الموضوع: مرثــــــــــــــــــــــــــــيه

[align=center[color=#0000FF[align=center]]]هذه مرثيه قالها احد أصدقائي في قريبا له قد توفي في حادث مروري مروع
وكان المتوفي رحمه الله ذاهب ليأخذ شهادة البكلريوس من جامعة الملك سعود
وكان صاحب القصيده صديق حميم للمتوفي رحمه الله وجاءه بخبر وفاة صديقه
واحد اسمه خالد وقد جاء ذكره بالقصيده . وهذه القصيده انقلها ألى حضراتكم .[/color]
يا ناس بالله لا تجيبون طاريه انا اكره اللي لي العلم جابه

يا ناس من قاله وانا بس اراعيه كنه طعني في شطير الحرابه

يا ناس يا شين الخبر بين اشافيه ابشع خبر بالكون خالد لفابه

يا ناس عبرات الزمن في بلاويه من حكته سود الليالي بكابه

ياللي تعزي خافقي لا تعزيه ما كل لوعات الليالي تشابه

بعض الهموم ان جت على القلب تعميه تجعل صناديق الضماير خرابه

يا ناس عزو من قضى الليل يبكيه وأُمن من الفرقى تشقق ثيابه

وعزو الشهاده والوظيفه وكرسيه والمدرسه والبيت وارض وطابه

وعزو كل شخصا سمع فيه حتى القمر والشمس عزو جنابه

الا خفوقي اتركوه ابي أعزيه واذكر موت النبي والصحابه

مرحوم ياللي سلم الروح لباريه اللي توفى ما تهنى في شبابه

عسى المولى من لاهب النار ينجيه منا الدعاء والله عليه الاجابه

الله يجبر بالعزى قلب مغليه ويعزي اللي ما عزى في غيابه

عهدا علي لزور قبره واناجيه وابكي على قبره وابلل ترابه

وعهدا علي لقضي حياتي وانا ارثيه وان مت بكتب بالوصيه رثابه

تكفون يكفي لا تجيبون طاريه لا تذكرون القلب يكفيه ما به



وسلامتكم واعذرونا على الاطاله

الفيصل% [/align][/align]

---

lveJJJJJJJJJJJJJJJJJJJJJJJJJJJJdi