الموضوع: التاجر والببغاء .!!!

التاجر

هلا وغلا بأعضاء المنتدى ومرحبتين بالزوار الكرام

بصراحه والله الببغاء صادق انه أغبى واحد في العالم اقروا القصة وتعرفون ليه !!


كان فيه واحد " على نياته "
جرّب يستثمر أمواله !
وكان عنده ببغاء يتكلم
لكن مشكلة الببغاء إنه كل ما شاف راعيه قال : ياغبي يا غبي يا غبي ! .
راعيه ضاق صدره . وقرر ياخذ الببغاء لمدرب الطيور علشان يعدّله .
: يا مدرب الطيور شف لك صرفة مع هذا الببغاء كل ما شافني فشلني عند الناس " غبي ، غبي " ! أبيك تدربه زين وتعدّل كلامه علشان يغيّر هالكلمات الي يرددها كل ما شافني
قال المدرب : ما عليك خلّه عندي كم يوم
ولما راح راعيه جاب المدرب " سطل " مويه حاااارة وحطه قدامه . وسأل الببغاء
: أنا مين ؟!
قال الببغاء : أنت صديق الغبي !
وينزله المدرب في المويه الحاااره ثم يطلّعه ويسأله .
: أنا مين ؟
قال : أنت صديق الغبي
وينزله في الموية مرة ثانية ثم يطلعه
: أنا مين ؟
وعلى هالحال حتى تربى الببغاء وتسنّع
أخيرا قال له المدرب
: أنا مين ؟!
قال الببغاء : أنت صديق أذكى واحد في العالم
ويوم جا راعي الببغاء قال المدرب : تفضل اسأله .
قال راعي الببغاء : أنا مين ؟!
قال الببغاء : أنت مين ؟! وهذا سؤال !! أنت الذكي إلا أنت أذكى واحد عرفته في حياتي !
قال له راعيه : طيّب وإذا لعبت بفلوسي على كيفي ؟!
قال الببغاء : هذي فلوسك من عرق جبينك تسوي فيها اللي تبي
قال : طيّب . إذا دخّلت فلوسي عند " هابتكو " ؟!
قال الببغاء : ممتاز حركة استثمارية في غاية الذكاء ومن أذكى واحد في العالم
: طيّب وإذا دخلت فلوسي عند " الجمعة " ؟
: طبيعي . تنويع استثماري من أذكى واحد في العالم !
: طيّب وإذا دخلت فلوسي عند " ابن حسن " ؟
: ذكاء خارق وماشي مع الحكمة اللي تقول " لا تحط البيض في سلة واحدة " فعلا أذكى واحد في العالم !
: طيّب وإذا دخلت فلوسي في الأسهم وخسرت ؟!
قال الببغاء : يا عمي هاااات المويه !! غبي غبي غبي قايلّك هذا أغبى واحد في العالم !!

---

hgjh[v ,hgffyhx >!!!