خالد, سيد, قصيده

وقت من البطى وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي قبل بيتك تمرينه
وانا اللي من تفارقنا وانا ماغمضتلي عين
غريبه كل حلم يمر في رقادي تزورينه
والاغرب كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شرايينه
تركته في يدك مثل الامانه واحفضيها زين
ترى حفظ الامانه دين مجبوره تردينه
اجل مافي احد قد قالك حفظ الامانه دين
مرد المقفي بيلفي ويستوفي وتوفيه
بعد ليله ثلاثه اربعه عشره شهر شهرين
اذا انتي ماانتي قد الكلام اللي تقولينه
حرام استأمنك حاجه واذا جيت اطلبك تنسين

i`i rwd]i ggahuv phl] .d]