اعلمـه الرمايـه كـل يــومًٍَ

**فارس العصيمي** · 02-Dec-2006,12:51 AM

الرمايـه, اعلمـه, يــومًٍَ, كـل

الا قـال العصيمـي مادهانـي
شكيت الوقت واتعبني زمانـي

صغير السن لكن شاب راسـي
من اللوعات جانـي ماكفانـي

وانـا دالـه واغنـي للمحبـه
خلي البال واصـوغ الامانـي

حسدت ابن الملوح في غرامه
ياحظه كيـف غنـى للغوانـي

ابي اهوا وابي اعشق واغنـي
وابادل بالمشاعر من هوانـي

الين انه صدفني مـن سلبنـي
فريد الوصف بـراق الثمانـي

وهي صدفه ولكن اي صدفـه
مع اللي مبسمه كالـدم قانـي

ضحك لي ثم سلب عقلي بعينه
وسلمتـه مفاتيـح المحـانـي

يقول انه هواني قبـل اعرفـه
وانه بين خلـق الله شرانـي

هويته مخلص من روح روحي
وزاد العشق طبـع مغيرانـي

ما ابيه يحـب حتـى والدينـه
لانـي بالهـوا دايـم انانـي

حسبت انـي ملكتـه بالمـوده
ولكن خاب ظني يـا اخوانـي

اعلمـه الرمايـه كـل يــومًٍَ
فلما صـاد صيـد ماعطانـي

وكـم علمتـه نظـم القوافـي
ونظمها بالغزل في شخص ثاني

قهرني اااه ما اكبر ماقهرنـي
بعد ماصار مشهـور جفانـي

وعرفت ان الهوا سم مصفـى
ومن قلد يبا يلقـى الهوانـي

ابن فرناس قلـد لـه حمامـه
وطاح ومات واثر العمر فانـي

منقول

huglJi hgvlhdJi ;Jg dJJ,lWSQ

**ماجد العبيوي** · 02-Dec-2006,01:16 AM

مشكور اخوي على النقله

ويعطيك العافيه يالغالي

**الحالمهـ** · 02-Dec-2006,10:26 PM

مشكوووووووووووور

ننتظر جديدك

تقبل مروري

أحلاهم

**ديــآلـى...** · 02-Dec-2006,10:28 PM

ابن فرناس قلـد لـه حمامـه
وطاح ومات واثر العمر فانـي

صح لسانكـ خيوو

**المطيري** · 04-Dec-2006,02:44 AM

فارس العصيمي

نقل اروع من الرائع

وقصيده جميله جدا

دمت بود

تحيتي لكـ.

**عبدالمحسن العصيمي** · 04-Dec-2006,02:55 AM

الا قـال العصيمـي مادهانـي
شكيت الوقت واتعبني زمانـي

ونعم والله بولد العم

<< جرته الحميا :)

صح لساانك ملاييين وصح لساان شاعرها

لاتحرمنا من تواصلك

دمت بخير