الموضوع: الحلم ضايع

الحلم

الحلم ضايع



كيف الوم الوقت وانا ما قدرت اكشف غطايه
كل ما جبت كلمه ارتعش فيها ارتيابه


خوفي اللي زعلتني صدقت فيني الوشايه
ليه يا دنيا ابسئل كل شي منك اهابه


اذكر اني في دروبي ساري مالي نوايه
لين جادت بي جروحي وسكنت فيني كأبه


ليه انا من دون غيري قصتي ماله نهايه
كم زرعت الحلم فيها ياقسى حلم درابه


كم كلمه بحت فيها كلها اسـرار ودرايه
ماقوى حلمي يجيبه ماقواها من عذابه


انت وينك وانا ويني ياعنا يكـفي عنايه
شفـت حالي وهان حظي مانفع فيه الكتابه


ما قوتني حظي اقفا مانفع فيني وفايه
ما قوتني لاني ذكرى ماقويته في شبابه


تدري انه ضاق صدري يوم رددت النهايه
وادري ان الحلم ضايع ضايعٍ بأول حسابه


ليتني ما جيت يمه وماعـرف عني وفايه
كان اقول انه تبدل وكل رد منه اعابه


استفزتني وانا ادري الخطاء ماهو خطايه
استفزتني وتدري خايف دربه وبابه


هذا انا واللي عرفني قال من يلحق جزايه
هذا انا واللي عرفني زاد في قلبي نصابه


هذا انا لو ماعرفته ماتمنيت الوصـايه
هذا انا لو ماعرفته مافقـد عقلي صوابه


بالنهايه هذا حظي مايلام من البدايه
هذا صدقي هذا طبعي مرحباً به ياهلابه




الشاعر ابراهيم السنيدي

---

hgpgl qhdu