الموضوع: صــفـحه مــن حياتي

مــن, صــفـحه

صــفـحه مــن حياتي



يا طيور الشوق غنّي عن جروحي لي مضن
عن قديم ٍ في زماني ذكّريني يا طيور


عن بطولات المحبة والمآسي والحزن
عن حياةٍ تحتويني بالسعادة والسرور


عن بقايا ذكريات ٍ من حياتي وانمحن
عن بساتين الطفوله يوم كنّا كالزهور


كانت احلامي اماني والاماني يركضن
كنت في حلمي اسابق كبريائي والغرور


كانت ايام الطفولة ما يساويها ثمن
ذاك وقت ٍ من حياتي كنّه ايام وشهور


يا طيور الشوق غنّي ما تعدّى من زمن
ذكّريني بالصداقة بعد فقدان الشعور


ذكّريني في خليل ٍ لا ولا غيره سكن
في مساحاتي وربوعي واعتلا عرش القصور


غني عن وقت المعزة كيف ولّى واندفن
مثل شخص ٍ مات مذنب واندفن بين القبور


غنّي عن قلب ٍ توّلع في غرامه وانفتن
عن بقايا الشوق ياللي مالقينا له حضور


كانت ايام ٍ جميله والمحافل يشهدن
والنسايم والصحاري والشواطي والصخور


كنت اغنّي في نهاري والليالي يعزفن
والبشاير تحتويني والهنا حولي يدور


وين خلّ ٍ بالعطايا زاخر ٍمثل الدجن
لي سقى بستان قلبي واثمرت فيه البذور


يا طيور الشوق غنّي مابقى لي من لحن
وابدعي في وصف قلبي ياللي قد صابه فتور


عمري انغام ٍ تغنّت من تلاحين الشجن
واعزا عمر ٍ بنيته واكْثرت فيه الكسور


هذي صفحة من حياتي لن تعاودني ولن
لن اعيش العمر كلّه ضايع ٍ بين السطور


هذا حالي يا طيور وكلّ منّا له وطن
حد عايش ع المآسي حد في عمره فخور


يازماني لك تحية عدّ ما ورق ٍ لعن
ولك سلامي عدّ طير ٍ طاير ٍ فوق البحور






الشاعر مصبّح بن محمد

---

wJJtJpi lJJk pdhjd