الموضوع: فص فص والكحول (الروايه التي ابكت هيفاء وهبي)

الروايه, ابكت, هيفاء

يالله انك تحيي كل من رز خشته بها الموضوع

يانه واحشني هالقسم
بعد غياب دام فتره نلتقي بهالموضوع وللمعلوميه ان الموضوع الماثل امامكم
ماهو الا قصه من الخيال وهدفها حال الشباب ونتمنى الفايده للجميع


احداث القصة :


انا ولد وش حليلي من البيت للمسجد ومن المسجد الى بيوت جيرانا ، اجيب الصحون منهم لأن امي كل يوم تسوي لنا
ولهم تخبرون شغل اول

المهم كل عجز الحارة وشيبانها يقولون : يا حليل فص فص ما شاء الله على فوس فوس


وكود ما اسمع مدحه ، اطير بالعجة <<-- اصدق عمري

المهم اقولكم : والله ويسكنون بحارتنا ناس يخوفون مدري وش ملتهم وانا مدري عنهم ومرة رحت اودي لهم قبابيط ، مار

يطلع ولدهم : قالي اقول ورا ما تنقلع انت وهالمطاريس اللي معك لأحوس وجهك فيها

والله واروح ما اخس مني خسيس

المهم رحت علمت امي وقلت لها السالفة قالت : ما عليك منهم ابحاتسي امهم ، المهم راحت امي لمهم وخشت

بعين امهم وصرنا اصدقا انحن واياهم

((( ولاعادت عليها من صداقة ))

المهم : شبكت ولدهم<<-- والله من غثيث بيفهم غلط

وصار صديقي ، اثر الخبيث المخبث ، راعي سفريات وراعي كحوليات

وانا باور هاوس لو يقولون لي بنص ما شريته

قالي : فص فص انت عزيز على وددي اوريك ليلي

<<<---- دلخ عاد انا على نياتي احسبتها عنز عندهم والا بقرة يدلعونها ليلي

الا والله يوم تبقشت الامور وراها <<--- خويته في البحرين ولد الذين



قلت وشلوووووون هي في البحرين وشلون تورينياها تنكت انت <<-- توني دلخ ما اعرف اتكلم بس اصبروا

قالي يالرخمة <<-- يقصدني

انروح انا واياك بكرة للجوازات وتطلع جواز وندز هناك للبحرين

;8 <<--- كن الفكرة طرخت باذني <<يعني جازت لي

قلت : خلاص المهم ذاك اليوم اللي طلعت فيه جواز

اي دورية اروح لمه اي مكان في نقطة للتفتيش ارز خشتي عندهم ابي احد يقول اثباتك عشان اوريه الجواز

حتى سمرمي شغالتنا علمتها
ومن زود الدلاخة واللخمة اوريها الجواز واقول شوفي <<--- سيم سيم

اقولكم : تواعدنا انا وسلطان <<--- نافخ الكير

اننا نروح عقب صلاة الجمعة <<--- تدري انا دلاخة من روحتنا اصلا في هالوقت

رحنا وخشينا حدود البحرين حول الاخير، وانا ملحس لو يقولي الهندي اللي في الشارع سلام عليكم <<-- قلت له

قسم برب الكعبة هذا السيف وهذا الخنجر ان اهلي دارين وهذا جوازي

دخلنا البحرين والله وندز لذيك الحمامات (وانتم بكرامة ) وابدل ثيابي وعقبها خشينا الديسكو وهناك كانت البداية :

<<--- يالوح اجل اللي فوق وش هوووووووو؟


دخلت الاستقبال حق التذاكر الا والله وذولاك الجلوف اللي لو يقولك التذكرة بمية ان تعطيه ميتين من الخوف

قالهم سلطان الخبرة : هلا<<-- وهو يميل رقبته مثل عرابجة منفوحة محمود موجود عاد هو ملعون يعرفهم كلهم وانا ملحس

ومن زين الطبايع طاق تكميلة الاتحاد (اصفر وواسود مخططه) وذاك الصروال القطن اللي مشقوق من عند الركب من

التزلق العصرية في في الملعب <<-- العب دفاع ويا رجلك ياللكورة والا احيانا اروح اجيب الكور في البلنتيات <<--

اجلس ورا الباب يعني

المهم خشينا الا وش اشوف وي وي وي وي وي <<-- السعبولة صبت وقلبي طاح بشليلي من اللي شفت ياربي رباه!!!

وكل ما مرت فلبينية انغز سلطان واقوله : سلطان شف شف هذي ليلي

بيني وبينكم طولتها مع ابو السلط قالي ورا ما تلفقها لأعلمهم انك ما قلت لاهلك <<-- حجر لي

المهم : والله ويجي الدجيه <<-- اللي ما عمره راح للديسكو ولايعرف شي يلـّعن والله ما اعلمه <<-- احلى يا فص فص رايح

والله ويبدا الدبك <<-- الدبتس يعني الهسترة

والله وتدخل ذيك الطويلة المزيونه الشقراء القطعه <<يعني تهبل

ومعها وحده : قلت بس هذي ليلى ومعها وحده مكلمها سلطان وقايل فص فص بيجي معي

نغزت سلطان وبكل ثقة قلت : جت ليلى << انا قلتها والا ما قلتها الا ذاك الكف الاعسم اللي يمشي الف (طرع) من قوته قسم بالله اذني ترن الين وصلنا الجسر

قالي وش فيك انت ;6 ذولا خكارية قلت وشوووو

طيب اخر مرة <<-- دلخ لوحة واستمارة ، قالي اقول اثقل لأوازن خدك الثاني

طلب سلطان طلب اسمه ياربيك وش اسمه اممممم ايه اسمه : كوفته <<-- لا احد يدقق

وانا قالي وش تبي قلت : عندهم غجر;1!!!<<-- شاهي احمر

عصب سلطان وقال الناس تجي هنا تمخمخ ، وانت ووجهك تطلب غجر ، الله ياخذني يومني اجيبك ياشيخ (( زين ناوي اقوله ابي دارسين اشوني ما قلت له ))

المهم بعد الاقناع والتحليف انه ما يسكرني <<-- ركبه ترجف من الخوف

جابو لي شاهي بالنعناع <<-- اي والله يا روح ما بعد روح

واقعد اشمشمه اشوف يمكن فيه شي والا شي

يوم تأكدت والله واشفط مندوبه

وانا قاعد ادردب من هالشواهي : الا والله وتطب ذيك القطعة <<-- يا قلببيييييي يازين الجمال اللي كذا <<-- خش جو مع السالفة

يوم شفتها واتذكر وضحى والحارة وانا اودي لهم المطبخيات <<-- فارسة احلامه وانا قاعد اتذكر وضحى حركت راسي بسرعة وطردت كابوس وضحى عني وبديت اناظر هالماخوذه

وش تسوي <<--- هبلت بأم امي تناظرني وتغمز <<-- سكرانه وحسبها لمي

قلت بس <<-- شافت هالفنيلة الخشكة قالت يا ولد هذا اللي نبي

( الا والله شافت هالفنيلة الصفرا قالت : هذا الدلخ اللي نبي )
عاد من زين السلوم

ما جبت معي الا مية وخمسين خخخخخخخخخخخخخ

بايع ديكة يوم الخميس ومسرفس وضعي <<-- يلعن ام الطلعة

قايلي سلطان تعال ما عليك محفول مكلفول <<-- وانا ما صدقت خبر

جتني هالشمحوطة اللي ذكرتني بوضحى ، قالت : وحياتك أووم أورأس معايا <<-- ترجموها انتم

هي قالت والا ما قالت الا والله اطمر <<-- واقول والله ما اردك يهالحمرا العطرا ، قالت ايش عم بتأووول : قلت لا ابد اتنحنح هههه
واقوم معها قدام الدجيه ( مكان العرض ) قدام البيست خخخخخ

الا وش تشوف : طاق الزبيريات جدد كلهن ودتس ولابس شرابات مع النعال <<--اللي يشوفني يقول شايب رايح يصلي العيد
اي ومعي كيسة حاط فيها شماغي وثوبي

اي والله وتمسكني وترقصني وانا مضيع لغة وشرعا قسم بالله العظيم

من قوة الفشلة اقولها وش رايك نرقص ورا الدرج <<---- قصدي شريف

المهم واطيح كم نوبة ويقوموني ماش حسوا اني بخرب عليهم الحفلة

جا سلطان يزعط انه يرقص ويتلني ويطلعني ونجلس على الماصة قالي : وش بك انت تبي تفشلنا قلت وش دعوى لا والله
بس هي قالت لي اول <<-- قايلكم دلخ
المهم قالي سلطان يا بطل انت اصلن احسن صديق جبته معي للبحرين <<--- انا ما صدقت خبر هماي قايلكم اطير بالعجة

الا واطلب مثله : فوتكة مدري كفته !!!

وتقولي احط كوولا واقول ماتت الرجاجيل عودي وراتس اقول
والله والعط ام ام الكااس ( بديت استلج ) <<-- يعني ارتفع فص فص

واقعد ارقص وارقص
واطلع وتجي دقة ملعونة ابو <<-- يرقصون عليها رقصة اسمها سيمبا

والله واشكل معهم اساسي

واصدمهم وادفدفهم <<-- ابخرب باللي هيبه

المهم انحاس وضعي وكيستي مدري وينهي

اي جت الساعة 2 وخلصت الدعثة والهسترة

<<-- بس ماش حاس ان فييني حماس اقدر اقدم للرياضة شي لخمس سنوات قادمة

المهم والله واتلفت يمين يسار يا ولد الكيسة وين غدت واكتشف ان كيستي انسرقت وفيها ثوبي الجديد وشماغي توني مفصله <<-- ادري ان الشماغ مايفصل بس لاتدققون

ما بي الكيسة ولا المية و خمسين اللي فيها <<-- من زود الذهانة انا وراسي مخلي الـ 150 في الكيس وانسرقت بس ما تهم
النكبة الجواز حاطه في الكيس وسرقته ذيك الشمحوطة اللي تشبه وضحى حسبي الله عليها

اشوا ان سلطان كان مزبن عمره بكم ريال ويا راسه حاسب عني وطلعنا ما اخس منا خسيس(مثل يوم يخسخسني انا وقبابيطي )
طلعنا وانا عيوني صايرات كنهن عبس خوخ <<-- غايصات من شي(ن) شافنه ومن هالبلا اللي شربته

اي والله وانتلحط يالله لقينا احد يودينا للجسر ، يوم وصلنا للجسر وشافوني <<-- وجهي تقول : كليجا من الورمة
شكوا في وضعي : وقعد يتشمشمني ذاك الشين وايا وجهه

قالي : اتغر وشبوا باللولاعة وقبست ضو ودروا اني معطبها;4<<-قوية
والله ويتصلون على ابوي ,, قالوا تعال خذ ولدك!!

أما انت يا سلطان جحدني يقول ما اعرفه ولا ادري وش اسمه

جحيد وامر(ن) بعيد ما بقى الاهي اعرف هالتماسيح لا وتسكر بعد

جا ابوي على بيوك موديل صفر وربط رقبتي بحبل ومسك خط الرياض ، ويمشي عشرين وانا اركض وراوه ومربوط بهالحبل <<-- عشان الريحة وعشان اطرش هالشر اللي بلعته وتكون لي درس!!!!

وعقبها رجعت ندمان على هالسفرة وضاع اجد ثوب لي ، ورجعت لشماغ العقل البرتقالي وتعيدت فيه وغديت في العيد كنى راعي ونش متقاعد

ما يستفاد من القصة :
1- قال تعالى(إنما الخمر والميسر والانصاب والازلام رجس من عمل الشيطان فاجتنبوه .)) الاية.

2- ضاع الثوب ياسفااااااااااااااااااااااابه

3- لا احد يصادق مثل سلطان هالتسذووب الجحدة

4- والله مايجي من السفرات والسربته الا الذنووب ومضيعه الدراهم طس للشرقيه وطافش في البحر وتجيك العافيه


فص فص

---

tw tw ,hg;p,g (hgv,hdi hgjd hf;j idthx ,ifd)