الموضوع: شف طعنتك جعل قلبك فداها

جعل, فداها

شف طعنتك وشلـون صايـر مداهـا

شف وين صارت بآخر ضلوع صدري


شفها تصوت لـك وترسـل صداهـا

شفها تقـول اليـوم مليـت صبـري


نـادت عليـك اليـن وقـف نداهـا

واشتاقتك تحضـن مساهـا وتسـري


حتى الحمايـم وقفـت عـن شداهـا

شف صوتها وشلون ماعـاد يغـري


لكـن تذكـر إنـك الـلـي بـداهـا

وانك نويـت بسـود الأيـام غـدري


مـن فعلـة الأيـام فيـك ورداهــا

نسيت اني بعـت لـك كـل عمـري


واللي تركـت القلـب يلعـب معاهـا

شف قدرها وشلون وتعـرف قـدري


وادري مثل ماجتـك تهـدي غلاهـا

اللي طعنت بخنجـره وسـط ظهـري


بكـرة تـذوق أيـام قلبـك ظماهـا

بكرة قنـاع الوقـت يظهـر وتـدري


وان كنت مخـدوع فـي لـذة بكاهـا

بكرة يبيعـك دمـع ماهـا ويشـري


وبكره تـدور الارض فيـك ورحاهـا

وبكره تعرف النجم من وين يسـري


لكـن تـأكـد يـامـدور رضـاهـا

ان فجرهـا مـاراح يشبـه لفجـري


وتأكـد إنـك لـو تعيـش بسماهـا

ان طهرها مـاراح يشبـه لطهـري


وشف طعنتـك يجعـل قلبـك فداهـا

شفها تموت وتسألـك ويـن قبـري


ودمتم بصحة وعـــــــــافيـــــــــة

---

at 'ukj; [ug rgf; t]hih