الموضوع: _;`';_._;`';_ المطيري و الوافي و تركي الرياض _;`';_,_;`';_

السلام عليكم ورحمة الله وبركاته


اليوم سالفتي سالفه غير

وهي قصة صارت بيني انا وتركي الرياض والوافي

نبدا القصه


كنت امشي مع الطريق

وقاعد افكر في الحرب مع السحالي

وسلسله افكاري وشلون ابيد السحالي من على كوكب الارض

واتذكر الاخت عذرا القوافي هي وحاطه تحت نكها رئيسة زهور المنتدى

قال زهور قال <يتطنز خخخخ

طبعا زهور كبيره بس وش نسوي لكن بالعربي سحالي زهور مافيه

وافكر وشلون اخليها تعلن الخساره الفادحه اللي المت بها

هي حاسه انها خسرانه بس تبي تكابر << مهزوم ويكابر خخخخ

طولت السالفه يوم اقول لكم اني كنت غافل

انا اصفق في كرسيدا 82 واقفه عند الاشاره

والعقال وقع على الطبلون والخشم جته ضربه من الدركسون

وصحت كله منك انت اللي ربشتني حرب في عينك خخخخخخ

والاشاره تفتح على طول وهو يحرك راعي الكرسيدا وياشر لي يعني صفط على جنب

انا صابتني ام الركب وتلعثمت لما وقف

وهو ينزل من السياره الاول الا هو افغاني كبر البعير

والثاني الا هو مصري طوله 10 وعرضه 20

والثالث السوداني سيقانه اطول مني خخخ

اكون معكم صريح انا اخذت في غيبوبه 5 دقائق

ولا صحيت الى انا فوق كبوت السياره مدري وش صار وش جابني هنا

وهم واقفين ينظرون في حاقدين

الافغاني : انت مافي سوف

قلت الا سوف بس فرامل كراب > من الخوف

الافغاني : ليس يمسي وهزا فرامل كربان

قلت انا كلو كربان بس انتىت مافي زعل

الافغاني اسكت مافي كلام

قلت طيب لاتنفخ <انا نسيت كنت ابي اهايط وبلشت

والافغاني يرفع يده يبي يضربني

قلت وقف تصوير خخخخ قصدي قلت لاتضرب انتا عقل كبير يضرب انا ليس

سوف جسم صغير بعدين يضرب انا روح تشليح مافي قطع غيار

المصري : ائولك ياولد

قلت ائول ياحبة عيني <قلت ممكن يرحمني هههه

المصري : مابتشوفشي العربيه تخبطها من الخلف الغلط عليك

قلت بعرف الخطاء عليه ومستعد اسوي لك العربيه بس ماتستعملو العنف معاي

المصري : مش حضربك دنا اصلا اخاف اضربك افتح في وشك ورشه سمكري <المصري طيب وينكت خخخ

قلت اهم حاقه ماتفتح في وشك شي دنا غلبااااااان

المصري : اسمك ايه ؟

قلت دنا غلبااااااااااااااااان

المصري : اسمك ايه خلصنا

قلت الراقل القدع المطيري

المصري : (يضحك) ال قدع ال

بصراحه طاح وجهي حسيت انهم حاشريني

السوداني : اسمع يازول داير اتكلم معك ليش ماتسوغ صح

قلت انا اسوغ صح بس عندي حرب مع السحالي مسوي معاي مشاكل يازول

السوداني : السحالي ايه يازول ؟

قلت يعني البت عندكم

السوداني : ياخي البنات حلوات مره ليه يعاكسوك ؟

قلت هن حلوات يازول بس دايرات يسون مشاكل في المنتدى وانا قاعد اناضل مع الشباب

ويعاكسوني في ايه يازول شوف الوجه عندي كنه لوحة امامك تحويله ههههه

الافغاني : ايس كلامات فاسدات

قلت هذا كلام انا كويسات

الاقغاني : ايس قول بنات هلوات هذا مافيه كويس

قلت من زيت خشتك وركبتك تقل فاروع مكسور

ويجيني البوكس يمشي 220 الا انا على رقبتي

طلعت بخدشه اسفل الصدام قصدي العين وضربه كبيره في الجبهه لن تذهب مع مر الزمن

قلت انت مسوي قوي دقيقه ابي اتصل على خوياي يجون يصفقونك


ابحث الوافي الوافي ايوه هذا رقمه

السلام عليكم

الوافي : عليكم السلام ورحمة الله

وشلونك قلبي <مسوي رومنسي عشان يفزع خخخخ

بخير ياخشمي < من زين خشمك يشبه سيقان السوداني

قلت ابي فزعتك يابعدي

الوافي : ابشر بعزك

قلت انا علي مشكله وابي فزعتك

الوافي : حدد موقعك ودقيقه وانا عندك

قلت له المكان قلت اجل ابي اتصل على تركي ابيه يفزع

الوافي : هههههههههههه

وش فيك تضحك ؟

الوافي : تركي معي

والله

تركي الرياض : هالوووووووووووووو

تركي كم مره قلت لك حاول تهدي الصوت عندك <سكرت اذني

تركي الرياض : هخكهعخمه لا بس متحمس < براءه الضحكه ههههههه

قلت ابي فزعتك تركي

تركي الرياض : جايك يالمليون ثواني وانا عندك

قلت كفووو تركي

تركي الرياض : اقول لايكثر بس <زرفني ههههه


وانظر فيهم قلت اصبر علي اذا ماصفقوك الحين اذا انت رجل لاتروح

الافغاني : يضحك اسوف ايس في سوي انت كلو خرطي <يعرفني شكله ههههههه

دقايق الاالوافي وتركي مصفطين

ونزلوا تقل في فيلم امريكي قلت شكلهم يبي يكسرونه

قال الوافي وش السالفه

الافغاني : ايس يبغى انت روووه

الوافي : اقول اكل تبن لا اطاء على غاربك < شجاع

المصري : اسكت يابتاع الكبسه <حسيت انها خطيره

تركي الرياض : يالمصري لو سمحت انت من الاشقاء العرب خلك معنا نبي نتفاهم مع الافغاني

الوافي : ياخذني انا وتركي على جنب

الوافي : شباب تعرفون انه معي الحزام الاسود ؟

قلنا سوى ايه عشان كذا اتصلت ابيك تكسره

الوافي : لكن مقدر

افا ليشششششش الوافي

الوافي : انا نسيت الحزام الاسود في البيت < يعني ماتقدر الا اذا انت لابسه هههههههههههه

<طبعا حنا منسمين قلنا هذي مشكله اجل نهدي الوضع

تركي الرياض : يا افغاني

الافغاني : ايس يبغى ؟

تركي الرياض : فيه مره افغاني دخل صار عليه حروق ودخلوه قسم العظام ليه ؟

الافغاني : ليس

تركي الرياض : خويه مطفي النار بالكريك والطابوق هههههههههههههه

الافغاني والمصري والسوداني والوافي وانا < ههههههههههههههههههههههههههههههه

طلع تركي خطير قدر يمتص غضبه بمصاص حليب سعودي خخخخ

الافغاني انت خلووووووو ( حلو )

تركي : انت اخلا ههههههههههههههههههههه

الوافي : يالربع اوعدونا نبي نتقهوى

السوداني : ياخي مادايرين قهوه عاوزين نمشي

تركي الرياض : ماتصير واعيباااه قل تم طالب هالخشم

الافغاني : لا انا فيه مسغول الحين مره ثاني انسالله

يالله اي خدمه لكم

الافغاني : ثاني مره انت شوف طريق مافيه يكلم جوال ولا رساله حبيب مال انتى ولا في شغل مسجل هذا طريق مشكله لازم شوف < اسبوع المرور ههههههههه

وقفه : انتبهوا من الطريق وحاول وانت تسوق ماتلعب في الجوال عشان كل يوم اكثر من وفاه كل بسب الحوادث الروح غاليه لاتخليها ثم لعبه ( ثمرة الموضوع )

وراحو وانا امسك الوافي على جنب قلت ثاني مره لاتجيني الا ومعك الحزام الاسود ترا ماكل مره تسلم الجره

الوافي : ياخي انا متعود البسه بس اليوم نسيته

تركي الرياض : اقول تبون نتطارح هههههههه

الوافي : تركي تصدق انك فاغر ياخي ماتعقل انت

تركي الرياض : بس قلت يعني نسوي حركات احمى عشان لو صار شي مره ثانيه نكون جاهزين

انا : صح تركي اكتشتفت انك عندك افكار مستقبليه

تركي الرياض : اقول انطم وثاني مره لا تتصل ترا تعبت وانت كل شوي مشكله وانت رخمه

انا : طيب لاتقول رخمه

تركي الرياض : الا رخمه ودجاجه صقعاء ههههههه

انا : طيب لاتسب

تركي الرياض : هذا اللي قدرت تقوله اقول انطم لا اطاء في بطنك في هاالاسفلت

الوافي : خلاص ياتركي لاتفرد عضلاتك عليه

انا : وش رايكم الليله تتقهون عندي

الجميع خلاص نمرك عقب العشاء نبي نناقش الروابط العائليه والحرب العالميه الثالثه بين السحالي والتماسيح


انتظروا الجزء الثاني من الاجتماع اللي جمعني مع الوافي وتركي الرياض


اسف ع الاطاله

دمت بود

تحيتي لكـ