرجت
ساره بضيق: ايه لاحظت
مشاعل: سارونه انتي زعلانه
ساره: لاعادي ليش اتضايق انا عارفه من اول مارقمنا انه يبيك
مشاعل: وربي مايستاهلك
ساره: يمكن انا الي مااستاهله
مشاعل: سارونه لاتكبري الموضوع ترى كله واحد لاراح ولاجا طنشيه وياكثر الي يتمنوك
ساره: على قولتك شكلي ماراح ارد عليه
مشاعل: يكون احسن
وصاروا يدوروا من شارع لشارع واحمد اتصل على ساره يمكن 70 مره وهي ماترد
مشاعل: تعبت من الدوران راسي صار يدور,, سارونه شرايك ناخذ لفه بالتحليه ونرجع
للبيت
ساره: يله انا ودي بعد اخذ لي كم رقم قبل الاختبارات لان امي اكيد ماراح تخليني اطلع
وبعدها انتي عارفه الصيفيه يعني بسافر ودي اتعرف على احد قبل اسافر علشان اشوفه برا
مشاعل: مشينا
تذكرت مشاعل ان حسين مادق عليها لايكون بس مع سلمان لان سلمان دق عليها كثير
وماردت خافت تدق على حسين ويكون سلمان جنبه ويقول ليش مارديتي علي
مشاعل في نفسها" يالله خليني ادق على سلمان واشوف اذا حسين جنبه"
مشاعل: هلا سلومي
سلمان: هلا وينك اتصلت عليك 1000000 مره حسين كان يبي رقمك
مشاعل: طيب كان عطيته بعدين هو يعرف رقمي
سلمان: مو شريحته احترقت وانحذفت كل الارقام وقلت بسالك اول قبل اعطيه الرقم
مشاعل: شكرا ياقلبي خلاص انا بدق عليه
سلمان: خلاص حبيبتي وكلميني اول ماتقفلي منه
مشاعل: باي (مشاعل ماتحب احد يامرها اذا بتكلم بتكلم بكيفها مو هو الي يقول لها )
دقت مشاعل على حسين
حسين: الو
مشاعل: هلا بالاف بي اي
حسين: وينك انتي ذبحتيني لي ساعه اترجى سلمان يعطيني رقمك مو راضي والله مربيته
صح يخاف منك
مشاعل: هذا مو خوف هذا حب ياغبي
حسين : ايه طيب المهم ماتبين علوم عن خوينا راعي الفراري؟
مشاعل: احلف بالله عرفت شي
حسين: هههه جبت لك قراره افا عليك بس
مشاعل: قول بسرعه
حسين: لا سلم واستلم عطيني رقم اي وحده مو خوياتك واعطيك المعلومات
مشاعل: لا والله البنت تبي تفكر وتقرر وبعدين انا مابي اعرفك على اي وحده ابي اختار لك
وحده تستاهلك
حسين: اجل اكيد بتعرفيني على جنيه لانك تكرهيني ,,, المهم بلا حركات نص كم اشم ريحه
خيانه في صوتك اخلصي بس عطيني الرقم
مشاعل: ماراح اعطيك شي لحد مااستاذن من البنت
حسين: اوكي اذا خويتك قررت علميني علشان اعطيك المعلومات
مشاعل: حسينوه بتعطيني والا شلون. انا وعدتك
حسين: نو وي مستحيل اذا جبتي الرقم تاخذي المعلومات وتذكري ان المعلومات قيمه
مشاعل: اوكي شكرا مابي شي خل المعلومات لك تامر شي انا بقفل
حسين: لاتسوي نفسك زعلانه ,,, انا مو سلمان. عطيني رقم اي وحده يله
مشاعل: طيب لحظه
مشاعل تحاول تقنع ساره انها تعطي حسين رقمها وساره وافقت على طول
مشاعل: خلاص خذ الرقم يالزقه
حسين: ومتى ادق عليها لازم اتاكد اخاف تصير شنب
مشاعل: شنب بعينك بتتلكم والا شلون؟
حسين: طيب طيب اسمعي الله يسلمك
الاسم : طلال ال
العمر: 27 سنه
لوحته: .
وبدا يعطيها معلومات عنه
حسين: هاه ايش رايك فيني؟
مشاعل: بطل ,,, وكيف عرفت هالمعلومات
حسين: ابد هو عنده بالبيت مجلس كبير يجتمعون فيه الشباب كل يوم وكل واحد يجيب اخوياه
وواحد من الي اعرفهم يروح هناك وقال لي عنه وتراه توه راجع من السفر كان عايش برا
5 سنوات كان عايش عند امه لانها اجنبيه
مشاعل: اها حلو
حسين: بس يقول لي الولد انه وسيم مره لايكون بس انتي معجبه فيه وتبين تشبكين وتسحبين
على ولد عمي سلمان
مشاعل: حسين لاتسوي فاهم بس على فكره معلوماتك مافادتني
حسين: ايوه ,,, وليش انشالله
مشاعل: انا ابي اعرف وين يطلع وين يروح ,, يعني تبيني ادخل بيتهم مثلا ايش راح استفيد
من اسمه والا بيته والا لوحته
حسين: طيب انتي اصلا ماينفع معك المعروف باي
مشاعل: حسينوه امزح المهم اذا شفته باي مكان بليز دق علي وقول لاصحابك كمان اذا
شافوه لازم يقولوا لي ,,, لو استدعت الحاله عطهم رقمي اوكي
حسين: والله اني بديت اشك فيك ايش هالحرص معقوله كل هذا على شاان انتقام ,,, عموما
انا بروح اليوم لبيته مع الولد الي يروح له وبشوفه
مشاعل: طيب كلمني وانت هناك بليز
حسين: طيب ,, اقطع يدي ياميشو اذا ماكنتي خاقه مع الولد
مشاعل: اذا تحسبني ابي اتعرف عليه فانت ماعرفتني
حسين: طيب نشوف يقولوا المصريين الميه تكذب الغطاس ويقولوا بعد ياخبر النهار ده
بفلوس بكره يبقى ببلاش والا
مشاعل: اوكي نشوف اذا ماخليت التحليه كلها يتكلموا عنه ويضحكوا عليه ماكون ميشو
حسين: طيب وش راح يكون اسمك لانك اكيد ماراح تكوني ميشو ههههههه
مشاعل: انقلع بس ولاتنسى اذا شفته واتصلت علي راح تكسب جائزه
حسين: جائزه؟ وش هالجائزه علشان اتحمس
مشاعل: رقم بنت ثاني هههههههه
حسين: والله لاحفر الارض علشان اجيبه واستني علي
مشاعل: اوكي بايو
حسين: يله باي
ساره كانت مذهوله من الكلام الي سمعته مين هالشاب الي مشاعل حريصه تعرف عنه كل
شي واتضايقت لان مشاعل مخبيه عليها السالفه
اما مشاعل فانتبهت اخيرا ان ساره معاها بالسياره وهي الي نست ان معاها احد لما اتصلت
على حسين وقال انه يعرف معلومات عن طلال وشلون بتبرر لساره الحين اكيد ساره زعلانه
وظلوا كلهم ساكتين ,,, وعند اشاره بيت ساره قررت مشاعل تبدا بالكلام وتدور اي تصريفه
تقنع فيه ساره بس قبل لاتتكلم كان صوت بوري السياره الي جنبه مزعج التفت مشاعل
وانصدمت لانها شافت سياره صفراء تعرفها كويس ومظلله واكيد الي داخلها الحقير طلال
حست بفرح لانها تقدر الحين تنتقم وبنفس الوقت انقهرت لانها بالاشاره ماراح تقدر تسوي
شي
انفتح الشباك وكانت مشاعل متحمسه تبي تشوف طلال هل هو وسيم والا يمكن لما شافته
كانت تتوهم انه وسيم
بس للاسف كان اكثر وسامه كان مسوي ديرتي فيس وشكله خطير ولابس تيشرت اصفر كان
مبين لان الفيراري نازله مره وتقدر مشاعل بسهوله انها تشوف الي جوا السياره لان مستوى
اللكزس اعلى من الفيراري
استغربت مشاعل لان طلال كان ياشر لها تفتح الشباك
بدون ماتحس لقت نفسها تفتح الشباك وتطيع امره وهي الي ماتحب احد يامرها
طلال يطلب من مشاعل تفتح الشباك ليه
الجزء الرابع راح يبين
================================================
================================================
================================================
================================================

الجزء الرابع


استغربت مشاعل لان طلال كان ياشر لها تفتح الشباك
بدون ماتحس لقت نفسها تفتح الشباك وتطيع امره وهي الي ماتحب احد يامرها
طلال: اقول لو انا منك مااطلع مع البنت هذي
استغربت مشاعل من كلامه وبان في وجهها علامات التساؤل
كمل طلال كلامه: يعني وحده مثلك المفروض تطلع مع بنات بمستواها مو تطلع مع قمر مثل
الي جنبك بصراحه انتي جنبها مالك اي كرت ولا دور
مشاعل قررت انها ماتنخدع بجماله لازم تعلمه من هو
مشاعل: على فكره يااخ طلال . لا تحسب نفسك قوي وذكي لانك جزمه وحقير وماعندك اي
ذوق واخلاق بس مو غريبه ,,, امك مو عربيه واكيد كافره ربتك على
قاطعها
طلال: اووووه البنت علاقات ماشالله كويس الي عرفتي عني هالمعلومات وفرتي علي شي
كثير
استغربت مشاعل ايش ممكن اوفر عليه وفتحت الاشاره وصارت البواري تطلع من كل
سياره الناس كلها تبي تمشي وسياره طلال ومشاعل ساده الشارع
السواق: عمتي الاشاره فتحت بمشي
مشاعل: لا استنى لاتمشي
طلال: اسمعي بما انك تعرفي عني هالمعلومات ,,, بسالك قدرتي تجيبي رقمي؟
مشاعل: مايشرفني اعرف رقمك
طلال: قهر ,,, يالله مو مشكله كنت ابيك تعطيه الي جنبك ,,, اوكي لحظه
وراح اخذ قلم وصار يكتب شي على كوب ورق مبين عليه كوب عصير
طلال : اسمعي كتبت رقمي فيه عطيه للحلوه الي جنبك اوكي
وكانت مشاعل بتقفل الشباك قبل لايجيها الكوب كله على وجهها
مشاعل انصدمت دايما كانت تكب اي شي بيدها على اقرب واحد يغازلها والحين هالحشره
يكب عليها هي وقدام مين صاحبتها على مااستوعبت الموقف التفتت بتنزل من السياره
علشان تضربه ,,,او تقتله ,,, المهم تنتقم لقته مشى والبواري مزعجه وسواقها المسكين
ينتظر امر العمه
السواق: امشي الشارع صار زحمه والا شاره بتسكر
مشاعل صرخت: امشي ايش تستنى؟
ساره كانت مصدومه من الي شافته وماتدري ايش تقول اول مره يمر عليها هالموقف ولمين
لمشاعل المغروره الي ماترضى احد يمس كرامتها والولد الي من شوي مو هز كرامتها الى
مسح بها الارض
طالعت مشاعل الكوب لقت رقم طلال مكتوب عليه ومكتوب فوقه ياليت اسمع صوتك اليوم
طلال
ظلت ساكته لحد ماوصلوا بيت ساره
ساره كانت تبي تقول لمشاعل تنزل تغسل وجهها من اثار العصير بس كانت خايفه لان شكل
مشاعل كأنها كلمه وحده وتنفجر وخافت تنفجر عليها
ساره وهي تفتح باب السياره بتنزل: باي
مشاعل: ساره ,,, لو سمحتي ممكن اروح للحمام
ساره: اكيد حبيبتي البيت بيتك تفضلي
مشاعل دخلت الحمام وغسلت وجهها ويدينها وشعرها وماتبي تتذكر ايش صار علشان
ماتنهار فقررت انها ماترجع للبيت خلاص الموضوع مكشوف واكيد ساره عرفت كل شي
بعد مافضحها طلال وشرشحها قدام صاحبتها لازم تصارحها ومنها تشكي لها لانها تعبت
من الكتمان واذا ماصارحت صاحبتها مين تصارح
طلعت مشاعل من الحمام ولقت ساره مجهزه لها ملابس علشان تغير وعبايه من عبايات ساره
لان عبايه مشاعل غرقت بالعصير
مشاعل: اممممم سارونه ماعندك بيجاما؟
ساره: اكيد عندي لحظه اجيب لك
مشاعل: سارونه ممكن انام عندك اليوم؟
ساره بدت الفرحه عليها: من جد ميشو لاتفرحيني بعدين تقولي امزح
مشاعل: انا في وضع مقدر امزح فيه
ساره: الله يحييك هذا بيتك قبل يكون بيتي
مشاعل: تسلمي ,,, بدق على السواق علشان يرجع للبيت ويمرني بكره الصباح علشان اروح
البس علشان الجامعه
ساره: ميشو شرايك بكره نطنش الجامعه ونسهر ونفلها ؟
مشاعل ابتسمت اخيرا: براسك نفلها هههههه
ساره فرحت لفرحه صاحبتها
وبدت السهره بتوتر لان ساره تنتظر مشاعل تتكلم عن الي شافته اليوم ومشاعل كانت
منحرجه ماتدري من وين تبدا
واخيرا تجرأت مشاعل وحكت لساره عن كل شي من اول يوم شافت طلال فيه لحد اليوم
ساره: صدق انه حقير ,,, بس حركته غريبه ,, يعني ليش يعاملك كذا ,,, ميشو انتي مره حلوه
وماحد يختلف على هالشي ,, ايش الي خلاه يقول عنك قبيحه ,,, اكيد الموضوع فيه شي هو
باين عليه يبي ينرفزك ,, بس ليه ماعرف
مشاعل: ولا انا ,, بصراحه من حقارت الكلمات الي يقولها احس اني مقدر ارد
ساره: غريبه احس انه يتعمد ينرفزك وعارف ان البنت اكثر شي ينرفزها لما احد يسب
شكلها ,,,, وهو باين عليه متعته انه ينرفزك
مشاعل: ايه انا لاحظت هالشي ,,, بس ماعرف ليه؟
ساره: ميشو تذكري يمكن كلمتيه قبل وسحبتي عليه وحقد عليك تذكري
مشاعل: وربي اول مره اشوفه ,,, مستحيل انه رقمني قبل لانه لو كان مرقمني كنت اكيد
بتذكره ,, شكله مميز ومستحيل انساه
ساره تطالع مشاعل بخبث: مميز هههههه انا اشهد انه يجنن يجنن شكله خطير تصدقين من
اول ماشفته لحد ما مشى وانا مانزلت عيني عنه ,,, على كثر مااحمد يجنن صار عنده ولا
شي بس على طاري مميز شكلك غارقه لشوشتك هههههههههه
مشاعل: الله ياخذه هو وشكله ,,,وووع اصلا عادي انتبهي له كويس من قريب ترى مره
عادي وبعدين ليش غرقانه حبيبتي ماشفت خير ,, لو ابي واحد احلا منه كان بنظره مني
اخليه يركض وراي ,, ولاتنسين طلال مو من الاشكال الي تعجبني
ساره: ايه بس مو اي واحد بيركض وراك واظن طلال اثبت لك هالشي
مشاعل: صدقيني لو ابيه بجيبه بس صدقيني مايعجبني
ساره : عموما حلو والا مو حلو احنا ماراح نخليه ,,, يعني لاهو اول واحد حلو يمر علينا
ولا اخر لازم نفكر شلون نخليه يجي يتاسف لك ويبوس راسك بعد
مشاعل: لا لا ,,, لايبوس راسي ولا ابي اشوفه اصلا ,, بس قبل لااقفل سيرته من حياتي
بخليه يندم على الي سواه صدقيني
ساره: ايش راح تسوي قولي لي بليز انا صاحبتك
مشاعل: لسى مافكرت ,,, بس انتي خلي علاقتك مع حسين حلوه لان اكيد راح احتاجه
ساره: يالله بظطر اني اتحمل حسين وثقل دمه ,, تكفين خلصي الموضوع بسرعه
مشاعل: انا مستعجله اكثر منك ,,, الا تعالي ماقلتي لي بتردين على احمد والا لا؟
ساره: مدري محتاره ياميشو ,,, اخاف ارد واقول له الحقيقه يزعل ويتركني واخاف اسكت
اموت بقهري
مشاعل: بعد عمر طويل انشالله ,, ماتلاحظين انك معطيته اكبر من حجمه؟
ساره: لا هو مقاسه اكس اكس لارج ههههههههه
مشاعل: ههههههههه ايه هذي سارونه الي اعرفها
ساره: الا تعالي ايش صار على اخوك مشعل ماخطب
مشاعل: لا للحين ليش ناويه تخطبيه
ساره: ودي صراحه اخوك يجنن ماشالله وعاقل ,,, اقول اخطبيني له ,, ايش هذا خويه ماتنفع
مشاعل: هههههههههههههه ياليته يوافق يتزوج ,,, مسكين سعود بينجن يبي يتزوج الهنوف
وابوي مو راضي يزوجه قبل مشعل,, يقول لو الهنوف طارت مني والله لدعي عليك تعنس
هههههههههههههههههه
ساره: هههههههههههههههههههههههههههه ,,, الا على طاري الهنوف ماشفتيها؟
مشاعل: لا ,,, يقول سعود بعزمك على العشاء وبقول للهنوف تجي ,, تدري منجنه ابي
اشوفها احسها مره قرويه
ساره: ليش ايش الي خلاك تحسي هالاحساس؟
مشاعل: مدري من كلامه عنها ,,, اقول له من وين تشتري ملابسها الهنوف وقال لي اسماء
محلات حتى خداماتنا مانشتري لهم منها
ساره: ياااااي مره قرويه ,,, بس حرام اخوك يحبها واذا تزوجته انتي عاد كشخيها
مشاعل: ياشيخه اذا هو راضي بقراوتها بكيفهم ياداخل بين البصله وقشرتها ماينوبكش الا
ساره: ريحتها ههههههههههه
مشاعل: ههههههههههههههههههه
وتمت السهره كلها ضحك ووناسه وناموا الساعه 7
=============================================
في بيت طلال كانت السهره مثل كل يوم الشباب متجمعين وكان مجلس طلال عباره عن كوخ
خشب كبير مكون من دورين الدور الاول كان جلسه وتلفزيون اما الدور الثاني كان مفتوح
على الدور الاول وهو عباره عن صاله بلياردو كان كل يوم يمتلي هالمجلس فوق 40 شاب
البعض اصحاب طلال والبعض حتى مايعرفهم
عبدالله: طلال
طلال: سم ابو عابد
عبدالله: سم الله عدوك ,, من هو الي جالس يسولف مع ابو خليل
طلال: والله مدري يمكن هو عازمه
عبدالله: طلال الولد هذا مارتحت له من اول ماجاء وهو يطالعك ,, الله يهديك صاير مجلسك
كل من هب ودب يدخله
طلال: شسوي ياعبد الله صعبه اطرد الناس من مجلسي واذا اتصل علي واحد وقال بجيب
خويي معي صعبه اقول له لا ,, مو من عوايدي
عبدالله: بس انت ماتعرف حتى هم مين ,, ولا ايش اخلاقهم ,, بكره تجيك مشكله والا مصيبه
محد ينفعك والله
طلال: اهم شي ان مجلسي مو في البيت ,,, ولو كان مجلسي في البيت مستحيل ادخل احد الا
اذا كنت عارفه تعرف علشان اهلي
كان بيت طلال في حي من ارقى الاحياء وكان بيت كبير جدا وكان يعيش معاه ابوه واخوه
الاصغر منه نواف واخته هيفاء ولمياء وامه ,,, وفي الجهه المقابله من البيت تقع استراحه
ابو طلال الي كانت كلها مجالس للشباب ولابو طلال بحيث اذا جت عزيمه رجال تكون في
الاستراحه وكان يفصل بين بيتهم والاستراحه شارع علشان كذا طلال واخوه يجمعون
اخوياهم كل يوم
عبدالله: انا معك ياطلال بس انتبه شوف بس الاشكال الي تجي عندك والله احسهم مجرمين
طلال: هههههههه لا تكبر الموضوع وعموما اجازتي خلاص قربت تنتهي يعني مافيه سهر
ولا راح تشوف هلاشكال
دخل حمد بالسالفه وكان طول الوقت قاط اذنه: افهم من كلامك انك تطردنا ؟
طلال: هههههههههه انا قلت هالاشكال ليش انت اشكال؟
حمد : ههههههههههه ايه ,, واحلى شكل بعد
طلال: اعجاب المرء بنفسه دليل على صغر عقله
حمد : ايه مثل خويتنا مشاعل هههههههههه الي معجبه بنفسها
طلال: ههههههههه مسكينه وربي حزنتني ,,, اليوم كبيت عليها العصير الي اشتريته من ماما
نوره وطلع بايخ طعمه ,, قلت فيها ولا في الزباله هههههه
عبدالله: هههههههه اكيد دخنت اذانها من التعصيب
طلال: اوووه ياليتك شفتها ,,, لا ومعاها خويتها ساره بعد هههههههههههه
حمد: هههههههههه خلها تستاهل ,, اقول طلال خلنا نسوي حركه فيها حلوه تخليها تكره
تطلع من بيتها ايش قلت؟
طلال: مثل ايش
حمد: يعني مثلا وهي راجعه من الجامعه نحدها ونركبها السياره وناخذها مزرعتكم والله فله
ولاتنسى البنت حلوه والله بننبسط
طلال: اسمع ياحمد انا وعدت الرجال اني اهينها واعلمها قدر نفسها مو معنى كلامي اني
اضيع مستقبلها ,,, وبعدين عيب عليك هالحركات والله عيب انت رجال ,,, ماتستحي تستقوي
على حرمه
حمد: ليش هذي تسميها حرمه,, هذي حتى ماتجلس بالبيت لو عندها اهل يربوها كان ماسوت
الي تسويه
طلال: ايش سوت خانت خوينا خلها تخونه هو عارف اصلا انها ماتحبه ,, بس انا قهرني
اسلوبها معاه قلت باعلمها قدر نفسها وبيني وبينك مليت من هالدور انا اهنتها مافيه الكفايه
وخلاص اظن اني اكتفيت والرجال شكرني على الي سويته فيها ,,, وانت ياحمد مالك دخل
بالبنت اتركها بحالها ,,, ترى عندك خوات
حمد: افا ياطلال والله تشبه خواتي بهذي ,,, كرم خواتي ,,, مايسون مثلها ولو حسيت ان
خواتي ممكن يسون ربع الي تسويه والله لدفنهم عند باب البيت
طلال: طيب مشالله عليك رجال ,,, بس ياليت تثبت رجولتك باشياء ثانيه
حمد: ايش قصدك ؟
طلال: قصدي ابوك اللي عينه ماجفت من الدموع وهو يتمنى يشوفك رجال تهتم بمسؤليات
البيت ابوك كبر ياحمد ولازم يرتاح ومن واجبك انك تريحه وتشيل عنه الحمل يكفي انه رباك
واهتم فيك وانت صغير ,, جاء دورك انت الي تهتم فيه لما كبر
حمد: انا مو مقصر مع ابوي بشي بعدين انت ايش عرفك شاكي لك هو؟
طلال : ابوك مايشكي بس الحزن يتكلم بعيونه
حمد: صاير محلل نفسي ماشالله عليك
عبدالله: ياشباب اذكروا الله وهدوا مايسوى تراكم اخويا
طلال: حمد تكلم زين ترى انت قدام رجال مو بزر عندك تعلم شلون تحشم الرجال
حمد: لاتعلمني ياطلال شلون اتكلم انا احشم الرجال بس مااحشم الي يدخل في الي مايخصه
طلال: مايخصني اني انصحك هاه,, الشرهه مو عليك الشرهه على الي معتبرك رجال
ومدخلك مجلسه ,,, قم من مجلسي واذا شفتك هنا لحش رجولك حش
طلع حمد معصب وطلال كان هادي لان من طبعه مايهزه واحد مثل حمد
هذي حياه طلال ببساطه
================================================== =
موبايل مشاعل يدق اكثر من 10000 مره وازعجها الصوت واخيرا قررت ترحم الي يتصل
وترد عليه,,, كانت الساعه 3 العصر
مشاعل: الو
ام مشعل: هلا حبيبتي وينك خوفتيني عليك
مشاعل: هلا خالتي ,,, انا في بيت ساره صاحبتي
ام مشعل: خفت عليك يابنتي شفت سيارتك بالكراج قلت اكيد ماراحت للجامعه واتصل على
خط غرفتك ماتردي ولا جوالك قلت اكيد صار لها شي بسم الله عليك
مشاعل: تسلمين ياخالتي ,,, بس امس رجعنا متاخرين وقلت ماودي ارجع للبيت مع السواق
لوحدي
ام مشعل: الله يكملك بعقلك يابنيتي . والسموحه اني صحيتك
مشاعل: خالتي لاتقولي كذا وصدقيني لو ما انتي تدوريني وتسالي عني كان انا منحاشه من
زمان ههههههههههه
ام مشعل: بسم الله عليك انشالله انا وياك الي بنحش ام سلطان
مشاعل: هههههههههههههه انشالله
ام مشعل: يالله حبيبتي كملي نومك بس قومي صلي العصر ترى اذن
مشاعل: ابشري ياخالتي
ام مشعل: مع السلامه
مشاعل: مع السلامه
قامت مشاعل تتوضا وتصلي وصحت ساره علشان تصلي الضهر والعصر
ساره: شرايك نروح نتغدا
مشاعل: غدا الحين قولي عشاء الساعه 4
ساره: ايش عرفك هذا غدا متاخر وعشاء مبكر
مشاعل: مو الحين خلي الشمس شويه تروح حررر
ساره: يله بس انا ميته جوع
مشاعل: مشينا يله من يقدر عليك
طلعت ساره مع مشاعل وكانت مشاعل فيها نوم وحطت راسها على شباك السياره
وغمضت عيونها
ساره: شرايك نروح الريف اللبناني
مشاعل: اي مكان بس خلصينا
حست مشاعل ان السياره وقفت اكيد عند الاشاره لان المطعم مو قريب لهدرجه فتفحت
مشاعل عيونها كانت جالسه يمين طالعه كوفي المساء وفكرت ليش المساء مايدخلون الا
شباب واحنا يالبنات ليش ماحطوا قسم لنا وش هالنذاله فيهم
مشاعل: سارونه بسرعه ماتعرفي محل حلويات هنا بسرعه
ساره: ايش حلوياته نبي نروح نتغدا
مشاعل: يالله منك بسرعه اي محل ماني قادره افكر بسرعه
ساره: طيب طيب
واتجهوا لاقرب محل حلويات ,,, نزلت مشاعل اسرع يمكن من البرق حتى انها كانت بتطيح
اكثر من مره
مشاعل: لو سمحت ابي اكبر كيكه عندكم
البائع: حاظر,, بس شو بدك شوكولا ولا فرواله ولا
مشاعل قاطعته: اي شي بس خلصني بسرعه
البائع : اوكي تعي شوفي الاشكال واختاري
مشاعل قفلت اخلاقها من برودته احر ماعندها ابرد ماعنده: اوكي هذي
كان اختيارها كيكه متوسطه الحجم ,, دفعت له باسرع من السرعه وركبت السياره قبل حتى
ساره ماتركب
مشاعل: بسرعه روح على طول
ساره : ممكن افهم ايش السالفه
مشاعل وهي فرحانه: راح تعرفي بس استني شوي
ساره: مدري ايش صار لك هاليومين غامضه
مشاعل: يالله هالاشاره الله ياخذها طولت مره
ساره: ميشو بليز قولي لي ايش فيك
مشاعل: اوكي بس بس وقف هنا
ساره: مجنونه انتي وين بتروحي هذا الكوفي مافيه قسم عوائل و.
ماسمعتها مشاعل لانها نزلت
كان كوفي المساء كله درج يعني كانها طالعه قلعه وماهتمت صارت تركض وتركض
وتركض لحد ماوصلت الباب وكان برا جلسات كلها شباب بس كويس انها كانت فاضيه لان
الشمس ماتساعد احد يجلس فيها
دخلت من الباب وكانت كل الانظار عليها من هالبنت الجريئه الي تدخل مكان كله شباب
ومافيه قسم عوائل وممنوع اصلا انها تدخل
جاء واحد يركض له
: بليز ممنوع تدخلي هون . هيدا بس للشباب ممنوع الصبايا يفوتوا هون,, ازا بدك شي
ابعتي الشوفير وانا ببعت لك طلبك معو
مشاعل: اسمع بعطيك الي تبي بس بعد عني
: بليز ممنو
ماكمل كلامه لان مشاعل من اول مادخلت وهي تدور بين الشباب وكانها لقت الي تدور عليه
وطنشت الي كان يكلمها ومشت للمكان الي كانت تطالع فيه ,,, مشاعل طبعا ماكانت تتغطى
بس لما دخلت الكوفي تلثمت ,,
ساره مره استغربت حركتها وصارت المسكينه تلحقها من مكان لمكان يمكن تقدر تلحق المصيبه الي اكيد بتسويها ميشو
وقفت مشاعل عند طاوله فيه 5 شباب وكانوا يطالعونها منصدمين
حطت مشاعل كرتون الكيكه على الطاوله وطلعت الكيكه وعلى طول في وجه طلال
كل الي بالكوفي انصدموا ايش الجرئه الي تخلي بنت تدخل مكان شباب وتبعد اي واحد
يحاول يمنعها او يعترض طريقها وتوقف عند طاوله شاب وتطلع كيكه وتعرزها في وجه
واحد
كل الشباب الي كانوا موجودين ماتوا ضحك,, اما اصحاب طلال محد تكلم مصدومين وفي
هاللحظه خذت مشاعل منديل ومسحت عيون طلال وفكت لثامها
مشاعل: مره ثانيه لاتتجراء حتى انك تتحداني
ومشت وكانها ماسوت شي
وماكانت تسمع الي صوت ضحك الشباب وصوت الي حاول يمنعها من الدخول يتكلم بكلام
فهمت بعضه وبعضه لا بس الاكيد انه كله سب فيها واهم صوت سمعته والي اعجبها صوت
الانتصار داخلها حست كانها اخذت جائزه كانت تتمناها من قرون
ركبت السياره وركبت بعدها ساره
مشاعل: اوكي الحين انا ياسارونه ميته جوع روحي وين ماتبي
ساره قالت للسواق يروح للمطعم وسكتت ماتدري ايش تقول عن هالموقف الي شافته
وبعد ثواني انفجرت ساره من الضحك ومعاها مشاعل وظلوا يضحكوا لما وصلوا للمطعم
حتى بعد ماطلبوا الاكل وهم يضحوا
بعد ماهدت ساره
ساره: تدري انك اجن بنت قابلتها بحياتي وهذا الي عاجبني فيك
مشاعل: حبيبتي انا قلت ماراح امشيها له وشوفي ايش سويت
ساره: بس شلون عرفتي انه هناك
مشاعل: ههههههههه بالصدفه طاحت عيني ع الكوفي وقلت غريبه انه مافيه قسم عائلات
وصرت اطالع السيارات الي موقفه برا وشفت سياره الغبي طلالوه وقلت هذي فرصتي
ساره:ههههههههههههههه ايش موقفك لو مالقيته
مشاعل: كنت بتحطم ويمكن احذف الترم هذا واقضي يومي بالشارع ادور عليه ههههه
ساره: ههههههههههههههههه, شفتي رده فعله هو واصحابه؟
مشاعل: لا بصراحه كنت ابي اهرب اخاف يسوي لي شي
ساره: فاتك وربي , تخيلي اصحابه ودهم يضحكوا بس اظاهر خايفين منه ههههههههه
مشاعل: هههههههههههههههه
ساره: وهو كان مو مصدق يطالعك وياطلع اخوياه وكانه يقول لهم قولوا لي انه حلم
مشاعل: هههههههههههههههه خلاص يكفي سارونه وربي بيصير لي شي اليوم من كثر
ماضحكت
ساره: بس انتي بايخه ليش ماقلتي لي علشان اصور الموقف وربي حرام يروح كذا بدون
تصوير
مشاعل: اسكتي انا كنت مره خايفه كنت بضرب الكيكه بوجهي مو بوجهه لما شفت نظراته
لي يمه مره يخوف
ساره: غريبه ماعرف عيونك
مشاعل: هو شكله استغرب مين هالبنت الي تطالعني ههههههههههههههه
ساره: ااااه وربي احلى موقف مر علي بحياتي
مشاعل: هههههههههههههههه وياما بتشوفي منه كثير اذا ماتركني بحالي
ساره: ههههههههههههههههههههههه
============================
رجعت ساره مشاعل للبيت
في الصاله كان فهد وفيصل وسلطان يطالعون التلفزيون
مشاعل: هلا والله باحلى اخوان بالدنيا
محد رد
مشاعل: يؤؤؤ ليش كذا مسوين ايقنور علي ,, عطوني وجه
سلطان بغير نفس: هلا
مشاعل: ايش صاير
سلطان: ماما حرمتنا من الطلعه الاربعاء والخميس والجمعه الجايه
مشاعل: ليش؟
سلطان: علشان فهد درجاته مو كويسه
مشاعل: وليش فهد درجاته مو كويسه؟
سلطان: ماذاكر طبعا
مشاعل: فهد مو انا قلت لك لاتهمل دروسك شوف شلون الحين لاانت بتطلع ولا اخوانك
فهد: عادي اسبوع واحد مايهم ,, انا لو ذاكرت راح احرم نفسي من المتعه سنه كامله كل
يوم مذاكره
مشاعل: تفكيرك غريب فهودي ,, طيب اسمع خلنا نسوي اتفاق شرايك
فهد: اذا الموضوع يخص الدراسه ,, مابي
مشاعل: هيه انت فيصل شارك في السوالف والا فهد مو اخوك؟
فيصل: اسكتي ميشو انا صغير ماعرف شي
مشاعل وفهد وسلطان : هههههههههههههههههههه
مشاعل: طيب فهودي شرايك يوم السبت نطلع نتمشا انا وانت وسلطان والصغير الي
مايعرف شي
فيصل: هيه بنطلع هيه ,,, ميشو وديني للملاهي طيب
مشاعل: الحين عرفت تتكلم وماصرت صغير هاه
فيصل: اوووووووووه ماما
سلطان: اسكت لاتجي الحين وتقول مافيه طلعه
مشاعل: فيصل ماراح اوديكم الملاهي بوديكم مكان احلى من الملاهي
فيصل: لاااااااااا ابي الملاهي
مشاعل: خلاص انا وفهد وسلطان نروح مكان حلو وانت نوديك لحالك للملاهي
فيصل: لااا روحو معي الملاهي
مشاعل: والله الاناني طيب خلاص اذا جاء يوم السبت اتفاهمنا فهودي حبيبي تعال ابيك شوي
فهد : اوكي
دخلت مشاعل وفهد لغرفتها
مشاعل: فهدوي حبيبي ممكن اسولف معاك شوي
فهد: ايه بس مو عن الدراسه
مشاعل: هو عن الدراسه ومو عنها
فهد: شلوون يعني
مشاعل: امممممممممم ,, فهودي انت كنت من المتفوقين بالدراسه ايش صار لك فيه احد
مزعلك او احد مضايقك؟ علمني انا اختك وانشالله اقدر اساعدك وانت عارف اني
الموضوع راح يكون بينا يعني محد راح يعرف
فهد: مافيه شي بس كذا مالي خلق اذاكر
مشاعل: اها وليش مالك خلق اكيد فيه شي مطفشك او مزعلك ممكن اعرفه
فهد: لا مافيه بس طفش كذا اذاكر واحفظ
مشاعل: طيب ماتبي تنجح مثل اصحابك والا تبي اصحابك ينجحوا وانت تعيد السنه
ويضحكوا عليك
فهد: وبعدين اذا نجحت
مشاعل: تروح للمتوسط
فهد : وبعدين
مشاعل: تروح للثانوي
فهد: وبعدين
مشاعل: تدخل الجامعه
فهد: وبعدين
مشاعل: فهد ايش اصير لك اليوم
فهد: كملي وبعدين؟
مشاعل: اكيد تشتغل
فهد:وين
مشاعل: مع بابا بالشركه
فهد: انا مابي اشتغل مع بابا ابي اصير طيار وماما تقول لا لازم تشتغل مع ابوك علشان
اخوانك مايسرقون فلوسنا
مشاعل: يالله يافهودي علشان تخلص ثانوي باقي لك 9 سنوات ,,, ومن الحين تفكر وين
تشتغل هههههههههههه
فهد: لاتضحكي ,,, ليش ادرس واتعب نفسي وانا اصلا بشتغل مع ابوي
مشاعل: طيب واللي يكلم ابوي ويخليك تصير طيار ايش له
فهد: والله ميشو ,, لك والله الي تبيه
مشاعل: ابي بوسه ممكن
وباسها بوسه كبيره
مشاعل: بس توعدني انك تهتم بدروسك
فهد: مشاعل تدري اني احبك اكثر من ماما
مشاعل: لا حبيبي هذي ماما وعيب تقول هالكلام
فهد: بس هي دايما تهزئك وتهزئني انا وسلطان وفيصل انا اخاف منها بس انتي مااخاف منك
واقول لك كل شي
مشاعل: حبيبي ابيك توعدني ان اي شي يزعلك لازم تقول لي عليه وانت عارفني اني ماراح
اقول لاحد حتى لسلطان
فهد: شكرا ياميشو
مشاعل: العفو حبيبي ولاتشيل هم الحبسه انا انشالله السبت اطلعكم ونعوض ايام الحبسه
---------------------------------------------------------------------------------
بعد الموقف الي صار لمشاعل هذي اول لحظه تكون لوحدها وبدت تفكر في طلال وضحكت
لما تذكرت الموقف
مشاعل" مسكين اكيد الحين معصب ,,, وبطته الي يقول عنها اكيد قال لها عن السالفه ,,,
والا مسكينه ماتدري ,, مسوي عندها انه الولد القوي الي محد يقدر يهزه مسكين,, الحين
بس انام وانا مرتاحه ,,, واصلا بعد هالموقف ماتوقع انه اصلا يفكر يطلع من الفشيله
تذكرت ان حسين دق عليها 7 مرات لما كانت نايمه في بيت ساره
اخذت موبايلها ودقت على حسين
مشاعل: هلا حسونه
حسين:هلا بالنصابه
مشاعل: ليش نصابه؟
حسين:خويتك ماردت علي والا بس عطيتيني رقمها تسكيته
مشاعل: لالا انا قلت لها ماترد عليك ,, لاني كنت نايمه عندها ومانبي نخرب السهره
حسين:اه يالبجيحه بعد تقوليها بوجهي المهم ماعلينا كانت عندي اخبار لك عن خوينا طلال
مشاعل: ايش قول
حسين:مو انا اخرب السهرات ماارح اقول
مشاعل: حسينوه بتقول والا شلون
حسين:لا
مشاعل: عادي اصلا خلاص الموضوع مايهمني
حسين:شلون
مشاعل: اليوم انتقمت منه وماراح اقول لك شلون
حسين:احلفي
شاعل: والله
حسين:ايش صار ؟ قولي لاتتغلين
مشاعل: اول قول الي عندك
حسين:مو خلاص مايهمك؟ والا عشش في القلب وبنا قصور ؟
مشاعل: والله انك سخيف اقول لك اكرهه تقول في القلب
حسين: مابعد كره الا محبه والا بس الولد يستاهل فلوس وشكل واسلوب ورجل
يعني صراحه مايعيبه شي ,,,كامل والكامل وجه الله . الا انه مايطيقك بس
مشاعل بنتباه وتركيز: ايش عرفك
حسين:ابد امس سولفت انا وياه وحكى لي عنك
مشاعل: ايش قال
حسين: قال انه مايطيقك وانه اذا طلع وشاف سيارتك يرجع للبيت وانك شينه مره وثقيله دم
مشاعل عصبت: من زينه هو عاد مصدق نفسه احسن اليوم سويت فيه حركه اسمع ايش
سويت وبدت تحكي له كل شي
حسين: هههههههههههههه ,, وربي انك مجنونه ياليتني كنت هناك اشوف ,,, بس عموما ترى
الكلام الي قلت عنه كذب اصلا الولد ماكلمني ولااعرفه الا من بعيد امس رحت عنده مع
واحد من الشباب قلت بشوف بيته والله مشالله الولد كاش ومؤدب ومحترم غريبه يسوي
معك كذا
مشاعل: يالنصاب تكذب بعد كل هذا علشان تعرف السالفه يالملقوف ,, المهم قول لي ماصار
شي هناك؟
حسين: لا عادي شباب ومجتمعين ايش الشي الي ممكن يصير
مشاعل: يعني جو بنات شي
حسين: لالا الولد واضح عليه مو راعي هالحركات ابد ,,, يمكن فيه واحده يحبها ,, بس
واضح الولد مو راعي ابد حركات الغزل والهبال,, علشان كذا انا مستغرب
مشاعل: ايش عرفك ان فيه وحده يحبها؟
حسين:هذا الي همك؟ اقول ترى سلمان يسال عنك شكلك ساحبه عليه حرام عليك ترى
سلوم يحبك لا تصيري ثقيله عليه
مشاعل: ايش جاب طاري سلمان الحين انا اسالك عن طلال
حسين: ميشو ماتلاحظي انك مهتمه فيه بزياده تبين اجيب لك رقمه
مشاعل: الشرهه مو عليك الشرهه على الي يسولف معاك
حسين: ادري انك ماتقدري تزعلي علي لاني سكرتيرك وماتقدري تستغني عن خدماتي الشبابيه
مشاعل: لاتصير واثق مره ,,, اصلا انا خلاص نويت اترك كل الي اعرفهم خلاص مليت من
المكالمات
حسين: والله باين السناره غرزت ,,, طحتي ياميشو ولا احد سمى عليك ,, اقول انسي الولد
ترى والله مايصلح لك ابد
مشاعل: يووووووووه باي بس انت سخيف وتفسر الامور على كيفك
حسين: اوكي باي باي بس بتدقين علي وانتي تعترفين بحبك له ادري
مشاعل: باي
-------------------------------------------------------------------------------------
مره ايام الاسبوع عاديه من الجامعه للبيت ومشاكل ام سلطان الي ماتخلص ومن البيت
للجامعه
مشاعل قلت طلعاتها وبدت شوي تنتبه لدروسها لان الامتحانات قربت
دق موبايل مشاعل المتصل حسين
مشاعل:الو
حسين:هلا براعيه الالو
مشاعل: هلا والله كيفك
حسين: سلمان ماخلاني انام ولاارتاح بس قلقان عليك ,, ردي وريحيني منه
مشاعل: انا قلت له عندي اختبارات مايقدر؟
حسين:المهم ماعلينا غريبه ماصرت اشوفك تدوري كثير ايش عندك؟
مشاعل: مليت قلت اخذ فتره نقاهه ههههههههههه
حسين: نقاهه والا خايفه من بعض الناس؟
مشاعل مو فاهمه قصده: بعض الناس ؟
حسين: علينا ,,, طلال,,, لو تشوفيه كل يوم بالعليا احس انه يدورك ,,, والله شكله بيقتلك
مشاعل: من جدك انت اخاف انا من هالاشكال اصلا مايهز شعره مني
حسين: طيب اذا انتي مو خايفه اطلعي اليوم
مشاعل: واذا طلعت وهو مو موجود كذا ماراح استفيد لامذاكره ولا اثبت لك اني مو خايفه منه
حسين: لا تخافي سيارته قدامي معه واحد وشكلهم يدورون يرقمو يعني ماتوقع يرجعوا بدري
مشاعل: يرقموا مو انت تقول انه مو راعي هالحركات
حسين: مدري يمكن فطرتي قلبه هههههههههههههه
مشاعل: اوكي انا طالعه بس خلك قريب منه علشان0 ماجلس ادور عليه
حسين: انتظرك ميشو لاتطولي
مشاعل: باي
ولبست مشاعل في ظرف 10 دقايق وطلعت من البيت
مشاعل بعد ماوصلت العليا والزحمه قالت ادق على حسين اشوف وينه
حسين: هاه وينك ؟
مشاعل: انا عند ستار بوكس العليا وينك انت
حسين: انا ورا حبيب القلب
مشاعل: حبيب القلب بعينك ,, انت باي شارع
مشاعل كانت متحمسه تبي تشوفه يمكن علشان تقهره بعد الحركه الي سوتها فيه ويمكن شي
ثاني بس الي تعرفه انها من اخر مره شافته فيها وهي ماتفكر الا فيه
حسين: الو الو وين رحتي
مشاعل: معاك ,, ايه وين قلت لي
حسين: تعالي تقاطع الثلاثين مع الضباب بسرعه
مشاعل: اوكي اذا وصلت دقيت
وقفت ميشو عند توتي كوفي وكان المكان مره زحمه كله سيارات وقالت ادق على حسين
اشوف وينه ورفعت الموبايل بتدق بس سمعت بوري سياره,, التفتت لقت حسين ياشر لها ,,
فتحت الشباك
حسين: هلا والله ايش عندك كل يوم تحلوين
مشاعل: هههههههههه ياملحك بس مين معاك
حسين: معاي واحد لازم تعرفي كل اخوياي ,,, مو معقوله انتي ياميشو لهدرجه تغاري علي
حتى من اصحابي؟
مشاعل: انا اغار عليك انت,,, ليش خلصوا الشباب
حسين:ههههههههههههههههههه
مشاعل: ماودك ترد على موبايلك انا اتصل
حسين:ايه ايه مانتبهت ,, يالله ميشو حتى اتصال تتصلي علي مايكفيك اني قدامك خلاص
خنقتيني بهالحب
مشاعل: حسينوه ايش فيك اليوم صاير لعقلك شي,, رد يادرج
رد على موبايله وقفل الشباك
حسين: ياغبيه طلال جنبك ويسمع كل شي ,, حبيت اقهره ,, لانه مبين عليه متحمس يبي يسمع
مشاعل: احلف وينه
حسين: السياره الي على يمينك بس مو الفراري طالع بسيارته الثانيه ترى مو مضلله بس
لا تلتفتي الحين علشان مايحس اننا نتكلم عنه
مشاعل: اوكي باي
قفلت واستنت شوي والتفتت
لقته يطالعها ارتبكت شوي من المشاعر الي حستها جد كانت مشتاقه تشوفه حست نبضات
قلبها بدت تسرع حست قلبها بيطلع من صدرها نفسها تبتسم له وتقول خلنا ننسى الي راح .
بس المشكله هي ماتعجبه ويكرهها مو معقوله تذل نفسها له ,, واكيد بعد الي سوت له
مستحيل يفكر فيها
رجعت طالعت لقته يحاسب عن الكوفي الي طلبه له ولصاحبه
مشاعل: يالله ,, يابخت الي يحبها ,,, اكيد اسعد وحده بالدنيا,, شلون ماتكون مبسوطه وفيه
كل معاني الرجوله . لو انا حبيبته تكفيني بس عيونه ,, يابختها خويته
بعد مادفع الحساب طالع طلال مشاعل واشر للفلبيني على سياره بنات كانت واقفه جنب طلال
والبنات كانوا كاشفين ويطالعوا طلال وخويه
انتظرت ميشو تبي تشوف ايش راح يصير ,,, رجع الفلبيني لطلال وتكلم معاه ,,, وابتسم
طلال للكلام اللي قاله الفلبيني واخذ موبايله طلال وكانه يتصل او يمكن يرسل رساله ,,
لاحظت مشاعل ان وحده من البنات كانت تطالع موبايلها وكأنها تنتظر شي
مشاعل خافت ان اللي في بالها يكون صح ان طلال يرقم البنت
البنت الي كانت بالسياره طالعت طلال وابتسمت واشرت له انها خلاص وصلها الرقم
مشاعل"يعني كان يرسلها بالبلوتوث رقمه الحقير مسوي اخلاق طيب"
طالعته لقته يطالعها وهو ماسك ضحكته,,, فتحت شباكها وقالت له
مشاعل: الله لايعمينا اذا تبي ترقم اعرف مين تختار مو هالشينه الي ماتعرف الحلا
طلال: يمكن تكون شينه ,, بس احلى منك. وابتسم
مشاعل: انت اصلا مغرور وشايف نفسك وهذي الشينه كفوك صدق الطيور على اشكالها تقع
طلال: ههههههههه صادقه لاني ماوقعت عليك لانك مو من اشكالي ,, بس اهنيك على خويك
باين عليه خرووف تتحكمي فيه زي ماتبي
مشاعل تذكرت ان حسين موجود وتمنت ينقذ الموقف ماودها تدخل في مشاكل مع طلال
طلال: اسمعي يابنت الناس
مشاعل: خير
طلال: بليز اذا شفتيني تخيلي اني مو موجود وانا كمان نفس الشي ,, خلاص اخذتي بثارك
المره الي فاتت ,, وماتوقع بينا كلام ,,, علشان كذا خلينا نتحاشى بعض احسن
اتفقنا
مشاعل حست بحزن ماتدري ايش سببه يمكن علشان يطلب منها انها تبتعد عنه,, اشمعنا انا مايبيني ,,, ليه
مشاعل: اتفقنا ,, بس مو اذا شفتني بمكان تتميلح عندي اوكي
طلال ابتسم ابتسامه استهتار ورفع حواجبه: ابشري ماراح اتميلح على قولتك ,, تبين شي ثاني؟
مشاعل: ايه
طلال حس انه عطاها وجه : خير
مشاعل: لاترقم صاحباتي اوكي
طلال: وليش انا اي بنت برقمها لازم اسالها اذا تعرف مشاعل او لا؟
ايش عرفه باسمي . الحين تاكدت انه يعرفني قبل
مشاعل: كيف عرفت اسمي
طلال: الي يسال مايتوه وانتي اشهر من نار على علم
مشاعل: ايش قصدك مشهوره؟
طلال: انتي اعرف بنفسك اسمعي مشاعل انا مو فاضي لسوالفك خلاص مثل ماتفقنا
مشاعل: اوكي لي الشرف اني اتجاهلك,,, واصلا ماراح اطلع الايام هذي ارتاح عندي اختبارات
كانت تبي تتكلم معاه باي موضوع يمكن تخف حده التوتر الي بينهم
طلال: الله يوفقك مع السلامه
مشاعل: باي
ابتعد طلال بسيارته البنتلي وهي تطالعه
مشاعل" يالله ليش انا حريصه عليه ابي اطلعه من راسي مو قادره"
حسين كان يدق ويدق ,,, التفتت جنبها لقته واقف بسيارته معصب ويأشر على موبايله
ردت عليه وهو متضايقه
حسين: خلاص اذا هو جنبك تصفطيني على جنب
مشاعل: خلاص اصلا اتفقنا اننا مانكلم بعض وكل واحد يتحاشى الثاني
حسين: وليش تقوليها بمراره
مشاعل: حسين
حسين: هلا
مشاعل: احس اني مقدر اشوفه يرقم بنات . مقدر اسمعه يكلم اي بنت ,,, احس الغيره بتذبحني
مقدر اشوفه ومااكلمه .مقدر اشوفه وماحط عيني بعينه
حسين: يالله كل هذا وانا مدري,,, كل هالمشاعر ماطلعتيها الا لهذا,,, والله الي منتي لاقيه منه ريق حلو
مشاعل: حسين الله يخليك اوقف معاي
حسين: والله ياميشو ماتوقعت انك رومانسيه لهدرجه
مشاعل: حسين قول له اني ابيه بليز
حسين: وكرامتك يالمجنونه
مشاعل: حسين شسوي . طيب جيب لي رقمه وانت ماعليك
حسين: مشاعل فكري زين بالموضوع لاتتسرعي يمكن يردك وهذيك الساعه بتكرهي نفسك
مشاعل: تتوقع يرفضني
حسين: لا انا متاكد
مشاعل: ايش اللي يخليك متاكد
حسين: نظراته لك وكلامه معاك لو يبيك كان رقمك اول مره شافك فيها
مشاعل: حسين يمكن هو يعرفني لانه يعرف اسمي
حسين: اذا هو يعرفك انا ابصم لك على المليون انه ماراح يتعرف عليك
مشاعل: ليش انشالله
حسين: ببساطه بيعرف انك مغزلجيه واكيد ماراح يدخل نفسه في متاهات مع وحده تعرف
غيره 10000000 واحد
مشاعل: حسين حرام عليك انا مو كذا
حسين: اجل انتي ايش ماتكلمي ماتعرفتي على نص الشباب الي يدورا اذا ماكنوا كلهم
تتوقعي يكلمك ليه علشان انتي حلوه؟ فيه غيرك حلوات . علشان اسلوبك معاه؟ انتي
شفتي شلون تعامليه بالله قولي لي ليش يكلمك؟
مشاعل تتكلم وصوتها مبحوح كانت العبره تخنق صوتها: حسين ,,,بعدين اكلمك
وغطت وجهها بالطرحه وهذي اول مره تسويها ماكانت تبي حسين يشوف دموعها
وقتها عرف حسين انها كانت جاده بكلامها وانه اكيد جرحها بس حسين يحب مشاعل كصديقه
ولازم يصارحها ماوده يكذب عليها
----------------------------------------------------------------------------
وصلت البيت وهي شبه منهاره تفكر ايش الي خلاها تكلم شباب وتتعرف على هذا وذاك
يمكن وضعها في البيت او يمكن تبي تحس انها مرغوبه ,, وفيه شباب يتمنوها .طيب كانت
حياتها ماشيه حلو لحد ماطلع طلال ,, اشمعنا طلال ,, يمكن علشان هو غير الشباب,,, ماكانت
تهمه او تحرك فيه شي. يمكن. ليش ماتعتبره مثل اي واحد,,, لانه حسسها انها ولاشي وهذي
اول مره تحس بهالاحساس ,,, اكيد هذا السبب الي خلاها تتعلق فيه ,, بس مجرد ماتتعرف
عليه اكيد راح يكون مثله مثل غيره
-------------------------------------------------------------------------------
في سياره طلال
عبدالله: اقول شفت خوي مشاعل
طلال: ايه ايش فيه
عبدالله: ماعرفته
طلال: لا
عبدالله: هذا الي سالتك عنه بالمجلس
طلال باستغراب: كان عندي بالمجلس
عبدالله: ايه شلون مانتبهت له, قلت لك ان فيه ناس يجوك وانت ماتدري عنهم ,, شكله هو
الي عطاها معلومات عنك,, لما اقول لك لاتدخل مجلسك ناس ماتعرفهم تسمع كلامي
طلال: صادق والله . بس غريبه شلون دخل مجلسي اكيد يعرف احد من العيال
عبدالله: ايه شكله يعرف ابو خليل لاني شفته يسولف معاه
طلال: ماعلينا خله يقول لها اي شي انا مو خايف من شي,,, بعدين خلاص انا حددت موقفي
معاها وماظنها بتضايقني او تفكر فيني حتى
عبدالله: اشك ,,, انت ماشفت لما رقمت البنات كيف كانت بتاكلك بعيونها,,, تدري لو انا
ماعرف شخصيتها كويس,,, كان قلت انها تحبك
طلال: هههههههههههههههه حب مره وحده والله كلمه الحب اشوفها سهله على لسانك
عبدالله: لو انت شفتها كان قلت اكبر من هالكلمه
طلال: يمكن تكون انقهرت لاني مارقمتها وهي متعوده انها تترقم دايما علشان كذا حست بالغيره
من البنات بس حب ماتوصل ابد
عبدالله: بصراحه البنت هذي احس حتى ابوها ماتحبه
طلال: بعكسي احس عندها مشاعر ماتملكها اي انثى ,, بس محتاجه من يفجرها
عبدالله يتكلم بخوف: ومن الي بيفجرها لايكون انت بس
طلال ضحك على خويه الي خاف: يمكن ليش لا ههههههههههه
عبدالله: اقول بس خلك بعيد عن الشر وغني له
طلال: تدري من كثر ماتهاجموها بديت ارحمها
عبدالله: اقول ترى طاريها يحسسني بالاشمئزاز غير السالفه تكفى
طلال: احلى يااشمئزاز , ليش حامل
عبدالله: هههههههههههههههههههه , ايش دخل الحمل يالدلخ
طلال: مدري عنك ,, تدري ابو عابد حسيت في عيونها كلام كان ودي اسمع ايش تبي تقول
عبدالله: طلال,, انت الي عندك كلام تبي تقوله ,,, قول وخلصني,, تبيها؟
طلال: مجنون انت ,, ولا افكر حتى ,, اول شي انا مشغول بالمؤسسه ,, وبعدين مع امي واخواتي
الي مو قادرين يتأقلمون هنا ,, تعرف احنا عايشين برا وتعودنا على بيتنا هناك والبيئه والناس
هناك غير هنا يمكن انا قدرت اتاقلم لاني اجي هنا كثير علشان المؤسسه بس هم لسى ,, وبعدين
لو فكرت احب مستحيل احب البنت هذي لسببين اول شي انا مااثق فيها ثانيا مستحيل اخون غسان
عبدالله: بس غسان انتهت العلاقه بينهم من زمان
طلال: ادري بس كانت خويته بيوم من الايام
عبدالله: افهم من كلامك انك كنت مفكر بالموضوع
طلال: اممممممممم يمكن لو كانت الظروف غير يمكن ,, بس في هالاوضاع مستحيل
عبدالله: الحمدلله انه مستحيل,, مدري ليش البنت هذي عندها سحر اي واحد يشوفها يحبها
طلال: المشكله ياعبودي المظاهر دايما خداعه
عبدالله: ماعلينا البنات الي شفناهم هاه رقمتهم
طلال: ههههههههههههه ايه ارسلت لهم الرقم ناقص
عبدالله: مجنون ليش؟
طلال: انت عارف اني ماحب ارقم بس كنت ابي اقهر مشاعل,,, بشوف ايش راح تسوي
عبدالله: وتقوم تنقص رقم كان عطيتهم رقمي انا ياشيخ
طلال: مره ثانيه انشالله اذا شفت مشاعل اعطيهم رقمك
عبدالله: وليش انت ماترقم الا اذا شفتها
طلال: تدري عبودي احب نظرتها لما تشوفني ارقم غيرها
عبدالله: الله يستر شكلك بتقلب غسان الثاني
طلال: لاتقارني بغسان ,, يمكن غسان ماعرف شلون يوصل لقلبها
عبدالله: وانت ناوي توصل انشالله
طلال: قلت لك البنت ماتصلح لي بس مومعنى كلامي اني ماقدر اوصل لقلبها
عبدالله: مصدقك انك تقدر بس الله يخليك فكنا من المشاكل اخاف بعدين هي الي توصل لقلبك
طلال: هههههههههههههههههههههههههههههه تبطي
ورفعوا على صوت الاغاني وكملوا مشوارهم
=================================================
==================================================
================================================