الموضوع: خلـي هجرنـي تكفـي يامـــوت زرنـي

السلام عليكم ورحمة الله وبركاته

هذه قصيده للشاعر سعد بن جزاء الميموني واعجبتني وحبيت أنقلها لكم





خلـي هجرنـي تكفـي يامـــوت زرنـي
وان ماقدرت دلني مكانـك وانـا جيـك


مابـي حياتـي دام خـلـي هجـرنـي
مابـي حياتـي دام يـقـول مابـيـك


يدري بظلم الناس يدري وظلمني
واكـد كلام اللـي يقولـون ناسـيـك


لاكـن قبـــل لاتاخــذ الــروح مـنـي
بسـأل حبيبـي كـم سؤالـن وخاويـك


وشلـــون قلبـك ياحبيـبــي تركـنــي
وتدري خفوقي كم لـه سنيـن هاويـك


ومــاتـدري بعـادك وصـــدك ذبحـنـــي
وماتدري عن دمع نثرته وأنا ارجيـك


اسأل جميع النـاس وش صـار عنـي
اسأل وش الي صار في حـال مغليـك


لو عاش عاقـل عيشتـي كـان جنـي
حالـي لـو تشوفــه بعينـك يبكـيــك


لو علموك وش كثـر قهـري وحزنـي
من يوم حبي انتهـي وصـار ماضيـك


لو علمـوك عـن قلبـي يلـي يونـي
مطعـون يصـرخ يشتكيلـك ينـاديـك


صار الحزن هـو لعبتـي صـار فنـي
ابكـي نـدم والله الـي حـل طاريـك


ضيقة صـدر ويـا الهمـوم اسكنتنـي
احكـي وكمـل والا ماقلـت يكفـيـك


الـي سمعتـه بسبتـك انـت جتـنـي
عطيتني كرهـك وانـا الحـب معطيـك


ضاعت سنينـي وانـا بالحـــب ابنـــي
قصوووووور وانهدت سبب فعلـة يديـك


جــاك الوفـا والحـب والعشـق منــي
حتي الوله والشوق والصـدق مهديـك


قلبـي وفالـك وانـت قلبـك خدعنـي
خـدع قلب كـان بالحـب شــاريـــك


كـذب وخيانـه وغـدر قلبـك حظنـي
في وقت قلبـي فيـه يسهـر يداريـك


ماكنت اظـن بقصـدك بحبـك تذلنـي
ذليتني من عقب مـا مـت انـا فيـك


هـذه حقيقـه بعـض مامنـك جتنـي
وبعض الـذي اسقيتنـي سـم بيديـك


مــاكنـت ساكــت خايـف بـس لـلــي
ميت بحبـك مقـدر ازعلـك واشقيـك


حرمـت اقـول مـن محبتـك عطنـي
مـدام غيـري فـي محبتـك مرضيـك


ببعــد بعيــد وواعـدك مــا أحـنـي
ابشـر اببعـد ومـع حبيبـك بخلـيـك


وابـي مماتـي ياخـذ الـروح منـي
تـاركلـك الدنـيـا بـهـا الله يهنـيــك


واليا سأل في يوم أنـا انسـان عنـي
قلـه توفــي والسبـب طـعـن بيديــك