الموضوع: التمثـــــــــــــــــــــال

التمثـــــــــــــــــــــال

عفا الله عن خطا غدر الخناجر والضلوع ابطال
بسامح واتركك تحت الظلام لحاللك لحاللك
دخيلك وفر دموعك ترى هدر الدموع ذلال
وترى مافي احد يصبر مثل صبري بغربالك
انا عيب علي انقض كلامي والرجال افعال
واذا قلت بقطع حبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي عشان ارأف بحالك
مسوي في دنيتي شي مايذكر ولاينقال
حتى العدو وهو العدو مايعمل اعمالك
تصبحني على الهم وتمسيني على الغربال
تقلطني فناجيكك وتكسر عني دلالك
تحملت التعب لاجلك وانا حملي يهد جبال
رحلت من العذاب وماوقفت الا على جالك
علامك كل ماجيك متواضع جيتني تختال
معاك ليامتى بصبر وصبري معك يحلالك
مثل مااقبلت لعيونك لزوم تردلي بقبال
ومثل ماقد حشمتك حس احشم قلبي اشواللك
انا ماحدن بجابرني اساير معك هالمنوال
ترى لاني تبيعن لك ولاني باصغر عيالك
انا جيت اعشقك نبض ومشاعر اعشقك تمثال
انا جيت اسكنك واحياك وابقى فيك وابقالك
انا ماكنت بك عاقل انا كنت اعشقك بخبال
انا ماكنت احبك حي انا كنت اعشقك هالك
تصدق من كثر مااخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
بسوي مثل مااشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال لك عندي هبال اطفال
لا وابشر بعد بهبال حب ماهو بهبالك
واذا قصدك تهين اسمي عشان تشمت العذال
حشى لاانت ولا غيرك ولاعشره من اشكالك
وسلامتكم


القصيده للشاعر حامد زيد

---

hgjleJJJJJJJJJJJJJJJJJJJJJhg