الموضوع: قصة تحرير لبنان على يد الوافي وتركي

هايات ومرحبات ومليونات يا اجدع ناس

هاك السنه يوم الحصى تمر << يعني مبطي

مرني تركي الصبح حوالي الساعه خمس العصر كنت توي قاعد من النوم مواصل من بكرى الصبح

سمعت طيط طيط عند الباب

وانا اطلع افرك عويناتي مدري شسالفه بوجه الرجال الا هذا تركي يتبسم على هالصبح

انا دريت ان وراه بلا اخبره ما يبتسم الا في وقت المصايب

قلت خير انشاء الله

قال اقول قل قدام

طبعا انا فاصل الريوس عندي

قلت قداميييييين

قال مشينا

طبعا انا علي فانيله وسروال لاني ما احب انام الا على ظهري

هههههههههههههههههههههههههههههههههههههههه

<<< وش دخل هذي بهذي

انا ادرررررررررررري

المهم وانا اروح البس الشورت حقي
طبعا شورتي هذا له قصه اقولها لكم بعدين

المهم وانا اجيب معي كم شريط لانتركي جوه فكوك بلاشرطه حقاته

هو يحب الاغاني المرزفه وانا امووووووت بالحزن

لاحضوااااااااااااااااااااااااا قلت الحزن مو حزن اوكي شباب

<<< دقه حلوه

ههههههههههههههههههههههههههههههههههههههههههه

المهم قلت تركي

قال هاه طبعا هو ما يعرف نعم امر سم ما تعلمهم بالمدرسه لان معه سادس ليلي

هههههههههههههههههههههههههههههههههههههههههههههه

واليكم المحادثه بالكامل

تركي / اقول الوافي ان تدري وين نبي

الوافي / وانا وش درى امي

تركي / نبي نروح لخوالي

الوافي / اها قصدك الصومال

ههههههههههههههههههههههههههههههههههههه

تركي / اقول انطم لا انزلك

الوافي / طيب خلاص بس وين رايحين

تركي / قلت لك خوالي

الوافي / ايه يعني وين خوالك هالمره

تركي / لبنان

الوافي / اما عاد لبنان

تركي / ياخي طفش السعوديه وبعدين ماعندهم ماء زين

الوافي / يعني الماء الزين بس بلبنان

تركي / الا على فكره كم في حسابك

الوافي / ريالين ونص

تركي / عزالله عوايدك

لوافي / لا امزح عليك توي بايع الاسهم حقتي

تركي / يا ملعون اثره انت اللي نزلت سوق الاسهم يوم طلعت

الوافي / ايه وش على بالك انت بابا انا لو تبيني انزل اقتصاد أمريكا بلتوفون نزلته انا الوافي والاجر على الله

المهم قعدنا نمشي ونمشي ونمشي ونمشي

بصراحه انا جاني النوم

<<< عزالله عوايدك

هههههههههههههههههههههههههههههههههههه

وفجئه دق جوالي

دق علي المطيري

المطيري / الو السلام عليكم

الوافي / وعليكم السلام

المطيري / وينك

الوافي / موجود بالبيت قاعد اصلح المكيف خربان

المطيري / طيب وين تركي

الوافي / تركي بالمستشفى عنده حالت ولاده

هههههههههههههههههههههههههههههههههههههههههه

المطيري / ليش هو حامل

الوافي / الظاهر

هههههههههههههههههههههههههههههههههههه

المطيري / لا جد والله وين تركي

الوافي / تركي يطلبك الحل مات مقبل شوي

تركي / ( بصوت واطي عشان ما يسمعه المطيري ) ياحمار فال الله ولا فالك

الوافي / اقول يالمطيري

المطيري / هاااااه

الوافي / وانتم ماعندكم الا هاااااه

المطيري / اقول اخلص علي وش تبي

الوافي / اول شي قل والله انك ما تخهاوشني

المطيري / والله ما اقول لك شي

الوافي / ولا تهاوش تركي

المطيري / ولا تركي بس اخلص علي

الوافي / الصراحه انا وتركي سوينا خيانه ورحنا يم لبنان

المطيري / اللعن ابوكم ليه تزرفوني

الوافي / مو انا هذا تركي اللي خان

المطيري / انا اوريكم جعلكم ما توصلون

الوافي / الله يسلمك ما عليك زود

المطيري / طرق ( قفل الخط )

الوافي / تركي مالك داعي ليه ما قلت للعيال يخاوننا

تركي / يا رجال كلهم فكوك

الوافي / يالله على قولتك

المهم وصلنا الحدود السعوديه الاردنيه

ونخلص الجمارك والجوزات ونطلع يم الاردن

ويوم وصلنا السوق السوده

قلت تركي

قال هاه

الوافي / وش رايك ناخذ لنا بيره

تركي / ليه ما اخذت بيره من السعوديه

الوافي / بيرة السعوديه ما تصلح نبي بيره مغشوشه

تركي / انطم والله ما تذوقه

الوافي / خلاص يا فكك مانبي شي بس امش

المهم طلعنا من الاردن الى سوريا وبعدها الى لبنان

وصلنا لبنان

جينا عند الاشاره

لقينا واحد قاعد يشر لنا

الوافي / تركي اوقف شف هذا يشر لنا

تركي / وقف وفتح النافذه

البناني / اهلين وسهلين شو خيو انتو سعوديين

تركي / لا انا لبناني مضلل

الوافي / يضحك ( طبعا يجامل تركي والا السالفه ماتضحك )

البناني / بدكو شئه

تركي / لا مشكور معانا خيمه

الوافي / ( يهمس بأذن تركي يا اخي الفكك معانا معانا حتى بلبنان )

تركي / ( عطاها القاز ومشى وخلاه )

المهم وصلنا الفندق الشرتون ( اقصد فندق عم شنبو )

وناخذ لنا سويت ( اقصد غرفه مترين بمتر )

المهم وننام لين جاء الليل

انا حسيت ان فيه صوت برا

الوافي / تركي تركي قم شف وش السالفه انواع الاصوات

تركي / اقول نم بس هذا المكيف خربان يطرطر

الوافي / ياخي صوت قنابل

تركي / ( يضحك ) انت شارب شي وانا ما ادري

الوافي / والله مدري بس كني سمعت شي

المهم انا عجزت ارتاح قلت ابي انزل تحت واشوف وش السالفه

وانا البس ملابسي وانزل تحت

ادور احد اناظر يمين ويسار ما فيه احد

وانا اطلع يم تركي

الوافي / تركي لعنبو حيك مافيه احد ابد مدري وين الناس

تركي / يمكن مسكرين وقت صلاة

الوافي / اي صلاة كلهم مسيح ما يعرفون الصلاه

وفجئه طرخ طيخ طرع دف

تركي صار تحت السرير من الخرعه وش السالفه

وانا اصير في داخل الدولاب يعنني ذكي

وهو يشتد صوت الضرب

انا اقول في نفسي الله لا يبارك فيك يا يالمطيري كله من عينك

وش نسوي الحين وش نسوي

الوافي / تركي تركي

تركي / هااااااااااااااااااه

الوافي / كيف الاوضاع الامنيه عندك

تركي / الاوضاع زفت والامن متحلل

الوافي / طيب قل قداااام

تركي / قداااام

الوافي / نطلع نشوف وش السالفه

تركي / يالله مشينا

المهم وننزل تحت ونطلع من الفندق ونروح لشارع

ياللللللله وش السالفه وش هالعالم رشاشات ودنيا

تركي / الوافي انت تشوف اللي انا اشوفه

الوافي / حنا بعلم والا حلم

تركي / ياخي يذكروني بالافلام الامريكيه

الوافي / لا والله يذكروني بالبلاستيشن

تركي / ايوه الحين اكلنا تبن من جد وش نقول لاهلنا وانا قايل لهم ابي اروح اخذ عمره

الوافي / ابد قل لهم ضيعنا الطريق وفجئه صرنا بلبنان

وانا اروح اسئل اقرب واحد بالشارع

الوافي / انت يالحبيب وش السالفه صاير عندكم حرب شوارع

البناني / شو ياخيو انتا بستخف دمك شي

الوافي/ لا والله بس اشووف رشاشات وحركات

البناني / هيدي اسرائيل عم تحاربنا

الوافي / لعنبوهم وما حاربوكم الا يوم جينا
ههههههههههههههههههههههههههههههههههههههههههههه

وترقبوا الجزء الثاني من القصه

في الجزء الثاني

الوافي / يقتل اربع اسرائلين

تركي / يعض واحد مع رجله وينحاش

اللقاء الذي جمع الوافي وتركي مع حزب الله

عندما حرر الوافي وتركي جنوب لبنان واعلنوا الانتصار على اسرائيل


نراكم لاحقاً