الموضوع: وربي مليت

شكرا لكم وانا ملاحظه نفسي متغيره 180 درجه واكيد من دعواتكم الله يخليكم لي ولمياسه ولأهاليكم أنشاء الله

اول مره ادري انك مريضه هـ هـ هـ هـ

لازم اغير النظره فيك اخاف تعديني هـ هـ هـ هـ


تعالي انا مغرور وانتي مغروره نسوي نفرين غرور

سلامتك ياغاليه وسن

ماني مريضه يا حــلــو :)

يكفينا الشر خخخخخخخخخخخخخخخخخخخخخخخ حاله وعدت

[align=center]الحل جدا بسيط اختي وفوق ماتتصوري

بداية احييك على صراحتك وقلة من يعترف بعيوبه

من ناحيتي لا اعتبر هذا مرضا ابدا ابدا انما طبع في الانسان وقابل للتغيير في حالة وحدة بس هي بالاعتراف

وكونج اعترفتي هذا معناه انك راح تتغير 100%

اعذريني راح اسهب في الموضوع شويه

اختي بغيت اعرف كيف علاقتج بربج؟ هل تؤدين الصلاة وبوقتها والا تاخرينها شوي ولا تقطعين فترة وفترة؟

كم مرة تقرئين القران؟ وفي اي وقت او بالاحرى اكثر الاوقات والا تهجرينه احيان؟

تحافظين على صلاة الليل والا ما تصلينها؟

تحافظين على اذكار الصباح والمساء؟

تحافظين على اذكار النوم والا تنامين وبس؟

تسمعين اغاني؟ كم مرة؟وفي اي وقت؟وشو نوعية الاغاني اللي تسمعينها؟

لاتخافين من هالسؤال انا اسمع اغاني بعد بس لي هدف معين

كيف علاقتج بامج وابوج واخوانج وخواتج؟طبيعة العلاقة قوية سطحية عادية تاتمنين احد منهم على اسرارج يمدحونج يحطمونج بكلامهم؟مدري هذا يعتمد عليج

يوم كنتي صغيرة كان عندكم خادمة بالبيت والا سواق؟

اذا كان الجواب لا عندكم الحين؟اذا كان نعم من متى؟ وطبيعة علاقتج فيهم؟ شلون تطلبين منهم يسون لج شغلة ؟ بصغية امر يعني سوي كذا وبنبرة حادة والا سوي كذا وبكل هدوء؟

بغيت اعرف نوعية صديقاتج قلتي في منهم يدخنون واكتفيتي الين هنا بغيت اعرف هل هم ناجحين بعملهمبحياتهم يسايرون الموضة انيقات بغيت اعرف نوعيتهم لو سمحتي

اخر سؤال وهو المهم عندي انتي طول عمرج عايشة بخير ونعمة والا لما كبرتي شويبصرااااااااااااااحة لو تكرمتي!!

طبعا راح تستغربين اسئلتي وتعتبرينها لقافة وفضول وبعضها مالها داعي بس هي مرتبطة ارتباط وثييييييييق بعلاجج

ابغاج تجاوبين وبصدق ولو على الخاص اذا كنت بصدق تبغين الحل وحابة تتغيرين للافضل

وبالنسبة للغرور برايي الشخصي اللي تكون بنت عيلة وبنت عز واصيلة صدقيني ماتشوف حالها الا بحالة وحدة اذا كانت تحس بنقص!! بس شو هالنقص من اجوبتج على اسئلتي بعرف

وبعدين طبيعي الشخص قبل ليتعرف على احد يحب يعرف عنه كل شي عشان يختار الصديق بس اني مااتعرف على فلانه عشانها اقل مستوى والا ماهي بنت عيلة قوية شوي

شو الفايدة تكون بمستواي او اعلى وبنت نعمة وفي الاخير اخلاقها ماتشرف؟

اهم شي اخلاق الشخص لان الصاحب ساحب

اعتذر على اطالة ياقلبي بس انتظر الرد بشوق!!

واذا ماتبغين تردين براحتج هذا شي راجع لج انتي حطيتي المشكلة وبغيتي الحل والحل ينتظرج!!



دمتـي بــ ــــود[/align]

كيف علاقتج بربج؟ هل تؤدين الصلاة وبوقتها والا تاخرينها شوي ولا تقطعين فترة وفترة؟

لا والله الحمدلله قاضية فرضي على أكمل وجه

كم مرة تقرئين القران؟ وفي اي وقت او بالاحرى اكثر الاوقات والا تهجرينه احيان؟

والله وبصراحه ان فضيت

تحافظين على صلاة الليل والا ما تصلينها؟

أحيانا
تحافظين على اذكار الصباح والمساء؟

أي والله دايما
تحافظين على اذكار النوم والا تنامين وبس؟

والله ان كنت دايخه اقط راسي على المخده وان يعني الحمدلله محافظه

تسمعين اغاني؟ كم مرة؟وفي اي وقت؟وشو نوعية الاغاني اللي تسمعينها؟
على النت دايما اغاني بسيارتي اغاني ونوعيه الأغاني كل شي



كيف علاقتج بامج وابوج واخوانج وخواتج؟طبيعة العلاقة قوية سطحية عادية تاتمنين احد منهم على اسرارج يمدحونج يحطمونج بكلامهم؟مدري هذا يعتمد عليج

انا ما عندي الا اخت واخو واثنينهم متزوجين وبرى البيت وابوي دايما مسافر بشغل وعلاقتييي مع أهلي الحمدلله متواصله ويحبوني واحبهم ومالي غيرهم بهالدنيا وما أئمن على سري الا بنت خالتي وهي اصغر مني بالسن

يوم كنتي صغيرة كان عندكم خادمة بالبيت والا سواق؟

من اول ما انولدت وعندنا 6 خدامات وسايقين

اذا كان الجواب لا عندكم الحين؟اذا كان نعم من متى؟ وطبيعة علاقتج فيهم؟ شلون تطلبين منهم يسون لج شغلة ؟ بصغية امر يعني سوي كذا وبنبرة حادة والا سوي كذا وبكل هدوء؟

قلت لك من اول ما نولدت ومالي شغل فيهم أبد وما اطلب منهم ولا شي وشغلي انا اسويه الا يعني بعض المرات ان كان مالي خلق


بغيت اعرف نوعية صديقاتج قلتي في منهم يدخنون واكتفيتي الين هنا بغيت اعرف هل هم ناجحين بعملهمبحياتهم يسايرون الموضة انيقات بغيت اعرف نوعيتهم لو سمحتي

اي طبعاا ناجحين انيقات بنات واذا سألتهم يقول الدخان موضه هالأيام :(

اخر سؤال وهو المهم عندي انتي طول عمرج عايشة بخير ونعمة والا لما كبرتي شويبصرااااااااااااااحة لو تكرمتي!!

والله وبصراحه انا من اول ما وعيت على الدنيا واحنا بخير ونعمه وطبعا هذا جاء من تعب الجيل الي قبلي الي هم أجدادي



وغــروري شي عجيب غريب يقول البعض الي بالمنتدى ما فيج غرور لكن حصلي موقف واصحاب هالموقف قالوا لي اني مغروره ومن هاللحظه احس اني مغروره

وعليكم السلام

انا ماعمري نصحت البنت نصيحه الا نادر ويطنشون

نشوف انتي أجل

زي ماقال لك الاستاذ بوح

ان نعترف باخطائنا
والاروع اننا عرفنا ماهي الاخطاء

كلامك سليم ومحله ولكن واذا كرر الخطاء هذا هو العيب ولا انا غلطان يالاستاذ بوح

بصراحه أنا اعاني من شي اسمه أنانيه

شوفي اختي نوت لاتفكري نفسك انانيه ومن قال لك انتي انانيه وضحي لي

ومن شي أسمه غرور

ليش عمرك رفضتي على شي حلو مثل هدايا او شي زي كذا

اما رفضتي عن اشياء مش حلو كفوا زوليه والله زوليه يعني بنت من ظهر الرجال

احذري ترفضي عن هدايا او شي زي كذا وراح يحبونك

فهمتي

وتكبر لكن مدري على شنو وشي ثالث الغيره

اي شي اشياء مش حلو ارفضي رفض فورا وخليهم يقولون يقولون من هنا لبكرة

وربي مـليت وماني مستحمله

على شنو مليتي ؟ الغرور والتكبر وما أدري شنو

لاتفكري نفسك كذا ماشي شيلي من راسك ونظفي راسك ولاتفكري خير شر

حتى البنات الي يبون يتعرفون علي اول شي اشوف من اي عايله ان كانت بمستواي اماشيها واذا مو من مستواي ما اقرب صوبها

زوليه والله وكفوا هذا التربيه

واحاول التهرب وانا عارفه هالشي فيني ولكن والله طبــعي وانا الحين ماره بمرحله حب واخاف غيرتي او انانيتي تخرب عــلي تكفون

التهرب عن اشياء مش حلو هذا رافعه راس اهله

واتمنى يكون كلامي واضح ما أدري بعض الاعضاء مايفهمون كلام أهالي تميم

شوفي نوت ’ اذا أحد قال لك ادخلي النار تدخلي النار ولا لا .؟

نايف التميمي شكرا لك واكيد لا ما ادخلها من يروح للنار برجله وربي مشكووووووووووورين وما تقصرون

[align=center]الحبيبــة نــــ نجـد ــوت

شحالج يالغاليــة؟

ياعساج دوم بخيــر

بداية احييك على سعة صدرك

وراح ادخل بالموضوع مباشرة| واعذري لغتي .!!

شوفي ياقلبي انتي على طول صدقتي اللي قالولج انج مغرورة؟

محشومة من الغرور

لاتنهز ثقتج بنفسج انتي ماغلطتي ولا انتي شايفة حالج

ماهو غرورهو اعتزاز بالنفس

احيانا طريقة تصرفات الشخص واسلوبه في الكلام وطريقة لبسه وحتى صمته تخلي الناس يفتكرون انه مغرور

وساعات الشخص يتكلم على نياته ويقول رحنا وسوينا وفعلنا وعندنا ومن هالكلام هالشي يضايق اللي حواليج احيانا قد يكون في مجتمعج الصغير هالتصرف عادي وفي المجتمع العام قد تتهمين بالغرور وهذا اللي صار

لكن قد تصدر من رفيجاتج تصرفات ماتعجبج او بالاحرى تحسين انها غلط وماتربيتي عليها ساعتها بالحيل تقولين الحمدلله اهلي ماربوني على كذا
ومع تكرار الخطا يزيد اعتزازج بنفسج وبتربيتج الامر اللي يعطيج زيادة بحب النفس وما انتي عليه بس ماهو غرور هو اعتزاز بالنفس

مين منا ماعنده فسحة من الانانية والغرور بداخله؟ كلنا بس تتفاوت بحسب الاشخاص في منهم تكون واضحة وفي منهم من يتحكم فيها وفي منهم من تكون لديه منعدمه

وبالنسبة للغيرةمين منا ما يغار؟

بعض الامور اللي تبنتلي من اجاباتج

عندج فراغ داخلي رهيب واحيانا يعتريج الخوف بس انتي غامضة من الدرجة الاولى!!
و تفضلين تحتفظين بعالمج الخاص لج ومو اي احد يقدر يدخله الا اذا دخل مزاجج
وبالنسبة للفراغ انا ماحددت نوعه لاني مااقدر احكم من مجرد كتابة كيبوردية بس هذا اللي تبين لي
وعندج شغلة السعي الدائم وراء الكمال لاثبات الذات وارضاء الانا وهذا اللي يضايقج احيانا ويخليج بصراع مستمر مع نفسج
ومب عيب ان الشخص يدور على الناس اللي بمستواه الفكري والاجتماعي العيب انه ما يصادق الا بس اللي مثله
واللي اقل منه لا لدرجة ان وحدة اعرفها ماتصادق الا البنات الجميلات مثلها مهما كان مستواهم!!
اما سؤالي عن طريقة تعاملج مع الخدم كنت ابغى اعرف نظرتج للاقل منج ومبين انج ماتحبين تتعرفين او تتقربين من الاقل منج وتكتفين بالبعد عنهم الا اذا اضطريتي

طبعا مااقدر اكمل بقية الكلام عنج لاني رديت بناء على اجوبتج وطبعا لو انج جدامي كان غير |يشرفني لقاج!!

عندي بعض الامور ابغى اوضحها


العلاقة القوية بالله تعني التواضع والزهد
القراءة المستمرة للقران تلين القلب
الاستماع للقران يسمو بالروح ويعطيج طاقة ايجابية
صلاة الليل تشيل الغرور والانانية وتعطي احساس بالرضا عن النفس
اذكار الصباح والمساء حرز من الشيطان اللي يوسوس في الذات ويقوي الانا
نوع الاغاني يحدد طبيعتج وانتي ماقلتلي نوعهاوافضل اغنية تحبينها وترددينها والمغني او المغنية اللي تحبينهم
ولما سالتج الصلاة بوقتها كنت اقصد اول ما ياذن تروحين تصلين والا بعد ما يخلص الامام من الصلاة؟
لان بين الاذان والاقامة الدعوة مستجابة فما بالج لو صليتي في ذاك الوقت؟
الصلاة شحن للطاقة الايجابية وازالة للطاقة السلبية

نجي للحل

قلت لج قبل كذا يا غلاتي ان الحل بسيط جدا

كل اللي محتاجته هو الاستمرار على الحرز اليومي والمحافظة على الصلاة خصوصا صلاة الليل

وما تصدقين احد اذا اتهمج بالغرور بس تدوين هالملاحطة بفكرج وتجلسين بينج وبين حالج تقيمين نفسج وتصرفاتج وراح تعرفين اذا هالكلام صح والا لا

دمت بحفظ الرحمن

[/align]

اول شي مشكووووووووووره صج صج صج مشكووره والله يعطيج ألف عافيه وانا اليوم كنت حيل تعبانه ورحت لدكتور نفسي طبعا بعد ان اقنعوني ناس بالمنتدى ولما رحت قالي انتي مو مغروره ولا شي انتي عندج ثقــه بنفس والناس ينظرون لج بنظرة أنها وحده مغروره وانا احييج على ثقتج بنفسج لأن بهالوقت مافي احد واثق بنفسه وبخطوته نفسج اما عن الأنانيه يقول مع اني دكتور نفسي واعالج لكن حتى انا اناني وبس انا الي ابي انجح اتمنى للي أحبهم الخير بس وانا أنانيه ولكن بخفه يعني ما احب للخير الا للي أحبهم بس عن جد أشكر الكـــــــــــل والله يعطيكم العافيه ولولاكم ما وصلت لهالحاله بس مو تحسبوني مينونه هههههههههههههههه