الموضوع: قصه كليب وجساس بالحجازي < موتو ضحك

موتو, قصه, كلية

[align=center]السلام عليكم ورحمه الله وبركاته00

القصه بغرض الترفيه فقط00
0000000000000000000000000000000000

اولادي اقولكم الحين لمن التقى جساس با الحونشي داك اللي شايف نفسه

مره اللي اسمو كليب

خدو الروايه :

كليب كان ماشي في برحه مررا كبيره وما في ناس ولا في احد جنبو00

والواد جساس بصراحه خلبوص شويه وجبان00لانو استغل وجود الحونشي

كليب لوحدو00


المهم عمنا كليب كان ماشي بأمان الله و قاعد يشم شويه هوا بعيد عن رجه

البزوره والبيت ومشاكل عيال عمو و قلق الناس اللي عندو00


المهم جا الولد جساس وقلو: انت يا كليب



وطبعا كليب ادالو اشكل وما رد عليه ولا ادالو وجه00



قالو جساس: انت يا كليب رد اشبك قاعد اهرجك يا هووه


وداك مدي اشكل وربي ولا هوا معبرو00


جساس : شوف يا كليب انت كسرت الماصوره حقتنا00ولا خليتنا نشرب مويه00

لا نحنا ولا غنماتنا ولا جملاتنا00وكل هادا واحنا ساكتين

وقلنا عيب مو مشكله دا برضو ولد عمنا ومن لحمنا ومن دمنا وكبير العيله

لكن انك تفرد عدلاتك {عضلاتك} على جمل خالتنا { البسبوسه } وتقتلها كمان؟

لا يا حبيبي دا مو كلام رجاجيل واللي انت سويتو غلط في غلط00

مو عشان سكتنالك تحسبنا خايفين منك00نحنا احترمنا صله القرابه اللي بيننا

وقلنا هدا { بو رحم } مننا وفينا بس انتا با المرا خبصت ام الشغله



ومع كل دا الكلام والحونشي عمنا كليب مديلو اشكل بقوه ولا كانو في احد با

المره00


جساس صرخ بصوت الي مرررا :

انت يا كليب يا اخي رد علينا اتبكمت ولا ايش؟

انا عارف انك ما تطالع وراك الا ادا كان في بشكه اقل شي اربعين راجل


كليب طبعا رد وهوا لاوي بوزو ويعني انو قوي مررا

وقال: لا يا ابويا انت غلطان انا ما ارد الا لمن تكون البشكه خمسين راجل

ساعتها الواد جساس جسمه اتكهرب شويه بس سوى فيها انو ولا هامو00


وداك عمنا طنش وكمل مشيو مع الحصان حقو00

المهم الواد جساس طرطعت معاهو ركبو 100 عفريت

وفي لحظه غضب الواد جساس طلع الرمح حقو00 ورماه على عمنا كليب

و غرزوه في ظهره00

قام يتالم ويتبكبك الحونشي كليب وقعد يصرخ بصوت عالي كانو {بعبع }


الواد جساس قال: يا واد ما يبغالها الا افركلها واشرد00لا يجي احد دحين ولا

يجي الزير ويسويلنا قلق محنا فاضينلو دحينا

وهاتك يا فكيك ودق سلف با الحصان حقو ونمر لها00


اما عمنا كليب حالتو صارت حاله00قام يزحف على بطنو شويه لمن وقف على

على رجولو ومشي والرمح معلق بظهرو00لمن التقى بواحد بدوي حق غنمات

لمن شافو البدوي انفجع00

وقلو مو انت عمنا كليب اشبك كدا ايش صار فيك يا عمنا

رد عمنا كليب على البدوي وقلو: روقنا يا اخي مو وقتو00ما تشوفني مغرق

با الدم وانت لسى تسال00

يا اخي جبلي شويه مويه ابغى اشرب يا واد

البدوي صاحبنا جابلو المويه وشربو00


كليب: اسمع يا واد انا غدربي الواد جساس واكلني الرمح حقو في ظهري

من ورا00 واللي خلق امك لو انو كان قدامي كان عرفت اتصرف معاه00

لكن هوا رمه وجبان وخيخه وجايني من ورا لكن مو مشكله انا اعرف اخد حقي

حتى ونا ميت ورايا رجاجيل تاخد حقي يا ابويا


وقال كليب للبدوي:حكتب لك وصيه تخليها حلقه بودنك

وحكتبها عا الجدار دا بدمي00

{ لانو ما كان معاه قلم ولا ورقه ولا حاجه امكن نسيها في البيت}


ولازم اخويا سالم الداشر يقراها00

وبعدين الله يخليك سوي معايا معروف واقتلني بعد ما اغلق القصيده

قبل ما يعفن ظهري وتصيبني الغرغرينه00

{سلام و قول رب رحيم}

قلو البدوي طيب0

ةبدا ابو الشباب يكتب الوصيه


وهي كا الاتي :

اول بيت يقول استغفر الله اله العرش لا يعبد سواه

وتاني بيت يقول:الملك لله رفع السما وبسط الارض

و تالت بيت يقول:لا تنسى اليتامى وتخون العهد يا دب

ورابع بيت يقول:الله اكبر عالظالم المفتري الغدار اصحك تسيبو او تسامحو

وخامس بيت يقول:جساس خمني وغدر بي وطالع عا الجرح بظهري وانت تعرف

وسادس بيت يقول:الزير اخويا اعرفو قوي وشديد يمرمط العدوين

ويشفلطهم شفلطه00

وسابع بيت يقول يا سلومي يا ابو السلالم بطل حركات البزوره وخليك راجل

و البيت التامن يقول فيه: شوف يا سالم لا تخلي ولا واحد فيهم لا راجل ولا شيخ

ولا عجوز ولا حريم00

واقتلهم كلهم كل واحد و مرتو حتى البزوره لا تسيبهم المهم فقع ابوهم كلهم

وتاسع بيت يقول: لا تصالح اي واحد منهم وربي لو صالحتهم لا اشتكيك لربي

وعاشر بيت يقول: لو ما سمعت كلامي دا وسويت اللي وصيتك عليه نتقابل

نتقابل عند قاضي القضاه رب السموات والارض00


المهم بعد الهرجه هدي صاحبنا البدوي راعي الغنمات كمل على عمنا كليب

حسب طلبو00


المهم الهرجه هدي وصلت حاره كليب واهلو عرفو با الهرجه كلها

وطبعا اخوانو سوو فيها كيف ما كيف ومن الكلام دا

ونحن نفعل ونحن نسوي وحقنا ما يروحلو على شواربنا ومن الخراط دا


المــهـــــــــــــــــــــــــــــــــم00

راحو عند بيت عيال عمهم واتقابلو مع ابوهم يعني قلك يسو مفاوضات

وهادا بدال هدا وما ادري ايش المهم ما اتفقوا وقالو خليني نشوف الدب الداشر

سالم ايش يقول00

وبعدين صاحبنا سالم كان سكران مع ولد عمه همام00{ابو رحم} يعني رحيمو

تعرفو ن كانو داشرين حقين شراب وبنات وكباين وشاليهات

و مخلينها خل وطرشي00

المهم ارسلو واحد يقولهم الهرجه

وكان الدب الداشر الزير سكران مقربع مزبوط و مؤجر السقف العلوي با الملحق

كمان00و طل همام وعرف الهرجه

و فجاه طلع لهم الدب الداشر وقال: اشبكم يا هووو اش الهرجه قاعدين

تتوشوشو على ايش؟

احسن انو في شي بس ما تبو تتكلمو00 بنت يا ضباع اش الهرجه؟

المهم العالم خافت وقامت تنفض من الخوف0سحبو همام وقلو نخش جوا نتفاهم

مسكو من صدرو وقالو يا هوو اش الهرجه قلبت راسي وفكفكتها معايا00

وانت عارفين اننا مروقين وشاربين

قلو همام: شوف لو قتلو اخوك كليب اش تسوي؟

قام ضحك الدب الداشر الزير الا شوي كشر بوجهه وقلب قاروره الشراب

وخلاها تقطر شويه شويه00

قلو: شايف هدا الخمر كيف يقطر ؟

طالع همام مستغرب00

قلو لا تستغرب يا واد00لو قتلو اخويا انا اخلي كل قطره من دمو براس رجال

من قبيلتهم00

وانت شوف اخويا قد ايش عندو دم { بكاش هادا الزير}

المهم همام قال: يا هوووو ما بدها خليني اديلو الهرجه واللي يصير يصير

وقلو الهرجه00 والدب الداشر سالم سوا مناحه ديك الليله00

وهاتك يا صراخ وبكا زي البزوره00تعرف مع السكار والخبر اللي مزفت

نكب الدنيا00المهم قعد يقول اشعار و تهديد وتخويف ومدري ايش من الكلام دا

حق السكرانين00لمن طلع الصبح وصاحبنا نايم عا الدكه وحالتو با البلا



ولد اختو من جد ندل قال لابوه: هيا نقتلو وهوا نايم ونفتك من شره

ابوه طرطع قلو اشبك انت مجنون00يا واد عيب دا خالك0

المهم صبح الصبح00 وكل واحد يبغى يسري عند اهلو عشان يشوفون ايش

الهرجه00وكيف راح يدور البوكس {المعركه} بينهم

وقبل ما يمشون سوا فيلم هندي الدب الداشر وقرينه همام00

قلك ما راح اقتلك ومدري ايش وما راح تكون خصمي يا همام

وقلك همام يقول لا يا هووووووو كيف هدولا اهلي وبرضو ما اعتقد اني بسكت

ومن الخرابيط هادي00


المهم كل واحد منهم سرى عند اهلووقالو بيننا البرحه ونشوف مين يغلب



وباقي القصه يا اولادي احككيكم هيا لمن تنجحو وتجيبو الشهاده

واقولكم اش سوى ابو ليلى فيهم00000[/align]


[align=center][glow=000066]ღ رقيّـق المشاعـّـر ღ [/glow][/align]

---

rwi ;gdf ,[shs fhgp[h.d < l,j, qp;